Wooloomooloo Steakhouse

营业中

休息中

今日晏晝試下呢間Wooloomooloo，未食過，12點去到，table for one坐低，好快叫左Set lunch:Appetiser: crab cake +$58Main course :Grilled breef tenderloin Ice coffeeBread 可refill～～～～～～～～～～～～～～～～～麵包好食，鬆軟食4件已夠，唔洗refill蟹餅一流，切開標煙，極多蟹肉，香到不得了主菜 牛腰嫩肉，Medium rare，好食嘅，肉味幾濃，個醬鹹鹹地幾開胃～～～～～～～～～～～～～～～～～侍應好好禮貌，會問洗唔洗加麵包、蟹餅要唔要加胡椒、牛會介紹幾款汁、問要唔要加甜品同問啲野食點埋單先$282，抵俾啦，尖沙咀望海，又坐得舒服，野食又正，蟹餅必食呀

✨Executive Set Lunch $168平日既中午有set lucnh menu 有幾款前菜 主菜同甜品可以揀~🍴Crab cake +$58呢款蟹餅真係好正 食到啖啖蟹肉😋 好真材實料 醬汁係他他醬 加埋食落口感creamy 仲有沙律菜食落幾fresh 🍴Pan Seared Seabass 香煎鱸魚柳 魚皮煎得香脆 魚肉保持多汁嫩滑 配埋普羅旺斯燉菜 用蕃茄醬塗滿一片片嘅茄子 翠玉瓜 甜椒 再鋪係魚柳下面 ❤️🍴Rib Eye 340g Medium $460用咗昆士蘭100日穀飼牛 再經過2至3星期濕式熟成 配搭紅酒汁 食落肉質比無熟成處理過既更多汁 肉味更濃 店員亦提供左3款芥末醬比我地 食落有唔同感覺😆餐廳有落地大玻璃可以望維港海景 好岩拍拖結婚周年紀念食✨附近亦有好多特色餐廳 係食飯好去處😝

坐擁維港美景又就腳的尖東美食里ᴀʟꜰʀᴇꜱᴄᴏ ʟᴀɴᴇ 一向係潮人、上班族晚飯、ʜᴀᴘᴘʏ ʜᴏᴜʀ的好去處。美食里一帶有大量不同特色的餐廳、酒吧營業。要數當中老字號的高質餐廳酒吧，必定要提在此開業已久的澳洲扒房ᴡᴏᴏʟᴏᴏᴍᴏᴏʟᴏᴏ。在尖東的ᴡᴏᴏʟᴏᴏᴍᴏᴏʟᴏᴏ樓高兩層，有大量戶外及室內用餐位置，下層還有半露天設計，室內以暗黑的深木色裝修，.ʜᴀᴘᴘʏ ʜᴏᴜʀ 時段到晚上7時，來ʜᴀᴘᴘʏ ʜᴏᴜʀ的人流甚多，入黑後更座無虛席、氣氛一流。.❀ ꜱᴛᴇʟʟᴀ 💲45 (ʜᴀᴘᴘʏ ʜᴏᴜʀ).✿ ꜱᴀʟᴍᴏɴ & ᴛᴜɴᴀ ᴛᴀʀᴛᴀʀᴇ 💲195前菜先來一個賣相滿分的三文魚及吞拿魚他他。醃製過的三文魚蓉及吞拿魚蓉再混合紅菜頭蓉，面鋪上黃金色的飛魚子，加上法式酸忌廉調味，配襯香口的麵包脆片，味道清新。.✿ ʙᴇᴇꜰ ᴛᴇɴᴅᴇʀɪᴏɪɴ ᴄᴀʀᴘᴀᴄᴄɪᴏ 💲168意式薄切生牛肉是每次到訪也每點菜式。醃好的生牛肉薄片配上火箭菜、松露蛋黃醬、巴馬臣芝士，是很惹味的一客餐前小吃。.✿ ʟᴏʙꜱᴛᴇʀ ʙɪꜱQᴜᴇ 💲160龍蝦濃湯口感柔滑，龍蝦味濃，龍蝦肉份量也不少。.✿

朋友生日今次第一次試下同朋友食Brunch, 看openrice中相片睇落好似幾吸引,好似景觀幾好,第一次到這餐廳一入到去感覺真係好舒服,觀景好好,當日天氣,餐廳玻璃窗多觀景好好望倒海景好正,.座位都好舒適,職員態度好,有禮貌,食物不錯味道啱啱好,餐價錢不算貴,食品質素及價錢可以.We will be back!!

滿有期待去這間餐廳， 環境如推介一樣都是維景境， 真係靚。 一入到餐廳都好好， 餐牌已經放下，見到咁靚環境， 當然第一時間拍照， 一陣子服務員上前問要點什麼， 我們便說未得， 便開始選要什麼， 在商討及考慮中， 服務員又來問要什麼。 我們仍然說未得。 最後選定食物之後， 叫她們落單。 過程順利。野飲到了 我們開始又拍攝， 食物到了開始食東西， 邊傾邊食。 原來追趕的節奏開始了， 當我們一放下刀叉， 服務員就上前問食完嗎？ 只是放低一陣就問， 我們開始不敢放低刀叉， 有幾次擰起杯野都擰住刀叉， 好忙， 急急食完， 稍作休息又效上另一樣食物， 又是如此。 。 急到有些食物相都影不了😫 咁趕為咩， 又沒有時限… 想收工嗎？。我們叫了2個set dinner, 及2杯野飲。 老實說食物質素一般根本不值這個價錢， 貪環境的話但咁樣趕急食野又更加不值😫

之前見有朋友去食wooloomooloo,睇相好似唔錯咁，仲話bookmark左等有機會同我去試下～最後我地搵左個星期六去食😝Weekend Brunch 每位$248有前菜，湯，主食加飲品，甜品就另計😆星期六日weekend brunch可以由12:00坐到3:00可以慢慢食，慢慢傾😆食物方面…頭盤當然一定要食佢地嘅signature Crab Cake啦，真心唔錯😋啖啖蟹肉一絲絲拉出黎，可惜唔夠熱😅Main Course就介紹大家食三文魚柳同牛柳，牛柳有驚喜好juicy 唔會太乾…再配薯蓉簡直係一流👍🏼三文魚仲可以揀幾成熟，朋友揀咗七成，肉質好嫩滑甜品就大推心太軟啦😍，真係流心熱辣辣唔太甜😋signature dish Passion Fruit Tart 即刻比下去😅服務：清一色外籍侍應，全部服務都好好又有禮貌👍🏼每一道菜都會拎定個黑胡椒過嚟問你要唔要加，因為今日朋友生日，佢哋成班待應仲拎住個心太軟過嚟唱生日歌同埋幫我地影相，好有heart呀🥰最後食完先醒起尖東呢一間分店係有樓上2樓架…建議大家去食的話，就揀坐上面嗰層啦，坐得舒服好多😌無地下個層咁迫枱貼枱,仲有我地嗰日坐樓下可能

星期六日有時晏起身，通常都會同朋友去食早午餐。咁食brunch就99%係食西式，而西式中有信心之選、價錢又中等嘅，我諗到係Wooloomoloo。佢嘅Brunch每人$248有三道菜，有一個前菜、一個湯同埋一個主食，仲包飲品添。如果你嫌唔夠喉，可以另外加錢$180任飲酒精類飲品兩小時。Crab Cake正，超級鮮甜，包住一絲絲嘅蟹肉，配襯埋簡單嘅沙律菜，蟹餅本身熱辣辣整起，非常之吸引。茄子蕃茄他他呢個賣相就非常好，但係食落就除咗清新之外，就冇乜特別。噱頭嘢多，睇起嚟好矜貴咁，但係只不過係Chope左嘅蕃茄、茄子配襯埋一條好見好美味嘅麵包片。Filet Mignon 佢塊牛扒生熟控制得非常之好，我要七成，佢就真係七成，入邊帶微粉紅色，外邊焦焦的。配襯埋佢嗰個紅酒汁同埋一啲鮮菌類，份量唔多但係足夠，正！二百零蚊可以對住個維港食午餐，我覺得已經係超值。食物質素有保證，服務亦都非常之殷勤及有禮貌。

amazing customer service, very kind waiters and great food, 10 out of 10 will recommend and will come back for the amazing food.

香煎三文魚柳 ($168 + 1)頭盤揀左棒棒雞肉沙律(沙律or椰菜花湯or蟹餅 3選1) 切成絲既新鮮蔬果好Fresh 味道清淡🤗餐包厚身 味道唔錯 不過醬汁味道一般 有d唔習慣 唔點醬好似好食d😆主菜三文魚柳外皮煎得香脆 魚肉細滑 易入口 配有薯仔 絕對夠飽✌️餐飲揀左檸檬茶 茶同檸檬係分開上既 想要幾酸幾甜 絕對可以自己調節👶🏻☁️總括而言係一個普通既午市套餐 不過不失 但加1後要$185左右 有點兒小貴🙆‍♀️

朋友心血來潮想鋸扒，就捉左我陪佢去呢間出名質素唔差既steakhouse 食。我地叫左份牛柳、西冷、芝士通粉、薯條、再飲返杯Stella ，望住尖東海旁，好chill 既一個晚上。牛扒我地都係5成熟，好juicy，果個芝士通粉，入面好多芝士遮掩住啲通粉，其實食完個扒同通粉都飽左8成，再食個熱辣辣既炸薯條，送啤酒，真係好飽，同朋友慢慢傾，坐足成晚，望住個景，值回票價，好彩今晚天氣唔熱，我地坐出面，如果太熱就唔好了🤣

同同事出尖沙咀做嘢，想食返餐好嘅西餐，又想chill下睇海景，經過尖東呢一間扒房，同事推介話好正，咁就入去食下啦！佢嘅西餐定價唔平，午餐大概160至$180一位，未計+1。不過好耐冇食過蟹餅，聽朋友推介話呢度水準唔錯，所以加咗$60都要試一試佢。💜蟹餅。果然冇嗌錯，超級香蟹肉味，非常值得一試！💜三文魚扒配他他醬。下面有啲薯蓉，魚上面就係一啲酸菜，口感一流。就咁影相未必睇得出，但其實塊魚扒超大件，女仔食一定夠飽。最終埋單差不多$250一位。係唔平嘅，但係食物水準唔錯，侍應全英文對答，亦都會關心客人覺得食物好唔好味，服務我覺得相當之好。😊👍🏻下次都會想再嚟，試吓其他海鮮😚😚😚

服務：同五六星酒店一樣食物： 非常出色價錢：中等環境： 舒適,冷氣都幾大悠閒兼風和日麗嘅星期六,去試咗佢哋嘅weekend brunch $248 +10% each包頭盤,湯,主菜同咖啡茶佢有做2hrs free flow, $180, 叫埋由入坐到離開,無一到令我感覺不滿！員工會等客人食完一道菜先上另一道菜,見我酒杯剩番一半就自動添加,亦會會主動問食物質素,成餐飯令我感覺去咗六星酒店一樣🤣🤣頭盤揀咗蟹餅,啖啖蟹肉又唔醒👍🏻👍🏻今日個湯係椰菜花湯,味唔太濃但就好creamy, 配埋佢哋嘅包就一流主菜真係要推介佢唔三文魚,員工介紹五成熟煮法,真係好好好食,外有少少脆,但中間好juicy,肉質好嫩滑👍🏻👍🏻👍🏻另外亦叫咗牛,叫咗五成熟,廚師真係做到,朋友話重牛味,但可能有少少筋,唔算淋身另外加咗$50芝士拼盤,上枱見到就有覺得份量有少咗啲啲,但有blue cheese 就加噃分！凍咖啡同凍檸菜正正常常,但佢係用大杯裝出,飲完後就成肚水了🤣🤣🤣

Family and friends are hidden treasures, seek them and enjoy🥰 🔸️自家製香草包，外脆內軟，點上黑醋橄欖油已食幾件🔸️Crab Cake熱辣辣，入面滿滿蟹肉，超足料又鮮味🔸️Beef Wellington酥皮好香好脆,，切開下面有塊超薄Parma ham 同蘑菇蓉，入面仲有鵝肝，食得好滋味🔸️Wagyu Sirloin，和牛非常juicy，五成熟鎖住肉汁十分嫩滑，配上蘑菇汁簡直係絕配

上次食wooloomooloo都已經有3，4年前，岩岩上星期二終於的起心肝翻食。今次叫左4樣野食，有蟹餅，薯條，seafood pasta同一個dinner set係龍蝦配牛柳。蟹餅真係好好食！好多蟹肉係入面，同埋都幾大舊不過食食下先醒起無影到相🫣薯條好大兜，岩岩炸起熱辣辣仲要係粗薯條，正🫣Seafood pasta就失色左啲，可能始終吾係主打。唔算大碟，同埋偏酸龍蝦配牛柳就幾OK, 龍蝦夠爽，食得出係新鮮，牛柳叫median岩岩好，同埋都好有牛味🤪 呢個dinner set仲有埋龍蝦湯同甜品跟埋，所以都食到好飽。最最最後叫多杯Oreo milkshake飲就perfect🤪呢個既milkshake夠晒creamy,一啲都吾水，真係要試下！

今日星期二，約咗個好耐冇見嘅朋友！所以諗住book間餐廳要有景又食得的嘅，問朋友就介紹咗呢間喺尖沙咀中心wooloowooloo點知我之前一晚擺烏龍，book錯咗6月1號12點，女朋友嚟到話冇Booking😩不過佢話個waitress 好好，照俾咗一張近窗，睇住海濱的corner四人枱比我哋！我女朋友坐低先就上咗麵包，兩杯水！我遲咗幾分鐘到！跟住叫嘢食，講英文的waitress 好好態度、笑容又好好。首先講麵包係唔錯嘅，新鮮，可以點黑醋橄欖油，有八小件，任食！good到沙津，青瓜雜椒，顏色靚不過唔係我哋想像嘅Caesar Salad，我朋友有D失望，但酸酸地，開胃我啱。來到個主菜，等咗半個鐘都未有，催咗兩次！終於上菜，我朋友叫左雞胸，個樣以為好「孩」，點知外脆內軟⋯⋯另一主菜系三文魚跟飯，飯分量只夠女仔食，半碗左右，兩件三文魚件脆皮好味，我清晒個餐跟coffee or tea, 我地加$50 一個cheese cake share, 得二只手只大，但我哋純粹畫龍點睛，so good enough la😄坐左三個鐘，所有枱都full晒，居然冇趕我哋走希望分量多少少比男士，我地女仔先剛剛好