YA! YA! YA! BURGER & BAR

营业中

休息中

臨時約咗朋友，想搵一間靜靜地嘅餐廳，係open rice 搵到呢間可以book 晚餐，於是就試一試。位於朗豪坊隔離要上樓的大廈。打開𨋢門，見到原來係酒吧，心諗面暗暗話自己柒咗，明明想搵間靜靜地🤣。算了，都來到餐廳門口，比個機會自己。食物忘記影相😅但係味道都可以接受，係港式西餐，而侍應亦好好人幫手調低音樂聲，方便傾計。飲品除咗酒，仲有茶餐廳飲品，連凍檸賓都有。有朋友唔飲酒，唔駛嗌可樂🤣柒咗都有驚喜👍

真的是只能喝酒的地方！本身諗住試吓搵個可以飲酒🍻又可以食埋晚餐嘅地方同朋友傾吓計見下，但都真係有啲失望，可能相片嘅時候係有啲誤導，令到的有錯覺以為會比較靜🥹😂揀錯地方了食物預期中錯哂，啤酒就無得改變嘅地方🤭唯有下次做清楚research 先好去🤣🤣

平日下午來到旺角，心血來潮好想食個漢堡，OpenRice睇餐廳，價錢一般都接近一百元一個漢堡，套餐另加錢見到呢間私人k店有漢堡食，睇相吾錯，價錢又相宜，決定去試一試餐廳係係一棟舊式大廈裡面，地下裝潢已經飽經風霜，起初都有小小擔心，餐廳食物會吾會麻麻地…下午時間入到去只有兩枱客，望落乾淨企理，環境清靜，格調較暗沉，似k房…人小仲好 坐得舒服輕鬆叫左份芝士安格斯黑松露漢堡配薯格餐忌廉湯先上，味道飲落似用湯粉沖，味正正常常等左一陣，正餐上枱，漢堡牛油香味先飄過黎，已經覺得好吸引，個包都仲係熱辣辣，而且口感鬆軟得黎帶脆口，吾會乾口，令我喜出望外！😍😍😍個安格斯漢堡配埋黑松露醬真係一流，🤣🤣🤣稱得上黯然銷魂漢堡包包包…薯格脆卜卜，炸得剛剛好～要提一提點左熱奶茶，佢味道就正正係出邊珍珠奶茶嘅奶茶～👀👀雖然置身陳舊既大廈裡面，絕對吾影響餐廳既食物質素！本來個餐$68 ，埋單原來下午時段可扣$10，total$58埋單，絕對值得一試！！！呢個價食咁既質素，香港好難搵到！🥲🥲❤️食一個快餐漢堡都接近50元，呢到環境清靜，味道又好，值得一試！

Neway早前傳出清盤消息後，唔少人都擔心以後無K可唱🥲但唱K唔一定去卡拉OK嘅！呢間以burger為主打嘅酒吧餐廳就有間可容納十幾人嘅獨立K房，不但私隱度高，包房唱K都只係每位$150 (平日)/ $180 (假日)咋，真係好抵玩👍🏻裝修方面，睇得出餐廳花盡心思及充滿特色，最特別係正門，當觸碰大門正中嘅手掌位後，大門就會亮燈及自動打開，幾有cyber feel！🍔邪惡芝士黑松露安格斯牛肉漢堡（$88）Burger底及面嘅麵包烘得勁香脆，中間嘅手工牛肉漢堡不但牛味濃，仲要又厚又juicy🤤黑松露又夠香，份量一啲都唔吝嗇，配埋雙層芝士、新鮮蕃茄及生菜，絕對係perfect match😍可惜當時無趁熱食，如果趁熱食味道一定更加不得了👍🏻另Burger仲配有薯角，薯角新鮮炸起，香脆熱辣一定好食😋呢個價錢配呢個質素，真係好很抵👍🏻推薦👍🏻🍤泰式炸蝦餅（$62）🐡雞泡魚干（$42）🍢雞中翼（$18）🍢牛舌（$18）🍢台灣腸（$18）啤酒配炸物一定無得輸，所有小食或串燒都係即炸或即燒👍🏻蝦餅夠彈牙😋雞泡魚干烤得好香脆，脆到好似薯片咁😮雞翼燒到外層微焦，加埋孜然粉好香口😋唯獨牛舌唔係厚切，略嫌口感較

估唔到樓上都會有咁高質既bar！夜晚同埋朋友想食想飲又想玩，揀左呢間喺朗豪坊隔離，超就腳既朗晴坊樓上酒吧‼️首先黎到門口已經充滿玩味，要用掌心touch指定位置sensor先會開門架入到舖頭內有唔少霓虹燈裝飾，唔驚無位影相～以為剩係得飲飲食食？咁你就錯啦，呢度仲可以book房唱K!!!!! 間房又大又乾淨，一大班朋友玩就啱晒唱完就要開始食野，叫得burge & bar，點可以唔試下呢度啲burger▪️邪惡芝士安格斯牛肉漢堡 ($72)超香牛味，又厚又juicy，麵包外脆又鬆軟，成個都好好食！▪️芝士蒜蓉波士頓龍蝦🦞(半隻) 燴意粉 ($118) 焗過既芝士配埋啖啖龍蝦肉香脆又濃郁😍加埋creamy既意粉一流▪️安格斯肉眼牛扒配薯角 ($218)同樣充滿肉汁，5成熟控制得啱啱好，肉質好嫩，夠晒牛味，仲有薯角超正😋◾️法式薯蓉焗田螺 ($68)薯蓉又香又滑，而田螺味道簡直無得輸！咁多美食配啤酒簡直一流，人多叫個beer tower最方便☺️喺happy hour (3-7pm) 叫draught beer仲有買一送🆓一添！真心高質樓上bar😍有得食🍔有得飲🍻仲有得唱K🎤

同朋友慶祝生日，而且好耐無唱K呢，呢度有得包房唱K啱晒👍集酒吧，餐廳於一身仲要好就腳，係正朗豪坊隔離，超方便。呢度門口充滿特式，要touch度門既手掌位就會自動開門，而酒吧內嘅霓虹燈飾影相都好正，上嚟打吓卡，飲下 chill下🍻 都唔錯，加上呢度draft beer做緊買一送一好抵飲呢度食物質素都好好，又多選擇，估唔到酒吧都有咁多好野食，主打係burger, 試左兩款, 都唔錯，牛肉好juice，薯角都好正，脆脆的 😋嘩龍蝦白汁意粉都好正架，淨係賣相都夠殺啦，咁大隻龍蝦啖啖肉，肉質鮮甜，就算係咁影相，D白汁都唔會話乾晒，夠味好食😋安格斯牛扒好大塊，叫咗5成熟啱啱好，好軟腍😋原來呢度連生蠔都有呀，下次嚟要食生蠔，估唔到去酒吧都可以食好西👍呢度包K房平日價錢只係150蚊位，weekend都係180蚊 ja. 咁大間房可以成班friends黎開party 都得！

今日出旺角買嘢，就去咗呢間餐廳叫咗個牛扒，沙律，啤酒牛扒跟意粉，牛扒好林汁好好食，沙律用胡麻醬，上面幾粒日式螺肉， 10分配合啤酒就生病冇乜特別好介紹誠意推介，味道好，服務也可以！

🍹🍺🎤🎶#同家姐撐枱腳系列繼續都係呢三個元素 豐富 好食 食得飽😂因為今次我哋簡去旺角朗豪坊隔離呢間餐廳🍴(都係朋友介紹先識去) 第一就係喺旺角好就腳啦 第二就係真心好食 仲要有家姐最鍾意嘅生蠔🦪第三有房間可以提供唱K🎤🤪 我終於可以一展歌喉最近周圍都搶嘅生蠔🦪📌日本岩手縣令和之怪物生蠔🇯🇵🦪3隻 $125 6隻 $298因為我唔食生蠔嘅原因 家姐一個人就食咗半打家姐表示好鮮甜 同埋好大隻將我隻手指放喺旁邊你就知 到底有幾大隻🤣真係算平 我見到海鮮網店賣緊400幾6隻我心諗我哋而家坐低食 仲平成舊水📌紐西蘭肉眼扒配意粉🥩🍝$188塊扒真係好厚 有肉汁 好香肉味 中間仲要粉紅色🤤不過俾我揀多次我應該唔會配意粉🍝因為食埋意粉太飽啦～📌邪惡芝士黑松露安格斯牛肉漢堡🍔 配薯角 $88好好食 首先牛肉漢堡好香牛肉味 又有肉汁💦一路食一路流到我成隻手都係 黑松露又落得好豪爽個包一定要趁熱食我話你聽～ 如果唔係真係曬咗📌加$10 可以飲特色飲品🍹我呢杯好似係熱情果梳打📌加$58 飲生啤🍺📍YA! YA! YA! BURGER & BAR 旺角砵蘭街215號朗晴坊5樓(其實就喺朗豪坊隔離)

今次黎左呢間主打食漢堡同飲手工啤酒既酒吧開餐點左紐西蘭牛扒配意粉🍝$188芝士黑松露安格斯漢堡配薯角🍔🍟$88日本岩手縣令和之怪物生蠔半打🦪$298 手工啤酒同埋檸檬熱情果梳打 🍹🍺牛扒超厚切，個人推介芝士黑松露安格斯漢堡，塊和牛多汁有牛味👍🏻👍🏻😋生蠔好大隻爽口鮮甜，$298半打性價比高，但係有少少碎蠔殼，食嘅時候要小心🙃店員嘅服務態度都好好，呢間舖頭仲有一間房可以唱K，可以約埋一班朋友食嘢飲酒再一展歌喉🤣

【 HappyHour】話說好耐都冇同葉總出去 Happy Hour, 成日顧著細葉，忘記左大葉, 兩者要好好平衡一下。咁岩係朗豪坊做完野，就過隔離 YA! YA! YA! BURGER & BAR 輕鬆下食下好西～呢間樓上 Bar 地點好方便，環境好 chill,好岩情侶又或者一大班朋友黎飲酒消遣，佢地仲有特大 K 房, 鐘意唱K 嘅朋友岩曬開個人mini concert 啦 ～食物質素令我喜出望外，比一般上樓 Bar 出色！！！是日餐單： 日本岩手縣 令和怪物生蠔手板咁大隻新鮮日本空運到港日本岩手縣 令和怪物生蠔霸氣上枱！！！每隻都咁肥美鮮甜，大隻到我一啖都食唔曬，每口都充滿濃郁嘅蠔鮮。邪惡芝士安格斯黑松露牛肉漢堡配薯菜叫得 Burger Bar 點可以唔試下佢地嘅 burger 呢？Burger 做得相當出色，外層鬆軟面包，內層不得了嘅邪惡芝士，再加黑松露牛肉漢堡，咬落好juicy 同好香濃嘅黑松露味，食得出心機之作，#薯角並唔係配角，俾我地清曬。特級紐西蘭鮮肉眼配茄意粉份量十足嘅靚肉眼，火喉剛剛好，切開肉質粉嫩，食落嫩滑有牛味。平時配嘅意粉都係白烚意粉多，呢個茄汁意粉都好有驚喜

朋友介紹到樓上鋪食漢堡，立即做出心理準備，質素應該如樓上Cafe的小食一樣，冇乜質素，點知，今次竟然充滿驚喜。環境★★★到達現場，格局就有如樓上酒吧一樣，由於之前已經做好心理準備，心裏已經知道十之八九唔會好味得去邊，因為樓上酒吧格局，主要為酒水，食物只係其次，不過如果單論環境，還算乾淨企理。食物★★★★邪惡芝士黑松露安格斯牛肉漢堡 $88佢唔會好似麥當勞般不符合商品說明條例，最起碼層次分明，黑松露的氣味已經撲鼻而來，麵包皮烘得鬆脆，安格斯牛肉雖然並非頂級的牛肉質感，但仍然充滿肉味，肉香塞滿整個口腔，我個人不喜歡食蕃茄，走了蕃茄。生蠔 $198/單打我唔食生蠔，但非常大隻，起碼心底貨真價實，而朋友都說質量很好。紐西蘭羊架 $38/件香氣撲鼻，羶味濃郁但易於入口，嫰滑多汁，又不會過分油膩。另外還叫了芝士蒜蓉牛油焗金菇及芝士蒜蓉牛油焗娃娃菜，正常質素。服務★★★★我個人覺得，無論什麼餐廳也一樣（除茶餐廳及大排擋），味道與服務並重，作為一間樓上鋪，廚師及侍應的禮貌亦非常好，招呼周到，絕對推介！

好耐無見過朋友，咁岩傾開計，再臨時臨急搵一間餐廳大家見下面，飲下野咁，點知就比我搵到呢間咁正既餐廳。可能因為肺炎關係，大家都無出過街（嗯。。。包括我），去到直頭包場咁滯，係座低左半個鐘到先見到多一枱客。環境方面好舒服，好岩傾計飲野，再用埋佢個openrice優惠訂位，生啤有買一送一優惠，食漢堡仲可以減10蚊，勁抵👍🏻漢堡種類好多款，黎到個樣已經好靚，食落有驚喜 因為個包係脆架。食完個包其實都飽飽地，但朋友未飽，咁就叫啲小食食下，原來都有好多送酒小食，我地叫左個日式生蝦加炸蝦頭，生野無得講，但個蝦頭炸得好脆好出色（好可惜無影相）。總之呢間餐廳係可以“回頭”既餐廳黎。

🎤抬頭吧 黑暗過 會是晨曦懷著樂觀 總有轉機 今天珍惜今天 喺朗豪坊地下戲院，抬頭一望就時朗晴坊，五樓就有間可以食飯又可以杯返幾杯🍻🍷🥃吧餐廳酒吧珍惜朋友相聚，酒吧還有獨立房間，設有舒適嘅梳化🛋️及唱歌🎤設施等等。 餐廳提供多款特色漢堡及晚餐邪惡芝士黑松露安格斯牛肉漢堡🍔（$78) 牛肉漢堡又厚又juicy， 上酬仲佈滿鴨松露，好重手🤣。最鍾意麵包係烤過，熱辣辣又香脆😁，食落份外香口架😋芝士蒜蓉波士頓龍蝦🦞（半隻）燴意粉（$118）芝士焗得黃金色而且脆脆，味道濃郁，伴著扎實嘅龍蝦肉🤤，意粉醬亦好creamy。漢堡薯角芝士龍蝦，啤酒一定唔少得😍Hoegaarden生啤 🍺（Happy Hour 跟餐$58）Stella Artois 生啤 🍺（Happy Hour 跟餐$58）

最近朋友帶我試了一間位於旺角的樓上酒吧，主打西餐及不同Burger ，亦有不同的酒品🥂🥂🥃🍸🍹🍻。 ⁣分別試了邪惡芝士黑松露安格斯漢堡及芝士菠蘿安格斯牛肉漢堡。漢堡扒非常Juicy，而且牛味濃郁。配上黑松露，味道更豐富。 個人比較喜歡菠蘿牛肉漢堡，配上香甜水果，更有層次。⁣餐廳有一間K 房 ，老闆有提過歌要比主流K房多。⁣個人是第一次踏足朗晴坊，要不是朋友帶路，真心不知道朗豪坊旁邊，居然有着這一幢層層美食不同的大廈。由於位置十分方便，個人覺得是一不錯的聚腳點。⁣📍 YaYaYa Burger地址：旺角砵蘭街215號朗晴坊5樓 ❤️ 邪惡芝士菠蘿安格斯牛肉漢堡⁣

YA! YA! YA! BURGER & BAR@旺角今次去朗晴坊試burger點知夜晚又會化身成一間酒吧仲有套餐可以選不過我地人少加埋一心想食BURGER我地最後叫左三枝啤酒1664 Hoegaarden Somersby🔅邪惡芝士雙層安格斯牛肉漢堡配大量薯角🤤一黎到都有少少震撼因為好厚好大份我度左我個口好耐都吾可以一啖咬落去最後唯有分一半先自私食左塊牛肉漢堡扒先肉味重夠厚又好Juicy 好邪惡 但又好滿足之後成個漢堡食又係另一番滋味菠蘿同蕃茄的酸甜中和番第二塊安格斯的膩 否則好難一下食到兩塊芝士安格斯🤤🔅泰式鳳爪（+$15）鳳爪都幾出色吾會好酸 仲帶點辣好好的開胃菜另外新張期間老闆話晚市幫襯夠$150及預先Whatsapp訂枱🤩 即送挪威三文魚刺身 送完即止63335680 （whatsapp訂枱電話）