YakiniKuu Japanese Bbq (已搬遷) 新店位置

老公生日lunch就食咗台式料理, 晚飯我倆就去咗一間位於中上環日式燒肉店「YankiniKuu Japanese BBQ」。今次揀烤肉店完全為咗滿足"食肉獸"嘅老公, 平時屋企盡量少肉多菜, 見佢生日就畀佢食盡啲。上網見中上環有幾間日式燒肉店, 最後揀咗YankiniKuu係因為價錢及評價都唔錯, 所以就走去試試。我地好早去到, 初初得兩三枱人, 心諗中伏? 原來七點後陸續多人, 而且滿座。既然老公生日, 就豪少少, 叫咗精選晚餐食Kuu Omakase,套餐都幾豐富, 包括:1) 季節沙律2) 是日精選牛扒3) 上等和牛壽喜燒4) 牛舌(薄切)5) 特選牛肉5款6) 是日廚師推介7) 和風牛肉烏冬8) 牛肉壽司9) 雞腿肉及豬腩肉10) 附上前菜、餐湯、白飯丶蔬菜條及Menu雖然每種肉只有兩至四片,但當食完成個餐真係好飽好滿足。講返啲肉, 其實waiter介紹完我都唔太記得邊款打邊款, 但大部分都好有牛肉味, 好嫰滑, 好稔。只覺有一款牛的肉味唔夠濃, 但整體好好味! 若追求好似神戶牛果啲雪花肥美的人士, 可能未能滿足。由於我好怕果種油膩感, 所以呢度嘅牛啱我餵口。牛舌薄切亦好正!

隱世的燒肉店，上次14:00來已closed‼️‼️‼️ 有點氣，什麼店啊14:00已經last order，不再接客人⁉️⁉️ 今次早一點點吧12:00到，但NO reservation，幸好都有位，只是可能或者要跟別人併桌，因為那是六人桌‼️‼️‼️ NO problem Lunch menu不想考慮，因被它的牛部位圖吸引了於是選了兩款半份的牛肉、一份豬肉。半份只有四片～～～～好貴啊‼️‼️‼️ 但又好好味啊‼️‼️‼️ 好林、好juicy‼️‼️‼️ 豬腩肉像是bacon，我很怕那些脂肪但沒奶油要朋友一個人完成一份，我將它燒至燶燶地，盡量將肥油燒出來，燒至脆脆的，又接受到啊可惜我的腸胃不習慣太油的東西最後送了柚子及薑味雪糕，好滿足

爸爸最喜歡吃牛肉，難得星期日放假我地一行四人去左中環一間燒肉店食左個遊閒午餐。地點係九如坊行入去，行到最尾，地方不是太顯眼，店內不是太多人，只有幾枱客。我地四個人點了4個燒肉午餐最貴的特選牛肉，壽喜燒牛肉，雞肉豚肉同埋高級牛肉套餐。每個套餐都有前菜沙律，麵豉湯同甜品，味道都不錯。燒肉方面，份量都好足夠，而且厚度適中，特選牛肉油脂分佈均勻，唔會太油膩，配合白飯簡直完美。高級牛肉既牛味無咁重，但肉質都非常好，至於壽喜燒牛肉加埋蛋黃同汁再撈飯既食法比平時食壽喜鍋更出色，雞同豚肉味道中規中矩，始終牛肉係主打。最後既雪糕都有驚喜，有薑味、綠茶、柚子雪葩，每樣都不錯，柚子雪葩好清新不會太甜。

四個女仔去試新野。個位置都幾難搵，係九記牛腩隔離條樓梯下面既左手邊。Order左4個$550既套餐，差唔多每個部位一塊既牛肉，自己落手去燒！個爐吸油氣幾efficient,身上無油煙味。牛肉肥瘦分佈好均勻，係高質素既肉。有一塊係薄切長身既，燒十秒就食得，包住一啖日本珍珠米，太幸福了☺️☺️☺️每一道肉和沙律一碟一碟上，有些許似食法國餐既節奏。 最後仲有烏冬一客和甜品，飽到有點不能動彈。最後埋單位位$750，因為我地仲嗌左梅酒😍雖然燒爐上面有條抽氣管阻住我地四個面對面傾計，但係我地四個一致覺得值得番黎！今次被安排左坐係最篤篤既位，每次叫野食加水都無人行過， 人手又唔夠。

牛肉補血，靚牛肉好食又補血，好處咁多，緊係要食多啲，你懂的。雖然係日式燒肉店，同中午都係費事自己燒，交比廚房代煮吧！叫左燒牛肉飯，先嚟沙律同醬煮牛舌，味道都很好。主角同麵豉湯一齊上，高質滑嫩嘅牛配合日本米好快就掃晒落肚。以後中環食lunch要補血就係度解決啦！

來了機次，每次都滿足而反。食材質數高、新鮮。環境衛生，裝修有心思。帶著2歲起的小孩也很合適，亦有公應小孩餐具。走時亦不會有焼肉味。Have been here several times and always satisfied. Food quality is good and fresh. The atmosphere is well thought out, clean and great visiting with children 2yrs+. They happily provide kids utensils. You won't smell like Yakiniku when you leave. C'est pas ma première fois ici, mais chaque visite est satisfait. L'atmosphère est bien pensée, c'est propre et parfait si vous visitez avec des enfants plus âgés de 2ans. Ils ont des uste

We went by the restaurant and found it quite attractive, so we went in! The restaurant was nice with a good atmosphere and we wondered why the restaurant would be empty like this at dinner time! We sat down and wanted to add on the stuff with a special price but the waitress with glasses said the one we picked has been sold out and asked us to order a similar one. We asked if it was the same price, she subsequently said it's of course not the same price as it's on the alacarte menu! Thanks god t

我地行經gogh street見到間嘢好似幾吸引！6點正到既時侯，間野未有人，入去淨係俾你坐門口位吹正風位，好聲好氣問可唔可以轉位就話唔可以！全程比風吹到傻！寫明可以＄120追加厚切牛舌，寫單個四眼女仔話冇貨就叫我地轉叫薄切又唔講清楚價錢原來係原價冇追加價！仲有佢既態度好似欠咗佢咁！就算啲食唔差但服務態度超差！到我地吃完走都仲有好多位！都唔明點解佢地要咁樣對客！仲有佢個餐都唔平,每位都hk$480!！！

牛魔王嘅我，對食牛有要求，坊間好多燒肉店，要搵一間比較高質我會推介此店！！一坐底，餐廳送上柸茶已經好香，係玄米茶，連一柸茶都咁有誠意，可想而知餐廳對食物質素幾有要求。呢間餐廳有眾多牛的部位，每個部位都一試難忘！！首先揀咗7號-後腹肉排，大大塊，牛味重，油脂香，肉嫩，正！！ 侍應幫仲我地燒埋切埋。推介！！5號-沙朗心，有口感，多汁，好味！！另外一個侍應介紹，但忘記乜野部位，但一樣厚身，好味，色澤仲好靚。最後侍應仲推介呢個牛骨湯麵，最初睇樣以為無乜特別，點知一食好有驚喜，麵好彈牙（唔似拉麵或烏冬），好有口感，湯仲好香，濃郁好有牛味，好彩無錯過，果然有驚喜，必食推介！！一間餐廳牛版樣樣齊，真係近排最有驚喜嘅一間！！

久聞Yakinikuu Japanese BBQ大名，知道其牛肉質素極爲高，所以星期五放工相約好友一起去豪吃一頓，Happy Friday享受一下。餐廳環境坐位舒適，服務好，無時間限制，可以同朋友們慢慢品嚐。開胃前菜係牛肉包住牛蒡，未試過咁樣配搭，口感原來非常好，十分醒胃。而且牛蒡用途非常多同有益。餐牌有牛嘅唔同部位，叫侍應介紹同拍板，各部位各有特色，同樣出眾，真的好難選擇，好彩有佢嘅熱心介紹，全部都好好味。最後仲有雪糕作結尾，非常滿意嘅一餐！！

呢間日式燒烤餐廳位於中環半山，環境舒適，加上略為昏暗的燈光，氣氛帶點浪漫。我們坐的二人卡座尚算寬敞，檯中間是一高身燒烤爐。餐廳提供差不多全牛部位的高質日本和牛。我們在想食什麼時，店員非常又友善地介紹我們點選套餐，因為可以試多點不同種類的肉。於是我們就點了 Omakase 。先來前菜，有爽脆蓮藕片、草菇菠菜及酸蘿蔔絲。再來銀魚仔沙律，沙律菜新鮮，與鹹香銀魚仔及香脆的紫蘇葉，混上酸醬汁，十分開胃。 主食的套餐的肉類份量不多，每款肉類只有一片，但肉質上乘，配上不同醬汁配料一齊食，又是另一番美味。 店員會介紹一下每款牛肉，再從檯上的牛肉分佈圖中的那一樣，以及點什麼醬料最好吃。牛舌好爽口；上等和牛配壽喜燒醬汁，食落新穎好味又香，燒好和牛再點醬汁及雞蛋，加點白飯吃，感覺幾特別。之後食牛柳，牛肉脂肪分佈均勻，肉質腍嫩，牛味香濃。再來其中的肩三角，肉味香濃細嫩軟滑。吃過牛肉便來個海藻清湯及炸雞小食，減低一下燒肉的油膩感。 最後來碗麵食烏冬，爽滑彈牙烏冬，不錯。

今晚帶老婆去左食餐好嘅，呢間幾有情調嘅日式燒肉店係openrice search到好似幾好，就嚟試下。真係冇令我失望，而家諗返都係度回味，呢間對牛好講究嘅一間燒肉店，menu有圖示出牛嘅部位，我同老婆都係牛嘅愛好者，就嗌左kuu omakase set。超正嘅牛一嚟到，未燒就知好食，因為睇脂肪分佈好靚，肉質有光澤，肉色又一睇就知新鮮，店員教左我地點燒同點食，我地就自己燒，個set有牛舌，上等和牛壽喜燒，仲有五款牛，就係menu有牛嘅圖展示嘅十幾款嘅五款，有d好特別嘅，例如腰臀肉等，好好食，入口即溶，我老婆都食到一面好幸福嘅樣子，哈哈。食到最後仲有雪糕，口味仲好特別，嗌左柚子味，幾正，吾太甜，岩我。老婆都讚好食，仲話生日要再嚟食，雖然價錢比平時燒肉店貴，不過食左先知物超所值，我都一定會再嚟，超正！

今日去左朋友極力推介嘅一間燒肉店，位於中環九如坊，不過我都係第一次去，都幾難搵。不過入到去都幾有格調，坐低就嗌左份雞豚肉set，吾洗一陣就先上沙律。沙律外貌吸引，菜好清新脆綠拼盤仲更加令我驚喜，除左雞肉豚肉外，仲有腸仔同海鮮拼盤，海鮮拼盤有蝦，帶子，同蠔，全部都好正，肉質素好高，雞就好滑，豚肉就好彈牙可口，燒得好香口，海鮮拼盤嘅海鮮都好新鮮，仲加了少少調味，所以燒完仲好食惹味，另外要特別讚讚店員嘅服務，因為全部店員都好nice好有笑容，而且仲會細心咁介紹應該點燒，不時仲會過嚟幫下我地燒同睇下我地燒得好冇，感覺好周到。見到周圍食客都應該係熟客咁，呢d咁好嘅餐廳如果冇人推介就真係會錯過，今次超正嘅介紹，真要多謝返個朋友先得。

一直都好中意食燒肉平平地既韓燒雖然質素就麻麻～但係可以任食今次就去左食一間個個都話正既燒肉喇～見到d朋友個個都話讚呢間～就決定去呢間食高級燒肉入到去個環境好舒服～又唔迫兩個人都比左張幾大既枱我地食野黎到梗係要食啦和牛於是就點左個特選晚餐另外加多件和牛壽司見到個set既內容我都覺得幾吸引820蚊唔係話好貴黎到既時侯哇左聲牛肉好令同埋幾厚有侍應幫我地燒肉服務唔錯果然係高級牛肉！真係好好食仲有埋白飯送覺得簡直係完美之後食完就有甜品食整體黎講以食物既質素黎睇～價錢絕對合理～唔夠肉仲可以追加～服務態度同環境都好正絕對會推薦比朋友黎試下～

雖然近日喉嚨痛，但實在想念這家日本燒肉餐廳的味道，於是還是去了吃燒肉！必點這個最最最令我時常回味的《肩三角（一碟4片）》。每邊輕燒5至6秒已經足夠，有入口即溶的感覺，無得彈！將牛肉蘸醬油及蛋液更令味道大大提升，十分惹味！不用擔心不夠飽肚，因為此餐會附有日本米飯一碗，粒粒分明有嚼感！我最愛將已蘸有蛋醬的牛肉放在少許白飯上然後入口，很有和牛壽司的感覺，哈哈！餐廳環境不油煙，亦不似一般的燒肉店般人多及嘈吵，很適合慢嚐。店員亦有禮貌。