YOLO (已結業)

之前行經已經俾餐廳名稱Yolo吸引左，又見到意思係「You only live once 」，即刻好心動咁俾佢吸引左入去食🤣原來最近轉左新menu係泰式嘅菜式。感覺餐廳都幾有心思，會研究唔同菜式轉menu，唔係一般餐廳由開業都用同一個餐牌。椰香海鮮焗飯 $118望落去嘅感覺唔係好大份，但食落之後就發現好飽🙉大蝦十分吸睛，除左好大舊蝦肉之後，蝦頭的蝦膏都俾我食曬。底下有炒飯，配上香濃嘅椰汁十分惹味。炸大蝦牛油果薄餅 $88每一塊pizza都有一隻炸蝦，十分公平唔洗爭😙除左薄餅上有牛油果肉外，仲可以沾上牛油果沙律醬一齊食。泰式豬頸肉 $48豬頸肉燒得剛剛好，十分Juicy。而且咬下去完全唔會韌。香蕉熱情果奶昔 $30雖然已經好飽但都忍唔到叫左嘢飲😛 有熱情果但都唔會太甜，完全係健康營養之選。

想喺將軍澳搵泰國嘢食，咁啱喺新都城見到呢一間就入咗黎試，坐低之後發現環境都非常之闊落，約埋同朋友一齊坐低一路食吓嘢一路傾吓計就啱晒😍😍見到佢嘅菜式都有好多種類，我地叫左脆軟殻蟹窩夫配泰式蛋咖喱$98，泰式燒雞配烤菠蘿$118，飲品方面我哋就叫咗菠蘿椰青特飲$28、香蕉熱情果奶昔$30😍😍個軟殼蟹炸得好香脆，個窩夫仲要係呢排好興嘅牛角包窩夫，食落去牛油味好香，沾埋咖喱一齊食都幾特別😍😍燒雞都幾嫰滑，同埋多汁，記得一定要點埋個汁食！！個汁有少少辣，所以變得超級惹味，即刻有風味咗，如果燒菠蘿都非常之甜同多汁，都唔會有渣，不過要注意既係泰式燒雞配烤菠蘿個製作時間大約需要30分鐘，但係嗰食大約10-15分鐘左有就上到，都唔算等咗好耐🤭🤭值得一提嘅係兩杯飲品都有驚喜😍😍飲完個菠蘿椰青，即刻好似去咗泰國咁，香蕉熱情果奶昔就飲得出好足料，好濃嘅香蕉味，亦都唔會太甜，抵讚😋😋

位於將軍澳寶琳的多國菜餐廳，最近餐牌轉成泰國美食了，走文青風格，簡約休閒，還有些芒草、植物及書架作為裝飾。地方寬敞，舒適，很適合與朋友聚會、閒聊。午市套餐：冬蔭功大蝦意粉巨型大蝦，肉質厚實，十分鮮味；意粉拌上冬蔭醬、香葉烹調，配上其他食材，如洋蔥、紅黃椒、車厘茄、菇菌等；麵條質感挺身，不會太腍，而且每條意粉也沾上濃厚的冬蔭醬汁，味道微辣，非常開胃且惹味。跟餐還配有飲品，分別是蜜糖烏龍茶或檸檬梳打，或以半價可以升級成非酒精的特飲。特飲：香蕉熱情果奶昔香蕉及熱情果混合乳酪打成的奶昔，底下的是熱情果，略酸，不過香蕉及乳酪中和了酸味，甜度恰好。菜類：馬拉盞炒通菜通菜新鮮爽脆，炒得有鑊氣，加入馬拉盞炒香，味道鹹香，而且蒜香味濃。

新menu係泰式有lunch set,就先試下1)燒牛肉沙律 燒牛肉分量很多，而且切好一片片同好冧，生熟程度啱啱好沙律新鮮，同用醋（好開胃）仲有個酸酸地既汁（酸子汁）跟餐有2款飲品擇擇左熱飲:2)熱生薑蜜糖烏龍茶座位多同舒適乾淨職員友善點品:3)芒果糯米飯&椰子雪糕4)泰式奶茶芒果唔係超級甜，但帶點酸反而梗有真芒果既味道；跟有點溫度既糯米飯都好夾雪糕分量有點少，但個雪糕筒好脆，ok既杯泰式奶茶正常味道，都算大杯，可以慢慢嘆，無人吹你走，可以約朋友去慢慢吹水

You only live once! Treat yourself a Good Friday meal !Happy Friday! 呢幾日輪住病係候食d 脆口嘢. 齊齊趕走負能量！呢個lunch set 幾抵食（送杯香橙鳥龍茶，涷仲唔洗加$）. 最貴嘅set 都係一百左右，其他d burger, spaghetti, risotto 等等平少少，之前食同朋友食過佢個spaghetti 係高質. 個沙律菜新鮮夠爽口清新，雞皮脆口雞肉嫰滑，薯條香口爽脆，燒雞汁都配搭得不錯. 順帶一題，環境開陽餐廳位置寛敞，同隔離枱都隔得遠，啱曬同家人朋友傾計又唔驚俾隔離枱聽到.

寶琳新都城新開了cafe，見有熱潮的牛角窩夫，便與朋友相約一試。餐廳對比其他cafe算是較平價，我們是閑日來到，所以餐廳只有少量顧客，我們亦樂得清靜。我們點了兩個主食🥢YOLO 招牌漢堡包$88🥢英式早餐$80🥢漢堡份量非常之大，薯條粗身不會炸得好乾；英式早餐亦尚算豐富，有滑蛋、煙肉、香腸、蘑菇、茄汁豆、兩塊麵包飲品則好抵飲，對比其他cafe算是偏大杯，而且便宜🥢朱古力咖啡$18🥢焙茶鮮奶$18🥢焙茶味非常濃郁最後我們還點了甜品🥢綠茶牛角雪糕$58🥢非常大份，牛角窩夫好香脆，綠茶cream夠滑亦好夠味

新都城3期近來多咗好多靚靚餐廳，呢間除左餐廳既裝修連個名都好吸引眼球。YOLO 就咁睇無咩特別，但原來佢係解You only live once ! 即是要我人一世食物一世，點都要食下。開初俾佢既外觀裝修嚇倒，以為係高級餐廳，但原來價錢極親民。一個2人晚餐$238，包小食拼盤，主菜2款，2杯特飲，是日餐湯沙律，仲要係好食。Hawaiian Pizza材料簡單，但要同時整得好好食都唔容易，即叫即製，芝士濃郁，菠蘿香甜多汁，焗到芝士黃金焦香。厚料薄皮，女仔食多塊都仲有大把quota。意式肉腸磨菇蕃茄意大利粉蕃茄係新鮮熱辣打出來既醬，醬汁好掛意粉。意粉既質地係爽彈爽彈，又一簡單而難精既菜式。小食拼盤有韓式雞翼同炸飯團波波，好有特式，食食下意式又帶點韓式。估唔到～～味道好多層次，唔錯丫因為本身唔知小食拼盤有雞翼，另外叫多個炸雞翼配荔枝醬。咁樣聽落，咁既配搭好似幾伏，但竟然係好味既？！炸雞翼炸到好鬆脆，仲要多汁既，配埋特製既荔枝醬，咬落又會突然好清香撲鼻，絕對必試呢款。最後飲埋佢既檸檬特飲，佢係偏酸唔太甜，等你愈食愈開胃。

YOLO琴晚嚟到新都城中心三期搵野食，一入到餐廳門口牆上寫住「You Only Live Once」，成間餐廳算好寬闊，好啱輪椅人士入去食！1. 炭燒澳洲肉眼扒伴 田園沙律、無限添加薯條 、蘋果肉桂烏龍$210（8/10）呢個餐好抵食，肉眼扒好有炭燒味，我就叫咗5成熟，呢塊肉眼扒有10oz，個扒肥瘦均勻，切開有少少粉紅，可以點醬食，建議餐廳個醬試下轉黑椒汁，應該更好味！😋😋😋沙律菜份量好多，新鮮多汁！💦💦💦蘋果肉桂烏龍就好好飲，飲落唔會太甜，好多蘋果片同幾片燈，飲飲下飲到淡淡肉桂味！最後粗長嘅薯條炸到熱辣辣，未食過咁熱嘅薯條，而且仲可以無限加薯條，我食到太飽嘅關係只係加左一次！👍👍👍2.YOLO招牌漢堡包$88（9/10）牛肉落牛油煎得好香，咬落去好juicy，入面仲有牛油果醬，加埋半溶芝士生菜蕃茄，成個口感好豐富，最後面頭仲有香脆煙肉，簡直正到爆！😋😋😋配埋粗長薯條，好完美！👍👍👍2人總共價錢$328，有加一服務費！個人口味總評分：8.5/10地址：將軍澳貿業路8號新都城中心三期1樓132A,138D號舖#肉眼牛扒 #薯條 #相機食先 #hkfoodie #hkfoodblogger

📍YOLO 將軍澳貿業路8號新都城中心三期1樓132A,138D號舖。。好耐都冇嚟過寶琳，原來新都城三期翻身完成後我都係第一次去。發覺依度都開咗好多新餐廳，一場嚟到梗係要食埋晚餐先走。見到依間餐廳叫「YOLO」You Only Live Once，店內裝修簡約舒適，價錢都合理唔會太離地所以決定入去試吓。其實二人套餐價錢都比較親民，但我今次散叫可以試更加多唔同菜式🔹西班牙風乾火腿伴烤菠蘿 $68一共有4片風乾火腿！原來呢個配搭又幾夾喎！如果菠蘿甜啲會更好🔹日式溫泉蛋腩肉有機糙米飯 $88糙米飯口感比一般白飯更加有口感，溫泉蛋汁撈飯啱晒我😌腩肉燒到非常香口🔹照燒黃油雞配烤菠蘿 $110份量係半隻雞，不得不讚呢一隻燒雞真係好Juicy!啖啖肉唔會鞋！配上烤菠蘿食落真係冇咁滯，胃口大開🔹牛油果醬煙三文魚牛角窩夫 $80呢個牛角窩夫我個人幾欣賞,我食到外脆內軟口感💕薯條熱辣辣即炸😍一食就停唔到口整體嚟講呢間餐廳無論食物質素定環境都唔錯,如果大家經過呢邊諗唔到食咩，不妨試吓依間

將軍澳新都城呢間西餐廳，每次經過都見到好多人，我bookmark咗佢好耐啦，聽聞性價比超高，食物出品又高質，今晚終於可以同朋友一齊去食😃 裝修風格簡潔舒適，啱晒食飯傾計🥰🌟二人晚餐$238餐湯x2健康南瓜湯， creamy濃郁，南瓜味香甜🥰前菜拼盤炭燒雞翼皮脆肉嫩唔肥膩，有焦香味道，肉腸同沙律好新鮮高質👍意式肉腸蘑菇番茄意粉🍝經典意粉風味，意粉掛曬汁好入味，麵質煙韌彈牙，配料夠豐富，真心推介🫶🏻夏威夷薄餅🍕火腿菠蘿新鮮又經典美味，薄批更香脆，唔會好似食緊麵包，2人份量啱啱好🫶🏻凍檸檬特飲x2跟餐有特飲或咖啡，質素高，特飲都唔使加錢👍綠茶牛角窩夫🧇雪糕$48食飽飽仲想食埋甜品，呢份甜品賣相精緻，打卡一流，食落窩夫夠香脆唔太甜，仲有雪糕同忌廉一齊食，好滿足😍

👻You Only Live Once👻-今日去開寶琳新都城 見到餐廳名YOLO咁特別就俾個機會試試佢👻-西班牙風乾火腿伴烤菠蘿 $62烤菠蘿🍍燒完之後唔會話好乾身 鎖左菠蘿汁係裡面 配埋西班牙火腿🇪🇸一齊食 咸甜咸甜咁 都幾惹味😍-松露忌廉牛肝菌意大利粉 $72少少一碟份量都幾足 但松露味淡左少少 不過就冇我最怕個種火水味🙈-芝士雞肉牛角窩夫 $78芝士幾多可以拉絲 雞肉調味好入味 分開食就幾好食 不過拼埋一齊食就咸左少少🤏🏻-朱古力心太軟 配 呍尼拿雪糕 $48心太軟焗得唔錯 外皮香脆 內心流質 再配埋伴碟既脆脆一齊食 增加左層次感😋

呢間餐廳宜家做緊呢個promotion Like/follow 佢地嘅Ig/Fb會有一杯免費飲品蝶檸榴榴蜜/香橙檸檬烏龍茶可選熱/凍🍽 Dinner Set for 2 $238🥣餐湯/雜菜沙律×2當日餐湯係洋蔥魚湯有真魚塊 味道唔腥冇骨唔會好似飲緊「麵撈湯」咁杰身會相對稀身啲 冇咁頂胃🍴小食拼盤之前以為係炸物原來係燒牛柳同埋薯波粒牛柳調味幾唔錯 沙律菜新鮮嗰兩粒應該係炸薯飯波上邊有啲茄汁同拉絲芝士主菜 可以揀兩款🍕夏威夷薄餅佢係薄脆餅底 咬落索索聲同樣做到拉絲效果 cheese幾足配料有菠蘿 火腿 洋蔥等🐟焗紙包魚 薯條呢個相對有啲失色但追求健康嘅人應該會幾鍾意調味相對清淡 有啲紅蘿蔔做配料食返蔬菜嘅鮮甜味 但魚柳有啲過老 另外配埋薯條呢個套餐配兩杯飲品凍檸檬特飲或者黑白咖啡 另外可加錢upgrade其他食物有小食或者甜品Steak:🐑焗乳羊柳伴田園沙律無限添加薯條有部份扒類可無限添加薯條原本跟薯蓉嘅除外羊架成日都食 但乳羊柳就少食相對羊架 肉質較嫩滑細緻有羊味但唔會難受 冇食到任何筋位 有芥末醬配埋但原味都好夠味 薯條香脆有薯味 加配嚟講都幾出色扒餐有一杯飲品：檸檬特飲/熱蘋果肉桂

有網上訂位真係好方便，打開智能電話的 Apps、撳幾個掣(觸控屏幕)、準時到達，就唔使現場攞飛等位，即刻有飯食。今日就去了「YOLO」。從開放式門面就見到餐廳logo 襯托在綠色仿真植物牆上，設計雖然簡單，但帶出一種休閒氣氛。內裏空間尚算寛敞，但沒有明顯室內設計主題，同一間商場內的普通西餐廳沒有大分別。偏偏打造了一個仿書架作為分隔牆，「書架」上面又擺放了很多「假書」；顯得突冗，同四週環境不太協調 ⋯⋯ 想扮文青Cafe？但整體室內設計風格未能配合，感覺不倫不類。大部分假日午餐在 $100 以下，價錢合理。頭盤餐湯 / 沙律二揀一。是日餐湯甘筍蓉湯；味道普普通通，有甘筍清甜，但未夠creamy及幼滑，只有甘筍味。雜菜沙律有四至五款蔬菜，只簡單用沙律油及沙律醋調味，簡單又健康。卡邦尼意大利粉（$88）的醬汁太稀，欠蛋黃香及芝士味；煙腩肉雖然已經切成粗粒，但未夠鹹香，煙燻香氣亦很淡。記得三個星期前在另一間餐廳吃過非常美味的烤雞，所以要了烤黃油雞配炸薯條（$128），希望再次回味，郤失望而回。廚師將烤雞分開四大塊，分別是雞下髀、雞上髀、雞胸及雞全翼，但就沒有去除胸骨，食起來比較麻煩；又只簡單用

位於新都城中心清新簡約Cafe除咗一般西餐廳有嘅漢堡包、意粉等仲有一個專食扒嘅Menu 除咗有牛肉眼扒、西冷之外 仲有羊小腿、羊柳澳洲燴紅酒羊小腿配自家製薯蓉和蔬菜($190)成個賣相都好有聖誕氣氛又蕃茄仔又Rosemary咁成隻羊小腿輕輕用刀一按已經切開 非常腍 又夠入味底下嘅薯蓉食得出唔係用粉開嘅普通貨色食落仲有薯仔粒粒口感凱撒沙律配溫泉蛋($58)新鮮爽口羅馬生菜 仲有脆口粒粒麵包配滋味溫泉蛋 清新好食天氣凍想飲啲熱嘢滋潤吓呢度啲自家製果茶調製得好味蘋果肉桂烏龍茶 蘋果味和肉桂味平衡得好生薑蜜糖烏龍茶 生薑唔辣 濃蜜糖味

已經係第二次黎食依間餐廳主打西餐 修裝風格都好文青feel適合打卡吹水今日四人叫左個二人餐 加 一個扒餐 埋單都係四百幾超值👍二人餐有前菜 有湯兩個main同drinks前菜係小食拼盤牛柳粒味道幾好 但有少量渣主食叫左個pizza同紙包魚個魚有啲失望冇咩味同唔夠滑另外叫左個羊 (唔記得影相😅）薯條可以免費添加👏🏻