功德林上海素食 (已結業)

沙田选择多，但于商场内既斋舖就得呢间，所以就入去食，以为呢间较出名既斋舖，应该唔错，但令人有点儿失望。先叫左沙律脆鸡，因为餐牌上写做厨师推介，就叫来当做头盘，点知外系脆，但入面件鸡就重有D雪味，应该系雪柜入面岩岩散冻而雪味未走就拎去炸，有D失色。之后来碟菜苗，个人几钟意因为系少油又清，木耳都爽口弹牙，蛋白都算滑，不错。再上胆胆面，味浓但偏甜，花生碎唔够脆，唯一厨师醒目位系上枱前已剪面，所以一夹都散。最后就系上海粗炒，多油但无味，而且妈妈食到D面有“简水味”，佢都唔钟意，菜都炒都“梅”晒，所以视觉同味觉都未能享受得到！所以，呢间斋舖就算其他分店都未必再吸引到我再去！