影片
更多
2010-01-25
32 浏览
生日月份, 朋友俾面又有饭局. 知我麻烦, 想试新野. 今次特登带我黎呢度...一路行, 经过好多辣蟹铺头, 仲谂住系去食辣蟹添... 之后先发现.. 原来有间Robata, 细细间, 典型炉端烧格局.去叹炉端烧, 就多数会边食边叫.. 食下又叫下... 咁先啱 feel... 不过今次事前未知去边度, 所以冇做功课... 凭直觉, 见乜点乜... 包括左..- 萤光鱿鱼渍- 烧鸡泡鱼干- 烟肉年糕串- 梅子酱鸡串- 鸡翼串- 鸡心串- 免治鸡肉棒- 甜面豉酱烧茄子- 烧明太子饭团- 烧牛舌- 芝士年糕- 炸牛肉薯饼- 清酒平时佐酒小食, 简单d 叫个芥辣八爪鱼多数稳阵. 不过, 朋友介绍得黎呢度食, 应非泛泛之辈, 所以要试就试有d 难度嘅萤光鱿鱼渍. 呢碟野, 好易好腥, 我都中几多次招. 今次终于又食到好货色!! 原条鱿鱼, 有5-6条, 像尾指般大小相若. 伴一点点姜蓉, 食落去有一种强烈嘅咸鲜. 鱿鱼渍就系咁先好食. 鸡泡鱼干轻轻烧过, 不过味道跟平常居酒屋叫的分别不大. 咬劲十足, 人人都会叫(起码我同其他friend食, 佢地次次都会点.) 不过我就始终未食过一间特别出众
一路行, 经过好多辣蟹铺头, 仲谂住系去食辣蟹添... 之后先发现.. 原来有间Robata, 细细间, 典型炉端烧格局.
去叹炉端烧, 就多数会边食边叫.. 食下又叫下... 咁先啱 feel... 不过今次事前未知去边度, 所以冇做功课... 凭直觉, 见乜点乜... 包括左..
- 萤光鱿鱼渍
- 烧鸡泡鱼干
- 烟肉年糕串
- 梅子酱鸡串
- 鸡翼串
- 鸡心串
- 免治鸡肉棒
- 甜面豉酱烧茄子
- 烧明太子饭团
- 烧牛舌
- 芝士年糕
- 炸牛肉薯饼
- 清酒
平时佐酒小食, 简单d 叫个芥辣八爪鱼多数稳阵. 不过, 朋友介绍得黎呢度食, 应非泛泛之辈, 所以要试就试有d 难度嘅萤光鱿鱼渍. 呢碟野, 好易好腥, 我都中几多次招. 今次终于又食到好货色!! 原条鱿鱼, 有5-6条, 像尾指般大小相若. 伴一点点姜蓉, 食落去有一种强烈嘅咸鲜. 鱿鱼渍就系咁先好食.
鸡泡鱼干轻轻烧过, 不过味道跟平常居酒屋叫的分别不大. 咬劲十足, 人人都会叫(起码我同其他friend食, 佢地次次都会点.) 不过我就始终未食过一间特别出众. 一片普遍鱼干罢了.
串烧三兄弟(鸡心, 梅酱鸡肉, 烟肉年糕) 跟住上场. 鸡心烧得很不错. 外面脆脆的, 入面依然juicy. 梅酱鸡肉串, 眼见梅酱唧o系上面, 但一d 都食唔出. 烟肉年糕反而系最出色. 年糕很软, 加上油从烟肉烧出来, 令呢片年糕多左一d 肉香.
烧鸡翼, 皮很香脆, 但鸡肉略嫌干了一点. 个人问题罢了. 食过哂荣川, 一门, 礼鮨, 原涧.. 味道都系唔够Pub d buffalo / honey garlic wings正. 同牛油炸鸡翼比就更加差天共地... 始终盐烧就系盐烧... 希望我会遇上令我改观嘅盐烧鸡翼啦.
免治鸡肉棒会成为左我下次再访和居和居嘅原因. 侍应第一件事就问我加唔加鸡蛋. Huh?! 加啰... 食串烧加鸡蛋, 我脑海就系谂住加蛋汁烧(玉子鸡肉棒?!). 一上到枱. 即刻呆一呆 (大家睇一睇相就知). 其一就系呢串野点会咁大件架?! 食开串烧都系差不多size, 呢旧野同平时d Corndog一样咁大旧架㖞! 另外加鸡蛋, 就真系加只生鸡蛋打落只碟度俾你. 当然, 新鲜事我特别感兴趣, 唔试点知好唔好?! Super-sized 嘅免治鸡肉球做得相当出色. 相比坊间d 免治鸡串, 肉厚弥补到佢地以往偏干嘅问题. 加上免治肉制作过程可以令到肉汁比起鸡柳更多. 肉质爽口弹牙, 又不失炉端烧那种烤肉香味. 生鸡蛋系用黎同酱汁捞埋一齐, 再点黎食... 烧汁加上鸡蛋, 更加香滑. 又学会一种新食法~
烧茄子涂上甜面豉酱, 与一些较正宗的居酒屋味道相若. .酱汁稍稍重手了一点. '荣川'做得比较好. 烧牛舌亦吃不出有什么惊喜之处. 没有浓郁的肉味, 也没有特色酱汁. 这样盐烧的话, 厚切比较合我心意.
烧饭团, 友人提议加明太子. 不错的选择. 表面被烧得金黄色, 脆脆的. 吃下去, 全靠明太子带出的一点点海产咸味, 令这旧饭的味道不会过于单调.
芝士年糕同牛肉薯饼都系后加的. 前者芝士很香, 年糕很软.. 微微烧过嘅年糕面, 加多一点香脆口感. 牛肉薯饼乃汉堡牛肉, 虽然以自家大名作招徕, 但味道又好像不到那种层次. 想起炸物中的汉堡牛肉, 都是'豚组'那鹅肝汉堡较令人回味.
p.s. 是晚员工招呼算是不错. 对答亦很有性格. 呢d 有性格嘅食店, 啱 key 嘅话, 同佢有倾有讲, 你会觉得d 野特别好食. 当然, 有好有唔好. 你识朋友都唔系个个同你都啱 key 啦. 同个唔啱 key 嘅人食饭, 几好食都打左折扣啦, 哈哈~
张贴
