和居和居 (已搬遷) 新店位置

误打误撞入咗去，见装修旧旧哋，似系做咗多年嘅居酒屋。星期一晚通常少人，佢偏偏就有好几枱客，仲同师傅有讲有笑，应该系熟客仔。Menu劲多选择，我同bae都睇到呆晒，上至鱼生寿司🍣下至渍物串烧🍢炸物🍤拉面🍜炒饭🍲都有，真系劲！星期一Monday blues，同bae嗌咗支sake叹下，唔错🍶。先上带子同海胆，带子好靓海胆有几只些少苦，不过整体都ok，但紫菜就淋咗啲。炸小池鱼，香口唔会好油腻，几好食！烧牛利，厚身，正常。烧蚝，甘香，ok。鸡翼，正常。芝士鸡肉，几好。日式炒饭，不错。整体我觉得鱼生几好，其他嘢正常，唔会话好特别。