和居和居 (已搬遷) 新店位置

做完野系CWB收工，一个人开餐都唔知食咩好，经过呢间日本餐厅，见到有串烧食，岩哂一个人，就入左去试试喇~~呢到都几多唔同野食刺身，串烧，熟食等等都有冻菠菜 $48先叫个清清地既前菜食下先，钟意呢到加左D豆皮，唔会得菠菜甘闷~个昆布豉油唔会太咸，成件事系几清新。不过菠菜可以再嫩D，而家老左少少~日本小青椒串 $25食串烧点可以唔食日本青椒仔。D青椒仔烧完既香味，真系无野可以取代。车厘茄串 $25车厘茄粒粒都好甜好JUICY，最正系佢系面头洒左少少盐花，令蕃茄既甜味更突出同有层次，好食~白鳝串 $78店员力推一定要试，果然冇信错佢。白鳝系佢地自己亲自’汤’，所以够新鲜，唔会有腥味。仲要啖啖肉又有油香，虽然有D贵不过都值~自家制牛肉薯蓉饼 $95薯蓉整得好幼滑，而且炸得唔油腻，大人细路都一定会钟意食~年糕芝士最后食埋呢个烟烟韧韧，甜甜地得黎又有芝士香既年糕，为呢一餐画上完美句号。虽然只系随便入左黎，但竟然十分之有惊喜，十分满意。