和居和居 (已搬遷) 新店位置

最近喺铜锣湾， 返完工揾野食， 一般都系希望放松下，可以坐耐啲，倾下偈，之前试过几间，都做唔到呢个效果，今次另一同事介绍，有啲似日本居酒屋嘅日本料理。环境格局真系有啲似，又有吧枱，行入去座位唔多，小店型式。铺头仲可以帮客人keep酒，饮唔晒留返下次，有呢样已经唔系好多日本餐厅做到。先黎凉拌日本酱青瓜，即面豉酱配青瓜。 面豉酱咸咸哋，几开胃，青瓜凉浸浸，爽脆可口，作为开胃菜一流。面豉煮牛筋， 牛筋煮得够入味， 如果煮得再淋啲， 就冇得弹。串烧鸡心， 系真正串烧，烧出嚟嘅真系冇得顶。串烧烟肉芝士年糕， 烧到快烟肉外表少少脆， 年糕吸收晒烟肉嘅香味。吉列蚝， 一客有五只，大大只，都几抵食。入去倾下偈坐下饮下嘢，真系一个唔错嘅选择。