三盞燈馮記豬腳姜

营业中

休息中

好了，大家出門口行過2步就到了，他們說這間的豬腳薑超正，要了一碗大家share食..除了豬腳薑之外，還有其他小吃買，不過始終興趣不大！$20一大碗豬腳薑好抵食，剛剛倒入一些新料，所以等了一陣阿姐先剪比我們，有齊豬腳~薑同一隻蛋，琪小姐想要多些醋汁，阿姐都無托手肘妹子不吃豬手豬腳的，所以碗中的蛋一定是屬於妹子，醋蛋不un，又勁有蛋黃味，好吃！大家吃到頗狼狽，成手骨頭，只有妹子吃到乾乾淨淨，好~又要下站出發！

同老大一行四人因為亂行而咁岩見到呢間野 ,又記得自己係openrice 見過 ,所以就試一下~~點知一試....就錯晒!! 我同男朋友各買左一串 ,酸到丫....>"< 我自己鍾意食酸野都覺得唔好食....d 豬耳豬頭肉都好吃既 ,夠爽夠"林" ,但係得個酸字....完全唔係薑醋個回事....好彩我地係咁岩行過 ,唔係特登過去咋 ,如果唔係就真係浪費時間了~

just ok but a bit too sweet. I tried the pig ears, its not crispy enough, too soft. I tried the intestine, again too soft , I like a bit chewy intestine.

九月上旬‧陰陰地天又話無胃口？又周街食野？我都唔知，總之想食，就食。聞到薑醋的味道，想吃。來到看到豬腳薑上面放著一串串的醋豬雜，買一串，邊行邊吃。不過就唔可以邊影，因為要吃得快。豬耳爽脆，豬腸韌了一點，可以是浸了醋的關係。不過吃起來，都幾開胃的。不過個人而言，喜歡甜一點的薑醋，而這個，也辣味不足。一吃無妨。

呀蘇推介豬腳薑...點知..D醋得個醋字...豬腳D醋味同D醋既味好唔似蛋唔入味薑唔夠辣唔得..唔明點解甘多人去...

幾年前仲係好舊O既街市......近年黎見到新裝,乾淨左好多所以特登再食下啦,一樣都係5蚊一串,有豬皮,豬腸等等.......但食落比以前酸....記憶中以前係比較甜的.......

apr 23, 10,經過開呢度,襯未到weekend,無人排隊,所以叫咗幾串 :1) 豬皮,豬耳,小腸 (mop15.5) -個醋汁嘅酸度多過甜味,所以其1友人會覺得酸咗d-我1貫都唔多好薑醋,但都ok-3樣嘢中,豬耳用薑醋煲都ok因豬耳有其特性,有咬口之餘,亦唔多會索滿薑醋汁,比較對我嘅口胃2) 豬腳,蛋 (mop18) -原來友人之中有個薑醋王,所以就買咗出名嘅豬腳同蛋-聽說隻蛋好入味,但又不會醃到實晒-友人嘅comment話個薑醋都ok,亦接受到薑醋嘅酸度

聽聞呢間豬腳羌好出名, 去到見到勁勁勁勁勁多人排隊, 而阿叔真係剪到手都軟~ 唔好講笑~ 同埋唔知點阿叔鬼咁多電話, 忙到一頭煙~ 好在佢係快手既人, 唔使等好耐就有得食~佢有分幾個size咁賣, 我地就要左最細個size, 因為都係為左一試, 唔係為左d食飽~ 但都幾大碗喎~ 好在叫在細碗~碗豬腳羌既顏色都幾好幾attractive. 我自己唔食豬腳羌at all, 但我聞到d豬腳羌好香, 都好有衝動想試下. 羌係唔辣既~ 蛋就好入味~ 至於豬腳呢就... 我地好似冇人食喎, 所以唔知呢, 不過我斷估都唔差既~ 大家如果行過可以試下~

豬耳及腸都算入味，薑唔辣-不錯!唯一是醋太酸，欠了份甜味!

剛吃過緬甸麵, 走到街口時看見有檔豬腳薑, 發現賣的不只是豬腳和蛋, 另有一串串的豬皮、粉腸、豬腸等。 因未試過這種吃法, 覺得很好奇, 所以又買一碗回去。 豬腳$14/隻: 如果連薑和蛋則$20, 因為小妹不愛吃薑, 所以單要腳好了。阿姐會將豬腳剪開細細舊, 皮彈肉稔, 充滿膠質。 豬皮$5/串: 最怕煮到稔淋淋的豬皮, 這個夠爽夠彈, 完全吸收哂醋汁。 豬腸$5/串: 選了尾段無肥膏的位置, 咬下去很爽口不韌, 幾有嚼勁。只可惜薑醋味太強, 強得掩蓋了原有的豬味。 試了數口薑醋, 幾稠身, 但甜和酸的比例失衡, 好像只吃到酸味, 甜味不知躲在哪裡?

我自己本人就真係唔太鐘意食豬腳姜呢家野,真係我唔鐘意食醋.......但由於我媽咪一場去到,所以帶佢去試下啦咁一直向三盞燈方向行,我剛剛望到果三盞燈就開始"聞"到醋香味啦..........行到一個街口左右啦,卒之見到間鋪頭,不過應該翻新過,以前行過見到唔係咁o既樣,同埋鋪頭排位都唔同左.......佢呢度好得意o既一串串,有豬腸豬皮等串好,咁你就可以好似執藥咁執唔洗一定食豬腳豬手咁......揀好之後,佢會幫你用醋煮一煮佢,再放落個碗到再加d 醋比你好唔好食我就真係唔識分,因為自己唔鐘意但"聞"落幾好"聞",飲落就比平時o既甜,但我女朋友同媽咪都話好食所以我比個ok 佢啦

feb 28, 09,4人到埗後嘅小食.........介紹友人呢檔嘅豬腳薑最出名,原來煲內順便用個薑醋汁浸其他材料...............估唔到佢地會揀另類嘢 :1) 薑醋豬皮+粉腸-薑醋1直都唔喺杯中茶因為太燥太補之故-初時以為好似香港咁,浸夠就比2串你就喺-原來會將之拆出,放入發泡膠杯仔...........可以食得斯文d-因為豬皮仲有少少爽彈嘅口感........所以還好,但喺配以薑醋汁,個人覺得奇奇的-輪到粉腸,粉腍嘅質感,就更+唔多襯薑醋汁-我每樣食咗1件,就速速收手-但話雖如此.........友人把汁喝下,就讚個汁有"杰"度,不錯-所以相信食番傳統嘅豬腳薑同蛋會出色d- 2位友人經過呢餐之後.........多咗個暱稱.........."豬皮"+"粉腸",hahaha

食完蛋糕，想去富記食碗粥，可是蕩到去，才見到門口又掛上「休息數天」這牌子。要放假就放假，這也是澳門人的可愛處。去吃別的罷。想起好久沒到三盞燈了，去到，發覺生果街（飛能便度街）的市政設施整治工程已經完成，本來在街道兩旁的小販攤檔，都背靠背地面向人行道兩旁的商舖。路是清潔了，濶落了。看到茶果湯、雞絲翅、芝麻糊，都不太想吃。喜歡吃豬腳薑，卻沒有吃過馮記，因為每次經過香氣都不吸引。當日感冒未清，卻益都食，掙扎了一輪，心想吃一碗小大概行罷？看檔的女孩，很仔細的先放下了兩塊豬腳，然後用較剪剪了幾下。要蛋嗎？她問。好罷，甚麼都試啦。她放了一只蛋進碗中，舀了些醋，再慢慢的從鍋裡挾了幾件薑，剪開，再淋上醋。老實說，看到那些薑，賣相跟八珍的差太遠，看似會有渣，有點打定輸數。但吃下去又鬆化無渣，不差，也沒八珍的辣。冒著熱氣喝了一小口醋，糟了，是我不喜歡的口味──這裡酸醋下的比甜醋多。再喝一口，又不是酸得不能接受。薑醋雞從來於我都可有可無，沒有特別喜好，這裡的不像鐵蛋般結實。把最底的豬腳翻出來，很腍，很入味。那些膠質，嘩，好吃。奇怪，吃著吃著，開始接受了這種味道的薑醋。有一陣子經常買八珍的豬腳薑吃，除了醋之外

猪脚姜是我的最爱之一,当然不可以错过!在街边就摆了几张凳子就吃起来了,25碗一大碗,有猪皮,猪脚,猪耳,姜醋蛋,越吃越酸不过过瘾啊这次遇到一个婆婆(起码70岁了)在等了好久,所有档口的老板都前来热心询问她想吃什么,她原来在等隔壁的糖水铺老板娘回来做西瓜汁,但是那个老板娘已经回去了,结果是好心的馮記三盞燈豬腳姜老板娘做了两碗给婆婆吃.

一大清早, 殺到去三盞燈.很快便見到馮記問老板點賣.老板說: 你想要D乜?有豬腳, 薑, 蛋及豬耳.來一碗基本的豬腳薑加蛋吧!$20, 見老板一直剪, 一直加重料... 心想... 唔洗錢O架?真係$20???好味到呢!D醋, 酸, 甜, 甘於一身.真係大大碗都輕易解決.難怪鏡湖醫院都搵佢煲豬腳薑!有朝我有喜...都要同佢訂!!