九如坊 (已結業)

復活節勁多港人, 如果冇訂位, 唔洗止意有得食, ~葡式煎豬柳: 一般 , 薯仔略生左少少木糠布甸 : 全澳門最正, 但都係最貴 紅酒燴牛尾: 都好好味.SERVICE 一般, 侍應好悔氣....

拿著澳門的旅遊書，來到這裡試下呢度既葡國菜掂唔掂。大部份客人都是外國人，似乎都係做遊客生意居多。至於裝修，幾有歐洲feel，店子分室內及室外，當時室內已滿，只好坐外面。三條友，每人點一個菜，岩岩好。選的有焗蛋白菠菜茸、海鮮墨汁麵以及馬介休。服務生首先奉上餐包，香噴噴，未吃已知好味道。咬一口，果然是熱呼呼，外脆內軟熟，塗上軟滑的牛油，很有驚喜。第一味來的是小食，焗蛋白菠菜茸。外表真的很核突，色水又差，起初還以為會好難食。切開，不是想像中一 『pat』野咁，菠菜味道幾香，質感不太糊口，可以接受喎。馬介休味道偏淡，即使淋上了醬汁也帶不出味道，而肉質較韌，不合口胃，反而伴碟的薯仔和菜是異常好味。曾經食過馬介休炒菜是幾好的，或者就是煮法的問題吧！最後的海鮮墨汁麵，有不少魚肉、帶子、魷魚等材料，幾豐富，而且海鮮感覺新鮮。墨汁麵彈牙爽口，配以白汁令口感更幼滑，我挺欣賞。沒有吃到這裡的名物木糠布甸，下次一定要來試試。

mar 01, 5人1齊嚟到,主要喺為咗木糠布甸 :1) 木糠布甸 x 2-大家都喜歡凍實,似雪糕嘅木糠布甸-1直都覺得呢度嘅木糠喺最好-好有心機嘅6層製作,每層有明顯嘅瑪利餅碎隔開-雖然現在好薄片,但仍舊有水準-呢d先叫木糠布甸+嘛2) 愛爾蘭咖啡-外型1流3) 熱咖啡-伴以1小塊曲奇-掛住吹水,無問到友人2杯咖啡嘅味道如何

轉左入小街, 就好似另一個天地咁, 出面好多人, HERE 就好寫意,我地坐左露天茶座, 配合埋好天氣 *舒服*ＳＵＲＥ　係叫　木槺布甸　好滑。一層一層咁。唔係入口就ＭＥＬＴ　左。可以ＳＴＡＹ係個ＭＯＵＴＨ度試真下個ＴＡＳＴＥ。唔會好甜。好好味呀！

特登黎食木糠布甸$58 得到薄薄的一片真的不是太抵這是我第一次食木糠布甸我覺得ok la 原來布甸是硬硬的 就像雪糕那樣木糠與雪糕互相交錯都幾好味~但係$58 只有咁少少真係搶錢咩

一來自己窮, 無辦法, 打開餐牌後, 捨得叫的菜唔多, 加上在澳門四圍食野食足一整天, 真係飽, 最後點了炭燒沙甸,馬介休炒飯同埋蟹肉釀蘑菇,點知蘑菇賣晒, 轉了個焗茄子.沙甸魚合格,茄子好普通,馬介休炒飯, 好唔ok. 當然, 炒飯要炒到一粒粒米先算合格, 佢地都可以炒到一粒粒米分開,但每粒米都又乾又硬,自己炒一定好食過佢,我肯定.埋單成300蚊, 覺唔值. 可能因為澳門有太多又平又好食到暈的食肆, 所以臨近旅程尾聲吃九如坊, 唔抵的感覺特別強烈.結論是:澳門太多好野食, 論price/performance, 呢間唔掂.同場加映)) 隔離枱有對男女, 點左個118元的蜆肉天使麵, 一上枱, 個男的已經怪叫:. 原來個天使麵個汁稀到暈, 似湯意粉,但好明顯唔係,那枱客結果只吃了一口, 臨走前仲同職員講:

去澳門一定要吃傳統又正宗葡國菜,吾係你會好像沒有來過澳門的,我和媽咪2人中午來這裡開大餐啦啦!!!!!!.(1) 焗鴨飯 - 熱烘烘,又重鴨味又香噴噴,鴨肉咬落好.........好爽口.(2) 紅酒燴牛尾 - 多汁,好腍,好重味道地道菜,超級好味.(3) 焗羊鞍 - 無so味,細細件容易吃,不肥膩.(4) 木糠布丁 - 正正正,吾甜,木糠碎多多.....多,好美味.

很多人認識九如是慕澳督御厨之名, 我以前也來過兩三遍, 環境是可以, 但食物的印象只是平平. 至今晚方知原來撞手神一事處處皆有, 難怪米芝蓮的食家評分既要匿名, 更要三顧四盼才能定斷.菜的份量其實很大, 七人分食仍有餘份. 中秋的晚餐, 多點多吃無妨, 隨便點了一瓶法國紅酒, 好好地享受九如坊真正的美味.1. 麵包. 大麥制, 內有大顆粒的穀物. 焗得恰到好處, 外脆內軟之餘, 撕開即麥香四溢. 配上牛油黑醋, 無可挑掦.2. 葡式凍花蟹. 二百九十四元的頭盤, 亦是全餐最貴的一道. 侍應解說此是花蟹拆肉, 再混葡式醬汁(係咪葡汁, 唔係.)而成. 上台時眾譁然, 此非巨型焗蟹蓋乎? 非也, 大花蟹蓋盛蟹肉沙律也. 蟹肉的味道其實相當不錯, 是潮式凍蟹的好貨, 肉甜而實, 累累而非散細絲狀. 葡式醬汁的味道似他他醬混旦黃醬. 切片的法包倒是水份太高, 不夠脆. 此道單吃味道仍不賴, 只是價錢稍高而已. 3. 燒牛仔骨. 不要想得太簡單, 便用零梳單的情況下要做到這樣的柔軟度非常不易. 加上調味和高超的燒烤技巧, 如此牛仔骨可遇不可求, 絕非一般酒店扒房可比. 一百八十四元, 食得過.4

八月廿五日(星期日)繼續行程,離開了氹仔後,乘巴士到荷蘭園,搭無冷氣的纜車,再在烈日當空下行東望洋燈塔...再坐的士到新馬路.......吃九如坊!一進店........感覺好似到了天堂一樣,很涼快!!!!再來杯冰水,比山度士好得多了!他們連水也沒有!當然點了我們的最愛-米糠布甸!五十多元的一個布甸,不過一分錢一分貨呢!!!!!今次沒有了黃色的雞蛋絲作配角!...入口很香的,令人想大啖大啖地吞下去!!!不得不試如果來九如坊的話!再加了上次見到的焗蛋白菠菜茸,等到頸都長埋....差不多半個小時!size很小的,我覺得菠菜味不算多!........但感覺比較漏呢!....下次也不會試這個

早兩日去了澳門. 星期六晚上吃過晚餐才差不多8點, 本來想去九如坊吃甜品. 坐下來點甜品時, 侍應竟然話要9:30後才有甜品供應. 這個arrangement真的很奇怪. 由於我們已經在別處吃過晚餐, 所以便即刻離開. 我們示意想走, 侍應沒有阻止我們, 大家都覺得很無奈.他們應該在帶位前告訴我們沒有甜品供應. 不過一間餐廳要晚上9點半後才有甜品都算奇特. 這裡一個甜品都要幾十元, 一點也不便宜, 服務應該可以好一點.

星期日特登去試下呢家傳說中的木糠布甸。 去到先知店內系甘細，幾張台就客滿要系出面坐。天氣熱，系出面簡直就好似火爐。甘就算啦，叫拒羅風扇，叫左幾次先羅出黎~~點左個58文的木糠布甸（比我想像中細），中間白色的好似雪糕，食上去無咩特別，而且因為天氣熱的關係，融得好快，吾夠五分鍾就食完，無咩特別好食的感覺。下次吾會再去啦~~

之前兩次去澳門，都沒有再品嚐極好食的木槺布丁，今次當然要帶同事去食一次吧! 兩點半到達九如坊，剛好店內有個空位，不需坐在戶外暴曬，太好了，立即點了兩客木槺布丁(MOP$58) 木槺布丁，味道依舊，的確價錢是貴了點 (因還要加一)，再次食這布丁也沒有了第一次時的震撼，但天時暑熱，吃一口布丁飲一口冰水，痛快!食完布丁，抖足精神，再永利進發~ GO!

五月廿五日(星期日)這裡是老公仔每次來澳門必來的食店,亦即係我將來去澳門都會去的食店呢間食店可以用”靜中帶旺”來形容,坐立於新馬路既僻靜一個角落,在熙來攘往的鬧市中自成一閣但是他們的露天茶座....雖然看似寫意,但炎炎夏日...........還是等等入面的冷氣座位吧!呢度出名既名菜有很多,每次只能選其中一二來品嚐,今次我地就叫左三款:三文魚梳乎里 – 第一次食,顧名思義,將三文魚肉碎放入梳乎里內,味道出奇地夾同好味,份量固然無太平館咁巨大,但會比Conrad傳統法式的大些少,係唔錯既”熱身菜”焗鴨飯 – 每次必食,係呢度既名菜之一,份量雖然唔多,但每一啖都係精華,飯與鴨一起焗,盡吸了鴨的精華和鴨香,而鴨肉本身好有咬口,唔係普通燒臘店既無味燒鴨…必試!木糠布甸 – 咁好味既野竟然之前無食過…看了一本飲食雜誌,話呢樣係必試.好!儘管試一次,真係無得頂!!!我地試過香港幾間有賣米糠布甸既食肆,都覺得略有所失,因為佢地太似雪糕la,唯有這裡既米糠布甸真係有”布甸”的口感,簡直令人感動之作下次希望可以品嚐到其他既食品…馬介休,紅酒繪牛尾……

尋晚同屋企人去咗呢間, 因為地點就腳, 而好多人都推介個木糠布甸, 兩年幾年有地道澳門人介紹過呢間但無試過, 所以今次試吓呢個咁有名嘅甜品。一打開餐牌, 嚇咗一跳! 樣樣嘢都咁貴! 上次嚟無留意價錢, 知係貴但好似無咁誇張。叫咗上次都有試嘅焗鴨飯(mop156) --- 份量都係細(6吋乞兒兜）, 唔見得好好食, 不過啲飯ｕｇ到好實馬介休梳乎里(mop66) --- 得個橙咁大燒沙甸魚(mop56) --- 魚毛兩條, 一條大啲, 呢個菜其實好簡單, 好難整得難食燒牛仔肉(mop116) --- 個汁幾香, 但牛仔肉都係好難會唔好食木糠布甸(mop54) --- 呢個真係好食埋單MOP493咪睇好似好多嘢咁, 其實真係見個價錢咁貴先就住叫啲平啲嘅嘢食見到個焗鴨飯要MO156我都真係嚇到傻, 因為之前食過知個size係好細嘅, 我諗呢個係我食過係貴嘅飯(貴埋份量）！再睇返呢度之前嘅食評, 以前呢個飯係MOP108囉如果食物質數好, 價錢貴都會食, 但喺澳門其他地方食到更高質數嘅嘢而又平好多, 我唔會選擇嚟呢度, 因為呢個價錢拍得住酒店, 而食物質數交唔足貨。(以上價錢可能有少少出入, 因

見到餐牌有馬加休梳乎厘, 好得意喎! 平時食開d梳乎厘都係甜, 原來有鹹架喎! 一定要食啦! 焗得唔錯, 沙牛男友話梳乎厘好難打得好, 呢間算做得唔錯, 可以一試.我以為係木糠布丁, 原來係蛋榚o黎o架! 其實係雪榚至真! 好香cream味, 好好味, 好有心機, 一層層好分明, 香港果d鋪頭無得同佢比, 質素差太遠啦!我唔記得實際價錢, 不過我記得唔平重有d貴o忝! 好似兩樣加埋要過百.我提議大家如果個胃有位, 可以試埋梳乎厘, 如果無位就試木糠得啦!