內港餐廳 (已結業)

08-12-166/14白酒煮蜆海鮮燴飯燴蘋果個蜆鮮, 好香白酒味, 食完有D醉,可能我傷風啦海鮮飯掂,有海鮮味,又多料蘋果可以不叫,其實想食木糠布甸,但今朝食左,再嗌驚比人鬧合共$231

聖誕節來到澳門慶祝, 晚上來到這一間歷史悠久的內港餐廳, 兩個人試了幾個菜, 1. 面包海鮮湯, 2. 白酒煮蜆, 3. 萄式焗鴨飯, 4. 燒雞, 都是比較出名的, 結果白酒煮蜆, 萄式焗鴨飯非常咸, 燒雞卻有點甜的, 食不慣, 這個可能跟萄式有關, 面包海鮮湯好點, 但說實在味道跟can湯差不多. 完本打算xmas正日開開心心, 現在有點敗興而回. 可能傳統智慧都是大假期沒好東西, 因為廚師都想放假...?

到澳門前一星期已訂枱，想品嘗好的葡國菜，怎料餐廳給了我們一張像員工吃飯的枱，餐巾推滿坐椅，見一家人都坐下來了便沒有再換枱，但整餐都像在餐廳的後攔吃飯，侍應忘記上水和麵包，又常背對著我們大聲談笑，感覺不好。我們點了蒜蓉包，薯絲炒馬介休，海鮮飯和拼盤。海鮮飯做得最好，多海鮮，夠鮮味，薯絲炒馬介休很多油，拼盤全都是炸物，都很多油，我們只得３人，想來不應叫那麼滯口的菜，可能叫沙津吃會更好。沒有想像般的好吃，可能因為這裹出較適合大班人聚餐吧。

講真，我去之前，看到這一個劣評都無，有十四個好評，所以就去試但我忍唔住要比個劣評佢，真係唔好意思佢野食無問題，幾有澳門特色，但係我叫左一個蜆，一個飯，一個湯，一個木糠就埋單差不多四百蚊，有少少貴貴唔緊要，你比好的服務我唔該有個男伙記，同我落單時，一路聽，一路腳un un，做乜？之後我引開左我女友去洗手間，叫左個伙記過來，話我叫甜品唔該幫我放支蠟燭在上面，因為我女友生日。個伙記話，好！點知到最後，甜品上了，沒蠟燭。我比女友的驚喜就咁就無左你話抵唔抵比劣評？

晚飯時間稍過才齊人出發，到澳門已是九時，正式啟動廿四小時澳門走透透。在本地朋友介紹下到這間聞名已久的媽閣區的餐廳。裝潢有歐式房子的感覺，加上半咸淡的廣東話招待，感覺有如到訪土生葡人之家。先來馬介休沙律，沙律菜伴著濕潤的馬介休，還是第一次吃過不是炸乾的馬介休，剎是新鮮和特別。再來就是全天重點的葡式炒蜆。雖說是炒，其實是跟湯上的，用烚來形容比較恰當。不過怎形容並非重點，新鮮爽口的蜆肉加上那融合了鮮蜆精華的蜆湯，才是異常誘人的焦點所在。唯有叫來無限供應的麵包，吸盡蜆精的鮮味。事實上在蜆湯被各位喝盡以先，其他菜式全都被冷落一旁，人人情願吃包飽便足見何等吸引。喝飽湯後才再來個海鮮燴飯，海鮮材料豐富之餘，加上紅湯汁底的燴飯，亦是另一點睛之作。鴨焗飯其實也是很好吃，而且份量十足，每口鴨肉和飯的比例都近乎五五。只是前面兩款已搶盡風頭，這個肥美的菜式都被叨光了。最後的非洲雞嘛…辣得很卻怎麼乾癟如柴？事前眼闊肚窄，賽後檢討，這個下次可以免了。Cozy的氣氛，笑笑吃吃，又添包又喝美味的sangria，不經不覺就吃了近兩小時，如家的服務除了親切的笑容外，到了收舖時間，卻也少不了如長輩「夜喇，快尐返屋企」的催促

上星期剛剛去完澳門，而每次去澳門，定必到"內港餐廳"。餐廳內的佈置好有葡萄牙feel 外， 食物亦很有水準，服務更加一流。每次例叫食物:1. 磨菇焗雞飯 - 好香好 creamy2. 葡式白酒煮烚 - 白酒味及芫茜味好香，如有小朋友可叫用少d白酒煮3. 燒牛仔骨 - 需然偏甜少少 ， 不過好香和"林"4. 燒馬介休 - 鹹香少骨4. 白雪金沙 - 甜品，很像木槺布甸，不過比木槺布甸軟滑比較起其他澳門葡色餐廳，這店的食物份量都算幾大，所以第一輪唔好order 咁多食物，唔夠再 order，因為佢地送的麵包都好好味。

前一天下船後便即時致電預早訂位，結果如我所料，餐廳爆滿非常。打開餐廳正門口是一條又上又落幾級的樓梯，餐廳內的裝修很有葡式餐廳的氣氛，內裡小店設有兩層; 上層有兩間開放式的房間，適合一大班朋友或家人聚會。侍應有華人也有菲藉人士，並不是清一式一個族群。麵包海鮮湯(MOP 48):像喝著奶味重的忌廉湯，內裡甚麼海鮮配料都沒有，除了一隻蝦仁外(看上圖)。喝了一半後，當待應經過，便多口請他代我向廚師詢問一下海鮮湯到底下了甚麼海鮮配料，其後他的回覆令我真的匪夷所思，海鮮配料原來除了有蝦仁外，還有蟹及魚，心裡滿是疑惑的是除了找到一隻蝦仁外，就只吃到一些"鞋烚烚"而完全無味的東西，起初還誤會是豬肉呢! 至於侍應口中的蟹及魚，我真的找不到亦嚐不到，這道菜"有支勢，無實際"，說是海鮮湯是有些騙人的海鮮湯:啖啖海鮮的鮮味，用上蕃茄煮過的海鮮湯，其主要海鮮配料有蜆肉、魷魚、蝦、魚肉及洋蔥焗蟹蓋(兩個)(MOP 65/每個):千萬不要以為只供一個人吃，絕不是奄仔蟹蓋的體積，因為份量可不少啊! 焗蟹蓋 頗"漏"，蟹蓋在焗過的麵包糠影響下，感覺脆口，焗蟹蓋面放上半個兩粒的橄欖粒。主要成份是磨菇、豬肉、蟹肉及幾片紅椒

睇見咁多食評 姑且一試去食過晚餐好好彩>>>.好掂 我地得兩丁人叫得唔多 叫左釀蟹蓋, 咖哩蟹肉, 雜菜沙拉再點左杯白酒同果汁大約300幾啦遺憾係得兩丁人叫唔得多嘢食....仲未試佢地隻非洲雞添

澳門二天遊最回味的一餐環境好舒服，好有氣氛，食物好味1.葡式炒蜆：推介，好鮮味，一d沙都無，連汁都好好味，點埋d面包吃2.砵酒燴牛尾：好入味，好味3.麵包海鮮湯：幾好味, 外面有個面包，裡面是湯，個包好大，不過d湯得好少4.白雪金砂：推介，即木康布甸，超滑，超好味5.牛肋骨：好味，但幾’un’6.椒鹽鱸魚：幾好味7.炒菜：好味不過水是要收費的 , 五個 人$800

試了下列菜式:炒蜆($78) - 好味砵酒燴牛尾($110) - 味道 ok, 但不值這價錢, 在香港名寶石餐廳食仲好味, 又平些麵包海鮮湯 ($48) - 湯底好好味, 但好少, 唔抵食白雪金砂($30) - 好味, 但好 "漏"整體而言, 味道只可算是 ok 好食, 但價錢略貴

2007年9月澳門飲食誌(3)：餐廳有很多人訂座，我們大概6點到達，不用等位，但愈夜會愈多人，那天很快便沒有位。另外，裝潢用多個雀籠裝飾，頗有心思。點了3道菜：(1)馬介休沙津——味道不錯(2)葡式麵包燴蝦——加入剁碎麵包燴蝦，頗特別，但吃多了會覺膩(3)牛肋骨——夠，可惜是了點

我們的週年澳門煙花節慶典，坐十一點船，落船即刻坐的士去內港食lunch。內港大門口和室內装修都幾靚，留上雅座有街景，自成一恪閤，感覺不俗。我們點了澳門汁炆牛脷、非洲雞和馬介休炒飯。澳門汁即係羅宋湯汁，牛脷有五大塊，炆得唔算腍，但都肥美；非洲雞我倆都唔欣賞，雞肉鞋，汁醬男友認為同快店餐\的洋葱汁一樣味。馬介休沙飯仲大獲，邊吃邊吐魚骨，馬介休超乾，硬到食不下嚥。原來Macau openrice無\"OK面\"揀，這裡又末至於\"喊面\"，唯有比\"笑面\"啦，這個\"笑面\"認真唔值！

和朋友到澳門覓食﹐跟著鍾偉文先生的『暴食澳門』去了不少食肆﹐因為有位朋友未到過澳門﹐就去了媽閣和海事博物一遊﹐因遷就時間緊逼﹐不想山長水遠去別處吃飯﹐就試試走進內港餐\ 廳。<br /><br />蒲一進去就發覺裝修很有心思﹐雖說食評應以食物為主﹐但環境也應佔去20% ﹐坐得舒適對胃口大有幫助。<br /><br />由於我們香港人不熟悉葡菜﹐親切的店經理( 她說她不是老闆娘) 介紹了好幾道菜﹐最令我們擊節讚賞的有:<br /><br />1) 燒馬介休( 名字忘了)<br />2) 椒鹽鱸魚<br />3) 紅酒火局蘋果<br />4) 白雪金砂<br />5) 羊仔扒<br /><br />其實不止這些﹐但記不起名字﹐各位自己去試試就好﹐我每次去澳門都一定光顧﹐又好吃又親切裝修又舒適﹐還要求些甚麼呢?<br />

次次去澳門都去船屋，今次朋友介紹附近嘅內港，一於同老婆去試吓。閒日12點半去到，一檯客都冇，一路到我哋食到點幾兩點走人嘅時候都係冇第二個客！我哋呢餐埋單都唔使$200，佢哋點做？！我哋叫咗葡國臘腸($30)做頭盆，加半隻非洲雞($55)同葡式焗馬介休($75)。臘腸咸咗啲，不過幾香口。非洲雞做得幾滑，但係唔辣。馬介休就用咗好多洋蔥同薯仔煮，好香，而且馬介休本身唔係好咸，我哋最滿意呢樣。不過有樣嘢真係唔係咁好，我哋原本想飲清水，但係同船屋一樣，水都要收錢，而且要$12一杯，咁就梗係叫嘢飲啦。服務方面，d侍應態度好親切，叫我哋四圍參觀，又主動幫我哋映相。

一班朋友來食晚飯，老板娘見我地香港人唔係好識叫野食，非常熱心推介各種菜色。我最欣賞是馬介休及非洲雞，馬介休入味，非洲雞非常嫰口。埋單各人都是六十幾蚊，抵食。