必達士

营业中

休息中

嚟到澳門官也街，必食呢度嘅甜品，聽講呢度最出名嘅係食木糠甜品，因為頭先食完飯有啲飽飽哋，所以我今日就揀咗食木糠雪糕（香草味）。$39下次會嚟食木糠布甸同木糠蛋糕。木康係瑪利餅嚟嘅，而香草雪糕，奶味香濃，質感厚實。將瑪莉餅整成餅碎放喺雪糕上面一齊食，感覺更有層次及更滋味！

在我的認知以來木糠布甸是一種非常簡單的甜品，年輕時在工作場所認識一位西廚，他教曉我如何做好一杯木糠布甸，到後來自己在家中反覆嘗試，終於製成了一杯味道還可以的木糠布甸，深受家人及朋友歡迎，其實木糠布甸的材料及製作方法非常簡單，一點也不複雜及困難；言歸正傳，從前經常到澳門氹仔舊城區尋找美食，每次都會經過這間小店，但並沒有令我有特別意欲進去嘗試，四年前後，重遊舊地，剛好吃完午餐，買完手信，在吃完我最喜歡的葡撻後，忽發奇想，在這店舖門外站了10分鐘，看到有多款木糠類的甜品，有木糠布甸，木糠蛋糕，和木糠雪糕，看到木糠蛋糕售價不是太貴，就膽粗粗進去，試他一試，點了原味和朱古力味的木糠蛋糕，結帳後在櫃檯自取，再拿回店舖內的小桌，試了一口，感覺怪怪的，一點都不像蛋糕，雖然已知是凍餅類口感，但真的像在吃雪糕一樣似的，蛋糕和鋪外的有點不一樣，只有一小層一小層的木糠間隔，吃完一整個，感到相當之失望😧

最出名係個木槺雪糕$39。樓上設有雅坐。個人建議大熱天時，最好上樓上雅坐涼冷氣。情侶談心好去處。個木槺雪糕好好味，好重木槺原味。個雪糕有點像香港太空館，太空人食既入口即溶雪糕。不過呢款凍食，係雲呢拿味。

必達士🍨📍氹仔舊城區官也街92號♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎澳門🇲🇴仲有呢間好出名既木糠甜品店，好多朋友都有介紹🌝，所以今次小編就去試試有幾咁好食先😂。呢間木糠甜品店位於氹仔官也街（即係手信街𥚃面），門面都有少少唔顯眼🤣，要細心少少先睇到，𥚃面既甜品🍮都多選擇既，不過主要最多人食既都係木糠系列。🌟 木糠布甸 $38我就認為呢個一般般🙃，個布甸仲有d 硬， 同埋有d 貴，味道都ok 既。🌟 木糠雪糕 $38反正我個人會比較鐘意呢個雪糕🍦，整體都好好味😋，不過有d 貴。整體推介指數：❤️❤️❤️🤍🤍🧸如果鐘意小編既介紹，㩒下右上角個🔔, 小編定期會為你送上最新資訊☺️謝謝支持♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎

其實食過好多次不過隔太耐記唔到邊隻好味，今次人多同一時間試味終於分到啦咖啡種類超多好難選擇，蛋糕又係名全部差小小叫4種試不過點完餐先見到原來有個平日抵食套餐，一杯咖啡加一杯細木糠布丁由左至右後至前講起澳門咖啡-係用練奶沖嘅咖啡，遮係香港啡走&越南咖啡一樣，唔同係隻咖啡豆都香濃美式咖啡-最普通咖啡飲到咖啡原味，都ok唔會有酸味，原人唔鐘意帶酸咖啡洋金菊蜜-洋金菊味淡淡地唔會太甜香橙梳打-好甜唔多氣木糠布丁-軟身香滑好奶味甜度又剛剛好木糠蛋糕-好實奶味淡食到好重餅乾味木糠蛋糕朱古力味-連原味緊餘嘅奶味都冇埋，又甜又唔夠朱古力味好鬼甜木糠雪糕-好硬好實甜嘅練奶味重，餅乾碎又貼唔到雪糕，一食成口粉總結:一入去成間舖咖啡香味真係好吸引，但如果好似我咁唔識太細分可以點平嘅飲，估唔到最原始簡單嘅甜品係最正，但份量細可能要叫2杯

今次澳門游最主要食必達士的木槺蛋糕，因為佢既木槺蛋糕係香港真係食唔到，雖然價錢真係都幾貴，堂食會貴過外賣，但想舒服d, 我地選左堂食。叫左一個原味，一個朱古力味再叫多左杯涼粉雪糕冰。承惠170幾但真係好好味，下次好想買一個原個size返香港。。。佢另外仲有木槺布甸同埋唔同既咖啡，如果你鐘意懷舊仲有黑牛同白雪公主飲。食返舊時既味道，170幾都算值得既。如有去到澳門不紡試下呢間，因為好少地方可以做到咁實既木槺蛋糕 。。。

一家大細開開心心去澳門玩，大家見到門口的木糠蛋糕都好興奮，嚷著晚飯後一定要食，誰不知晚飯後到店購買時，店員服務態度極差，令澳門之旅扣晒分，食完一肚氣，真的不吃也罷! 澳門又不是只有它一間，又不是特別好吃，真的不需要受氣兼掃興，到別的店去吧！

行過官也街記得有旅行網站推薦過就入左去食。極度失望，食物完全無特別，價錢貴，係騙遊客的錢，破壞了一日美好既心情。木糠布丁，木糠雪糕和木糠蛋糕都是木糠加雪糕，完全沒有特別，食完好想叫排隊的人離開...... 雪糕是劣質的平價雪糕（係m記軟雪糕味diao）......木糠就是餅乾碎，理解唔到點解普通雪糕加餅碎要$60......咁就浪費左$99，我去百佳買杯雀巢vanilla味雪糕加消化餅都好味過佢...... 千其唔好嘥錢嘥時間去食

><上咗樓上坐 環境偏暗但涼爽鋪頭明明好多位 都已經催落單 未有嘢食 就dum張單嚟要埋單先lol遊客區唔憂冇生意 所以服務可以差到咁?!木糠布甸/木糠雪糕($39)堂食都用外賣兜裝住餅碎就係灑上面頭淨係食到cream味 好似平時西餅d唔好食嘅cream好味蛋蛋布甸($30)除咗動L 可以影ig boomerang味道普通 求其超市買個日本布甸都平過佢好味過佢講真價錢同甜品質素唔相符><><><><><><><><><必達士氹仔舊城區官也街92號

員工態度惡劣，黑口黑面，甜品好快送到，但即刻吹我地埋單又吹我地走。食物一般，價錢偏貴 ，份量亦少。環境惡劣，燈光昏暗，地方十分殘舊。以呢個價錢黎講，可以有更好嘅選擇，唔建議大家黎。失望。

一入黎就催住落單 落單後好快送來 但態度惡劣即刻催人賣單。態度非常惡劣！ 味道一般 木槺布甸係cream 只有木槺蛋糕相對來說比較好食。性價比比較低 環境一般 比較破舊 可以說是比較低下 。服務：1/10口味：3/10 木糠蛋糕：5/10環境：4/10門口見到有唔同嘅推介 推介該店 但令我非常失望。第一次在open rice寫評語 竟然是差評 態度令我非常不滿 要寫差評相信該價錢可以在其他地方得到更好的品質以及服務 ！ ！！！！！！

環境好差，野食味道一般般，但價錢偏貴員工態度十分惡劣，無得罪佢都西口西面，一入門口已經好似得罪佢甘，呢個價錢甘既味道加份量，仲要差勁既服務態度，不值得在此消費，呢個價錢去其他店食會更好！！！！

叫咗個木糠布甸 $38 門口冇寫價錢都算 個木糠布甸完全冇布甸味 淨係得啲cream味 完全唔值佢個價錢 已經中伏 想買之前真係諗一諗 仲有堂食要一人叫一樣野 如果吾係每人收$25

眼球被巨型木糠蛋糕所吸引, 各款甜品又沒標明價格, 唯有入內查看餐牌。店內貼了沒價格的餐牌, 準確來說只是food list, 看來看去就是沒價錢, 唯有直接問價。價格是進取的, 木糠蛋糕MOP58, 木糠布甸 MOP38, 經考量, 還是想吃木糠甜品。店員提醒沒消費者, 每位收取$25。沒興趣吃的朋友, 唯有逛著街等我們。店舖放著很多mug和咖啡豆, 算是其特色。朱古力味木糠蛋糕 MOP58雲呢拿味木糠布甸 (軟身) MOP38蛋糕又好, 布甸又好, 除了軟硬度和外型不同, 就是吃不出分別來。兩者質感滑滑的, 朱古力或雲呢拿味道並不突出, 性價比不高, 感覺一般。

食完晚飯，去官也街食甜品，友人想食木糠布甸，我哋左搵右搵，終於搵到間食肆有木糠布甸。我記得以前木糠布甸係澳門大熱，到處可見，但宜家就好難搵到，唔通熱潮已過，過晒氣了？食店食物款式唔多，很多重覆又重覆的食物，例如木糠布甸和木糠雪糕，分別只是放在冰格與否，除硬啲外，品質一樣。此外，食店會分唔同 size, 所以見餐牌項目多，其實食物款式係很少。木糠布甸味道正常致普通，坊間一般味道，沒有特色。而布甸 size 偏少，我估細食的女孩子也唔夠食。建議食肆大大大大增加食物份量，才能留得住食客。當然，如果目標顧客係我這種遊客，食一次就永無下次了。食肆裝潢欠佳，光線不足，內籠較舊，感覺唔良好，如果同情人嚟食，一定嘈交收場。