榮記荳腐麵食

营业中

休息中

最初只是想一試荳腐花的味道，但入到店內，發現除了出名的荳腐花外，原本還有其他美食一坐下，先叫了一碗荳腐花，味道真不錯，超滑 (可能加了花奶) 。再叫了一份"細雜"，細雜只是樣樣餸有少少，一試無防。然後見到鄰枱的澳門人，叫了一碟"鳳爪"，我們也叫了一碟試試..，好好味呀！！ D鳳爪好入味，食落有淡淡的咖啡味，而且不太"冧"、也不太硬，煮得非常出色。還有一提的是他們的荳奶，好香的荳味，比荳腐花的荳味更濃，更香總括而言，心水推介: 鳳爪、荳奶

食唔到洪馨,經過豆腐花店,都食D甜野,濕濕喉。凍豆腐花,點解糖水是奶白色既?原來用左淡奶代替糖水。但係開稀晒既奶水,毫無作為。反而熱豆腐花,用番普通糖水喎!基本上,豆腐花做得滑滑,但不太欣賞,豆腐滑,口感就會好薄身,水汪汪咁…..凍豆漿,仲差!有朕怪膠+糖味。

早幾日又過左去澳門,試左這間的凍豆腐花.一入口~正呀!真係好滑,而且好有豆味!係香港搵唔到~下次一定會再去食!好低食呀~不過環境就差D....但都算干淨啦!

由於喜愛吃豆腐花，巳吃過李康記的超滑豆腐花，今次打算試榮記。坐於近門口的小枱，感覺地方環境雜亂，不太整潔。叫了凍豆腐花($4.5) ，送來時巳覺不妥，不是很平滑的，好像放了許久似的。不知如何是好，惟有照吃，味道還有種燶味，勉强吃了些，就付錢離開。非常失落，走出門外，才記起剛才左思右想，忘記為豆腐花拍照，唉，算了吧。

澳門行程第二日在圖書館借了兩本澳門遊都有介紹這家豆腐店，特意走過了一試。位置，很偏僻，行了很多白路才走到這邊。店內很多人，有門口等了一會才有位。座位很逼，坐得不舒服，地板也不乾爽，予人污糟的感覺。榮記以豆腐最為有名，當然要碗凍豆腐花。此店豆腐花號稱「全澳門最滑」，當然，的確很滑，滑到不像豆腐花。老實一句，一點也不欣賞榮記的豆腐花。因為除了滑之外，一點也不好。首先，沒有豆味。如果不說，真的不知道自己在說豆腐花。第二，可能是我孤陋寡聞，第一次見豆腐花不加糖漿，而是奶！！不好味，失去了傳統豆腐花的味道及感覺。由於坐在廁所門口，看到門口盛垃圾的膠桶，十分不開胃．．．．比起榮記，香港的公和出色得多！下次不用再去，索價也不便宜，不值不值！

情人節同老公去試下哩間話豆品出名既榮記...叫左個豆腐撈粗...同一個豆腐麵...黎到食第一啖豆腐...勁大陣燶味囉...好似係度食垃圾咁...都唔知係唔好彩定佢d豆腐根本就係咁既味...結果2碗野都係食剩d豆腐就快快埋單走人...

上網見到呢間店都有幾多好評, 所以尋日同家人去澳門時專登去食,店鋪位置都幾難搵,豆腐花 - 熱 $4 碗 , 凍 $4.5 碗 ,我食左凍豆腐花 , 雖然真係好滑, 但完全無豆味...完全唔覺得自己食緊豆腐花, 只係食緊碗好滑既野, 所以我同屋企人都感到好失望, 覺得唔值得專登去食...

很出名但超難找的一間小店子。買過手信後往大三巴方向，從女媧廟旁的小路穿出，再經過沒有生果的果欄街和滿是古董的爛鬼樓一帶，越走越覺得走錯之時，再堅持一下就到的了。在茶樓剛吃飽又吃過手信sample，豆腐麵就吃不下，一人一碗豆腐花就好了。鮮橙撞鮮紅撞鮮綠的背景setting再襯托白雪雪的豆腐花，實在是八十年代的美學經典，莫說在香港，在日新月異的澳門也所餘無幾了。豆腐花default了跟花奶，不吃花奶的請早提出。不過加花奶的確比較香也比較滑，和那淡淡又冰凍的豆香味十分配合。時間無多又想多逛一會周邊的古董玩具但又想消消暑，最好就是多叫杯豆漿外賣，看完趕快跳上的士。有得食有得玩，很抵吃。

朋友話呢度豆腐花好食 特登搭的黎試下撞正停電 咩都冇得賣 只係有凍豆腐花漆黑中食野都係第一次豆腐花真係好滑 同食開果d唔同 "shu"一聲就吞左落去 值得推介!!

榮記豆腐花0係D旅行書係一定有既必定飲食地點.... 當然我都要去試一試點解本本書都會有啦!!!! 去到舖頭唔係大間, 不過都正常, 跟住就聞到D煎豆腐既香味, 不過可惜, 因為太飽, 所以只可以食到一碗豆腐花..... 豆腐花: 我之前去過頤德行(李康記)度食過豆腐花, 今次試榮記既, 覺得榮記比較遜色, 本人喜歡滑滑豆腐花, 而榮記既就有D"鞋"口, 唔夠滑, 不過就有豆腐味D!! 而且我食既時候榮記比頤德行(李康記)貴, 所以我會鍾意頤德行(李康記)的豆腐花多D~! 不過, 兩款真係唔同, 睇你鍾意滑定豆腐味喇!!! 至於其他食物, 雖然冇試到, 但見到好多人都叫佢地既豆腐麵加其他餸咁, 都好好賣, 可能好食都唔定!!!

間野已經唔多本地人去，因為已經被香港人攻陷。差唔多專做香港人生意......多香港人既地方本地人會走晒荳腐花還不錯，麵就普通兼且唔係平，附近不少較平，但質優的食店。

我通常去天神巷或美麗街果間,o的豆腐真係幾香, 十零蚊個豆腐麵好多豆腐,豆腐花都好味. 唯一唔好就係中午時段超多人勁難有位.不過難搵位即係證明多人欣賞.

旅遊書說這裡豆腐花系非常滑﹐來試下真假﹐點知一試傾心!! 我每次來吃也是點豆腐麵+熱豆花! 他們咸甜豆腐也出色~ 吃時要好好拿緊食具﹐一不留神豆腐便有可能滑下來!! 好味!!

豆腐花超滑, 只有兩個字可以形容----太甜!滑到全無質感,入口即溶, 無牙都可以食.($4.5)豆腐麵, 麵很彈牙, 咬不斷. 豆腐超滑.($11)全餐食送, 有很多食物豬皮..豆腐..魚蛋...豬紅($29)

又係從旅遊書介紹而來,豆腐花真係好滑,凍豆花係用鍊奶,重試左滷水豆腐,咸的無特別,太滑的關係,重要用湯匙食!下次食甜的好d!