潘榮記 (已結業)

may 29, 09嚟買咗2盒做手信 : 1) 金$$$$餅-1盒請同事食,1盒請友人食-我覺得今次嘅質素好好味,唔知喺咪1出爐攤涼就即刻入盒比我,"屈"咗幾日先食,所以個炭火味比以前嘅重-鬆,又好蛋香味,仍舊有厚度.........好味-我拎住去請同事食,大部份都好鍾意食,仲過嚟去我team嘅糧食部encore.........食到停唔到口,唔洗3日就掃光-友人嗰盒仲喺我屋企,真喺替佢擔心..........驚忍唔住口,hahahaha

每次見咁多人排隊都唔多想等, 上次4月去既時候,居然難得唔洗排長龍, 緊係撲過去買啦~買左金錢餅!!價錢唔係好記得, 不過真係見住個伯伯身水身汗咁壓出每一件薄薄既蛋餅, 真的吃落感受到那份溫暖及用心。金錢餅香脆可口, 不規則的形狀很特別, 有蛋既味道, 食落其實有D似雞蛋仔味既薄脆, 真係幾好味~! 價錢又唔貴, 值得推介~

今日行去帝鈞買胡椒餅，忍唔住路過買咗$10金錢餅。午市過後仍有人排隊，潘伯有無生意都好似同一個樣。金錢餅脆夾蛋香，雖然看似下價食物，佢賣得唔平架...$48磅，最少$10起。個舖幾舊吓，食客唔好介意環境同衛生啊!

apr 30, 09,友人嚟接船時,同時附上嘅小食 :1) 金$$$$餅-唔清楚mop10可以有幾多塊,我諗20塊都應該有-友人話去到碼頭時,仲喺熱,不過等咗我哋1/2個鐘,所以我放入口時只嘅小暖-我已經好開心因上次想去買時要排長龍,所以要打退堂鼓-好耐都無食過剛出爐嘅金$$$$餅,入口仍舊有蛋味,有厚度,唔脆唔腍嘅獨特質咁-我就好鍾意食,不過2個位人就唔多鍾意-口味呢樣嘢,真喺見人見致* 多謝友人嘅細心~~~*不過宜家1盒好貴,要成mop4x!!

29 號這天. 太遲了. 夜晚6點就關門了. 第二朝又要12:00 先開門. 所以要去的朋友, 記得不要遲不要早. 今次第一次買的. 都唔錯, 好味 (買了二十紋, 好快就食哂)

好耐之前已經認識潘榮記,仲記得第一次買是在議事亭附近的流動檔口. 上年無意中發現原來這裡有間舖,以後如果小販檔無開都識得走來呢度買.潘榮記的金錢餅標榜炭燒製造,減蛋之餘仍保持濃郁蛋味; 不規則形狀的金錢餅雖然並非十分脆,但蛋味十分香,食完一塊又會想食多幾塊. 我比較喜歡不太燶的,但朋友說燶一點的金錢餅蛋味更濃郁...價錢方面,散賣最少十蚊有交易,一磅四十八蚊兼有盒送. 不過諗諗下,其實四十八蚊都唔平,尢其當你諗到四十八蚊已經可以買四個豬扒包...

我既口味好怪. 以前會好鍾意食鉅記既杏仁餅.依家改左口味, 鍾意食潘榮記既金錢餅, 我地 1:00PM 訂... 4:00PM 先拎得 !可惜因太累 ! 所以 6:25 PM 先去到( 收 6:30PM) ! 當時條龍九萬人... BF話全憑佢, 老板先俾貨佢喎 ...之後我同 BF 講, 我地都想係 HK 整一檔.... 收錢收到手軟 !又加左價 $48/磅 (之前 $46)不過佢咁唔停手.... 我眼見佢又收錢, 又整餅 ...好似唔太衛生.... 你知啦, 人仔幾乾淨架啦 題外話 眼見好多港客都被串)(1)個婆婆唔俾人用閃光燈影相架.....(2) 又唔收 HKD 十蚊硬幣.... 不過好多間都唔收 (3) 唔收葡幣 我望都 O 晒嘴(4) 唔好諗住打電話訂貨.... 阿伯好串架, 我聽到佢講," 我依家好忙呀, 你唔好阻住我"

老伯越老越精神, 而且好有心機整餅, 睇得出好有誠意......這家店是家庭式經營, 全家總動員包括爺, 子, 孫充滿著澳門和諧溫馨味道, 歷史悠久 我爸爸說他小時候在澳門便吃, 當時老伯剛開業時還沒有店面 是推著車仔買的 當時買五毛錢已經有很多, 光是回味一下歷史已經很值得一去 而且味道還是依舊很好 要注意金錢餅並不是薄脆的, 而是有一定厚度(但脆)有很濃的蛋味, 希望大家不要因此失望啊!我們每次去都一定會買一盒(現在要MOP48了), 今次過去也不例外, 而且適逢假日, 有許多人排隊買MOP10一試味道, 而且買一盒也要訂, 因為做唔切 但是沒關係啦, 附近也有很多好逛的 旅遊嘛放鬆心情等等也無妨老伯你要身體健康啊, 我喜歡食你的金錢餅!

三月廿六‧陰天也要買點手信，當然不會是距記又或是咀香園般的行貨，這裡會是我其中的選擇之一。在草堆街行上來，不需要用眼找，其實用鼻去聞也會找到這裡，只要循著蛋香去找就行。阿伯在燒金錢餅，即是蛋餅，又或其實是壓扁了的蛋卷，我時常也懷疑，是懶做蛋卷才會以這形式做來代替的話。用的是炭燒，溫度夠高，下了的蛋粉糰，不用半分鐘就統統已變成香噴噴的金錢餅。即吃味道不錯，脆脆的也有蛋香。放涼了吃，風味略遜，雖然仍然脆，但蛋味褪下了。還有的是，好鐘意這裡用的紙盒，也是我喜歡買了做手信的原因之一。24蚊半磅，十來片左右，其實不便宜，不過就總好過又是杏仁餅。買完去喝奶茶，吃豬扒包。

隔壁買完胡淑餅順路過黎買金錢餅~呵一食之下,蛋味重但又唔係太脆但以小吃來說的確不錯~大家不妨去試試~

由議事亭前地行去大三巴都經過呢度，旅行書都有介紹上次o黎都已經想買了，但一買就要買一盒(一磅)想拎番酒店食，但又覺得太多了因為同事話好食，今次買了半磅 ($24) 返公司味道似蛋卷伯伯教我們，凍了才好封口，因為他剛弄好時熱熱的封口會有倒汗水令金錢餅唔脆的確，帶番香港且過了兩日都還是脆脆的丫 $48 一磅$24 半磅都有少少貴呢...

08-12-179/14減蛋餅$10冇牛油香, 冇蛋味, 冇餅味,都唔知想點咁,會唔會唔減蛋好D呢如果用個炭爐整雞蛋仔同夾餅仲好....合共$10

～★同老公第2次遊澳門之 07篇☺去開大三巴呢頭, 當然要黎試下呢度D金錢餅啦行過就聞到好香好香..同埋都幾多人幫襯呀..見到老闆"個仔?"好努力咁不停整我地叫左十蚊試下..估唔到原來十蚊都幾多下..可能本身食左幾多野..所以已經飽飽地啦熱辣辣的"~ 好新鮮!! 又脆又香蛋味 真係好好食呢~十蚊一大包" 抵食啦

友人係隔離店買完胡椒餅就買呢度既咸蛋金錢餅買$10試下味咬落去質感有d特別唔太脆,有d結實感覺朋友略嫌唔夠甜好重咸蛋味後面d人想買1磅個老闆話今日名額完左wow,原來買一磅係要訂咖

令我愛上金錢餅的，並不是潘榮記，而是在議事亭附近一流動小販檔，賣餅的人是一名中年男人，攤檔小小，但他新鮮即製的金錢餅蛋味香濃，好引人，十元一袋也十分慷慨，熱辣脆口，每次回澳門也會幫襯他。可惜是日不見其踪影，口癮大發之下，便改到潘榮記，幸好老店同樣好味。金錢餅：看見婆婆把搓好的餅糰放在餅機上壓一壓，隨即一塊塊金錢餅就做出來了。買了十元，婆婆沒有給新鮮製的給我，她把之前做好的放在袋中，所以拿上手只是微暖而已，份量比小販檔較少，但都適宜。幸好餅還是脆身，好香蛋黃味，食落都感受到蛋味的濃郁，雖然下了牛油，但牛油味不突出，主要是蛋味為主。不過我袋的有四五塊都烘得少焦金錢餅比較厚身，口感豐富。如果熱辣辣，味道更佳。如果想買給親友做手信，有一磅選擇，好像是MOP48，不算昂貴。當然，邊走邊吃還是最過癮啦。