澳門新龍記

营业中

休息中

香煎墨魚餅 好好食，雖然唔係好大塊，但真係好彈牙，同埋佢唔會落粉醬，所以真係塊塊都原塊墨魚餅!! 蠔仔 都算大粒，但湯底好重黑椒味，食落唔太覺得鮮甜，正常喇腸粉 早餐見好多人叫，後面黎既男人想叫一份都已經賣哂。醉雞 岩哂重口味既你，雞肉比較小肉同都有D嚡口，但酒香味濃，如果配多碗白飯就更好喇! 同埋雞件都唔算多，性價比較低，但味道係幾香。環境都幾企理，亦唔覺得坐得辛苦或者好迫，而且果朝去好多都係澳門人，值得一黎感受下!

【 澳門新龍記蟹黃墨魚餅撈麵 】【 澳門新龍記蟹黃墨魚餅撈麵 】蟹黃味道濃郁 好似活生生咁食緊成隻蟹咁 麵條亦都係人手製嘅 非常有咬口 食前 記住要剪一剪 如果兩至三人食起碼要嗌兩碟 因為份量都係比較少 雖然份量都係小嘅但係成道菜個味係非常濃郁 有咬口 墨魚餅真係好似食緊成隻墨魚咁 好新鮮好 香口外脆內軟 食到停唔到口 自己都想食兩碟 環境都算好，不用排隊同埋好多位置，好有光 好舒適 推介 墨魚餅鮮味夠 脆口 麵條彈牙 每啖充斥着蟹黃的鮮味 邪惡配搭

呢兩日放假同女朋友試坐金巴過澳門食食食，晨早9點幾已經到澳門，放底行李喺酒店就直奔過嚟新龍記，今次第二次嚟因為上次食過一試難忘呢度位於紅街市附近，Google map 好易搵有多款麵食同一般澳門茶餐廳嘅美食都有未夠10點已經坐滿人，好不容易搵到位，即刻叫返上次食嘅墨魚煎餅蟹黃撈麵墨魚餅打到起膠再煎香口，食到粒粒墨魚，蟹黃甘香撈麵一流雞餃蟹黃撈麵，餃子好大隻味道不及墨魚餅奶茶香濃，奶味唔重，呢個配方我最愛

澳門編🇲🇴 澳門食食食去到三盞燈😂澳門人都覺得奇怪做咩要去嗰度食嘢有咩好食？今次去到呢間門面普通嘅茶餐廳，裏面竟有乾坤！就係呢個🦀蟹黃🐙墨魚餅撈麵！蟹膏香味撲鼻，雖然份量好少但係感覺貴精不貴多！而且食得太多膽固醇都會好高😆墨魚餅彈牙有口感，墨魚味亦好出👍🏻不錯吃！雖然本人覺得太油膩，但係一試無妨😃南乳雞翼 $48 /六隻雞翼細小冇乜肉，南乳味亦唔出，可以不用叫😅💰$58mop📍 澳門新龍記 (新橋(三盞燈/白鴿巢))新橋(三盞燈/白鴿巢)沙梨頭南街29號地下E號舖

行過見到門口餐牌上既煎墨魚餅撈麵睇個名同張相都好似幾吸引，就入去自己搵位坐底，幾分鐘後先有個啊姐行過黎問靚仔食D咩？我就話：(煎墨魚餅撈麵)唔該。就繼續玩Pokemon go，過左太約5分鐘左右碟都就黎不過變左「蟹皇撈麵」算肚餓食9左先算! 一入口果個感覺超油膩,麵既質感好硬超重鹼水味份量得丁屎貢多。踩中呢個d雷差D無命……〖都系果句，唔好信門口貼出黎既相(因為一定搵人修過)，世上最可信既系自己把口〗差評! 完!

之前有聽幾個friend介紹過呢間蟹黃麵怕好多人所以一早就黎左啦黎到果然座無虛席 但因為上菜同埋食都好快所以好快就會有位因為今日係同friend既食野之旅 所以每間舖頭都淨係試dd叫左個煎墨魚餅蟹黃撈麵佢其實有得再加蟹黃但都幾貴所以就冇加覺得個麵既蟹黃少左dd食到尾會唔夠但佢既蟹黃好濃而且甜 唔會有腥味墨魚餅都煎到好香墨魚味好夠 食落唔會覺得好粉另外仲叫左個炸鯪魚球比埋喼汁你點 即時覺得冇咁熱氣而且酸酸地同鯪魚球好夾魚味好重但都係唔會有醒味既

跟著澳門友人去高士德一帶找美食，他推介這家離他家不遠的餐廳，說他跟太太都要上班，有時來不及準備晚餐的話都會帶著小孩們在這用餐的。 不過既然難得到店(同行還有馬來西亞朋友)，他說要吃一些特別的，在澳門較難找到的東西吃。 一行人走到位於高士德街尾的新龍記美食，就在紅街市的斜對面，藥房旁邊，都算易找。 晚上7時許到店，客人不多呢！ 一坐下友人已點了蟹皇撈麵及墨魚滑芝心球。 不消一會就送來了蟹黃撈麵，澳門幣40。 份量頗少呢！不過我們待會還有其他餐廳要試，所以即使份量少一點也不打緊，最重要是要好吃喔！ 上面黃黃的就是蟹黃。 吃時要先將麵條跟蟹黃拌一拌，不用加上醋或醬油就可以直接開動。(友人說店家已加上調味先把麵拌和了) 麵條夠彈牙，唯蟹黃味道不夠重，油份亦不算多，可能是由於我們到店時不是當造季節吧！ 墨魚滑芝心球，澳門幣$50。 相比起蟹黃撈麵，我大推墨魚滑芝心球，墨魚夠爽彈，咬破炸到酥脆的表層，先感受到墨魚的彈力，再咬下去就遇到軟心芝士，可同時間嚐到三種不同口感。

每次過澳門食野都會好開心啊!問起同事佢叫我去呢間試試!咁就聽佢講下吧!一入到去見到全部牆上都介紹緊墨魚餅蟹粉撈麵!咁當然就會試試招牌菜啦💁🏻‍♀️餐廳光線算光猛整潔度也不錯!我去的時候餐廳只有幾個客人所以唔洗等呢✌🏻👉🏻 蟹黃墨魚餅撈麵 •睇過ᴰ媒體介紹,話蟹粉撈麵係最好加一份蟹粉!但我覺得唔洗加都可以的!我好喜歡蟹粉ᴳᴬ!但呢間蟹粉都幾淡但唔油亦都冇腥味如果濃味點更好！墨魚餅煎得香脆,口感彈牙,比蟹粉好味🤗麵普普通通但勝在幼身撈埋蟹黃算係咁！每啖都可掛上蟹粉✌🏻!但整體成間都有點過度吹捧呢🤷🏻‍♀️都幾普通

過親馬交都一定去呢間野食。睇落就普通茶仔一間，雖然食落都係，但佢有一樣野絕不普通，就係佢既蟹黃撈麵真係要極力推介。由大概10年前佢$20一碟，食到今年佢加到$40一碟，仲要過左2點好大機會賣晒，你就知道佢真係好好味。要留意既係，佢D撈麵唔係講緊街邊D印尼撈或者一般香港麵檔D咩咩南乳豬手撈麵。佢個撈麵完全無鹼水味，而已蟹皇味好香。總之就係澳門美食界既蒼海遺珠啦~!除左蟹黃撈麵之外，香煎墨魚餅都係極力推介，不過記住叫佢落勁少油煎，因為正常佢會落好Q多油，好似D油唔駛錢咁。如果食完覺得好味，返到香港去街市買D墨魚滑，自己調少少味再煎香，味道都有7/8成似...今次仲試多左花枝片撈麵同花雕雞撈麵。花枝片撈麵就唔駛多講，兩個字俾你揀：一係難食；二係中伏。但好在花雕雞撈麵都算唔錯，可以一試。花雕汁又香又好味得來而又唔會令女士覺得酒味太重嗆喉，如果兩個人去可以考慮下一個叫蟹黃撈麵，一個就叫花雕雞撈麵。P.S. 以前就算下午去都仲會有蟹黃撈麵，今次去唔知點解2點後都已經賣晒。有興趣既就早少少去當食Lunch，或者去之前打個電話叫佢留低先。P.P.S. 如果你照住搭的士去，照住個地址「新橋(三盞燈/白鴿

黎到新龍記依站已經唔記得係今日係澳門既第幾餐不過無阻我地一大班人要黎食蟹黃撈麵。因為已經過晒lunch time，大約係3/4點既時間，所以一行9人唔使等位就可以入去嚕。餐廳選擇都幾多，但我諗遊客嚟到主打都係會嗌蟹皇撈麵同墨魚餅一開頭怕蟹皇撈麵食太多會膩同濟，所以就諗住同另一個人share一碟。另外就再嗌左墨魚餅，每人一舊。一碟唔太多，但蟹黃就唔少，同幾香撈埋食落好香好夾，同埋佢份量唔算多，兩個人食食下好快就食晒一碟另外墨魚餅味道就唔算為之驚人啦，煎得脆同彈牙，係值得一試，但就無蟹皇撈麵嗰種好好食同想再食既感覺

實情係咁既，賴生同屈小姐本來係Lunch決定食《新龍記》/《X馨》是但一間，但賴生察覺到屈小姐比較鍾意食緬甸野，所以帶左佢去《X馨》，但屈小姐食完之後竟然提議去埋《新龍記》！唔通賴生大食既形象已經深入屈小姐既心！其實屈小姐係察覺到賴生想食蟹黃撈同有少少未夠飽，加上佢自己想試新店，所以要賴生一齊去既。係路途上，屈小姐已經check 好一陣食D咩好啦！咁賴生就乖乖地睇GPS帶路啦！間野其實係普通茶餐廳格調，有冷氣同企理既，因為過左lunch時間，唔係太多人，所以我地都坐到卡位既！1）墨魚餅蟹黃撈 ：⭐️⭐️⭐️⭐️⭐️先講講蟹黃，比起另一間出名既冇咁油，蟹味鮮D，冇腥味，完全係蟹既味道！不過呢，稍微咸左少少墨魚餅一樣煎得香脆，口感彈牙，只係較另一間出名既薄身，都係上品麵都好彈牙嫁！撈埋蟹黃好正2）魚湯浸菜 ：⭐️⭐️⭐️⭐️⭐️呢個又ok有驚喜喎，個魚湯魚味勁重，重得黎唔油，浸菜食令每棵菜都吸收晒魚湯味，超好食，我地仲忍唔住飲幾啖魚湯添！#(偽)細心體貼既女朋友#真‧為食既女朋友#旅行大食症發作#另一股蟹黃勢力#不要忽視女朋友既調查能力#跟住女神食好西

「蟹皇撈麵」係澳門新龍記嘅招牌菜。餐廳喺紅街市附近。墨🐟餅都係餐廳名物。普通到唔普通。同七仔叮叮。街市酒樓無分別。索價就好貴蟹黃小小一堆。沒有什麼味道。唔明白點解咁出名？

小妹襯新年發個新年財，拉左粒豬過澳門。一落船坐3号巴士直到。之前都系食第二間，早一日粒豬激嬲左自己。專誠搵左呢間話同我試下落車好快就去到，入面無乜人既。。心唸會唔會伏黎架嗌左個蟹黃墨魚餅撈面 同 炸南乳雞翼撈面上台。。細細碟！蟹黃都幾多仲要濃過以前食過既！墨魚餅無想像甘多墨魚。不過都彈牙既！但食完蟹黃撈面之後真系好想再嗌多碟！因為粒豬好中意食炸雞翼，所以特登嗌。我覺得唔夠南乳味，不過粒豬一路食一路嗌好好味另外嗌左杯凍奶茶同凍檸茶。。好想分享 小妹未飲過一杯甘難飲既凍檸茶！連粒豬都話 好 難 飲 ！之後試下粒豬杯奶茶又幾滑！已經提左粒豬。。下次提我唔好嗌凍檸茶

想食下D特色野, 所以就睇下OPENRICE有咩介紹,係新濠影匯CHECK IN完,就飛的黎,但唔建議坐的士,因為太肚餓既關係所以先甘做,因為都搭左差唔多100蚊的士,同餐飯成正比甘制,一坐低叫左個蟹皇墨魚餅撈麵, 同埋花雕雞花枝片撈麵,花雕雞花枝片撈麵,花雕雞平時食得多,以為好似平時D醉雞甘,原來唔係平時果種,呢種有D似藥膳, 用左竹絲雞,無甘肥, 花雕味好香,有埋杞子,花枝片好爽, 幾好味, 面好少呢個組合都唔錯, 不過呢個價錢就貴左D蟹皇墨魚餅撈麵, 墨魚餅口感唔錯,面一樣都係好少, 食完唔係好夠

新龍記以它的蟹皇撈麵馳名，難得來到澳門，當然要拜會一下。星期六的中午十二點，天氣非常炎熱，離遠見到新龍記的招牌，立刻三步併作兩步跑入食店內，立使一股涼風撲面，整個人又重生了。來到新龍記，當然要點它的蟹皇撈麵(前)($28)試試，另外還點了花雕雞撈麵(後)($34)。兩個撈麵雖然驟眼看價錢不貴，但份量可能是平常香港吃到的撈麵份量的一半。先說蟹皇撈麵，蟹皇比例上都算頗多，差不多覆蓋整個撈麵的表面，撈麵麵質一般，不算非常爽彈，蟹皇鮮香味不算非常突出，吃的時間只感到滿咀都是油，你看碟底的油就知道。至於花雕雞撈麵，花雕味頗香濃，雞肉份量都不算少，唯肉質有點鞋，可能是太廋的關係吧。總結，味道沒有傳說中的美味只能說是合格價錢以份量計，個人覺得偏貴試過就算