船屋葡國餐廳

营业中

休息中

專登去澳門食呢間米芝蓮，服務ok，唔算太多人，比較靜。食物質素非常好，新鮮，味道好好味 ，樣樣都勁正。相片中款款都好好食 食唔停口。馬介休好味，同埋燴飯都正。炒蜆必試，咖哩雞都好味。

葡式炸馬介休球熟歷史既都知澳門點解有咁多葡國菜館 只但係間間都葡國菜 唔通間間都係真葡國菜咩 唔講你唔知 網上話所謂葡國菜其實正解係澳式葡國菜 多年黎已經本土化 不過亦即是話只此一家莆國都食唔到吹完水入正題 澳門葡國菜中最有代表性我認為就係馬介休 咩係馬介休? 其實係魚黎 不過平時唔鍾意食魚既人都無有怕 呢份炸馬介休球我唔係點食得出魚味淨係覺得好好食 其實餐牌上有好多馬介休既整法 咁岩我有機會係另一間葡國餐廳食過另一種整法有比較 我大推呢款炸球式 入口味濃肉質鬆化一啲都唔實 上枱已好快被秒殺葡國雞唔食過葡國雞都唔太好意思同人講食左葡國菜呢份葡國雞雞肉過關 最緊要係份葡汁夠入味 令到唔單只雞肉好食 連薯仔都入味三分 雞肉份量都唔少 又係值得推介燴牛尾後加既一道菜 食落有驚喜燴牛尾好興係紅酒咩咩汁咁 有無紅酒味我就唔知 不過為左佢同另一主菜葡國雞果份汁我同朋友們特登加左幾個白飯 真正既汁都撈埋當然如果係得份汁得就唔叫驚喜 牛尾都處理都幾好 肉質有咬口得黎唔會韌 有肉有骨頭食落特別有味 配上濃汁食到舔舔脷葡式燴海鮮飯呢份飯濕濕地都唔錯 內有蝦仔青口 海鮮量唔算好多 勝在濃汁搭救 都可以一戰西

六時三刻，門外已出現人龍，食客們有的很焦急，有的很著緊，有的很忐忑，左盼右顧的查詢，原來已訂枱和沒訂枱的隊伍是一樣。因早在前一晚已訂枱，故很安心的排隊等候入席。六時半，餐廳準時開燈，安排入席。排在姐後面的女孩子步步進逼，更超前了姐。年輕人，吃飯而已，不用那樣焦急。更何況，大家也有訂枱🤷🏻‍♀️🤷🏻‍♀️不是首次吃船屋，故還是吃回那些令人回味的菜式。下單後，職員便送上一籃熱烘烘的豬仔包，外脆內軟，忍不住先吃一半，另一半留回吃葡汁。馬介休球炸得金黃，鱈魚肉跟薯仔比例剛好，內裡絲絲細嫩。海鮮燴飯，有蝦、蟹、青口，配料很滿分，不如無良商人般以魷魚蟹柳作伴。橄欖香蒜炒硯，硯肉全不起沙、很鮮嫩。但比較油膩，香蒜味不明顯。葡國雞出場了，剛烤好便端上來，盤子還燙手的。葡汁配上豬仔包，實在太棒了。內藏的薯仔足足有原個豬仔包的份量，煮得軟軟的又吸收了葡汁。雞肉嫩滑，但偏咸。Red Sangria 可喝到紅酒，不只得果汁，海量橙粒中和了果汁的甜，唯蘋果粒太少了。餐廳空間均是盡用的，走廊剛好夠一人走過。餐廳裝潢既復古又時尚，室內燈光偏暖，給食客一種溫暖的感覺。職員都是友善的，樂於解答和滿足客人的查詢和要求。

夜晚去左外碼頭個邊嘅船屋餐廳食番餐葡國菜😚船屋嘅裝修充斥住古式葡國餐廳嘅味道😇去到嘅時候 餐廳都已經坐滿了😲試左燴牛尾同葡國雞 傳統葡國菜嘅主打😆燴牛尾 ($168) 燜得幾淋 牛肉味頗濃郁🤗用牛尾汁撈飯係最正👍🏼😙另外覺得葡國雞 ($158) 整得比較出色😍雞肉外層煎得脆脆地幾惹味😋雞肉夠嫩滑 葡汁好香濃 啲薯仔都入哂味🤤整體黎講 味道份量都唔錯嘅😁但就無網上講到特別驚喜好好食甘🤔由於佢位置都唔係幾方便 所以如果去開媽閣廟個頭先去試下喇🤗我地決定下次去試下氹仔個邊新開地道啲嘅葡國餐廳😎

彷如置身於「船屋」用餐，有情調的餐廳。正宗的葡國菜，食材新鮮，食物的質素很平均，都很美味，價錢平均，不貴。叫了Sangria, 薯蓉青菜湯，葡式海鮮燴飯，炭燒牛肋骨，葡國雞，欖油香蒜炒鮮蜆

一直在网上有听说过船屋这个餐厅，特意和两个同事去试了一下，味道并无网上传的那种感觉，可能自己不懂得欣赏葡国餐，服务很差，基本都是点完餐就没什么事了，不算很专业的服务。汤都泻出到边了，客人就还是蛮多的，可能都是像我一样，来试试味道的。

在澳門玩左兩日一夜，臨走前緊係食個葡國菜啦友人一早之前訂左位，餐廳夜晚1830先開，我地響媽閣廟附近個公園坐底休息下，等開門。一到時間，有好多人都入內就座，門外有個員工幫我地開門，第一下就好好服務啦👍🏼入到去個環境好舒服，位置尚算寬敞明亮，裝修格局都幾有歐陸風，初時以為有歷史ge餐廳會好懷舊咁，點知又唔錯wor，仲見到侍應同食客有傾有講😁入正題，我地先叫半瓶水果紅酒，友人上openrice見到好多人飲，就即叫黎試啦，飲落幾有果香，同紅酒好夾，個酒味唔會太濃，依款紅酒好易入口😋🍻之後，我地分別叫左八爪魚沙律、非洲雞、海鮮燴飯、西班牙燴蜆、羊肉紅酒燴，總共五款食物🙈特別鐘意個沙律，可能本身酷愛八爪魚啦🤣味道搭配得好好味配個麵包食幾夾，重點個麵包係熱ge，同埋唔會太硬，麵包麵可以配煮蜆果煲汁食，都好好味，友人一路食一路大讚好食呀！！！個蜆唔會太辣，因為本身侍應話有少許辣，但食落都幾惹味到個海鮮燴飯同非洲雞啦海鮮燴飯，我地個個都大讚，初時見到個樣好似一般，點知一撈起，有好多款海鮮響入面仲要全部精華響灑個汁度🤣配飯食真係好夾，到非洲雞，初時聽個名好似唔特別討好咁，點知一食落個雞肉好嫰滑，好好味依

上個月去了澳門玩，上OpenRice 睇到呢間好似幾正就夜晚坐的士去食，7點半去到點知經理話full booking，要等到9點先有位，慶幸當日食左太多野根本未肚餓，附近又有櫈坐，所以我地決定等..........不過等到8點覺得累了，打算明天再來食，咁返去間餐廳cancel當晚9點book明天時，侍應話有機會有位，因為有枱no show，叫我地等多15mins，最後我們成功入去食晚餐。入到點左菠菜薯仔湯，馬介休球，葡式燴海鮮飯，橄欖油香蒜炒蜆，燴牛尾同sangria。餐飽係跟餐附送的。其實呢幾樣野都係好味的，如果唔同其他餐廳比較，我是食埋其他餐廳先打呢篇野，就寫下我的感想吧。馬介休球咸魚肉不夠令到咸和香都差左少少。橄欖油蜆個湯勁好味，份量夠多，蜆細粒左d但好鮮味，不過有少少沙。最令我難忘的是燴牛尾，好夠淋，夠入味，配sangria真係一絕！但個海鮮飯我就覺得麻麻，唔係唔好食，但始終覺得用西班牙米or珍珠米會好味過用普通米。不過....如果人多我都會叫呢個，因為好大煲，抵食，我會食少少等其他人食多d，咁我可以食多d其他野。如果人多真係要點sangria飲，一邊食一邊飲，有感上添花的感覺

船屋已經聞名很久，想試好耐，所以叫個半澳門人預先幫我訂定位，而且去澳門就算幾短時間都應該安排一餐葡國菜，先至對得起，D昂貴嘅船票加酒店麵包外脆內軟，熱辣辣好好味，麵粉唔黏牙水果酒生果幾清香，紅酒易入喉呢個蜆不得了，小朋友平時唔食葱蒜，都攬住個煲用麵包點晒D汁好開胃嘅沙律，不過啲洋蔥有啲辣呢個又係外脆內軟，馬介休比其他餐廳足料呢個ok，不過唔夠熱咖哩好香，雞都煮得嫩都唔知落咗乜嘢調味料炒？碟菜真係好香好香價錢堅貼地，响澳門嚟講，咁好食嘅葡國菜，好抵食

今次黎澳門試吓米芝蓮推介嘅葡國菜船屋餐廳～地點位於媽閣廟附近，可以順道去觀光。上網睇過食評已經知道餐廳食物分量比較多，所以人少唔可以叫太多款。首先試咗八爪魚沙律先$48，呢個沙律係用生洋蔥粒配熟嘅八爪魚加入香料同埋醋、辣汁。食落有少少辣，蓋過咗生洋蔥特別嘅味道，如果平時唔鍾意食洋蔥嘅話呢個應該都接受到。免費送嘅麵包好軟熟，用黎夾沙律食都幾好味。葡式海鮮飯食得多，所以點左馬介休燴飯$138 試下～一上枱，嘩，咁大煲嘅，夠3-4人食😱飯係用茄汁加入馬介休、青椒、紅椒煮，老實可能材料太單調，講無話特別好食，個人覺得似西炒飯...之後睇返原來枱枱都係揀海鮮飯入面仲有大大隻蟹...食完呢煲飯已經勁飽！！有緣再黎過～

港女的我見到米芝蓮推介，係6點半開門就趕過去食飯先，可惜都full house，下次一定要book位。大概要等一個鐘，唯有係附近徘迴遊盪。等左3至40分鐘，食蕉行竟然過黎找我，話有位可以入去。佢真係好smart，要表揚下！終於入到去，基本上爆晒枱，室內的黃色圓拱形門和白色的牆身，頗有葡國色彩。格仔枱布和葡菜餐牌好夾。送上一籃兩個大麵包，都幾鬆軟。Sangria 紅酒半jar ($118)，抵飲，兩個人可以飲8杯以上！味道不錯，酒精濃度不會太高，比例ok，果肉再多D就好啦。葡式八爪魚沙律($48)甚有特色，八爪魚切得細少而爽口彈牙，並非配平時食開的大塊沙律菜，而係配洋葱、香蒜和parsley，酸酸辣辣的蠻開胃的。欖油香蒜炒鮮蜆($130)同一般白了酒煮蜆大不同，蜆肉十分新鮮，olive oil 和garlic炒到好香，帶芫荽食令蜆肉加倍好味道，差D個湯都飲埋。燴牛尾($168)是今次葡菜之最，牛尾燜得好稔好入味，拌一個大薯仔和一條蘿蔔，以為佢冇料到，原來配牛尾汁係超好味架！令人好滿足的葡菜，但係兩人要1個小時交枱實在好趕，基本也要1個半小時，服務有D減分。

一個禮拜前book定枱..個staff 話hold 枱10mins..山長水遠坐船過去再飛的士..遲坐13mins 到餐廳..跟住話張枱俾左冇book 嗰啲人..咁我打IDD book 枱黎做乜...電話又冇打俾我..搞到成個trip冇哂mood..做生意吾係咁樣做法!!!!!!!!!!!!!!!!!!!!!!!!!!!!!!

結婚十七週年，專登嚟澳門慶祝，訂左船屋試，可能不太合我和老公口味，覺得還可以，裝修有味道，唔會太多自由行，葡國雞一定要試，會跟個飯，好味，香港食既只會得黃薑粉味，油香蒜炒蜆個蜆太細隻，味道夠，口感不足

周末同男朋友仔黎澳門兩日一夜，黎之前男朋友上網搵過有咩好野食，推介左呢間船屋，由於要book位既關係本身冇打算黎食啦，最後見時間充裕，男朋友5點50分打去book食6點半又真係book到喎，可能係因為星期五同埋6半都算早掛一去到門口排隊架，但我地book左位所以就即刻有位，咁我地就安排左坐門口位既，餐廳既裝潢係好水手feel配合餐廳個名“船屋”，係餐廳入面我會覺得自己去左外國咁我地就叫左網試上推介既幾味菜式，首先係薯蓉青菜湯，味道十分特別，我諗啲菜應該係菜心掛，配搭稀薯蓉湯底，佢並唔係忌廉湯個啲味，飲落係清清地咁有啲菜味咁，幾特別之後我地就叫左橄欖油蒜蓉浸蜆，百零蚊黎一大碗真係，並唔係我想像中既一小碟，一黎到已經香噴噴未飲哂個湯已經即刻夾黎食，一食落口個陣牛油香味配搭住蒜香，飲下個湯橄欖油蒜蓉同芫茜係出奇地夾個湯真係一啖又一啖飲上癮，好味到暈然後我地叫左非洲辣雞，側邊有薯條，點下個汁十分美味，啲雞唔算太辣但惹味，每塊雞件只有一條骨，岩哂我呢啲淨係鍾意食肉唔鍾意食骨頭既人，連配菜蕃茄我都唔放過，浸落啲汁到食到我lam lam利食哂都唔比侍應收走因為我太愛個汁最後我地叫左炭燒肉排，聞落去好

Everything is tasteless Or probably I just expected too much Too many fake comments on Openrice Sad