豐順美食 (已結業)

同班朋友其實好耐以前我地都食過喱間餐廳，我諗都有十年～ 難得過澳門，我地就決定再搵返佢～睇下味道有無改變先。先唔好講味道，佢地點就變左。搬左，好彩都係係筷子基。 搵左一陣就搵到～我地點左乳豬海鮮煲火鍋套餐（套餐當然有主角乳豬海鮮煲、炸雲吞、蝦滑同埋嚮鈴）乳豬海鮮煲我地㨂左冬陰公湯底～嘩！真係十年前既味道～好好味～好多蜆（大蜆加細蜆）、蝦、蟹、乳豬、雜菇、栗米等等。大家都食到唔停口～海鮮當然未去到最靚，不過配埋湯底都已經好正👍乳豬都好好味😋😋一煲其實足夠4~5人食～我地食極都食唔曬不過其他火鍋配料就真係麻麻啦～ 蝦滑好多粉又唔爽、嚮鈴係現成一包包果隻（可能放得耐，已經唔脆）、炸雲吞不過不失啦～下次叫一個乳豬海鮮煲都好足夠👍

一行二人睇完水舞間已經晚上九點几十點, 友人的友人推薦, 費時諗之選.因為夜, 所以唔洗等, 一坐低有碟前菜酸蘿蔔, 几開胃. 侍應好順勢放低咗一包紙巾, 我問是否免費, 佢話要收錢所以叫佢拎走喇, 因為我都有.之後叫咗個招牌乳豬煲+B餐 (肥牛, 鷄滑及炸雲吞).個煲好香好冶味, 連帶D材料都好好味,, 材料有乳豬, 蟹, 蝦, 蜆,油炸鬼, 腐竹等等......, 多數係海鮮, 仲好新鮮, 蜆無沙, 蝦同蟹都鮮甜大隻, 油炸鬼同腐竹都索晒湯D香味勁正. 係隻乳豬皮因為浸落D湯度所以已經唔脆啫, 遲食仲有D鞋. 因為得兩個人食, 好難食得快.其實因為個煲無肥牛, 見個B餐有肥牛又唔係貴, 所以就叫多個B餐食, 但嚟到就唔掂喇, D肥牛勁肥 (見圖), 鷄滑無味, 炸雲吞凍咗唔好味. 最後無咩點食過.

慕名而來，想一試他們的乳豬海鮮火鍋，但其實心裡有點擔心勁油，因始終係乳豬。平晚去不算多人，6:30只是一桌有人，直到8:00離開時才坐滿，如過左7:00去的朋友最好訂座。一行四人坐下就找乳豬海鮮火鍋，單叫$298，後來發現有個套餐，$398另加三種食物，由於朋友不想熱氣，故放棄他們的炸雲吞，改要鮮腐竹，另還有蝦滑和蟹柳。火鍋來到時，大家都很興奮，侍應說這火鍋足夠三人食，但我們覺得是四人份量。原本很擔心因乳豬搞到好油，但吃下去一點也不油，不過味精很重，但食物是很不錯的。環境也很舒服，幾位朋友一起食是很開心，地點也很方便，在巴士總站附近，很容易找。我們另叫了碟鮮牛肉，很好味，加埋野飲，四個人$501埋單，超值。

因為容祖兒李克勤嘅演唱會，將我同朋友帶到嚟澳門，朋友話澳門有間食乳豬煲嘅好出名，於是就帶我地去試吓~我哋幾經波折終於搵到間餐廳～由於太趕時間嘅關係，我哋一坐低就急不及待叫咗個B餐嘅乳豬海鮮煲先，要小辣嘅~B餐已經包咗肥牛，滑雞同炸雲吞~乳豬煲好快就送上，嘩！好大盆呀～～當中有超大量嘅蜆同蝦，食極都有，好似食唔完噤～～而湯底則略帶冬陰公嘅味道，酸酸辣辣，好惹味呀～主角豬手，大大隻，啖啖味，超正呀～我哋另外仲嗌咗：通菜，甜酸排骨，蒜蓉粉絲蒸扇貝，同椒鹽魷魚等等～～全部都好正呀，只係啲扇貝細隻咗少少～～其實個乳豬煲真係好大盆，所以奉勸各位朋友叫咗呢個煲之後真係可以唔使叫太多餸，因為我哋四個人都已經食唔曬～～順帶一提，呢度係廿四小時營業架，大家唔使怕要趕船啦～～

After the Portuguese dinner in remote area, we park here to have second dinner tonight. Trying one of the local popular supplier choice - suckling pig seafood hot pot. This restaurant is full house and still have people queuing to be seated at 10:30.Tried suckling pig in HK is a crispy skin one, but here the chopped piece are dropped to cook in the soup. Then they become less oily, soften and carry the seafood flavour. There are lots of different seafood in pot, like shrimps, clams, fishs, squid

在友人帶路下由新馬路盡頭的十六浦出發, 行了大約10分鐘首次來到了筷子基一帶為的就是到這裡一嘗澳門獨有的火鍋 - 乳豬煲!!豐順的門面也不大, 不停閃亮的燈箱招牌倒是十分搶眼門外也貼著不少名人到訪的照片看來知名度絕對不低店家除了不同種類的火鍋和配料外, 其實和供應各式小菜不過從早到晚一直不停吃的一行人, 實在沒有多少戰鬥力那就只好二話不說, 就來一個海鮮乳豬煲套餐吧!!套餐之中的炸菜肉雲吞皮薄香脆, 內餡味道一般雞滑比起常見的蝦滑和墨魚滑, 煮熟後的鮮味和彈性都略遜一籌肥牛就一看就不抱任何希望, 不過入口倒是有點牛味, 未算最差反正都不是主角, 也沒有什麼要求啦.......主角海鮮乳豬煲登場~~!!份量頗大...而且用料非常豐富除了第一主角的乳豬外海鮮主要有大量兩種大小的蜆, 海蝦, 花蟹, 魷魚再加上冬瓜, 南瓜, 粟米幾種常見湯料, 令到整鍋湯鮮上加鮮先將面頭的油炸鬼放入湯中, 吸滿湯汁一口吃下試味加了辣的湯, 味道有點像泰國的冬陰公的酸辣少了複雜的香料味, 但鮮味則以數倍提升......非常美味!!實在很想即時拿來泡飯或煮泡麵......不過實在怕吃不下......只可惜未有多

原來上次寫食評係我個錯account, 想移番過黎又唔得, 有點礙眼因為一早訂左檯, 所以等左冇耐就有得入座, 都算唔錯! 今次目標就係乳豬海鮮煲, 因為難得湊夠四隻腳, 好似得兩個地方有得食... 好似... 地方就有少少yup....黎主角先, 唔好講咁多, 一見到d花甲眼都凸埋, 隻隻都好大隻冇欺場, 其中有6隻係珍寶size, 包住兩粒丸仲有貨剩! 花甲絕無沙, 更加無開唔到口, 新鮮到無輪! 蟹亦好鮮甜嫩口, 花蟹點都重蟹味過水佬榮d重皮蟹吧! 湯更加係精華所在, 爆頂鮮甜 唔識形容! 而乳豬以為浸林晒d皮又濕身唔好食, 點知食落好鬼好食! 豬皮吸收晒極鮮甜既湯, 其至浸透埋d肉裏面, 竟然會產生不可思議既濃烈味道! 鮮甜竟然能夠形容響舊過氣燒豬肉上, 真係想像不能! 單叫乳豬海鮮煲就 $278, 套餐就 $338 多左三碟料: 炸菜肉雲吞, 靚肥牛, 蟹子丸... 三樣都好味, 雲吞鮮炸熱辣辣脆卜卜, 肥牛雖不鮮紅, 但雪花紋均勻, 一陣間就掃晒了! 不知道蟹子丸係咪吸收左湯汁, 心理作用都好吧, 硬係覺得都係鮮甜可口! 雪藏丸都覺鮮甜, 真係霏而所思...叫多兩份菜,

搭車去到筷子箕, 周圍拱下, 見到對面路有間野, 食之感覺認為有點正, 就去左食了~!去到門口, 原來都有接受電視台訪問, 又有d明星去食咁...呢間野有得打邊爐, 個鍋係超極大, 講緊兩尺直徑咁大! 而佢個招牌菜幾變態的, 叫"招牌乳豬海鮮鍋", 死未...我得三兜友, 見到牆上有好多小菜好正, 無謂畀一個變態大鍋打爆個肚, 都係叫小菜好了...金銀蛋莧菜椒鹽鮑魚仔 <- 內裏係好軟身, 椒鹽就更加不像樣, 味道覺得唔係咁夾炸墨魚餅 <- 好香墨魚味, 唔講得笑!鹵水大腸 <- 裏面太多膏... 但係鹵水味勁濃, 異常入味, 都係招牌菜之一!唔好既野係飯太硬, 落少左水, 同埋等好耐, 老闆都知奶野, 落單時都講明小菜會好耐, 結果食左超過粒半鐘...等位等左10分鐘, 好彩...

男友生日去澳門, 經朋友介紹去咗LEE到食, 論環境就真係麻麻, 不過食物就真係幾好味喎, 我地叫咗乳豬海鮮煲套餐 (肥牛, 墨魚丸, 炸雲吞), 淨煲MOP$210, 套餐MOP$278, 2支大青 (其實係青島) MOP$12, 1支庶汁 唔記得幾錢, 乳豬海鮮煲好食, 但係實在太大個啦, 我地兩個食唔晒, 如果下次食會淨係要個煲就算啦.庶汁係我地意料之外好飲, 我男朋友話好似係新鮮渣的.