葡富軒

营业中

休息中

今日嚟到澳门，食咗一间超高质嘅葡国餐厅，真系好彩有朋友带路先会识，餐厅位于氹仔旧城区，装修其实都几得意，员工嘅服务态度亦都好好，所以真系食咗一餐好开心嘅饭！首先一定要叫个手工乳猪咸派，好香牛油味，有啲中西合璧嘅感觉，精选芝士&冷肉拼盘都好出色，一大班人叫一个嚟分享就啱晒！主菜要咗炒猪肉配葡蚬伴马铃薯，呢个味道都唔错，但系我就比较钟意葡式经典椰汁非洲鸡配白米饭，非洲鸡真系超嫩！甜点就要咗火焰橙酒班戟，呢个记住一定要攞定手机出嚟打卡！另外就系个朱古力蛋糕 ，超浓郁，我劲钟意！