葡富軒

营业中

休息中

真系好耐都冇嚟过澳门，难得有朋友搬咗过嚟澳门返工，所以今次就特登过嚟探佢，揾佢一齐饮饮食食，朋友就话预早book咗呢间餐厅，嚟到之后真系觉得有惊喜，首先就系呢度嘅装修都好有葡国特色，尤其是好钟意佢呢只酒红色嘅主色，加埋入边装修都系行怀旧风，完全觉得劲正！食物方面亦都相当出色！前菜要左主厨特制蟹肉酿蟹盖，呢个真系无敌好食，劲Creamy，好多馅料，用嚟沾脆脆嘅面包真系一流！炒猪肉配葡蚬伴马铃薯都好出色，够味但系又唔会太咸。主菜就梗系要咗最经典嘅葡式烤乳猪同葡式经典椰汁非洲鸡，两个都真心劲好食，完全唔会鞋！甜点就要左个火焰橙酒班戟，呢个用嚟打卡一流！