農曆新年除咗可以逗利是之外，仲可以抽時間同屋企人行街辦年貨。唔少商場會喺新年前後大肆佈置一番，而新蒲崗Mikiki喺呢個新年就會有寵物小精靈Pika新年祭，有鯛魚燒小攤檔之外仲同Geláre合作推出主題美食！
Pika新年祭以日式祭典為主題，為農曆新年加添新意。既然係祭典就唔少得小食，所以主題場景裡面都特別搞咗個鯛魚燒小攤檔，由比卡超做檔主整熱辣辣嘅鯛魚燒，祝大家新一年「年年有餘」。
寵物小精靈亦同商場裡面嘅Geláre大搞Crossover，當然唔少得Geláre嘅招牌雪糕窩夫。呢款比卡超布甸窩夫就有比卡超造型嘅芒果布甸，搭外脆內軟嘅窩夫同酸甜清新嘅山莓雪葩，帶嚟冷熱唔同口感衝擊。
新蒲崗Geláre嘅各種卡通拉花亦係賣點之一，今次Crossover亦有兩款特別圖案。無論係得意嘅比卡超薄菏朱古力定係迎合猴年嘅火焰猴牛奶咖啡都有綿滑嘅奶泡，相機食完之後嘴唇都食得到咖啡師嘅心思。
最後一款Pika蛋糕就係將蛋糕加上用朱古力畫嘅比卡超Food Art，望住可愛比卡超無論食咩蛋糕都開心啲啦。
Mikiki x 寵物小精靈Pika新年祭
活動日期：即日起至2016年2月22日
Geláre比卡超主題美食
活動日期：2016年1月23日至2月22日
隨時接收最新資訊
讚好OpenRice專頁！
