嘢食方面，當然唔少得School Food嘅招牌菜韓式飯卷，呢碟花樣櫻卷就加咗紅菜頭汁落白飯到，天然嘅粉紅色令碟飯卷好似櫻花咁！而餡料包括香烤炸雞同自家醃漬醬蘿蔔，惹味得嚟唔會太Heavy。
另一招牌菜卡邦尼年糕一樣加入紅菜頭汁，變成少女粉紅色之餘更加為醬汁加入一份清新感。放喺頂嘅係粉紅色玉米片，為軟韌嘅年糕增加口感層次。
飲品方面就有首次推出嘅雞尾酒粉紅時代，夢幻粉紅色當中有係牛奶、士多啤梨同氈酒，入口香甜順滑，唔會嗆喉。
另外仲有櫻花泡泡，加入士多啤梨果肉同乳酸嘅士多啤梨梳打酸酸甜甜咁夠醒胃。最後當然要食返個甜品，彩虹的櫻許顏色層次豐富，由頂部嘅雪糕、曲奇，到下面嘅芒果凍、紅莓果凍同奶凍，不妨試下一啖食哂咁多層，為呢個粉紅套餐畫下甜蜜嘅句號。
School Food 「粉雪櫻嵐」櫻花主題餐牌
活動日期：即日起至2016年3月31日
隨時接收最新資訊
讚好OpenRice專頁！
關鍵字
櫻花
飯卷
卡邦尼年糕
雞尾酒
複製到剪貼簿