爆丼屋 (已搬遷) 新店位置

記得以前經過爆丼屋，都會見到好大條人龍。前排政府放寛晚市既時候去左試，果時咁啱冇人排隊，可以直接walk-in入去。上菜速度都好快，味噌湯幾清甜，湯料都幾足。-🌋三文魚火山盛丼 $135-話明叫火山盛丼🌋，啲刺身緊係堆到成座火山咁高啦！但建議食既時候放啲喺細碗，如果唔係，小心跌落黎。頂部係吞拿魚腩蓉🐟，旁邊有三文魚粒、三文魚子同芥辣八爪魚，口感相當唔錯，刺身份量多，勁滿足🤤！-📌爆丼屋地址：旺角豉油街50號地下8號舖分數：7/10

見依家餐廳成日都有好評，又咁多人排隊。襯六點幾，冇乜人，同朋友就入咗去試一試揭一揭餐牌，唔少魚生飯都係$150以上。 友人叫左火焰盛丼。中間有隻生蛋黃，已經係最吸引嘅部份有帶子、蟹柳、三文魚等等。全部都有燒過嘅，但係每塊都燒得唔均勻，感覺上就好似隨手隨心燒一樣。上面亦都冇特別嘅醬料，燒完都無黎聞味。壽司飯係暖暖嘅，但係又冇醋味，又冇甜味，食落去根本都唔似食緊壽司飯咁食幾啖就滯餐配麵豉湯然後個麵豉湯其實係角汁煮，好鹹我就叫左三文魚火山盛丼，有三文魚粒、芥末八爪魚、蔥碎吞拿魚茸、三文魚子等等。雖然好足料，但啲吞拿魚茸根本冇味，連蔥味都冇乜三文魚子就夠鹹啦，不過一啲鮮味都冇三文魚無魚味。成碗根本就冇乜味⋯唔通真係要Wasabi送飯⋯完全唔明點解依間野會咁多人排隊，不過咁既價錢有咁多料，都係幾抵嘅。或者當我好肚餓、無乜野想食嘅時候會再嚟食掛

火焰盛丼炙燒把魚油逼出，配上半熟蛋黃魚生分量很足唯獨紫菜是零食包裝的要自己手撕加入不過可以保持脆口！三文魚火山盛丼除了滿滿三文魚蔥三文魚蓉，還有鮭魚卵可能我們飯量小最後都沒有把丼吃完$300（連加一）兩人份

平時覺得旺角餐廳多 但普遍都好劣食 爆丼屋朋友之前食過幾次 comment都ok咁岩去開旺角 又想食魚生飯 所以就試下～餐具好靚 一黎就俾佢吸引左！火焰盛丼有蟹柳、帶子、三文魚 面層上前火炙左頂層有生蛋黃 撈飯一齊食一流三文魚火山盛丼入面有齊我最中意既野 - 三文魚、三文魚子、芥辣八爪魚 中間仲有好大座拖羅蓉山全部都好好味 咁既價錢黎講真係超抵食 飯上面有舖頭名個舊係玉子 好得意！應該係俾人打卡用 無食 唔知味道如何碗飯好大碗 食到一半已經嗌哂救命 飽到食唔到每個飯仲會送一碗麵豉湯 碗湯好足料又甜甜地好好味 裏面仲有幾舊牛肉 但牛肉食左一舊覺得麻麻就無再食Overall覺得碗飯CP值都幾高 下次會再試其他野 但真係好大碗 男仔應該岩岩夠飽 女仔一定食唔哂 3個人share 2碗應該好啲

依間專門食魚生飯嘅餐廳已經紅左一段時間，出名就在佢啲魚生不但多到完完全全蓋過哂啲飯，有啲仲要瀉到落隻碟到或高到成座山咁⛰😂 影相壯觀啫，唔代表好食㗎嘛，所以就等平日夜晚冇咁多人嘅時間試試佢！-三文魚火山盛丼🌋($128) 依個係咁多丼飯裹面最平嘅一個，而且係🍔覺得cp值較高嘅一個。三文魚厚切一粒粒，起碼唔會太細粒，保留咬口，質素不過不失！而呑拿魚蓉就有啲失望，有啲筋之餘仲切得唔夠蓉，中間仲有舊呑拿魚粒😂😂好影響成個嘅口感。另外仲有三文魚仔同芥末🐙，好欣賞佢哋加左依兩樣嘢，提升左鮮味之餘又令個丼飯更加多元化❤️ 依個價錢食到咁多款嘢都算唔錯！帆立貝三文魚籽盛丼 ($178) 三文魚籽真係多到滿瀉，除此之外，成碗嘢就冇乜特別😂 帆立貝幾新鮮，未未去到話好鮮甜，亦都切得未夠厚身，口感爭左啲！-🍔會建議叫第一個丼飯就可以了，其他嘅價錢偏貴而且材料比轉單一，例如海膽丼，食落會比較膩，除非你真係超鐘意食個樣嘢啦🤷🏽‍♀️ 順便一提，個到啲麵鼓湯出乎預料哋好飲，幾足料之餘仲幾香肉味！

永遠都排哂隊等位等到傻～最吸引係啲魚生舖滿哂成碗飯，貴就預左😣唔好睇佢細碗，其實真係好鬼飽，諗住食甜品都食唔落🙈1️⃣三色海膽盛丼 $238海膽一上枱要趁新鮮食，唔好攤，如果唔係味道會變質。色澤係幾靚，但唔夠鮮甜，中間仲要加埋蛋，好漏兼飽死😂➖2️⃣三文魚火山盛丼 $120三文魚就平啲，好豐富呀🤤好中意食三文魚，都唔會衰得去邊😌同男朋友share依2個飯真係飽到嘔🤰想增肥就黎啦😂

想試呢間好耐了，咁岩朋友仔係英國返黎都話想試，又肯排住隊等我放工，所以我就可以輕輕鬆鬆去食！ (笑) 餐廳唔算好大，D枱擺得密密麻麻，基本上食完就要走。另外，等位時已經要落定單，果然係爭分奪秒。叫左一份炸芝士小食，其實都係好多餐廳都會用的三角炸芝士，不過我就係鍾意佢外脆內Creamy的口感同味道。每個主食都會有碗餐湯，味道唔會太鹹外，更好有料。好鍾意呢份三文魚火山盛丼有三文魚切角外，更有呑拿魚蓉及八爪魚功粒。新鮮度OK，夠多款式的刺身，盡對滿足到咩都想食的我。只敢叫份小的爆盛慢燒牛肉丼，D飯多到爆炸，不過D燒牛肉的份量都唔少。牛肉切得夠薄唔會un，放係側邊的芥末沙律醬同牛肉幾Match！如果女仔未必會一個人食得曬。==============================鍾意我的分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)

下課的時候已經是9:30，來到這間平時有很多人排隊的餐廳，我們完全不用排隊就可以入座！餐廳的空間比較小，坐在我們旁邊的客人的距離都很近，所以溝通上會有點不方便及有一點嘈吵。餐牌有令人花多眼亂的不同盛丼。三文魚火山盛丼是名副其實的盛丼！賣相非常吸引，切角刺身的份量將快要滿瀉！每一口的口感也非常豐富！吃到三文魚的鮮味同時也有芥末八爪魚的微辣，還有飛魚籽，口感一流！而且份量是頗多的，一個人吃不完！火焰盛丼賣商相比起剛才的三文魚丼略為遜，但份量也是超多的！帶子三文魚也有被燒過的香味，但只是面層的，底層有些三文魚沒有被火燒過，而這個整體口感比較乾...牛肉湯是一碗十分足料的湯，但略嫌油份過多，比較肥膩。整體來說食物的質素不錯，但略嫌環境比較擠迫，不適合閒聊或久坐，下次可以試試其他盛丼！

一輪冇黎過一向人山人海既爆丼屋 今日lunch去到居然完全冇人排隊!! 原來佢地冇再做lunch menu 只有一個全日menu 所以lunch最低消費都$128加一 難怪少左咁多人🤔 味道同份量同之前都差唔多 但價錢貴左至少3成 lunch黎講都幾大消費 抵唔抵就自己判斷喇😟三文魚火山盛丼($128) （後）火焰魚生飯($145)Taste: 👅👅👅Value for Money: 💰💰(on a scale of 0-5 emojis)

間野宵夜時段都仲好多人幫襯，等位等o左好耐，仲要佢外面有個大mon 不斷輪流show 住各種食物出o黎，搞到人好肚餓ga...試o左三文魚火山盛丼，menu 見d 餸就lum 到成座火山高，實際上…都真係有咁高！舊玉子烘o左烘店舖logo，本身甜甜的。主角三文魚碎同平時食開o既味道差唔多啦，無話好特別， d 拖羅有少少腥但我接受到的，證明好新鮮。overall 呢度d 飯都好大碗，我男仔就o岩o岩好o既，但女仔朋友叫o左三色海膽盛丼，又係成個碗鋪滿晒海膽，佢食晒d 海膽已經夠晒飽，放棄o左d 飯…價錢o黎講，我o個個$128 我覺得都接受到，但佢o個個$238 就好似貴o左少少。

日式魚生丼飯的食店琳琅滿目差點成為香港人的新景點!這天下班運動後 朋友R提議到爆丼屋吃晚飯「不是很多人排隊嗎?」我說 「我已經叫我男友先去拿號了」O K A Y ~YOU WIN*前前後後差不多等了45分鍾終於可以坐進去了!*店員問兩人桌坐三人可不可以等了那麼久我們也累了那就好吧*店內的牆很像一塊黑板店員可以依照當天的推介寫上去*它們家的LOGO很簡約*三文魚火山盛丼 $128我點了這個三文魚火山盛丼好像是最便宜的一個丼飯它的碗矮矮的但也蠻深 飯量比想像中的多*三文魚切成大顆的粒狀 一口一粒很方便但用上三文魚腩真的太油腻了吃一半還好 繼續吃真的腻到不想再吃香葱吞拿魚的份量很多 差不多有一小拳頭的量但質量很一般 都是靠份量來取勝吧*火焰盛丼 $145朋友R不喜歡冰的魚生 點了火焰盛丼火灸後的魚生令整個丼飯多了一份油香*火焰盛丼的魚生款式比較多元化*每一面看都是堆得滿滿的*火灸的程度恰到好處飄出陣陣的香氣 很下飯*北海道盛丼 $198這是男友H點的北海道盛丼魚生飯的顏色十分奪目 很適合拍照一看就知道材料比較好 不過價錢也比較貴新鮮的程度尚可 但說不上非常鮮美*海膽的份量有一大片很厚身而且肥

只看照片就讓人流口水，以足料成名的爆丼屋，早前終於找了個機會一試。晚上快7點，食店門前就站滿了人，等的時間卻不算太長，只是要人齊入坐，花了些時間。普看餐牌，照片一如既往的吸引，價錢卻算不上便宜，其中有松葉蟹料的標價200起。我取了個中庸，選了三文魚火山盛丼。碗比想象的小，材料卻是童叟無欺。賣樣精美，食欲大增。一勺子下去，滿滿新鮮肥美的的三文魚粒，加上香口的三文魚子，帶了魚油的清香，飯的份量同讓很足，中間堆了些碎切的小章魚，夾著粒粒圓潤爽口的珍珠米，口感自成一派，再搭上滿滿的拖羅蓉，又讓鮮味更上一層。就用料而言，的確對得起這價錢，值得一試。

每次經過餐廳門口都人頭湧湧，今晚特意約朋友一試，籌號有15個之差，最後應該都只係等左18分鐘左右。餐廳坐位算多，所以空間相對不多，感覺同吉野家美心差不多未坐低已經見到枱枱爆丼，飯面的材料真係多到瀉咁濟，視覺效果相當驚人但心同時不屑咁諗：個碗咁細，梗係爆啦跟朋友試了北海豐盛丼，三文魚火山盛丼及燒原條鰻魚(即係燒鰻魚盛丼走飯)，可惜和牛生熟燒售罄。材料全部魚生關係，唔洗6分鐘左右已經上枱，賣相既震撼不得不相機食先！三文魚有小鮮味，呑拿魚蓉入口啖啖肉但其實無乜味北海豐盛丼海膽同帆立貝食得出都新鮮既但不至於鮮甜。鰻魚都算好食嘅，至少肉質唔係難溶溶。最後，我地好後悔睇小左隻碗，啲飯一啲都唔少！飽到食唔晒其實咁既價錢咁既份量又咁足料，每啖個口都full晒咁濟，都好難再求味道要非常鮮甜既。但都可以一讚佢gimmick係成功既

無得BOOK位，排左一陣隊終於入到去。無SET既，只有單點。拿拿林嗌左碗＃三文魚火山盛丼，貪佢啖啖肉。不愧係爆丼屋，份量真係十足逼爆！不過三文魚食落比較＂漏＂，新鮮就講唔上，wasabi都係唔夠味，但係勝左啖啖肉，岩哂#墨嚐呢Ｄ懶人LOL服務唔錯，下次黎旺角再試下其他款先。

日食朋友恨吃爆丼屋已久，奈何被持續的人龍嚇怕。某晚小人特意沒吃晚飯，陪朋友在夜深的時段才吃，避開人潮。盛丼一到，我們不禁嘩然，魚生有如一座山般堆在一大碗飯上，何其澎湃！最上的乃拖羅茸，其他還有三文魚、芥末魷魚以及魚籽等。三文魚及拖羅皆很是肥美，透出魚的香氣；而魷魚及魚籽都甚是爽口，混著飯，入口是多重的層次。三色海膽盛丼必可滿足海膽迷，海膽是滿滿的鋪在飯面，海膽很新鮮，有海洋的味道，我們沒有落日式芥末，只輕輕的下了一圈豉油已能盡情品嚐到海膽的原味。每客盛丼都配有一碗味噌湯，亦屬不錯，是一個大滿貫之夜~~