牛之鍋

營業中

休息中

平時十世都唔寫一次食評 通常寫親都係有問題先會寫 難得今次覺得係好食到要寫食評讚吓佢😂星期六晚上食咗邊爐B餐 包刺身串燒海鮮（基本上除咗最貴嘅牛之外乜都包） 7:30前離座 埋單$306一位（連加一）先講講呢度最普通嘅火鍋料 基本上你平時出去打邊爐想食嘅嘢都會有 另外再多啲帆立貝 鮑魚 蜆 等等海鮮 全部都幾新鮮好食 但係同其他嘢食比較有啲普通咁除咗邊爐之外，佢呢度都有刺身食 有帶子 希靈魚 三文魚 赤蝦 北寄貝 赤貝等等 質素都幾唔錯今次嚟食比之前多咗啲串燒揀 啲串燒嘅食材同調味都幾好 而且選擇非常多 不知不覺就會嗌咗十幾廿串 我覺得佢高質過平時出邊嗰啲所謂嘅串燒放題 重點表揚串燒牛舌同埋鮑魚 口感完全唔韌 好好食！ 不過就有啲睇師傅心情好唔好 有一轉燒得好求其 個面都唔燶嘅😂我最鍾意嘅係佢呢度嘅甜品！全部都唔係放題行貨 最鍾意嘅係個雪糕窩夫同埋綿綿冰，真心出面比$50-60都未必食到呢個質素；除咗嗌嘅甜品 佢出邊雪櫃嘅芒果布甸都幾唔錯 一坐低就即刻食咗杯

鍾意食任食、邊爐、放題既，⼀定食過#牛之鍋，多年以來⼀直都以性價比出名✨最新推出全新「C餐」🤤全力加強左牛肉既種類，本地牛、澳洲牛、美國牛乜都有，期間限定仲有乳山生蠔、原隻鮑魚等海鮮😮‍💨食野前已經見到全新自家即製甜品，吸引到⼀個點💟🐟刺身時間🐟擺盤好靚，三文魚超肥美，好滑好味，泰式生蝦配酸辣醬，正👍🏻帶子係必食，又甜又鮮，居然有黃旗吞拿魚🐠無乜筋幾好味！食埋珍寶赤蝦，大隻到，好鮮好濃味🤗超高質刺身，把握住個鮮味食下焗蠔，蒜香燒生蠔同煙肉洋蔥燒生蠔各有風味，蠔都好多汁好濃香😌🍡串燒時間🍡驚喜地有個熱住既串燒盤俾你放，即刻高檔次左，雞軟骨串香脆多肉，燒雞脾肉都好厚肉，味道不錯，送住啤酒食🍻燒肥牛肉，強推，牛油超香超濃，燒牛舌亦都係，濃味爆，好正🥰白燒鰻魚厚肉多汁，好彈牙，必食，燒海蝦同燒鮑魚都好惹味，鮑魚再驚人地腍🤩燒八爪魚同燒帆立貝都係汁燒，調味好正，咁多海鮮既串燒放題真係嚇親🩵🥩牛肉時間🥩今日黎既目的，瘋狂叫晒有既牛款，任食新鮮本地手切騸牯牛，賣相好吸引，口感⼀流，牛味濃有咬口😎牛肩胛肉眼，牛味意外地濃，適合幾塊幾塊⼀齊食，美國肥牛肉，夠油又厚身，隆重推介？雪花牛小排😵‍💫超靚油花，

📌 牛之鍋 - 銅鑼灣堅拿道西10號冠景樓2樓A號舖🗓(29/5) 星期三 ⏰ 晚上6點左右 💈特式：雖然已步入夏天，但係香港地不論火鍋或放題，一年四季都係咁受歡迎，如果間餐廳可以有齊兩樣就更加吸引啦。🥩🍔🌭🌮🥗🥯🥘🍲🍝🍣🥟🍤🍱食物：佢地晚市放題任食2️⃣個鐘，星期一至四仲可以💥無限時任食，收費就分左A/B/C 3️⃣個等級，食材同食物種類當然會有所分別，最貴個set會有新鮮騸牯牛/美國和牛/牛小排，刺身選擇亦都更多，但我今次就先揀左個中間價嘅🅱️餐試下先，等我講吓🎌🍲味道先......🅱️晚市B餐 $2️⃣7️⃣8️⃣ - 呢個價錢已經包左8款刺身，近20款火鍋配料，自助區仲有近30款火鍋丸類/蔬菜，30款以上串燒，超過15款甜品任食，總共超過100款，真係無可能每款都試晒。🥘湯底 - 湯底種類就有10款選擇，雖然款式比較大路，但都算幾多選擇，湯底仲係一人一鍋，我地就揀左椰香沙嗲鍋同壽喜燒湯，貪佢同大部分食材都會好夾。🐮牛類 - 🅱️餐有3款不同牛種類可以任食，包括美國極上牛/澳洲牛肩胛肉眼/美國肥牛，當中我最推介係牛肩胛肉眼，牛肩胛入口淋滑有肉味，而且每碟質素好平均，另外兩款表現都唔錯。肉類處理

☘️前幾日跟朋友响銅鑼灣行街，行到攰就想搵地方醫肚，對於選擇困難症但又眼潤肚窄嘅我，就當然想搵個地方可以乜都有又任食任飲啦，朋友就帶咗我嚟呢間上樓嘅牛之鍋。☘️雖然呢度叫牛之鍋，但係佢除咗牛之外，仲有日式刺身，壽司，串燒同埋中式小食，全部都係可以響App度落單，好鬼方便！ 另外一般火鍋嘅蔬菜，跟主食都係自助吧里面取，飲品也有很多选擇，確係唔錯！ ☘️呢度可以一人一鍋，所以我清清哋要了芫茜皮蛋清湯，料好足，而我個friend 就叫咗香檸藤椒金湯。好香藤椒味！☘️我哋揀咗C套餐乜都可以叫，由於太多選擇我哋又乜都想食，所以只係揀咗三款牛肉，個人比較喜歡澳洲M5和牛😋 呢度啲嘢可以按量落單，例如牛丸，貢丸以粒為單位，所以對人少係非常好，不用浪費！☘️除咗牛肉，佢嘅丸同埋有個墨汁墨魚滑都好好味，推薦 👍個炸魚皮好香脆，記得點😜佢嘅炸物都唔錯，食落一啲都唔油 ☘️最令我哋喜出望外嘅就係佢嘅甜品，竟然有驚喜，點咗個宇治抹茶芭菲，賣相同味道都非常好，絕對唔係好似其他嘅咁行貨！個waffle 仲係熱嘅，即整。 ☘️整體來講咁嘅價錢，有咁多嘢食，仲係120分鐘，真係幾抵，我哋食完走嘅時候仲一直有客入，都坐滿了，剩低近