浜滝

營業中

休息中

實在太挂住日本，今日係九龍城試左呢間日本餐廳~真係好似去左日本居酒屋甘~呢個龍蝦睇相都已經好吸引~必叫！Hamataki 本家造純米吟釀（720ml）（$680）今日waiter推介我地試佢地係日本釀製的Sake~入口甘甜~櫻花蝦冷豆腐 （$48）前菜我地簡左鋪滿日本櫻花蝦，冷豆腐好開胃~伊勢海老燒 (半熟龍蝦🦞、海膽、龍蝦粥/湯) （$698）龍蝦好新鮮，上枱後個頭仲識郁，半熟嘅龍蝦肉口感突出，大大舊嘅龍蝦肉，外層爽口內裏甜嫩，配埋海膽刺身入口，加強咗龍蝦味嘅層次😋真係一試難忘!我地選擇咗將龍蝦頭加工煮成龍蝦粥，等咗一陣就有得食~龍蝦頭有好多膏好多精華，龍蝦粥味道非常濃郁，粥嘅口感會啱啱好🤤 份量都好多，食晒真係好飽肚！黃油牡蠣（$138）炒得好香好惹味，每一粒蠔都好肥美~唔會腥！仲有好多雜菌配菜~日本鷄腎串（$38）及厚切和牛舌心串燒（$68）原來燒物都有驚喜！雖然等左一陣，但絕對唔馬虎~夠味而且燒得夠熱！蒜心豚肉串（$38）最後再追加一串豚肉~豚肉偏肥少少油脂好夠~雖然無咩叫主食，但我地已經非常飽，下次再試其他野~餐廳唔係太大，所以記得book枱，我地當日係坐到爆哂~

本來想約朋友今年一齊遊北海道，而家梗係去唔成啦☹️ 近來疫情確診個案持續0👏🏻👏🏻👏🏻 就約埋好朋友一齊聚下頭！首選當然係日本嘢食啦😌餐廳雖然店面不大，但擺設報置好有心思☺️ 幾啱一班朋友仔傾幾📍 伊勢海老燒🦞 (兩食)1️⃣ 龍蝦同海膽都係輕炙嘅狀態，口感黏稠彈牙，係好好食既龍蝦刺身～加上海膽嘅鮮味同龍蝦嘅鮮甜夾埋味覺享受提升❤️ 2️⃣ 之後店員會拎返起個龍蝦頭去煮湯或者粥，因為食得好飽了，所以我地揀咗要湯。湯既配料有蘿蔔，娃娃菜，豆腐，湯底係勁濃好重龍蝦味😋已龍蝦頭入邊仲有好多肉，用味增湯煲過特別好食。📍三色剌身三色刺身由三文魚腩，帶子，同埋牡丹蝦組成。三款刺身都非常之新鮮，尤其是牡丹蝦，朋友盛讚好食！我自己就覺得三文魚腩好happy，肥美可口👍🏻📍手燒白鰻魚大大件超厚肉，外皮燒得脆脆的，而鰻魚肉濃味彈牙！好食到想再叫🥢🥢🥢📍綾町產葡萄豬可樂餅可樂餅外脆內Juicy，配上餐廳建議的香蔥同微酸嘅醬汁黎食，更好味📍日本冰菜島豆腐沙律沙律嘅組合非常少見，冰菜同海葡萄都好少食到，夾埋一齊食又幾得意喎😂 btw, 對上一次食海葡萄已經係前年係沖繩啦😢 唉呀！真係好想去旅行呀！雖然冇得出發去旅行，不過同朋

朋友生日你左呢間餐廳食生日飯。首先點咗款鮟鱇魚肝🐟，通常見到居酒屋餐牌有我都會叫，呢間做得好出色，完全唔腥好味適合送啤酒。之後叫咗款螢光魷魚都係好適合配啤酒食，🦑螢光魷魚大大隻飽滿好有鮮味但係唔會太鹹。燒明太子真係好出色！ 燒到外脆內軟，呢個真係要趁熱食，用紫菜包住加少少粒同蘿蔔蓉一齊食真係冇得頂！刺身拼盤中規中矩冇特別太大驚喜。伊勢海老燒真心好食，🦞龍蝦大大隻，刺身燒到半生熟，肉身好彈牙，上面加咗鮮甜海膽好match!! 不過價錢真係唔平，下次要儲定錢先再嚟😂

終於到咗出糧嘅日子，唔好計咁多，忘記自己有幾米，想盡情歎美食真係唔好望荷包，望住令人忘形嘅珍饈百味就可以了平時食左口魚邊都只係食一忽，今次成條咁食真係激爽，仲有啲湯汁浸到好好食櫻花味生啤賣晒，但玫瑰味都越飲越香甜跟住就到龍王出場，認真架勢上面有勁新鮮嘅海膽，然後就係半熟狀態嘅龍蝦肉，鮮味無比，仲已經切好一舊舊你食𠻹食完個龍蝦就請店員攞走個頭去熬湯/粥，湯底用咗幾種龍蝦熬製，香濃非常鹹鹹嘅醃肉加波士頓芝士，配上紫菜入口，嗰種鹹香出奇地match廣島蠔好新鮮，酒煮一樣嫩滑油揚燒蠔一樣冇問題，裡面都係鮮嫩的牛舌超級彈牙，配汁食簡直係錦上添花鰻魚勁肥美，啖啖脂肉交融，不得了最後又係食蠔，我地實在嗜蠔如命，今次配上大量蔬菜，淡然地結束呢餐呢度店員十分熱情同有禮招呼客人，其程度同去日本有過之而無不及