佳記雞煲小廚 (已結業)

屯門有好多好野食，今晚由朋友帶我依個大鄉里係屯門食隱世雞煲。依間佳記雞煲小廚價錢親民平日都係$180蚊仲要唔洗加1。首先雞煲有3種選擇，「佳記招牌雞煲」、「豬手雞煲」、「卜卜蜆雞煲」，之後雞煲麻度辣度都可以自己選擇好多元化，又可以無限♾️加雞添wor，仲每1-4位會送一碟涼拌小食，5位以上次2碟。雞煲上到黎嘅時候已經係勁勁勁多汁⋯雞件入味肉滑。至於火鍋配料都有好多選擇，美國🇺🇸肥牛、西班牙黑毛豬、黑草羊肉、手打墨魚滑、鮮滑牛、鮮雞子、鵝腸等等⋯⋯飲品方面有可樂、雪碧、忌廉、新奇士橙汁、大枝嘅鴻福堂檸檬茶、菊花茶同獅威啤酒位置屯門青翠徑，如果揸車🚗去嘅朋友要留意，有小量泊車位，好多人泊車同埋逢星期二休息。係呀，要同大家講就係仲有外賣提供，跨區都送。總評分有3.5分，重點係勁多汁👍🏻

估唔到井財街都有雞煲食，仲要係任飲任食，一於走入去佳記品嘗吓先😜一坐低就遞碗滾水淥下啲碗，感覺好衛生，疫情吓做呢啲事都唔錯！之後有兩張配料紙原來除咗雞煲外，仲可以選擇其他火鍋，包括有皮蛋芫茜湯鍋、胡椒豬肚雞煲、水煮魚鍋、豬骨煲等！真係夠多元，夠吸引！雖然吸引，但我同我個朋友一心想食雞煲，就叫咗個勁少辣嘅佳記招牌雞煲🐔調味料同飲品都係自助式，飲品有台灣製造嘅茶、汽水、啤酒等，任揀又夠凍！雞煲一開蓋，香氣撲鼻，正👍🏻件件雞都係啖啖肉，無乜骨，食落鮮嫩又唔乾，煲入面仲有啲冬菇粒、青椒粒，全部都入哂味！我最欣賞呢個雞煲嘅辣同鹹味配合得天衣無縫，唔會偏向一個味道👍🏻雖然少辣但勁惹味，真係啱晒我又要怕辣又要去試辣嘅人😂😂😂食到咁上下，我就遞埋張火鍋配料紙出去，我哋分別叫咗西洋菜、、粟米、肥牛、滑牛、豬肚、手打墨魚滑同魚皮！每樣食材望落都好新鮮，西洋菜洗得好乾淨，完全無沙！魚皮夠大塊，每塊都卜卜脆！滑牛唔靭，夠哂嫩滑！肥牛雖然擺得好靚，但可惜滾完就散開哂咗，口感變相差啲啦！豬肚爽口，唔會又硬又乾！手打墨魚滑好大碟，又彈牙😋食咗一半先記得影相😂我見到周圍啲人加雞又加雞，本身我同我朋友都想加，真係好好食

近日秋風起，天快黑肚也特別快餓，決定與友人來個麻甩雞煲夜，大吃大喝一番！那晚他帶我到他家附近的雞煲店吃個痛快。光亮的招牌在漆黑街上遠處也能看到，黃底紅字「任飲任食」四字看到也頓時肚子打鼓了～餐廳以黃黑色為主，大約可容納30人，內裡不會充斥雞煲或打邊爐氣味，通風系統不俗。同時亦供應熱水清洗碗筷用具。2小時任食雞煲邊爐點菜紙有兩張，提供之配料大致可分為肉類、海鮮類、丸餃類、蔬菜類及粉麵5大類，雖然款式不多，但基本或較受歡迎的配料也都齊全，而主角雞煲則有4款選擇，均不設走辣，初到訪的我倆先試試餐廳招牌雞煲。雞煲5分鐘後率先呈上，醬汁較以住品嚐過的雞煲為多，蓋過雞件並呈糊狀如打獻醬汁，足夠掛在每件雞件上，醬汁香濃惹味，鹹香帶有蔥蒜味。雞件大小如乒乓波，雞肉滾了10多分鐘也同樣嫩滑且甚少碎骨，容易及方便進食。由於醬汁較濃稠，容易黏煲底，吃時我倆不時需攪拌醬汁。落單不久食物齊全送到，所點選之食物款式會因應人數決定數量，讓我們可放心點選不同款式之餘，也不用擔心食物剩太多的情況。牛肉片為平放放於碗下方，而豬肉片則卷狀放於上方，雖然兩者的肥膏與肉分佈不太平均，但勝在厚度適中，有咬口之餘又快熟透，涮數秒即

有晚收工，朋友提議不如去食雞煲，約係虹橋等，我仲話虹橋邊度有嘢食架...去到附近見到間鋪，門面大大隻字寫任飲任食，仲會分段收費，星期一至四 $168 免加一。－－－－－－－－－－－－－－－－－－－－－－－－安排入座後，店員仲溫馨提醒我哋可以先落雞煲，之後再慢慢補寫返餸，費事浪費時間。黃紙主要係肉食，而粉紅紙係火鍋配料。雖然話早收工，但前面鋪面已經座無虛席，店員安排我哋去後面位置入座，我覺得比起前面鋪坐得舒服、無咁迫，至少唔近廚房無咁熱。自助式配料站飲品都係自助式，飲幾多拎幾多。可口可樂、忌廉、椰汁等熱門飲品都係任飲，我推薦比較健康既無糖碧螺春，清香芬芳。－－－－－－－－－－－－－－－－－－－－－－－－入返正題，店員好快將雞煲奉上，加熱過程已經感受到濃濃既香味。我同朋友兩個人食完煲內d雞都飽飽地，店員經過時仲笑笑口問洗唔洗加雞，唔知係咪笑緊我哋食量少呢跟住點咗美國雪花肥牛、西班牙黑毛豬，放落湯滾一陣就好快熟透。以前去過其他餐廳，肥牛上碟仲未溶雪，呢間唔會有呢個情況水魷魚幾爽口，水柏葉勝在吸到湯汁。重點推介係韭菜餃，皮薄餡多，索埋d麻辣汁好惹味。魚皮又脆又完整，忍唔住食唔停！食到咁上下，店

屯門係一個麻雀雖小但五臟俱全的地方，想要食咩都有，今晚去呢間無限追加雞的任飲任食雞煲小廚。每位任食2小時，星期一至四$168，而其餘日子就貴$20，任飲任食價錢嚟講算抵👍🏻餐牌有兩大張，有唔同食材任居選擇。除左可樂、椰汁，仲有啤酒及各項罐裝茶揀個人認為椰汁非常不錯，不會太甜又可以解渴解辣😁🎇佳記招牌雞煲🎇招牌雞煲汁底味濃，汁底算是惹味，小小麻香感覺加上刺激味蕾的辣味，實在不錯，雞件慢慢加熱吸收醬汁的精華😋🌌炸魚皮🌌炸魚皮香脆鬆化，加上惹味汁底，會令人不自覺地追加多碟🌅 魷魚+牛栢葉+蘿蔔+生根 🌅食到咁上下，當然就緊係加火鍋湯再食埋火鍋啦，雞汁湯底加上雞煲醬汁，味道不會變得太淡。🌠黑草羊片🌠羊片紋理均勻，不會太肥，食落帶少少甘甜騷香的羊味，必食之選✨生菜+油麥菜 ✨最後當然不少得蔬菜， 生菜及油麥菜吸收了湯底的精華變得更加甜， 增添一份肉的味道。總括而言，這家雞煲價錢都算實惠，而且味道亦都有保證，仲要任飲任食，性價比高，而餐廳位置都好多，夠舒適寬敞。