御膳

營業中

休息中

今日跟朋友去左一間係觀塘, 佢話係藏係工廈既隱世餐廳 - 御膳。呢間餐廳感覺比係類似於私房菜, 不過環境都唔錯! 餐牌選擇由2人-12人都有可以預訂, 有幾個拿手菜係必點, 我地一班人可以多D,款式都多D, 當然人小D廚師都會因應返份量提供。第一樣必食既推介就係古法八寶鴨，要早一日預定，餐廳負責人話師傅要早上就開始製作, 一日最多只做到5隻, 所以建議提早幾日就好訂啦! 八寶鴨入面有, 蓮子，龍眼肉，紅棗，薏米，冬菇，芋頭，蝦乾，瑤柱， 栗子， 金華火腿 ，糯米…….. 咁豐富既食材就有好豐富既味道, 一夾開隻鴨真係好香。蒜蓉粉絲蒸蟶子皇, 洗得好乾淨 又夠大隻, 蒸既時間岩岩好, 一上台就要食!香煎花龍蝦，一開2 每人一邊都好夠, 好厚肉! 而且肉質係彈牙, D肉一D都唔係淋。龍蝦煎過會比較香口, 比清蒸既味道更加豐富。主食我地要左一碟蟹油銀芽炒麵，睇落好似好簡單, 一個炒麵, 但其實好多客人嘅必食菜色, 而且佢既蟹油都好唔簡單。我相信係香港只有呢家餐廳先會有! 而且重要好好食。另外真係估唔到餐廳免加一, 免開瓶費, 免切餅費。食海鮮配紅酒真係岩哂, 服務又好, 過時過節又係一個好

舊老細一家要走啦，設宴觀塘的御膳，上到去見到裝修典雅，由經驗中廚主理，老細發辧點了幾款招牌小菜，全部都好味又抵食，想不到隱藏在觀塘有如此高質素的私房菜。八寶鴨將八種以上材料（蓮子，紅棗，薏米，冬菇，芋頭，瑤柱， 栗子， 金華火腿和糯米）塞進已去骨的大鴨內，每日限造5隻，手工菜，值得期待。避風塘炒大肉蟹肉蟹啖啖肉，非常惹味。士多啤梨骨糖醋汁層次分明，排骨是一字骨，啜手指之作。碧綠炒花枝大蝦球雖是常見菜式，但花枝和蝦球處理得好，比一般酒樓更新鮮。花膠伴羊肚菌滋陰養顏，清香可口，在座女士都話要食多件。

平時去酒樓食飯就食得多啦，但估唔到工廈都有中菜食wor🤩而且質素重好唔錯！如果唔係朋友介紹我嚟食，我都唔識tim環境《御膳》位於觀塘敬運大廈，地方雖然唔及普通酒樓咁大，但勝在環境乾淨舒服😌食物《御膳》有好多唔同款式嘅中菜，由海鮮、小菜、小炒不等😋我哋一家幾個人就試咗佢嘅芙蓉蛋白蒸老虎斑、八寶鴨、白胡椒爆炸南非鮑魚、花雕蛋白蒸大肉蟹同埋上湯浸時蔬😍每款菜式都好正，特別係d海鮮🦞好夠真材實料，同原汁原味，喺出面普通嘅酒樓應該未必食到至於個八寶鴨亦相當有驚喜⭐️亦唔係度度都可以食到😌佢入面有蓮子，紅棗，薏米，冬菇，芋頭，瑤柱， 栗子， 金華火腿 ，糯米。但每日只係限賣5隻。好彩我哋一早打去book定咋🤭🤭呢個真係好好食👍🏾強烈推介下次再有家庭聚會，或者大時大節，我都會再嚟《御膳》！