探魚烤魚

營業中

休息中

朋友推介左好多次叫我一定要試，佢話呢間係內地出名人氣食店，不過一直冇時間去，今日终於有機會試吓去到店舖見佢環境設計和燈光效果都幾舒服，睇餐牌都幾多款烤魚和小食而且每隔一段時間會推出新口味烤魚，我就選左款唔辣嘅烤魚、幾款小食和無限添食甜品冰粉醬香魚柳烤魚：有三款魚揀，最後問咗侍應選咗鮰魚，雖然多骨，但魚肉比較結實好味等咗大概15分鐘就有得食喇，原條魚開邊大大條，熱辣辣滾住食肉質好嫰滑而且醬汁好濃好香，所以加錢叫左個寬粉索吓d汁寬粉：本身冇乜味嘅寬粉，滾完索晒個汁唔同晒，又淋又滑又入味好好食易燃易爆小吃天團：有幾款不同炸物，分別有小酥肉🥩、椒鹽金針菇🍄、炸鷄🐓和炸山藥片。小酥肉和炸鷄炸得色澤金黄，外脆內嫩，尤其係炸鷄非常出色炸山藥片食入口似食緊薯片噤脆椒鹽金針菇，入口外脆內裡還是好鲜嫩一把滿足羊肉串：一共有6串，细细粒容易入口，羊肉有d孜然粉味和有少少辣，非常惹味最後甜品就係加$9無限任食冰粉，食完噤濃味嘅烤魚，食埋呢個清凉嘅冰粉就可中和返晒而且在自助區可自行配搭自己喜歡嘅味道食飽飽

相信大家對探魚一定唔陌生，係內地十分出名，終於開到黎香港啦🥳，唔使北上就可以食到超級美味嘅烤魚，當然要去試下😝。餐廳環境寬闊，乾淨企理，全部都係卡位，坐得相當舒服☺️。金銀蒜香味烤魚🧄🐟呢款口味係唔辣嘅，啱曬我呢啲唔食得辣嘅人👍🏻。我地揀左淩波魚🐟，加左萵筍。凌波魚無小刺，肉質十分嫩滑細膩。金黃色嘅一盤烤魚，鋪滿香蒜粒同炸蒜🧄，蒜香味超濃郁，再配有兩大舊茄子🍆。一開始好驚蒜味食完會口臭，呢個烤魚完全唔會，而且唔會超級濃味，味道剛剛好，出乎意外好味🤤。小食：易燃易爆小吃天團、海陸空天團（15串）🤩易燃易爆小吃天團全部都係炸物，分別有小酥肉🐖、炸雞🐔、椒鹽金針菇🍄‍🟫、脆脆山藥片，非常豐富。小酥肉同炸雞，顏色金黃，外脆內軟，山藥片亦十分脆口，當中椒鹽金針菇最爲特別，配埋泰式辣醬真係絕配👍🏻。海陸空天團，有魷魚🦑、掌中寶（即係雞軟骨🐓）、牛肉🐂，各5串，一共有15串，啱曬選擇困難症，咩都想試嘅我。串燒上面加咗孜然粉，同少少辣粉，十分惹味😋。最後甜品部份就係有無限任添任食嘅冰粉😲，食完較為濃味嘅烤魚，食埋清涼嘅冰粉甜品就啱曬啦。重點係自助區可無限任添任食晶瑩爽滑嘅冰粉，配料多達十款，可加配埋椰汁

沙田終於都有探魚啦！想吃不用過深圳啦！今日就同閨蜜過來呢間位於沙田沙田正街18號新城市廣場一期6樓626號舖噶探魚烤魚。環境感覺比較夢幻，地方位置都算舒服，今日過嚟就要試佢最近推出噶烤魚。仲有無限食嘅冰粉。真係可以冰粉自由喇。鮮青椒爽麻味烤魚，份量豐富，配菜有豆腐，唔會太辣，魚皮烤到超香，然之後有少少焦脆，肉質鮮嫩，因為揀嘅係凌波魚，冇乜骨，啖啖肉，肉質吸收咗湯嘅香，麻同辣適中，好惹味。易燃易爆小吃天團，有嘭嘭小酥肉，椒鹽金針菇，脆脆山藥片，絕絕子爆汁炸雞，呢個組合配啤酒一流。所以都同朋友叫咗一支蜜桃白啤酒嚟配佢。香烤花菜，呢個都係每次食川菜會點嘅菜之一，炸完之後淋上孜然粉，超愛。六蚊嘅冰粉自由，多種配搭，自由選擇，解麻解辣嘅神器，乜都加啲，口感超豐富。來呢度食真係慳咗去深圳嘅車費同時間。又唔使咁趕。

會唔會太正呀😍終於食到啦！之前係深圳食過，但未係香港🇭🇰食過嘛，邊間？咪就係探魚囉！知道佢近期好熱門出咗款同美極聯乘嘅正嘢，點都要去食啦！豪吉藤椒油鮮青椒爽麻味烤魚🐟諗都唔洗諗，真係為咗呢個豪吉藤椒油鮮青椒爽麻味烤魚慕名而來食㗎！本身美極豪吉藤椒油已經係有好獨特嘅🌶️辣味，配埋青椒同埋美極鮮辣汁，完全將個味道提升，本身好愛食辣嘅，覺得佢好入味，而且探魚選用嘅凌波魚都係好滑溜，肉質鮮甜，同埋得主骨少刺易入口嘛，既有魚鮮味又有藤椒油同青椒香味，個湯都唔會太咸㗎！我哋除咗點咗條魚🐟之外，仲有點咗小酥肉，好酥脆，肉質好嫩。另外仲加咗個海陸空天團🍢（15串），好豐富，特色串串🍢都有齊曬，滿足我貪食嘅胃😍😍😍而且探魚嘅招牌，就係任食🍧冰粉，解鎖冰粉自由😍食完烤魚可以降下溫🤣🤣🤣配料好多選擇，又有黑糖麻糬又有爆珠又有桃膠，仲可以加入紅糖汁/桂花蜜🍯配料每日換新，真係好貼心！📌探魚烤魚🐟📍地點：沙田沙田正街18號新城市廣場一期6樓626號舖@tanyuhongkong#探魚 #美極 #美極鮮辣汁 #豪吉 #豪吉藤椒油沙田 沙田美食 凌波魚 烤魚 串串 小酥肉 冰粉#hkfood #hkfoodie #h

內地人氣烤魚專門店終於開到香港了，朋友深圳食過返尋味，約我來試試，烤魚好滑，冰粉好味仲可無限添加，非常滿足。餐廳環境寬敞，紅紅的燈光有著麻辣的味道，午市有一人套餐一百蚊左右都好抵，難怪午市食客不絕。醬香味烤魚(鮰魚) $338朋友竟然唔食辣，Ｏ左咀，醬香味湯底味道相當濃，醬油味好重，配白飯為佳，久不久要加湯，否則咸到一個點。烤魚有三種魚選擇，最終揀了鮰魚，肉質軟綿雪白味道鮮美，含豐富脂肪，無細骨啖啖肉口感滿足，配埋醬香味湯底加上火爐保持熱度，的確非常美味。醬爆鴛鴦糍巴 $58糍巴一黑一白兩種味道，口感軟糯，餡料流心的，味道唔錯。嘭嘭小酥肉 $58小酥肉鬆脆惹味，風味小食可以過口癮。冰粉 $6/位冰粉無限任添好抵，配料和調味底汁可自由配搭。配料九款：黑糖麻糬、花生碎、山楂片、提子乾、寒天晶球、白珍珠、醪槽、桃膠、燕麥爆硃。調味底汁三款：紅糖汁、桂花蜜、生椰。試了Ｎ碗後，我最鍾意的夢幻組合：桂花蜜好清香作底汁，加了醪槽好有酒香，寒天晶球好爽口，花生碎、提子乾、桃膠增加口感，非常滿足。

內地人氣烤魚店探魚而家終於登陸香港，首間分店坐落沙田新城市廣場，地點很方便有3款魚選擇▪️淩波魚$298▪️黔魚 $318▪️鮰魚 $338香港分店暫時只有7款烤魚口味選擇，▪️鮮青椒爽麻味烤魚🌶️🌶️🌶️▪️鮮青椒蛙哈哈烤魚🌶️🌶️🌶️▪️毛血旺味烤魚🌶️🌶️🌶️▪️重慶豆花烤魚🌶️🌶️🌶️▪️香辣味烤魚🌶️🌶️▪️醬香味烤魚▪️金銀蒜香味烤魚比深圳有15款選擇少啲，今次試下食唔辣✨金銀蒜香味烤魚(淩波魚) $298未上到枱已聞到很香的蒜香味，金銀蒜鋪滿魚身和茄子上，茄子好軟腍充滿蒜香味道，淩波魚魚骨較少，肉質白嫩，味道鮮美，每口魚肉都掛滿香濃蒜香味✨黑椒杏鮑菇 $48這為冷盤，杏鮑菇口感嫩滑，每一口都吃到黑椒味道✨海陸空天團 $68內地唔少食店烤串盛行，這裡都不例外，海陸空有魷魚鬚、牛肉串和掌中寶3款烤串，每款各有5串，特別推介掌中寶，軟骨非常爽脆，孜然粉味道很香帶微辣很惹味✨低糖紫米豆漿 $19豆味香濃，味道唔會好甜，可以補血養顏店內設有自助冰粉臺，$6/位可無限追加冰粉，配料選擇都有多款原味冰粉冰沙薄荷葉桃膠紅糖汁燕麥爆珠醪糟生椰魔法脆波波白珍珠桂花蜜山楂片葡萄乾黑糖麻糬花生碎以上都可按個人喜好自行搭配，這碗冰粉真的要試，我