探魚烤魚

營業中

休息中

內地人氣烤魚專門店終於開到香港了，朋友深圳食過返尋味，約我來試試，烤魚好滑，冰粉好味仲可無限添加，非常滿足。餐廳環境寬敞，紅紅的燈光有著麻辣的味道，午市有一人套餐一百蚊左右都好抵，難怪午市食客不絕。醬香味烤魚(鮰魚) $338朋友竟然唔食辣，Ｏ左咀，醬香味湯底味道相當濃，醬油味好重，配白飯為佳，久不久要加湯，否則咸到一個點。烤魚有三種魚選擇，最終揀了鮰魚，肉質軟綿雪白味道鮮美，含豐富脂肪，無細骨啖啖肉口感滿足，配埋醬香味湯底加上火爐保持熱度，的確非常美味。醬爆鴛鴦糍巴 $58糍巴一黑一白兩種味道，口感軟糯，餡料流心的，味道唔錯。嘭嘭小酥肉 $58小酥肉鬆脆惹味，風味小食可以過口癮。冰粉 $6/位冰粉無限任添好抵，配料和調味底汁可自由配搭。配料九款：黑糖麻糬、花生碎、山楂片、提子乾、寒天晶球、白珍珠、醪槽、桃膠、燕麥爆硃。調味底汁三款：紅糖汁、桂花蜜、生椰。試了Ｎ碗後，我最鍾意的夢幻組合：桂花蜜好清香作底汁，加了醪槽好有酒香，寒天晶球好爽口，花生碎、提子乾、桃膠增加口感，非常滿足。