四寶食堂 (已搬遷) 新店位置

之前喺銅鑼灣返工嘅時候已經成日見到四寶好多人排隊，但一直冇入到去食，今次嚟到北角經過見到唔使排隊即刻同男朋友入去食，想睇吓呢間平民茶餐廳有咩咁特別入到去嗰度環境都幾舒服位置亦都好寬敞，佢哋個裝修比較現代感同乾淨係我鍾意嘅Tiffany Blue啊同埋見到個餐牌比其他茶餐廳選擇多啲，多啲唔同類型嘅嘢揀首先我就叫咗個蕃茄濃湯牛肉+炒蛋+（多士可加$8轉芝士火腿牛角包）蕃茄濃湯牛肉湯底好濃郁，通粉又唔會太淋分量剛剛好，最重要係個牛肉整得好嫩，冇筋，好驚食啲好鞋嗰啲牛肉，不錯不錯！芝士火腿牛角包🥐呢個真係好驚喜，可以睇吓相，佢啲餡料唔算少㗎，牛角包好鬆化不得不提係最普遍，亦唔係間間整得好嘅炒蛋🍳同埋奶茶🥤佢哋個炒蛋應該加咗鮮奶，又滑又重蛋味，最重要係半熟剛剛好，蛋對我來講都係主角嚟㗎，仲有杯奶茶，飲一杯真係唔夠，杯奶茶茶味又夠又滑，出色啊你哋真係要試吓跟住我男朋友就叫咗美式芝士牛肉醬熱狗+脆炸薯角，熱熔芝士松露吞拿魚厚多士要重點講佢呢度啲嘢大部份都係即刻整，所以全部都好鬆軟/鬆化，唔會好似其他茶餐廳咁上到枱啲包就硬哂，同埋佢呢度真係真係好足料，個熱狗條腸仲長過個包，啲肉醬好多但係又唔會好漏，重

近排一放工就落狗屎咁，搞到冇心情食吓靚餐廳，今次一於反樸歸真，食吓港式嘢，過一個簡單嘅晚上，見呢間餐廳是是正正咁，就你啦原本大胃想嗌多個餸嘅，胃民見拌麵就不顧一切咁死都要嗌佢，唯有順吓佢意啦！佢都幾足料，好多粒大蝦，粒粒都沾滿咗黑松露醬，誠意搭夠嚟呢度點可以唔叫返個滑蛋叉燒飯呢？唔食呢樣嘢等於冇嚟過呢間餐廳，叉燒好叉大舊，蛋仲多過啲飯，唔嗌走寶小菜方面，就試試前衛嘅雞球，咸檸七味非常之突出，酸味好夠，一試大開食界嚟茶記飲奶茶就可以飲出水吧功力，呢間都講得過去㗎食食吓就掛黑雨，樓面姐姐好好，叫我地坐耐啲，等雨勢好啲先走，真係賓至如歸呀

行行下街又黎到炮台山感覺有d餓所以又係時間搵下食因為今日想食下炒蛋多士所以決定食呢間主要係見佢光猛得黎又裝修得幾骨緻入到黎都坐得算舒服(應該係因為樓底夠高所以有空間感)Menu一目了然有常餐有推介仲有d特色菜式要注意既係佢有d菜式係期間限定(不過係用小時計)既，譬如我地好想食既黑松露手撕雞意粉就要下晝5點半之後先有得食不過招牌常餐係梗係常常有得用餐啦佢有幾道招牌推介，本身想食滑蛋叉燒飯不過今日咁岩無得食，唯有下次先叫最後決定食常餐！加多個蔥油豬扒飯港式得黎又帶少少歐陸風味既裝潢有助增加食欲(好似係)食常餐就梗係要配奶茶！一冷一熱試試佢先凍奶茶唔太多冰所以飲到尾都仲好有味，溫馨提示可能係因為有冰既關係飲落都幾甜，如果想茶味多d既朋友仔可能可以試下叫少甜熱奶茶入口好滑好香，唔錯唔錯等左一陣個炒蛋多士終於黎到啦炒蛋既火喉控制得相當唔錯，食落去滑得黎又保留到一定份量既蛋汁話說沙嗲牛肉麵係我兒時最愛所以一定要試下！個麵一上既感覺係好！足！料！好多餐廳可能因為要控制成本個牛麵可能會多汁少肉，不過呢個沙嗲牛肉麵絕對無欺場個汁濃得黎d牛肉份量都相當足夠，食既時候唔洗就住就住招牌既蔥油豬扒飯，d蔥油好香