影片
更多
2021-03-02
190 瀏覽
之前喺銅鑼灣返工嘅時候已經成日見到四寶好多人排隊，但一直冇入到去食，今次嚟到北角經過見到唔使排隊即刻同男朋友入去食，想睇吓呢間平民茶餐廳有咩咁特別入到去嗰度環境都幾舒服位置亦都好寬敞，佢哋個裝修比較現代感同乾淨係我鍾意嘅Tiffany Blue啊同埋見到個餐牌比其他茶餐廳選擇多啲，多啲唔同類型嘅嘢揀首先我就叫咗個蕃茄濃湯牛肉+炒蛋+（多士可加$8轉芝士火腿牛角包）蕃茄濃湯牛肉湯底好濃郁，通粉又唔會太淋分量剛剛好，最重要係個牛肉整得好嫩，冇筋，好驚食啲好鞋嗰啲牛肉，不錯不錯！芝士火腿牛角包🥐呢個真係好驚喜，可以睇吓相，佢啲餡料唔算少㗎，牛角包好鬆化不得不提係最普遍，亦唔係間間整得好嘅炒蛋🍳同埋奶茶🥤佢哋個炒蛋應該加咗鮮奶，又滑又重蛋味，最重要係半熟剛剛好，蛋對我來講都係主角嚟㗎，仲有杯奶茶，飲一杯真係唔夠，杯奶茶茶味又夠又滑，出色啊你哋真係要試吓跟住我男朋友就叫咗美式芝士牛肉醬熱狗+脆炸薯角，熱熔芝士松露吞拿魚厚多士要重點講佢呢度啲嘢大部份都係即刻整，所以全部都好鬆軟/鬆化，唔會好似其他茶餐廳咁上到枱啲包就硬哂，同埋佢呢度真係真係好足料，個熱狗條腸仲長過個包，啲肉醬好多但係又唔會好漏，重
入到去嗰度環境都幾舒服位置亦都好寬敞，佢哋個裝修比較現代感同乾淨係我鍾意嘅Tiffany Blue啊同埋見到個餐牌比其他茶餐廳選擇多啲，多啲唔同類型嘅嘢揀
首先我就叫咗個蕃茄濃湯牛肉+炒蛋+（多士可加$8轉芝士火腿牛角包）
蕃茄濃湯牛肉湯底好濃郁，通粉又唔會太淋分量剛剛好，最重要係個牛肉整得好嫩，冇筋，好驚食啲好鞋嗰啲牛肉，不錯不錯！
芝士火腿牛角包🥐呢個真係好驚喜，可以睇吓相，佢啲餡料唔算少㗎，牛角包好鬆化
不得不提係最普遍，亦唔係間間整得好嘅炒蛋🍳同埋奶茶🥤佢哋個炒蛋應該加咗鮮奶，又滑又重蛋味，最重要係半熟剛剛好，蛋對我來講都係主角嚟㗎，仲有杯奶茶，飲一杯真係唔夠，杯奶茶茶味又夠又滑，出色啊你哋真係要試吓
跟住我男朋友就叫咗美式芝士牛肉醬熱狗+脆炸薯角，熱熔芝士松露吞拿魚厚多士
要重點講佢呢度啲嘢大部份都係即刻整，所以全部都好鬆軟/鬆化，唔會好似其他茶餐廳咁上到枱啲包就硬哂，同埋佢呢度真係真係好足料，個熱狗條腸仲長過個包，啲肉醬好多但係又唔會好漏，重點係熱辣辣，薯角仲係脆卜卜
如果大家鍾意食黑松露/芝士一定要點呢個，熱熔芝士松露吞拿魚厚多士，佢哋多士烘到剛剛好，好香脆，厚薄適中 ，分量剛好
總結佢呢度，足料！性價比高！質素高！多選擇！
凍奶茶
4 瀏覽
0 讚好
0 留言
炒蛋
6 瀏覽
0 讚好
0 留言
熱熔芝士松露厚多士
7 瀏覽
0 讚好
0 留言
張貼
