雋太日本料理 (已結業)

元朗的食店林立, 找一間日式食店, 隨處都是, 不知哪家好吃, 就隨意看到哪家就進那家吧。被外面大大的招牌吸引住, 進去一看, 格調和點餐紙跟市面上的擺設大同小異。就點了一些刺身, 沙律; 突然被我發現這裏有一個韓式泡菜炒章魚, 日式食店, 居然有韓款食物, 果然是多元化。一開始來碟雜錦海鮮和風沙律及韓式泡菜炒章魚; 韓式泡菜炒章魚章魚爽口, 但味道較淡, 辣度不足, 如果凍食口感會較好; 雜錦海鮮沙律, 有不同新鮮海鮮, 三文魚, 魷魚, 劍魚等, 配以新鮮青菜, 青瓜絲, 口感青爽, 如果沙律醬多些會更惹味。至於刺身, 一大盤的新鮮刺身端上, 裝飾華麗, 有三文魚, 劍魚腩, 北海道帶子, 榮螺片, 象拔蚌, 甜蝦。三文魚厚切, 鮮紅的肉, 新鮮紋路清晰; 而劍魚腩, 肥美可口, 魚鮮味無窮; 北海道帶子肉色雪白, 入口清甜軟滑; 金黃的象拔蚌, 象拔蚌清甜爽口, 入口清脆, 但味道有點兒腥; 甜蝦,食指般的長度, 肉色晶瑩剔透, 蝦肉鮮甜無比;榮螺片, 粒粒皆爽口,  螺味清新鮮甜;吃完刺身來一個榴槤炸彈, 榴槤炸彈, 特色的小食其他日式食店不能吃到;金黃色的炸彈, 外脆肉軟,

三個朋友即慶食晚飯，8點15到，由於係假期前夕, 最快都要9:30時段先有位。入座前都要排隊，不過唔太多人。一入去即點刺身，刺身都幾多選揀, 刺身有三文魚,北寄背,赤背,蝦,鯖魚,八爪魚等等, 新鮮份量足,3個人食左3 ROUND 剌身, 每人食一盤。加左錢食生蠔, 生蠔就普普通通, 無咩驚喜。ORDER 左幾件蝦子,黃金魷魚軍艦, 都幾好味, 蝦子彈口, 紫菜好跪。其他串燒料理都係即叫即做，落完單d 野都快黎。最後就緊係必食MOVENPICK 雪糕, 每人兩柸, 飽到上心口。整體而言,食物質素可以, 價錢合理，可以encore。

因為有朋友新居入伙~所以去了元朗搵食喔!!這次就試了在元朗很有名氣的雋太日本料理~先來一點前菜~海倫的朋友們都很喜歡吃枝豆~但她們竟然不知道枝豆就是毛豆......飲料方面有很多韓式飲料可以選擇~有中學年代常飲的忌廉鮮奶以及蘆薈樂~當然還有其他的熱飲囉~刺身當然是放題的重點囉!!!這間的刺身很新鮮~而且完全沒有雪味~重點是不用加錢也有帆立貝可以點喔!!!超級鮮甜好吃的呢~~有豐富的刺身種類,壽司就不那麼重要了~大家主要都是點炙燒的~炙燒三文魚跟鱔都超好吃的~另外,大家也超愛花之戀的~炸物方面,有蟹蓋呢~~~而天婦羅有點稍油~但味道很不錯~~這裏的甜品都是任點的~但重點是每位可以有一客的Mövenpick雪糕呢!!!士多啤梨味的真的很鮮香喔~雖然相信大家都不會特別跑那麼遠去元朗吃放題~但如果你剛好到了元朗又不知道要吃甚麼~就可以來試試這一家囉~

估唔到呢家去元朗咁方便，前日入去賀個fd新居入伙，跟住就去左呢間放題，果陣7點幾已經見門口排晒隊等入場，因為我地walk in, 仲驚會冇位，點知經理好快就已經安排到比我地，very good!我地係C段時間，食2個鐘，都好多款式揀，仲可以升級生蠔同松葉蟹腳tim! 上菜好快，刺身亦夠凍夠新鮮，最鍾意食甜蝦，好大隻，三文魚厚身，帶子都鮮甜！壽司都唔錯，不過個飯可以整得細舊d.串燒都做得幾好，竟然係個翠玉瓜不停reorder, 焗蠔夠熱，岩岩整好上菜，個肉骨腸就普通d, 同埋我幾鍾意佢呢度個蟹粥，好棉又夠鮮味 呢度d食物全部都係即叫即整，唔係預先整定放晒係度，呢樣我好欣賞，連呢個牛油炒雜菌都係熱㷫㷫上枱，比個good佢！下次如果約人來元朗我都會推介呢間放題。

上個月係我第一次參與試食活動，感覺好新奇，好多謝雋太餐廳同埋公關公司既邀請，俾我有機會同一眾靚女食家來到試食。雖然今次係免費試食活動，邀請方亦有主動希望我地撰寫正面食評，但係作為一個食評家，我就唔打算同流合污，因為一開始開account就係為咗同大家分享自己對食物最忠實既感覺，而唔係要同餐廳賣廣告。整體來講，呢間餐廳食物其實真係麻麻地，但係見到咁多一齊試食既朋友寫咗咁多既好評，我真係覺得唔應該咁樣欺騙讀者，估唔到我第一次參與試食活動就有咁既體驗.... 亦都所以事隔咁耐，都係決定寫番自己既真實感覺。餐廳地方唔特別細，但係極之唔好坐，通道窄之餘同其他枱既距離非常之近。試食活動理論上服務同食物都應該特別好，但係招呼真係唔特別好同快… 好似隔離枱走咗好耐都冇人來執。食物款式唔多，隨便叫咗一輪刺身試試，數量來得都幾足，但係外表真係麻麻地，最出色既應該係螺肉，非常鮮甜，但係亦都係唯一一樣好食既刺身。魚類刺身，特別係吞拿魚，雪味都幾重，而且腥.. 腥味最重既自然係希靈魚，甜蝦都幾大隻，不過鮮味不足，但係比魚生好少少啦~ 另外八爪魚雖然切得薄，但都係韌咗少少。蟹柳亦都係乾身咗啲，唔夠多汁。刺身呢類無

我沒有老吹 , 這間放題店就是勝在有生蠔吃 .... 我和太座都是生蠔迷 , 又豈會錯過 ~門面光猛 , 招牌又夠大 , 隔兩條街都能看見 !入內光顧前請多加留意店舖前的易拉架招牌 , 以便清楚價格/優惠 ~留意價目表 ~只要額外加數十元便可以任食日本生蠔 ! (下午沒 $28 優惠的)內在環境開揚 , 樓底甚高 , 裝修簡潔 , 座位舒適度高但比較狹窄 ~一大疊入單紙 , 似在挑戰我的食力 .... 刺身款式選擇夠多 , 師傅切得厚度適中 , 尤其是喜愛北海道帶子、有頭甜蝦、象拔蚌 ~刺身有應有的海產味道 , 沒雪藏氣 , 北海道帶子夠厚身亦十分甜美 ~日本生蠔我們是為了這任食日本生蠔而來的 , 蠔肉滑嫩肥美 , 蠔味濃郁又 creamy ~ Encore 又再 encore !手卷紫菜脆口 , 飯也握得不死實 , 餡是比較少但仍可接受 ~串燒、燒物串燒食物睇得出是有用心燒過 , 調味適中也夠熱度 , 算是不錯 ~我特別喜歡吃燒菠蘿 、燒翠肉瓜 , 因其味道清新又夠風味 ~炸物炸物是比較一般 , 唯獨是明太子雞翼 , 必點 ! 看這件被我太座咬開了一半的明太子雞翼 , 飽滿又多汁 !

我是一個十分熱愛日本的人,日本料理更加是我的最愛，之前同朋友先後去過MK同TST吃日本放题,早前朋友約我去元朗吃日本放題,元朗有不少日本料理，但是冇放題，最近在網上見到有不少好評雋太放題,我中過所謂好評不少伏,我相信自己多一些,我同朋友去試下這間好評如潮日式放題,我們book咗7:30,早到15分鐘依然等夠鐘，店員安排坐大型長枱，這間店設計真的好差,看上去地方尚大,中間用長形枱令到客人出入不方便，這裡叫野食有好多冇人影蹤，又出現送錯食物，服務又差,刺身並不太新鮮，有好重雪味,水準真是一般,這間冇網上的人讃到咁好,又一間俾blogger誇大食店，食物水準不是太好味道:整體一般，刺身有好重雪味,只有番薯好吃，等咗好耐才送到服務:一個字講晒:差環境:座位之間好迫,地方需大,設計十分差價錢:200左右，比它好吃日本料理多的事番吃:不會再來

因為就我既放工時間同地點，而我既友人又特別鍾意食日式放題，所以我地就揀選左雋太日式放題食一餐特別既放題。(因為我倆都從未食過午市放題，所以覺得特別！)不過可能我地食午市(預約左13:30),店內只有一個侍應，有d接應不睱。有幾次我地叫人都無人應，要幾分鐘後先有人理我地，所以服務分數較低。如果係晚市，可能有所不同。值得一讚係餐牌設計，每一張既第一頁都會用膠套隔住，咁我地就可以好易搵到要搵既叫野食紙。不過要注意既係膠套入面個張同叫野食個張會有出入，並唔係最更新個張。雖然得一個侍應，不過上菜速度都算快！張枱好快就擺到無位！食物選擇性多，不過我地去個時已經有好幾個菜式無晒，其中有我地想食既壽司，可惜。味道不錯，又大件，寫一客都唔會話好細件或者得一粒，食得過。甜品更加係要推介既必食重點。甜品另外仲有泡芙，其他品牌雪糕等等。反正放題，岩晒仲有第二個胃既我地！我地食左差不多兩個鐘，都叫左食左唔少，GOOD!

好少入到元朗食野，間餐廳位置都難搵，原來係小肥羊隔離一去到見到間野好多人，爆哂，好彩有book位，唔駛等即入留意到e到的裝修坐位同張desk值得一贊張desk同個位夠大，天花不規則形有心思，唔似出面mk果d好多陳年積塵，驚會非d塵落d食物到1﹣5星整體外形4星！一黎坐底叫左刺身先啦，再值得一贊係個menu好易搵，唔似出面，design有心思！最贊係個帶子同蝦！！！帶子大粒，D蝦夠鮮！每款最少單人食左30隻！！！熟食，羊扒，紫糊波，燒波羅正！！！咖哩角友人推薦，出奇好食，連我唔多食，都食左兩件！串燒中上水準！不俗wo!最後甜品，好多野簡，叫左綠葉同strawberry味泡fu, 贊重點甜品﹣一般要酒店先有的movenpick雪糕，正爆！1﹣5星食物賣相3星！質素以放題係爆星，5星！下次一定帶班fd黎食！值得encall再encall

我真係好鍾意食日本菜，尤其係刺身，而且都覺得日式放題可以任叫任食係好抵食，於是今次便約朋友一起去元朗雋太食日式放題了。我們兩個約了星期三的晚上去食。那裡的放題共有 5 個時段，而我們選了 7:35pm - 9:35pm 這個時段。雖然我和朋友早到了，不過仍然要等到 7:30pm 才可入座。店舖面積都頗大，就算是平日晚上，都相當多人光顧啊，這晚看見都差不多滿座。我們兩人被安排在餐廳中間的的木桌椅上就座。我們的座位跟隔離桌是相連的，而且椅子與椅子之間是幾乎沒有空間，記得隔離桌的先生出入多次洗手間的時候，我每次都要起身讓開一下。桌子都比較細小，當幾碟食物一起來的時候，便差點兒放不下啊。食物種類都很多，只需在點菜紙上填寫數量和桌號，交給侍應便可以了。放題頭段食物送來的速度都算快的。我在頭段已經火速叫了「每日 100 杯，每人只限 1 杯」的 Movenpick 士多啤梨雪糕杯，不過送來的卻是雲呢嗱味雪糕，但是下單時侍應卻沒有告訴我們士多啤梨味沒有貨啊。不過，Movenpick 的雪糕質感相當鬆軟又好味。刺身賣相和擺位相當不錯，味道都幾新鮮的，只是稍嫌不夠厚切吧。帶子和三文魚壽司上面的刺身切片是

團購價HK$138, 星期五,六,日又要加$20, 不同時間又要加$54.80……….加加埋埋, 原來只平原價的$10令20蚊, (送多個火鍋)所以下次可以不用買團購 .又係個種分時段, 係門口等夠鐘就一大班人入場(仲要過左成5-10分鐘), 入到去個個同一時間叫野食, 都等成半個鐘有多先有野食.大致都係例牌刺身, 串燒, 天婦羅,寿司, 炸, 小食, 熱食…………….等等, 都不每樣寫啦, 只寫一些特別刺身算新鮮,串燒及天婦羅 都是不錯. 反而最有驚喜係明太子炸雞翼, 咸咸香香, 外面又脆, 非常好食, ENCORE了一次.種類都算多, 品質都不錯, 就係上台較慢, 送既火鍋都好流, 不食也罷最五鐘意係一夠鐘即趕人, 不論你一柗都係食物, 都要你即走…….大老呀, 你D野食又黎得慢, 不漏我地都會叫既份量剛好清完, 不會浪費. 而家就食得好急好辛苦, 趕到氣喘. 而且都好浪費食物啦. 我見好多人都好似我地咁, 臨尾狂食(因為D野遲黎先攪成咁) 最後見到人家都有好多食物浪費曬……….

都知呢間店几爆，所以一決定第二日去食當晚就即刻訂左位先…我地訂左9點8，呢段時段亦係比較優惠。一行7個人準時入席，都唔算多人，可能因為閒日。坐低即時畫單…上菜速度算快，都沒漏單。平均每人連加一$178。食左兩粒鐘到。总括來說:優點: 1.刺身新鮮;2.雞骨腸好食，七味粉雞翼香口;3.選擇都算多；4.就算係優惠時段去絕大部分都有得食。缺點: 1.明太子雞翼偏咸；2.沒醬料；3.蒜片牛粒勁“鞋”；4.炸蠔同燒蠔都沒想像中好食。另外唯一遺憾係食唔到距既意大利雪糕，不過呢個價錢食唔到都正常既;-)

由於要靚的原故,我很少食放題,但朋友叫到我都要應酬下的,我們比原定的時段早到了因此等了十分鐘才可入座~這家店很爆滿,外面還排著隊~好彩我們訂左枱同早到左咋。食物選擇非常多,但話明應酬朋友,所以我都只多點刺身,因為無咁肥~加幾十蚊仲有得食生蠔,我決定加!先來看看我點的刺身吧！甜蝦:好大隻,唔係無頭甜蝦,新鮮而且好甜;三文魚:好厚切,肥美~味道都係咁啦;牛油魚:我最愛,有入口即溶的感覺,有回甘,都幾少地方有,估唔到放題可以食到;翡翠螺:口感較硬,爽口但唔夠鮮甜;生蠔:真係好得!好creamy,鮮甜味ok,最緊要係新鮮!雖然久久一次不過今次放題之旅都好滿意,只是服務慢了一些，不過今時今日飲食業咁缺人,慢少少都正常,可接受的!

第一次在元朗食日式放題 , 原來客路都好廣 , 有一家大小、有老有嫩 , 最初都驚似 MK 場。 座位擠逼就是擠逼 , 兩位客人當然是坐二人檯 , 不過當檯上放置了基本的餐具外 , 還有 ...豉油、washabi、牙籤筒及厚厚的一本點菜紙外 , 侍應生送上檯的食物碟也不能再放置得多 , 除非要「層層疊」或者密密食 !丈夫的表妹因工作關係臨時 no show , 所以我們錯過了她早前介紹的優惠時段 , 今次是吃正價的 B 時段 7 : 30 - 9 : 30 ( 成人每位 $ 218 , 另加一 ) , 沒想過元朗價與尖沙咀價是可扯平。正價時段 , 全場差不多爆滿 , 相信這兒是有口碑的 ~正價時段每位另加 $ 28 便可以任吃「空運」生蠔 , 只是讀到推廣文已很期待 (必須全檯同檯同時惠顧 , 生蠔每日供應 300 至 500 隻 , 先到先得 , 沽清即止；任食但每位客人每次限叫 3 隻生蠔 )在等待期間 , 大盤刺身送上 ! 有冰塊墊底再插上絲花點綴 , 刺身共有 12 款 , 包括 北海道帶子、油甘魚、有頭甜蝦、象拔蚌等 , 廚師慷慨地切切切 , 足片數又大塊 ~生蠔有海水味

早前曾經在某甜品食評寫過因為邀請過表妹食飯所以佢禮尚往來請我及太太食甜品 ( http://www.openrice.com/restaurant/commentdetail.htm?commentid=2382868) , 究竟我們請佢吃了什麼菜 ?時間要返回七月中時 , 表妹知道我及太太喜歡四圍騰 , 而佢知道公司附近開了間放題店 , 還要有什麼 " 二人同行一人半價 , $ 99 一位 " 的優惠 , 放題店又自稱是五星級 , 這樣的價錢又怎不會吸引人 ? 表妹報料 , 做表哥的當然識做 , 有好嘢齊齊食 !可惜見面當日 , 表妹間地產舖急然人氣急升 , 想走也走不到 , 見面時間一拖再拖 , 結果錯過了優惠時段兼且表妹臨時 no show , 我及太太唯有食自己 , 不過與表妹再約過下次來食 ~是這樣拖到 8 月頭 , 表妹主動定檯而我依然負責買單 ...優惠時段有三個 : 午市 12 : 30 至 3 : 30、A 段下午 5 : 45 至 7 : 30 (只有１ 小時 45 分)、C 段晚上 9 : 30 至 11 : 30 , 表妹選了 A 時段以為會無太多客人 , 怎知