大大鑊 (已結業)

看到這個店舖名稱，大概沒有人會喜歡，有人喜歡大大鑊嗎？筆者酷愛韓國這個地方，慶幸這兩年也去兩次，韓國真是一個充滿美食的地方，只要耐心找一找好吃的就會在左右。很多旅遊書或博客都推介他們的一間食店「春川家辣炒雞扒」，筆者去了這兩次去韓國也有吃得到，這間店舖人流多而且價格非常便宜，是到韓國必吃，除了辣炒雞扒外，去韓國當然不能少的是炸雞及豬蹄都是必吃。回到香港最近尖沙咀開了一間大受好評的辣炒雞扒店，他就是「大大鑊」，「大大鑊」當然是指他們的鑊很大，並沒有其他意思，他們除辣炒雞扒外竟然還有炸雞及豬蹄賣，可以一次過滿足大家三個「思鄉」的願望。本來筆者並沒有抱著很大的期望，但卻出人意表。先來的是牛肉沙律。這個牛肉沙律並不突出甚至有一點格格不入，但沙律菜配上鮮橙醬卻出奇的好吃，不酸而且還帶一點清甜，令人非常開胃。 之後到主菜辣炒雞扒，做法跟韓國吃到的大致是一樣，先把所有食材包括雞扒、年糕、薯仔、椰菜，蘿蔔及金菇放在一起，把表面的辣醬和食材拌好，之後下芝士，再加上一點油然後用火槍燒好，途中會有火燒出來的效果，之後用鍋蓋蓋起來稍等一分鐘便可以。芝士熟度剛好伴上甚麼食材吃都好吃，辣醬惹味但略嫌不夠辣，菜爽口

多年前到過韓國旅行，十日多的旅程，來到一半時，已開始思鄉想回家，因為吃不慣太多燒烤，那時未有炸雞熱，但都真心燥熱左！近呢兩年韓風愈吹愈勁，間中都會拉大隊去吃吃韓燒，但我最深刻印象是新村炒辣雞，那個大大鑊竟然在香港未遇上！真奇怪！因為朋友說尖沙咀H8有新餐廳進駐，大概只聽到好大鑊，好啦！就睇下幾大鑊吧！入座先送上前菜，都是一般的菜式吧！我點了牛肉沙律，有兩條菜食下感覺得比較均衡，當然呢啲都係自己呃自己！牛肉唔會太熟太乾，入口時少量肉汁，伴著沙律菜食可打打底，聊勝於無吧！個鑊真心大，為左俾大家睇下有幾大，請同行幾位朋友借出玉手！大家請忽視細細的戒指吧！我想大家應該見唔到有閃！哈哈！我地點左風味芝士雞，一早已聽朋友講要留肚，佢話係二人份量，不過老實講加埋配料如麵年糕嗰啲，三位女生都可能食唔晒！點左食物就會有oppa 幫你即場煮，以下就係過程啦！先落油熱鑊，再加上不同的蔬菜同雞件同炒，炒到咁上下，Oppa 會放火，火光熊熊很是吸引！燒完之後會再炒一會，之後就會倒入大量的芝士粒，再把鍋蓋蓋好，等一下就食得了！一分鐘後開蓋！如紅海般的芝士海，分開了雞件及蔬菜，顏色係紅紅橙橙，樣子好像好辣！Oppa

尼排新嘅韓式餐廳開唔停，食辣食芝士玩拉絲當然亦停不了！尖沙咀H8出名多潮食，尼間嘅特色係同你「炒大鑊」！店員（有你喜歡嘅Oppa）會喺你面前即場炒熟啲配料，鑊氣十足。個鑊有成3隻手掌咁長㗎，堅係大大鑊！一坐低無耐就有數款前菜端上 我地今次主鍋叫咗個芝士風味雞同炒烤豬肉，追加韓式拉麵、韓式年糕、芝士及特式炒飯，仲有2款沙律。先嚟兩個沙律，分別係烤牛肉沙律同甜味豬肉沙律。兩款沙律都做得好出色，沙律菜夠新鮮，牛肉同豬肉都嫩口惹味！我自己就比較喜歡甜豬肉多啲 跟住到Oppa出場炒大獲！先炒芝士風味雞，佢先把雞肉蔬菜同追加嘅年糕一齊炒到咁上下，然後就煮拉麵，最後放芝士喺鍋中間，落蓋焗一焗就可以開餐！拉麵彈牙，索晒啲醬汁好好味 雞肉略為唔夠滑，不過係好夠味。豬肉辣辣地甜甜地醃得好入味，戲肉梗係唔少得芝士啦！成個鑊中間都係芝士 仲試過可以拉絲拉到企起身高過個人㗎 超正呀！最後再加埋個炒飯，店員會提我地要留返部份配料同醬汁比佢用來炒飯。個飯絕對係全個鍋精華所在！整體味道唔錯，唔算太辣，我喜歡佢有一定份量嘅蔬菜一齊炒，唔使下下只係做食肉獸吖嘛。佢地有set係連沙律同一款配料，比你就咁散叫平幾十

呢排好hit嘅大大鑊今日終於食到喇佢係位於尖沙咀既H8 出尖沙咀地鐵站直行就到餐廳裡面地方都幾大 但我建議黎之前打左電話book左位先因為7-8點個時餐廳都幾full我同朋友兩個人叫左個餐廳既招牌菜同沙律食韓國菜多數都有前菜可以refill, 甜薯仔最好味！先講沙律 －甜味豬肉沙律 （HKD135）呢個沙律都幾surpise 見到寫住「甜味」已經好好奇甜味既沙律係點第一啖已經食到甜甜地既味道 原來係餐廳既「秘製醬汁」甜得黎好開胃而且豬肉好嫩同好入味 好推薦！來到主菜 － 芝士風味雞 (HKD 299)呢間餐廳既特點就係佢會係你面前show time睇晒成個煮嘅過程 勁就勁在呢一下啲火高過我個人🔥🔥🔥 好壯觀另外 佢有分小辣 中辣 大辣 平時都食得辣既朋友可以食中辣 餐廳除左加自已秘製醬汁之外 仲會加少少curry power 味道更加特別同入味後期仲加埋最邪惡既芝士係鑊中間 可以捲起雞肉一齊食 但芝士味道唔太濃 捲起好多芝士先食到芝士味

呢個鍋相當大，果然係大大鑊！未食之前前菜已經有相當多，咁多樣之中，呢間既泡菜真係整得相當唔錯！酸同辣平均得岩岩好，菜仲有少少脆口。食個大大鑊之前揀個沙律食先烤牛肉沙律($145)呢個沙律3個人分咩都夠哂，份量相當多，作為前菜好惹味，牛肉煮得入味但唔會好硬，上面既醬汁酸酸甜甜令到胃口大增，更加埋唔同既新鮮蔬菜同車厘茄，又fresh又清新。有唔同既鐵板可以揀，但作為一個芝士愛好者，二話不說揀左芝士風味雞($299)即叫即整架，呢碟就係一陣要拎去炒既材料，有醃好既雞、年糕、蘿蔔等等當然唔少得既係芝士啦，好大碗！然後店員黎幫我地炒，一次過倒哂所有材料落去，除左芝士不斷炒直至雞熟店員仲會不時整細件d雞等佢易d熟然後係中間整個窿位放芝士，蓋住1分鐘1分鐘之後就溶哂啦，見到已經好想食年糕配芝士好惹味，年糕要快d食，如果唔係會好快腍，煙煙韌韌。雞有兩種食法，第一種就係咁樣係芝士入面撈起，一大堆芝士捲住舊雞，雞食落唔太辣，芝士既咸香平衡左，雞既肉質有咬口保留到肉汁。第二種食法係用前菜果個醃蘿蔔包住雞，醃蘿蔔既凍可以冷卻熱辣辣既熱，令到夾起即放入口都唔會覺得熱，蘿蔔解左芝士既膩，更能夠帶出雞既鮮味呢間環境

原先是去其他餐廳的,但太多人,等候時間太長所以決定去第二間~~一到11/F, 全場沒有客人,以為名氣不夠大,食物麻麻怎知在老闆娘的解說下才得悉大大鑊 Big Pan 是在3/10/2015新開的韓國餐廳沒有太多人知道,所以客人較少大大鑊老闆娘好客,懂韓語.員工亦有禮貌首先上牛肉湯,鹹度適中,略嫌不夠暖其次上前菜與茶,沒有什麼特別大大鑊照片上可能看不出主菜,名字忘記了.套餐中加了cheese與炒飯.老闆娘與員工一起炒,老闆娘還貼心地拿了圍裙給我們 老闆娘說這樣燒可以保持肉質嫩滑(是真的嗎?)完成圖老闆娘教用酸酸甜甜的蘿蔔片包雞肉食,果然不錯,可以一試最後是salad. 還不錯. 老闆娘說沙津汁會日日不同, 都是看由韓國請來的廚師心情如何沙津汁都是自家炮製~總括而言,餐廳環境和食物都不錯(忘了影下環境~)老闆娘最後還說將來會加入更多菜式(看menu時已覺款式不多,應該是新店的關係吧?)趁這間還未紅的時候,我們誤打誤撞地試食了以後的日子,等候時間或許會越來越長,誰知呢?