鳥山名

營業中

休息中

依間餐廳係愉景新城屹立左好多年, 以前學生時代一直覺得好貴唔敢食, 今次終於去試下。因為平時行過都見好多人等位, 所以中午打去訂七點兩位。 去到仲有好多位，可能平日關係, 不過過左陣就滿場了‧一入到去帶我地坐底之後就比張QR code我地, 再奉上熱荼同餐牌。睇左個餐牌一陣發現樣樣都想食, 唔想煩所以今次就叫左個二人餐 – 自選極上二人套餐($698) 然後追加兩杯野飲 – 白桃玉露($20)& 陽光兵團($25), 再額外單點份串燒雞皮($38)。最後埋單連加一$859/2位。落完單之後好快就上左個前菜比我地，一份係鮟鱇魚肝，另一份食唔出咩黎。因為一向唔太好肝類野食，第一次試鮟鱇魚肝覺得還可以，另一份黃色望落似水蛋食落似兒時零食芝士腸，依個覺得麻麻地。之後就上刺身，厚切三文魚、厚切吞拿、甜蝦、生蠔。依四樣都大件又抵食, 生蠔好飽滿仲有個汁幾特別。然後就上熟成蕃茄芝士沙律，佢個沙律汁另上，仲要個汁好特別, 幾鐘意。飲品都上喇, 陽光兵團有幾種生果打出黎的果汁, 味道可以，不過放左一陣汁同渣分離。白桃玉露就係桃味加D椰果條唔太特別。個人覺得可以唔洗加野飲(酒除外)，飲茶都已經好足夠。一直

這間日本餐廳，週日午餐時間真係超多人食，好彩只需要等一陣就可以入座，可以坐喺吧枱望住啲師傅們忙碌哋即叫即製刺身壽司呀。估不到，週末都有午餐定食喎，仲有成25款比我揀！😍赤海老 (跟餐 +HK$25)肉質鮮嫩、爽彈、鮮甜、美味松葉蟹肉蟹膏飯+鮭魚漬飯+醬油漬牛肉稻庭烏冬 (HK$118)一份定食，有8樣嘢食咁多㗎！真係好滿足樣樣嘢都想食嘅我😋1. 熱柚子茶特別是紅茶底加柚子蜜，味道不太甜，很好2. 沙律最欣賞嗰粒醃漬番茄仔，清甜美味，沙律菜都好爽脆鮮甜3. 前菜海草和海帶絲，調味不錯4. 茶碗蒸蒸蛋好滑，裡面仲有冬菇、雞肉、雲魚蛋和銀杏5. 松葉蟹肉蟹膏飯上面鋪有厚厚一層松葉蟹肉絲、蟹籽和蟹膏，每口都配有日本米，口感豐富又美味6. 鮭魚漬飯2件煎得香脆的鮭魚，不過調味好似鹹一啲和比較多骨，要小心慢慢食，米飯加咗一些鮭茶漬，幾好味7. 醬油漬牛肉稻庭烏冬原本係牛舌，不過當日賣晒，所以轉咗牛肉，都有4片㗎！烏冬條條分明，入口軟滑，正😋8. 甜品抹茶蕨餅，滿滿抹茶味，口感有少少煙韌，也有少少水潤

經常在愉景新城用餐，也從來沒有來過這一間日本餐廳，因為這間餐廳是鄰近玩具反斗城，自己很少走過來這一邊，所以沒有發覺有這一間餐廳，今天老公誤打誤撞發現了這間鳥山名，晚上六時多都已經開始要排隊了，老公認為要排隊的餐廳應該質量不會太差，而且他認為這家日本餐廳在愉景新城已經開了很長的時間， 仍然屹立不倒，應該不會太差，所以我們就決定排隊等候入座，我們等了大約15分鐘才進入餐廳，餐廳侍應安排了我們坐在一張二人檯，然後遞上餐牌給我們，餐牌內有很多選擇， 懶洋洋的星期天我們也懶得慢慢揀，最後我們選擇了一個自選極上二人套餐($688)，因為套餐嘅價錢也合理， 原來這個套餐最後都要二款沙律二揀一，六款爐端燒揀三款及二款煱物二揀一。哈哈!前菜(按圖片擺放位置)菜漬/芝士酒盜/明太子魚/水雲/柚子蘿蔔漬牛蒡/鹽漬螢光魷魚/山葵八爪魚這道前菜共有九款(按餐牌只有七款)，放在一個九宮格的盒內，一半味道偏濃，個人較喜歡味道較為清爽溫和的，如:芝士酒盜，水雲，柚子蘿蔔漬，牛蒡及山葵八爪魚。沙律(二揀一)- 牛油果虎蝦野菜沙律- 和風博燒安格斯牛肉野菜沙律配溫泉玉子(巳選)賣相很得體，牛肉份量非常充足，把中間的溫泉玉

趁假日，同老婆、姨仔三人行，小弟請睇戲，姨仔請食晏晝飯，原因宦喺老婆生日，搵啲節目賀一賀佢。由於出咗荃灣睇戲，所以，食嘢都揀番荃灣，而餐廳由老婆發辦，幾年前食過「鳥山名」，佢好鍾意呢度嘅銀鱈魚，印象深刻，故此，就一於再訪。佢有心水就最好，唔使我諗得咁煩，「鳥山名」，我都覺得喺明智之選！假期關係，都幾多人幫襯，因為佢哋個場大，眼見啲人一般食完就走，尤其午市，唔會磨爛蓆，所以，翻枱都快，唔喺等好耐就有位。同上次一樣，又喺被安排坐晌「外邊」挨住商場用餐區嘅卡位，而啲卡位就寧舍闊落。餐廳內喺唔同位置，均放置唔少富和風嘅擺設、器皿、酒樽……等等，都增加整體日本風情嘅感覺。枱上調味料嘅器皿，以及茶杯，都好別緻，一派和風風格。晌假日，特設有假日定食，款式非常之多，但當中嘅款式其實晌主餐牌都有，但定價更相宜，而且，奉放刺身或餐飲。然而，定食中喺無銀雪魚，所以，老婆就喺番主餐牌中埋手。吉列黑豚豬扒手打烏冬 $92呢個定食都好豐富架，伴有沙律、前菜、茶碗蒸及甜品，刺身或餐飲嘅選項中，要咗刺身，反正有玄米茶。吉列黑豚豬扒賣相就好對辦，炸得非常金黃，色澤均勻，一口咬落去外層甘香鬆脆卻唔油賺，肉質亦軟腍富肉汁，

鳥山名喺荃灣愉景新城L1，喺玩具反斗城隔離，位置較為隱蔽，不過仍然很旺場，等咗15分鐘左右先有得入座。餐廳的食物選擇實在太多，多到諗唔到食乜，最後決定點個二人套餐，貪佢乜都有，又唔洗諗。前菜二人餐的前菜非常精緻！其中山葵八爪魚、蒜頭漬和牛蒡漬最出色，兩公婆夾唔停。溫泉玉子絹豆腐櫻花蝦沙律很特別的一道沙律，中間有隻溫泉蛋。櫻花蝦比預期中淡味，但配搭麻醬味道就啱啱好。壽司盛合魚生很新鮮，三文魚超級肥美，甜蝦肥大肉厚。美中不足是壽司飯偏硬了一點點。串燒走地雞胸三角軟骨 $38另外order的串燒，醬汁非常香濃，雞胸軟骨夠爽脆，正。串燒黑豚五花腩叉燒 $52超厚的叉燒，燒至很香口，一點油膩感也沒有！調味亦恰當，不用點芥末醬也很滋味。串燒厚切牛脷芯 $68厚切牛脷心非常惹味和juicy！師傅random咁喺牛脷表面𠝹咗啲淺坑，唔影響賣相之餘，又能減少燒烤時間，亦令牛脷燒得更均勻，推介！一口炸雞炸雞雖不算香脆，但內部仍保持滑嫩多汁，很不錯。燒菠蘿燒至微蕉的菠蘿又香又甜。鹽燒三文魚腩骨充滿魚油香，煎至香脆的三文魚骨腩，加啲檸檬汁提味去膩，非常可口。唯一缺點是要一直吐骨。鹽燒鯖魚魚肉多汁香口，只是外皮

日本料理@荃灣朋友想食鰻魚，但又唔想食鰻魚飯咁多，叫個鰻魚串燒解饞就啱啱好喇～ 一客有兩串，鰻魚都算幾大件，燒得唔錯。自選二人套餐樣樣都有啲，唔使煩食乜，由前菜、沙律、壽司盛合、小食、和食同甜品都一應俱全，仲有兩個飯/烏冬𠻹！真係平靚正 前菜有七個，每一格都幾豐富同精緻，有水雲、山葵八爪魚、漬物（蒜頭、牛蒡同芥菜）、明太子沙律同慢煮牛舌。三隻漬物都好合我口味，全部都好爽口，的確開胃，哈哈！慢煮牛舌煮得好軟，好食 小食可以四選二，揀咗一口炸雞同芝士年糕。炸雞脆卜卜幾好味，雞肉仲係好滑。原本都驚芝士年糕會好油膩，但係又唔會喎，反而口感幾 QQ。見炸嘢幾好就追加個吉列黑豚豬扒，豬扒幾大塊 bor 同炸雞一樣炸得香脆。配碟有大量椰菜絲，好 fresh。壽司盛合勝在咩壽司款式都有，魚子軍艦好滿～