OPPA韓國燒肉店

營業中

休息中

每次經過洗衣街都比呢間韓燒餐廳所吸引, 今日趁同丫妹係附近做完hair treatment, 正好去呢間食餐烤肉dinner。餐廳內塗鴉牆壁跟鮮橙色鐵筒座位, 令環境氣氛生色不少; 放置數張圓檯更有韓國當地風味。Order食物後, 店員送上三款韓式前菜、加入泡菜爐邊蛋, 蛋香味十足, 散發淡淡蛋甜。烤肉款式選擇多, 有齊豬、牛、羊、雞, 另有多款韓式主食, 款式應有盡有, 只係揀野食都花點時間。牛魔王嘅我地最後order咗【和牛拼盤】HK$458拼盤包含了多個不同部位, 以牛形木盤整齊排列上檯。所有牛都很新鮮, 表面沒有雪氣, 烤嘅期間仲會慢慢慘出血水。拼盤包括了美國上肩胛肉、美國牛小排、美國下肩胛、日本A4背峰肉、日本A4上腦肉、日本A4牛肉眼、1++韓牛肉眼、澳洲和牛頸脊、澳洲和牛舌。澳洲和牛舌: 有點點厚度, 烤至金黃又唔會太過韌。1++韓牛肉眼: 色澤粉嫩, 油花豐富平均, 烤嘅過程油份滲出, 令入口肉質更為嫩滑, 肉質林。期間係烤嘅過程中, 發現多餘油脂原來從鐵盤一邊流走, 令盤上唔會油淋淋咁烤物, 不錯的設計!【匈牙利鵝肝】HK$98三件鵝肝表面沾上粟粉, 厚切滿足, 可以

這間韓燒特別深刻，因為之前在太和食過而且特別抵食，食物又高質。今天剛好在旺角，所以便是一下這間旺角的分店。和牛拼盤（$458）這個質量很高！當然價錢也偏貴，牛小排，肩押肉，背峰肉，牛舌....太多肉類，而且質量比主打放題的太和分店高，果然是一分錢一分貨。匈牙利鵝肝（$98）我沒有誇張，它是我有生以來吃過最好食的鵝肝！別看他的外型奇奇怪怪， 像一件白色的粉團，其實這就是秘密所在。鵝肝煎熟後，外脆內軟，外面白色的粉末燒熟後奇妙地變成一層薄薄脆脆的表層，放入口，除了口感帶給你驚喜外，淋淋鵝肝汁四溢，令人齒頰留香。下次如果經過可以叫一份鵝肝當下午茶。豬大腸（$98）不是一份普通原條的豬大腸，可以看到表皮被炸成衣的模樣，更增添香脆口感和香口味道。韓式四色冷麵（素)（$88）吃了這麼多熱氣的肉肉，當然要吃一口冷麵中和一下，一口肉肉一口冷麵冰火二重奏天的感覺真的太棒了！而且冷麵有瓜類和梨，整體口感10分清新，冷麵的口感亦都非常彈牙，給人一種很舒服的感覺。OPPA 4 太子（$108）跟我以前在韓國海鮮市場吃的味道一樣，由於帶子本身的新鮮，所以加

今日行旺角，經過呢間韓燒同朋友都想食就入左去了，個時7點半左右，唔太多人，反而8點就開始滿座。先唔講味道，服務已經好好，只要服務員得閒就會幫你燒埋，唔想/唔識燒都唔洗驚，當然你亦都可以選擇自己燒想要既熟度。黑毛豬果然名不虛傳，見到賣相已經覺得好吸引，食落覺得肥瘦適中，唔會"韌"，而且可以用生菜夾住食，唔會覺得好油膩，再加埋自己鐘意既醬汁調味，可以有埋甜酸味。A4日本和牛簡直無得頂！賣相100分，油花分佈平均，然後煮到仲有啲粉嫩色，肉質軟嫩，入口即溶，已經諗定下次要食佢個牛拼盤試埋佢其他牛。至於匈牙利鵝肝，覺得份量都算多，呢度既鵝肝比較淋身，但幾香幾滋味，同樣有入口即溶既感覺。另外叫左忌廉溝鮮奶同韓國粒粒提子汁，提子汁入面有一粒粒啫喱咁，幾有口感，甜甜地既。

暑假開始了！頭痛的日子又來了！要花心思為豆丁安排每天的活動。今天特地請了半天假，帶豆丁到花園街添新衣，順便在附近晚餐！由於時間尚早，晚市還未開始。但看到這家韓式燒烤餐廳，店門佇立的餐牌，有類以地鐵／列車的標誌，吸引著地鐵迷～豆丁也！於是一家四口就在此晚餐。　六時未到，客人不多，可以坐得舒服。而且打開櫈蓋，可以放入個人物品。這個結構，對豆丁來講，是新奇的事物。　來到點菜一環，選了４人餐～馬場洞套餐。　下單後，先為豆丁繫上西裝圍裙，即刻變成型仔OPPA！不久職員送上各款食材。鹿兒島橡味黑豚　　一塊没有添加調味的的豚肉，只單憑其原本的肉味來取勝，這就是韓國燒烤的精髓。平時在家肯定燒不出這種豬肉。因為家中所有肉類都被女煮人～母親大人，加料調味醃制。這次可以慢慢玩了！職員還幫忙剪成小件呢！遺忘已久的豬肉味！今晚終於重拾這種味蕾記憶。有點心動想去韓國一趟！單單是燒豚肉，已經有油脂滲出來，無需額外加油了！　　　澳洲和牛上肩肉M9　長長的肉質纖維，要以剪刀分件，方便品嚐。上肩肉就是以肉味為主啦！　　　和牛牛脷　　本身喜歡牛脷，可是平時任飲任食的韓燒大都是薄片牛脷，加上不知何處才買到厚身牛脷，難得在此遇

之前幫襯過屋企附近間OPPA燒肉店(大埔)，今日就一行四人黎旺角店踩場。呢排實在太熱，一坐低先叫野飲，以前飲過菠蘿冰，好鬼正，新鮮菠蘿整嘅沙冰，用一大個真菠蘿殼裝住，仲有一片片嘅菠蘿肉，我梗係大力推介啦。但我今日想試吓個芒果冰，可惜今日冇，只有菠蘿冰同西瓜冰。最後四個人都叫晒菠蘿冰，飲勝~一上枱就即刻飲幾啖先! 冇左個菠蘿殼，又冇左一片片嘅菠蘿肉，有啲失望。好大杯，飲落去仍然係新鮮菠蘿整嘅沙冰，好鮮甜，帶一粒粒嘅菠蘿果肉，食燒肉配沙冰，冰火嘅感覺，一個字 - 爽!爐邊蛋，按我指示一半放泡菜，一半齋蛋，一次可以試晒兩款口味。要重點一提，OPPA嘅燒烤板我覺得係咁多間燒烤店最好嘅。一整塊平板設計，非燒烤網，肉汁同油唔會漏入火爐裏面，由於傾斜擺放，所有油都會卸晒落去個盛油碟入面，容易清潔。最重要係佢嘅材質好好，無論燒乜都完全唔黐底，其他燒烤板同燒烤網好多要預先搽定油上去，一路燒仲一路要唧啲油上去，呢個板真係超正。野食就叫左個馬場洞套餐，呢個巨型匈牙利鵝肝，好厚，仲厚過我手掌。燒鵝肝最重要嘅秘訣係: 雪硬佢先!!! 因為鵝肝入面有好多油份，遇熱就溶，雪硬佢先燒就最好! 所以呢個一上枱就要第一時

打完麻雀，老豆話好耐冇食韓燒，就試吓屋企附近嘅韓國燒肉店。燒肉店位於旺角洗衣街，算係喺旺角核心比較外圍嘅地方，所以等咗一陣就入得。牛肋骨湯 - 老豆食親飯，不論中西日式，唔飲啖湯都唔安樂，所以叫左個牛肋骨湯$108。湯落左奶所以特別香滑，入面放左好多蘿白帶點香甜，牛骨同牛肉亦好多，好香濃嘅牛骨湯味道，好好飲。啲牛肉煲到好軟腍，完全冇渣。4個人叫左個馬場洞套餐$838 - 啱晒鍾意食肉嘅老豆，因為除左有多種高級靚牛肉同匈牙利鵝肝呢啲高級食材外，仲有黑豚、銀鱈魚、韓式炸雞、牛脷(老豆至愛)、韓式海鮮年糕，真係海陸空都食晒。A4和牛三角肉、宮崎和牛上蓋肉眼、澳洲和牛五花。A4和牛真係搶晒鏡，大大塊，絕無欺場~油脂分佈均勻，燒完肉質都仲係嫩滑。鹿兒島橡味黑豚 - 初初睇個色澤以為係牛，原來係豚肉，肉質軟腍，果然又係靚食材。店員仲好細心幫我地剪開，方便我地SHARE之餘，燒嗰陣又可以更容易睇到係咪熟晒~韓式炸雞 - 有少少辣，阿媽怕辣都頂得順，仲話好惹味，而且雞肉嫩滑又多肉汁。不過咁啱我食嗰件近中心有少少血紅色，少少失手。匈牙利鵝肝 - 好大件，一燒就聞到鵝肝嘅羶香味。鵝肝相當肥美，睇佢搞到「油

中午食飯時話題講到韓劇中多數有食韓燒場面﹐原來我同事未食過韓燒﹐於是約好今晚帶佢去見識下﹐比佢感受一下韓劇中食韓燒的場面﹐方便同事食完坐車回家﹐所以選左旺角OPPA韓國燒肉店﹐我之前去過大埔店﹐材料質數覺得很好﹐今次専登陪同事試下旺角店﹐位置5難找係水務署對面﹐餐廳地方雖唔算好大﹐但圓筒櫈內有乾坤慳來不少位置﹐就是給客人用來存放東西﹐既慳地方又有安全感﹐這店都幾多捧場客﹐7點未夠已坐满了枱﹐可推斷這間品質一定不會差的﹐好彩剛好還有1張2人枱﹐我哋5洗等位。 服務員安排好我哋坐低左之後放左一些韓國特色小食及配料﹐泡菜、芽菜、海帶及生菜﹐還有韓國凍茶﹐一般韓燒餐廳是提供冰水的﹐而燒烤鐵板參照韓國地道餐廳傳統﹐以傾斜角度將過多餘油滴漏落盛載油的碟上﹐烤板頂位置倒入蛋漿﹐而蛋漿是了用雞蛋芝士漿泡菜和魷魚粒做食材﹐可能是泡菜關係蓋了芝士的味道，食不出有芝士成份，而魷魚粒增加了趙口﹐店員告訴我們這個蛋漿如果在 facebook 打卡可 免費refill 的﹐同事睇完餐牌表示5識點﹐叫我揸主意﹐我望下餐牌最吸引就係OPPA潮食二人餐驚喜價$268(﹐驚喜價時段只限星期一至四5點30分至7點