鮨心 (已搬遷) 新店位置

朋友同我食生日飯訂咗呢間餐廳睇食評好期待三文魚壽司魚味好濃好正呀！不是普通貨色！個厚燒玉子係全晚最愛佢有淡淡既柚子味！中和咗玉子既甜味！好有心機既idea!!’好食好特別！呢個好似叫海龍卷幾好食的！但無前兩個咁驚豔有好就當然有唔好個明太子雞翼就普通了性價比又唔夠高記得$30一隻但味道麻麻而鰻魚飯其實都幾好食！可惜汁唔夠多白飯無汁送我覺得無咁好食如果多d鰻魚汁好食d!但鰻魚無骨又淋係好食架服務都唔錯！會不停加水不過環境比較靜兩個女人bilibala 有少少尷尬哈哈！！比較岩情侶去埋單都係$480左右 幾抵食！推介的！下次想主打壽司

約咗舊同事放工聚舊，為方便大家返屋企，決定喺旺角食。同事提議試下e間樓上日本餐廳。地點超方便，一出旺角地鐵站就到。餐廳喺1/F，店內環境佈置同餐具都好和式，勁有日本feel。因為訂咗位，唔駛等，我地被安排坐bar枱位。兩個女仔叫咗4樣嘢：厚燒玉子、鹽燒牛舌、鹽燒雞翼、雜錦天婦羅稻庭烏冬。樣樣都賣相精緻，味道唔錯，有水準，但因為份量比較細，唔係好夠飽，於是再叫埋味淋雞泡魚乾+陶板燒金菇牛肉卷。同事話雞泡魚乾係佢最愛，連家中2歲👶都鍾意，食親日本菜一定會叫，我就未食過，既然咁推介，好啦，我即管試下，又真係口感一流，yum yum😋 。個牛肉卷好juicy，醬汁幾正。總括嚟講，食物質素同味道唔錯，價格就偏貴咗d，招呼就可以殷勤多一啲囉，不竟係高級餐廳嘛。唔食魚生嘅我，發現日本菜都有好多熟嘅美食，以後聚會又多個選擇啦。

今日同🐢蜜食生日飯 朋友介紹左我尼尼間野食一開始叫左個鐵火卷 佢系吞拿魚尼既 好好食同埋個蟹子沙律 佢d蟹子好新鮮 沙律醬唔會過多 適中 亦唔會太酸本人好仲意食加州手卷 職員好細心 一嚟到就叫我食咗先 因為怕個紫菜會變軟唔好食而朋友叫左個厚燒玉子 好特別 有少少酸酸地 似系檸檬既feel 幾fresh 下面尼個叫干飄卷 真系唔知咩尼 食落去酸酸地 我個人唔太仲意我地仲叫左個炸本菇同南瓜番薯天婦羅 好juicy 南瓜同番薯又唔會太甜最後叫咗個魚生丼飯 佢比我地想像中大 我地3個人最後都食唔哂 但尼個價錢咁大好抵食總結 我覺得尼個價錢食到咁好味既野真系好抵又新鮮 去到先知佢有omakase都系$600 下次會想試下

阿林：冷盤只點了金槍魚 ($42)、油甘魚 ($32) 壽司，以及刺身沙律 ($168)。沙律為二人份量，各自從一邊開始，進攻金槍魚、三文魚、三文魚籽、鯛魚、甜蝦等，好不滿足。刺身皆大片／厚肉，新鮮軟潤，實在不錯。相對之下，熟食顯得一般。厚燒玉子 ($38) 以柚子皮添香氣，但不算滑溜。鹽燒牛舌 ($68) 略鹹，肉質不過不失。燒三文魚皮卷 ($78) 是餐牌裡其中highlight的食品，我卻不知有什麼特別。鰻魚丼 ($178) 米飯黏在一起，鰻魚燒得過焦，不肥不滑。一句到尾，刺身最食得過，下次一於試試廚師發辦。

係旺角都有師父拍板？係旺角都有高質壽司？呵呵呵～今日就等我去會一會佢先！餐廳唔算好大，一眼望晒，但環境舒適我同朋友選擇坐「Bar枱」，可以睇到師父整壽司，又可以同師父吹水～師父們都好Nice！今次我哋揀咗散叫～因為非常肚餓，所以一開始就食咗個吞拿魚手卷，真係超足料，每一啖都有超多吞拿魚，超好味！食完多日仲好掛住天婦羅炸得不錯，蝦同南瓜都好味，唯獨有件炸魚非常普通，仲有少少腥。軟殼蟹卷也不錯，而且超多蟹子～～帶子新鮮肥美～玉子不錯，但個人都玉子要求好高，老實說沒有想像中好食鰻魚卷好好味，但唔鍾意嘅牛油果嘅朋友就未必啱食啦～最後我哋仲叫咗水信玄餅，好彈、好靚～總括都好好味，值得encore !價錢中上，但以高質壽司嚟講唔算貴～但一定唔可以用食放題或連鎖店嘅價錢去比啦！

有一段時間沒食日本菜了，今次就同朋友搵到呢間係旺角的鮨心，可以靜靜地享受和風美食了！餐廳以木、麻為主，設計簡約好和式，而且空間感十足，坐位舒適，令人心情變得輕鬆，食起野上黎特別開心。大家都係放工過來，都感到肚餓了，所以好快決定到食啲咩。首先有厚燒玉子，食落好香蛋味，而且帶有少少柚子味，感覺清新。果然係厚燒，咬落好有口感，而且都幾滑！呢個係吞拿魚他他，曬上黑芝麻的吞拿魚肉，食落鮮味之餘仲帶有少少芝麻香，而且肉質好滑。中間放滿淋上酸酸醬汁的新鮮沙律菜同青瓜絲，開胃得黎感覺好Fresh。啖啖肉鮮甜牡丹蝦刺身，連殼都幫你剝埋，真係細心。香口好食的雜錦天婦羅，有兩條又大條又多肉的蝦，味道鮮味，另外仲有其他常見的蔬菜，好新鮮，味道清甜，即叫即炸熱辣辣，食落juices唔會炸到乾晒，點少少加左白蘿蔔蓉的天婦羅汁，真係好食。燒得好香的鹽燒牛舌，非常厚身，咬落多汁！吱少少檸檬汁食，更能突出牛舌濃厚的牛味。另外還叫了三款手卷分叫係香辣金槍魚手卷、香蔥碎金槍魚腩手卷及軟殼蟹手卷。米飯好食，口感軟身，粒粒分明。紫菜脆而不韌，而且手卷還加了新鮮的菜同青瓜絲，食落沒咁單調。香蔥碎金槍魚腩，口感好滑，食落帶有香蔥味

鮨心位於旺角區，近地鐵出口，相當方便，喺間日本料理餐廳餐廳裝潢以木為主，用粗繩作為分隔，幾精緻，和風味濃餐廳座位不多，所以最好預先訂位厚燒玉子本人不太喜愛吃玉子，因為味道通常比較甜不過，友人極力推介，只好試下一試之下，好有驚喜，玉子原來有柚子味，清新美味，蛋味香炸雞軟骨份量大，外面脆，唔油膩，雞軟骨爽口，配埋檸檬汁，更美味汁煮魚鮫每次都吃鹽燒魚鮫，難得鮨心有汁煮魚鮫，當然要試下啦上枱賣相精緻，有蘿白、東菇放在上面，好吸引，首先試下個汁，味道濃郁，惹味，有點咸。魚吸哂個汁既味道，好香，魚新鮮鮮甜配菜東菇都好精彩，東菇juicy 鮮味大家可以試下

今日去咗旺角 諗住話揾間日本野食下 最後因為懶 所以揀咗最近地鐵站既一間 一岀a1 轉右就係😂 真係十步以內 我都好佩服自己可以懶成咁一行入去已經覺得好正 啲佈置 裝潢 全部令你好似入咗第二個area 同旺角嗰種繁忙既感覺截然不同 一條條既扭繩分開咗2個區域 有啲privacy 之餘 又感覺勁悠閒 正✨一坐底 已經有靚靚碟等緊你仲有熱茶同濕紙巾即刻跟上厚燒玉子真係唔係一般好食 厚燒做得好 食落口唔會覺好實淨 而係好鬆軟 超正 仲要係柚子口味 食落去嗰下 又驚又喜 無諗過會咁fresh 好啱 鐘意食既人必試炸雞軟骨其實好似好simple 既一道小食 但佢做得堅岀色 無論係味道定係炸物既脆度都好值得一試 就算食到最後 佢都依然好脆 下次一定要天婦羅😭海鮮丼上面有超多刺身 全部都好新鮮 唔會有怪味 腥味 我鼓起勇氣食咗勇氣一啖海膽飯 好食！！ 一啲都唔苦 仲要有啲甜 不得了 配埋魚子 蟹子一齊食 口感就更rich 最後不得不讚既係 店員服務超好 速度都好快 會不時幫你添熱茶 成餐飯 我冇叫過加茶 留意住你食嘅進度 幫你收碟 真係好得彈！

之前也提過，旺角的食店總是給人廉價但印像一般般的感覺，因為這裡的消費群都以未有收入或收入較低的年青人為主，至於工作了多年，即使收入不算高，但有時也想食餐好獎勵自己的打工仔們，總要為吃好西而捐窿捐罅，但最近就從網上得知旺角新開了一間高質日本菜，店內有九成食材均來自築地，一眾住在鄉下地方的友人知道終於不用為吃好西而攀山涉水，迅間就速成了是晚的飯聚。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊鮨心雖然地址標示在旺角彌敦道，但大廈實際入口其實是在快富街，基本上一出港鐵站向後望就見到。食店走高級日本菜路線，裝潢都用上慣用的木製桌椅，座位亦比一般同區的食店寬敞。而要判定一間食店是否高級，除了價位外，也可看是否有提供廚師發辦。而這裡的壽司吧檯就是方便點廚師發辦的食客，好使師傅觀察食客的進食速度以控製出菜節奏。厚燒玉子($38)玉子一客有四件，旁邊以酸薑伴碟。從橫切面看，燒玉子頗為濕潤，口感炤算嫩滑，但略甜的味道卻不是我杯茶。牛舌($58)牛舌一客有兩串，每串有三件。牛舌雖然不算非常厚切，但入口微彈，羶味不重，即使只簡單以鹽調味，已經非常美味。 海鮮丼($238)海鮮丼的飯被滿滿的海鮮

在旺角常常不知有什麼好吃和好環境的地方。今天和老細在旺角辨完公事，也快到晚餐時間，大家一齊吃了晚飯才回家，想了很久才想起此間鮨心，因為不久之前看過雜誌介紹，在旺角區開高級日本料理おまかせ，所以有点印象。餐廳裝修清雅，不想吃おまかせ攺散點，散點也有很多選擇。厚燒玉子，沒有日本的那麼甜，是我喜歡的口味，但我老細是日本人嫌不夠正中。柚子味還可以濃。😋什錦天扶羅，炸漿夠薄及脆。酒煮大蛤， 酒味濃郁， 蛤煮得非常嫩，不會過火，為蛤的鮮味不足。汁煮魚鲛，魚去腥的功夫還有待進步， 蘿蔔非常入味，醬汁還可以濃稠些。香蔥碎金倉魚腩卷，剁碎吞拿魚腩幼細香滑，軟綿綿的口感加上脂香，在蔥的微辛中引發出美妙的化學作用👍。在旺角有此水準也實屬難得，烹調還有很多空間可提升。

我和友人將出發日本, 但並不是結伴同得, 而是前後腳出發, 既然不能一起在日本吃日本菜, 一於在出發前先在港吃返一餐, 順便談談對方所安排的行程, 參考又抄考一下, 哈!今晚來到位於旺角一間樓上日本餐廳, 一出港鐵轉過彎便找, 位置相當便利。餐廳環境光猛, 以啡油木色為主調, 地方不算大, 左邊是壽司吧枱, 以一道粗麻繩隔開另一邊的位座, 設計富特色。中間設有數張二至四人枱, 右邊則設有兩張四人卡座, 而最盡頭便設有一個半圓形的小日式酒吧座。餐廳沒有太多花巧的擺設, 簡約平實, 感覺舒適。除了小酒吧座擺放了多款日本酒外, 連窗台也放了不少, 但最吸引我莫過於牆上所畫的油畫, 望着夕陽下的平靜村莊感覺靜心休閒, 而多位漁民正在捕捉新鮮的海鮮, 正於門口放了一籃海鮮互相輝映。餐廳設有三款廚師發辦, 價位由$600-$1000起, 豐富吸引, 但我倆不想吃得太飽, 故一早已打算單點。單點選擇亦不少, 有前菜小食、沙律、刺身、壽司、手卷、卷物、揚物、燒物、煮物、食事、湯和甜品, 還有多款酒和飲料。******************************友人喜歡吃蛋類菜式, 點了一客四件的厚

PJ與麵包夫婦都喜歡吃日本菜，得知旺角有一間日本餐廳食物精緻，室內裝修以繩索為主題，感覺非常特別，於是便相約前往飯聚。店子雖然面積不大，但裝修非常有心思，壽司吧枱以及餐枱位置有繩索垂簾隔開，這點子非常不錯。這裏也有提供近期大熱的廚師發板晚餐，價錢分別為$600元、$800元及$1000元，貪心的我們最終決定散點晚餐，因為想試多一點菜式。先點了一客雜錦刺身（$288）以及雜錦壽司（$188），整體上水準不俗，價錢合理。刺身有巨型帶子、油金魚、右口魚、三文魚以及吞拿魚，特別要讚帶子刺身，是超級厚肉及鮮甜的貨色，中吞拿魚亦肥美，那種吞拿魚獨有的甜非常討好。雜錦壽司無論是體積、魚生及飯的比例都做得有板有眼，收平均＄30一件壽司，這質素可以說是性價比高。三文魚子軍艦是我的最愛，鯖魚壽司配薑蓉以及白昆布這做法於香港很少見得到，這吃法令本身魚腥味重的鯖魚變得鮮味。同行友人十分喜歡吃螢光魷魚漬($48)，現在正好是當做的季節，水準是出奇地美味，不會像坊間一般一味死鹹，略帶鮮味，就算我們沒有飲酒，空口吃也不覺得太鹹。厚燒玉子($38)是自家製的貨色，味道甜美，美中不足的是口感不夠綿密。清酒煮蜆($78)

星期日放假，約左班friend去旺角行街shopping，行左大半日，又攰又餓，緊係要搵D野食下啦，但D姐妹就呢個話怕肥，果個話要返屋企食飯，結果就淨低我地兩個，我地都鍾意食日本料理，但喺旺角想搵間有水準嘅日式料理選擇就唔多，我地就上開飯網搜尋左下，發現附近新開左間“鮨心”，喜歡試新野嘅我哋，一於就上去試下啦！天氣好熱令人煩躁，入到餐廳好涼爽，心情秒速變番靚。店員熱情地遞上茶水，還因為我地係第一次黎，店員就向我地介紹一D比較多人orderr既菜式！例如大蝦天婦羅卷，蝦大隻而不失鮮甜，酥脆而不覺油膩，混合芥末醬非常惹味！特上刺身拼盤品種丰富，帶子大隻、三文魚腩厚切、吞拿魚、油甘魚等，件件都相當新鮮，口感十足  青瓜麥粒味噌，新鮮的青瓜蘸上麥粒醬，既爽脆又好吃，而且仲好有营养價值添。雞泡魚乾天婦羅，魚乾香韌而有嚼勁，風味獨特，有特色，回味無窮。厚燒玉子，玉子顏色很靚，口感軟綿，唔黏口，香甜可口，清酒煮蜆，大隻肥美，清酒味比較濃郁，而且乾淨冇沙！間餐廳整體唔錯，刺身新鮮，料理亦食得出係師傅用心之作，下次會再黎！

雖然經常喺旺角出沒，但平時返工都好忙。上星期同老公路過，見到呢度新開左間“鮨心”，未食飯嘅我地，一於就上去試下！由於時間尚早，入到去客人唔多，環境都幾舒適！我地點左一D小食、刺身、壽司及老公的至愛日本清酒～山花！鹽焗杏仁，粒粒飽滿，殼易剝落，口感香脆，有嚼勁主角之一，幾香甜，易入口！特上刺身拼盤，好精緻，有8款，最愛帶子，口感鮮嫩，其他每款都厚切及非常新鮮！大蝦天婦羅卷，面上有木魚絲，睇到隻蝦好大隻，而且炸的外脆裡嫩，醮戶芥末醬同食，十分香口惹味上壽司拼盤，有6件但唔同款，令人每款都想試，最後食左甜蝦及飛魚子，甜蝦肉質相當鮮美厚燒玉子，不會太甜太膩，質感鬆軟清酒煮大蜆，清酒同大蜆互相滲透，清酒令大蜆更加鮮甜可口，味道清甜！呢餐買單價錢有點贵，但從質量方面算就值回票價，而且食得出係大廚用心之作，服務方面亦到位，下次會再返轉頭！