小曼谷海鮮燒烤屋

營業中

休息中

上次黎已經係半年前，突然好想食，所以又再黎過。今次叫左支白酒，用黎chill chill佢，比想像中質素要好好多，如果鍾意白酒可以試下呢支。係唔好甜，微甜偏澀。鐵板豬頸肉通菜（馬拉盞）：個通菜既味濃得岩岩好，但完全唔覺得咸，所以整體係好香，啲通菜好新鮮，呢道菜很可以。燒安格斯西冷牛扒：西冷牛扒有成兩塊，半成熱，份量好多，而且牛肉好嫩，最重要佢個汁係泰式個種酸酸地，同個牛扒好夾。原隻鮮魷筒釀糯米飯：呢個糯米飯真係好長，其實兩個人食真係幾多，我仲地叫左個粉，但佢個魷魚煮得唔會硬，係嫩嫩地個種，又係有汁配，覺得泰式汁同好多既菜式都好夾，因為我地用佢去點牛扒既汁，都一樣好好食。泰式鮮蝦炒金邊粉：金邊粉既份量好多，對比上面咁多樣，因為金邊粉食親泰國菜都會點，所以失色左少少，但其實都係好好食既，不過兩個人食咁多份量都真係好飽。真係食咁多次都無失望。

平日工作忙得喘不過氣來，就連周末假日既早上都要工作，今日便睡到自然醒以是黃昏了，決定寫意地吃個晚飯吧！這間九龍城【小曼谷海鮮燒烤屋】好像是經營了好多年，算係九龍城區泰菜餐廳中既老店呢。畢竟九龍城區泰式食肆競爭都幾激烈。但仲保持有水準又有客源既相信是實屬不錯吧。.在遠處已經見到門口有個吹氣公仔...隻手會一路擺下擺下，Welcome for coming...令人印像深刻都覺得幾溫暖的。一踏進【小曼谷海鮮燒烤屋】，感覺到有點新式既泰式裝演風格加濃烈的泰式烹調味味道，店內的裝飾及擺設都有泰國特色，配合木製的牆壁及枱凳都是令你感到身處泰國一樣。氣氛舒適...店舖座位不多，由小方檯組成，吧檯那邊可以坐兩三個人，室外還有幾個座位，相信帶了狗隻可以坐出面吧。睇睇餐牌，款式比想像中多...一般泰菜外仲有唔少海鮮BBQ類。仲要圖文並荗，款款望落都好吸引...太正了，例如該店的冬蔭功湯、酥炸豬手泰式烤全魚、原隻鮮魷筒釀糯米飯都好吸引..好似大飽口福呢！🔹芒果沙冰 ＄36搭配夏季的時令水果﹣芒果！見到有好多人都有飲到呢款芒果沙冰！都算係小曼谷必點既其中一款飲品，賣相不錯，上面有新鮮芒果粒浮係面頭，下面既沙

今日同friend去九龍城食泰國野，黎左呢間小曼谷。一坐低店員就比左幾個餐牌我地，原來有分所有菜式嘅餐牌同埋推介菜式餐牌。首先我地叫左兩杯野飲，一杯係椰青波波，一杯係椰皇沙冰。椰青波波係同椰青一樣味，不過就係起左出黎嘅椰青，都有少少酸酸地咁。椰皇沙冰就比較重椰子味，同埋冇椰青嘅酸味，都幾特別，很好飲。主食方面，我地全部都係叫推介menu入面嘅菜式。首先叫左一個泰式炒金邊粉，金邊粉好香好惹味，亦有酸酸甜甜嘅味，好開胃，入面仲有幾隻蝦，雖然望落唔係好特別，但係好好味。我地仲叫左原隻燒魷筒釀糯米飯。呢個菜式好特別，仲配有酸酸地嘅醬汁，可以點少少一齊食。不過魷魚比較煙韌，口感都幾特別。最後我地叫左一個極上燒安格斯西冷牛小排。牛燒得好好，賣相非常吸引，牛唔會全熟，香得黎肉汁都好夠，十分滋味，而且份量都唔少。兩個人食咁嘅分量已經好足夠喇，呢到店員態度都好好。

好少會出九龍城食飯今日咁岩黎到就搵左呢間野食 一入到去就已經好有泰國風情裝修得唔錯 佢有分室內同埋室外座位 室外都有冷氣餐牌有好多選擇 兩個人黎食叫唔到好多野食所以多啲人黎食會好啲魷魚筒糯米飯好特別，我原本就鐘意食魷魚，佢將魷魚烤得好香，入面配埋糯米飯，口感唔錯，不過味道就可能唔夠，可以配埋佢既醬料一齊食呢個炒金邊粉一定要食，好正宗有泰國風味，份量夠多，入面有鮮蝦，豆腐等等既配菜，好豐富又好食因為見呢到既咖哩好出名，所以我地都叫左一碟咖哩炒虎蝦，佢仲有青咖哩可以選擇。咖哩味道真係唔錯，唔會好辣但又夠惹味。可以配埋薄餅或者蒜蓉包黎食啊，唔洗浪費左呢杯芒果沙冰有好濃芒果汁同埋芒果粒係入面，好滿足既味道泰式奶茶唔會好甜，不過咁岩去果時冇晒珍珠，如果唔係可以飲珍珠泰奶最黎兩個人食左$600幾，真係好飽好滿足

餐廳位於九龍城， 係屬於九龍城區老字號的一間泰國餐廳， 附近也有分店。 但是我最愛還是太子道西這一家， 除了因為有落地大玻璃外， 逢週末也有駐場歌手即席表演， 一邊吃泰國菜一邊欣賞音樂， 絕對係週末最好的節目。泰脆炸豬手豬手製作需時因為即叫即炸，豬手皮脆肉嫩 .外皮炸焗得咸香酥脆，最重要係肥膏已經溶掉，外皮入口鬆化，骨膠源滿滿的；而且入面的豬手肉已全部起骨，啖啖肉完全合乎懶人原則。豬手肉肉質軟嫩，味道鹹香卻不膩，再加上特製的泰式醬汁，與及醃青瓜及蘿蔔等一齊食，可以提味之餘，仲可以減少豬手肥膩的感覺。泰式粉絲焗蝦煲上檯時以熱鍋上菜，夠晒熱辣辣 。粉絲與泰式香料同炒，加埋芹菜 芫茜 等，釋出惹味的香氣， 粉絲吸盡醬汁精華，惹味而不會熱氣。 翻一翻煲底，原來有四隻大蝦等緊我。大蝦已挑蝦腸，這點要讚！大蝦口感厚實，肉質具有彈性，營養和蛋白質豐富，一流!-原隻鮮魷筒釀糯米飯原隻鮮魷桶塞滿了糯米飯，再係魷筒搽上了泰式烤醬調味燒熟， 鮮魷筒燒得微焦香身 ，軟香彈牙，點上酸香的微信辣醬汁，更覺惹味。-原隻榴槤冰棒原隻由泰國直接入口， 貨真價實。榴槤冰棒食落有濃郁榴槤味， 如果唔講係冰棒，我仲以為係食緊

九龍城有唔少泰菜餐廳, 食過好幾間其實味道唔錯, 最令人回味無窮既一定係小曼谷! 特別假日入夜時份, 全餐廳都定必坐滿食客, 於是今日同屋企人為避開人流, 所以提早係太陽落山前食dinner~基本每次黎, 都一定會點冬蔭功同埋咖哩, 係香港食過咁多間泰菜, 呢兩款真係冇邊間好食過小曼谷! 咖哩款式多, 所以每次都可以點唔同既菜式。【冬蔭鮮蝦雲吞湯】HK$128 小火爐興住熱辣辣既冬蔭功上檯, 份量有四飯碗左右, 冬蔭功湯中有唔少泰國香料、五粒鮮蝦雲吞同埋秀珍菇。雲吞大大粒而且足料, 啖啖都有鮮甜爽口既蝦肉, 湯底酸酸辣辣, 惹味又開胃!! 【泰皇咖哩法包軟殻蟹】HK$198話明呢度咖哩正, 係正到連汁都要清埋! 於是今次我地就揀左呢款有埋包可以點埋咖哩食既菜式。咖哩置於手掌般大既法包入面, 法包表面稍為烘過, 包面微微脆身, 軟殻蟹雖然份量唔多, 但酥脆唔會油膩, 點咖哩食, 正啊! 咖哩偏杰, 當中加入了蛋花, 咖哩味道甜甜又有微微蛋香, 法包內裡軟熟, 點咖哩食簡直一流!【原隻鮮魷筒釀糯米飯】HK$188魷魚中釀入糯米飯, 再切食一卡卡方便食, 魷魚爽口唔會韌到咬唔開, 糯米飯帶少

食左咁多年小曼谷，都係冇令人失望。正宗泰國菜就係揀九龍城小曼谷。今次叫左三個送，有魚有蝦有肉，有蒸有煮有燒，【牛油蒜蓉燒虎蝦】虎蝦好大隻，蝦肉非常新鮮，燒得黎又保留住蝦嘅原汁原味，食落仲有小小奶油味。蝦肉好易剝，用叉叉住就可以成條蝦肉整到出黎，啖啖肉，好滿足！蝦頭嘅蝦膏都保留住，可以成個頭食埋佢。點一點自家製青檸辣椒汁，啲蝦肉索晒啲汁，酸酸辣辣仲好味！【原隻鮮魷筒釀糯米飯】賣相超好！味道都唔錯！真係原隻魷魚筒，都幾肥美。魷魚燒得幾淋，唔塞牙，入面糯米飯好軟糯，冇諗過呢兩樣嘢配搭可以咁特別。魷魚一啲都唔腥，糯米飯有埋香菇同其他醬料，點一點酸辣汁，又是另一種風味。【明爐香檸汁蒸桂花魚】一個字，正！以前食開烏頭，今次店家推介桂花，原來咁唔同！佢蒸魚有兩款，普通嘅明爐蒸桂花同呢個。加左香檸汁嘅就辣啲，都係佢地自家製嘅辣汁。重點係，魚肉好嫩好滑呀！又冇骨，啖啖肉，好滿足！魚肉蒸得好入味，完全冇腥味，個酸辣汁真係送飯一流！我諗如果唔係新鮮魚應該冇咁好食，所以食材真係好緊要，小曼谷真係信得過。泰國榴槤咁出名，一定要食返個榴槤甜品。店家推介呢個【原隻榴槤雪條】同【榴槤粒粒杯】，係將真金枕頭榴槤肉雪住，

每天從灣仔放工，乘搭過海巴士總會在九龍城看到這一間小曼谷海鮮燒烤屋，被他們門口不斷招手的吹氣公仔吸引到。有見今天星期六，沒有特別事做，特意約了幾名好朋友來拜訪一下這燒烤屋。這燒烤屋位於九龍城太子道西，很多途經東九龍的巴士也會經過。可是，對習慣乘地鐵的朋友可能沒那樣方便。為美食要付出代價的。這裏的裝修簡單，感覺舒服。而且座位不會太迫，枱與枱之間有足夠距離。這裏的食物十分多樣化，餐牌琳瑯滿目。除了主打的海鮮外，還有很多其他泰國的傳統菜。我們一行四人總共點了以下幾度菜。 1) 原隻鮮魷筒釀糯米飯(⭐⭐⭐⭐💢):一看便知這是一個極花心思的手工菜。鮮魷外表烤得微燶，吃起來爽口彈牙。配合煙煙韌韌的糯米飯，吃起來層次感十足。2) 蒜爆胡椒炒虎蝦 (⭐⭐⭐⭐⭐):這碟菜一共有四隻虎蝦，新鮮而且大隻，肉質結實。值得一讚的是虎蝦事前已經清洗乾淨，除了蝦腸，十分貼心。炸蒜和胡椒也煮得十分入味，吃起來有點麻辣，十分惹味。3) 明爐香檸汁蒸桂花魚(⭐⭐⭐⭐⭐):中式桂花魚就吃得多，但泰式食法也是第一次。這桂花魚大條而新鮮，香檸汁不是太酸，但卻十分能帶出魚肉鮮味。配合明爐加熱，即使放久了，魚還是熱辣辣的。4) 泰

今天與媽媽探完朋友後，媽媽又嚷著要吃小曼谷海鮮燒烤屋。基本上家人每次來九龍城，不是吃小曼谷就是城寨風味🙄不過都是食物有信心保證才會吃😀最近媽媽說欠缺骨膠原，她一定要吃特色燒豬手，既便宜又滋補，不可不點😂每隻豬手肥瘦比例均勻，油亮光滑呈現焦糖色，充滿膠原蛋白的燒豬手，媽媽愛透了。單吃也不膩，鹹甜很涮嘴，豬皮上的毛也處理得很乾淨，軟滑不爛，推薦必嚐。至於我則愛旁邊的#蝦片 香脆度十足。燒原隻鮮魷筒釀糯米飯顧名思義是用燒方式來燒魷魚，看起來完完整整的一條魷魚，裡頭其實是暗藏玄機的，內臟去乾淨的魷魚「身體」裡包著糯米飯，一口咬下去可以吃到兩種不同的口感與風味。魷魚本身燒到微焦，除了焦香味以外還有濃濃的鮮香，然後它的糯米飯香軟度恰到好處，並沒有因蒸的時間長短的關係過於軟爛，我們都很喜歡，加上糯米飯中混合臘腸與冬菇，更是滋味。鹽燒馬友魚很新鮮，肉質細緻，送上桌已蓋不了它的鮮香，魚中藏著香茅，魚皮外上一層鹽巴去燒。當魚皮給我扒開的時候，肉汁不停流出，魚肉啖啖的甜味往嘴裡送，喜愛辛辣感可沾辣汁啊。芒果椰汁沙冰使用的芒果都是泰國產的芒果，喝起來自然是香甜可口，配上用芒果肉打成的沙冰和香濃的椰汁，喜歡芒果

真係好耐無入九龍城食飯，雖然九龍城區一向美食雲集，但對於 BeautySearch 來說沒有港鐵站的區域是搖不可及的... 前排，朋友帶我來到九龍城電髮，始發現，原來由公司到來，不用轉車，亦不需半小時，非常方便！所以，當有朋友再約我來這區吃晚飯時，已發現再沒借口推辭了。這次來到九龍城，吃的是近期 BeautySearch 不再懼怕的泰國餐。其實，一向都知九龍城內的泰國菜出名，而且，當中不少是由真正的泰廚主理，因而份外有泰式風味。而今次，我們揀選的「小曼谷」，在九龍城開業已有14年，最近仲新開左第5間分店。新店形象更年輕化，並且繼續秉承老店的宗旨，堅持每日使用最新鮮的食材。店內地方寬敞，以深木色位主，牆出掛了不少特色油畫，最得別的時，這裡有個小舞台，有註場歌手獻唱，只是當日我們未有遇上呢！其實，我都幾鐘意「小曼谷」的logo，一隻象徵了泰國的大象 logo，細看下，原來是「小曼谷」三字，實在非常巧心思。甫坐下，我們先點杯消暑飲品「芒果椰汁沙冰」，冰粒打得好細、好綿，還有濃濃的芒果香味；而又友的「椰皇沙冰」更是超級清甜，非常解渴！食泰國菜，BeautySearch 最愛點選併盤，貪其選多，

九龍城出名多泰菜，之前跟友人已經吃過昭拍耶。繼金麥泰之後，仍想一嚐泰菜，反正一場來到就吃盡好了。兩個人，四圍逛盡，一眼督見那充氣娃娃，手舞足蹈的，叫我不禁失笑。　　其實聽聞這家店子良久，不少認識的人都有來吃過。只是我道行未夠，同區其他餐廳的磁力總把我吸了過去，與之無緣。有室外座位，不過陽光普照，還是先到室內避避，待會去逛街時再感受日光都未遲。　　有趣小發現兩事，首先是餐牌上的泰文教學，以白話拼音彷泰語。不單只來吃，還算有點知識收穫，不知道會不會有人即場活學活用呢？店內還有咪有結他，看來是有什麼Live Band之類的，不清楚了。青芒絲伴筍殼魚　$189　　自從去旅行時吃過筍殼之後，就開始留意這種肉質稔嫩的美味。不點明爐魚，來過香口，炸的，且有一隻小辣椒圖示在旁。一盤盛得頗滿的菜餚到來，炸魚上面滿佈青芒絲。看上去有如多點了一份青芒沙律，入口絲絲清爽。微酸微辣，醒胃之餘，感覺自己省到了一盆沙律蔬菜錢。　　筍殼已是全熟之姿，炸得金黃不焦，沒有過份硬韌的部分。炸好後會澆上醬汁，炸皮吸收過後變淋，不過幸好未會太油膩。魚肉香稔不腥，炸過都不覺乾老，但小心魚肉不少。帶少許脆感的炸皮遇上惹味醬汁，鮮清

東南亞菜一向都幾鍾意，無論越南、星馬、泰國……貪其香料味變化多端，繼上次去咗南角道嘅「泰式素食」同老婆食咗一餐素食嘅泰國菜晏仔之後，今日再同屋企人嚟食番餐唔素嘅泰國菜午飯。雖然話九龍城有多好泰菜館，更不乏卧虎藏龍，之但喺小弟就無乜個人心水，不過，啱啱睇過相熟食友對「小曼谷」嘅食評，再Whatsapp問過都話唔錯，所以，穩穩陣陣就食依間。大熱天時、烈日當空，由樂富港鐵站行過嚟都咪話唔辛苦，不過，好彩有巴士直達到附近，真期望快啲有地鐵過到嚟九龍城。一入到店內，有別一般傳統嘅九龍城泰菜館，除咗門口無一座座嘅神神佛佛嘢之外，內裡亦唔多見有，竹排嘅裝飾，半藤半皮嘅座椅，算喺有點點特色，但勝在樓底夠晒高，令人感覺寬敞。原以為有啲午市套餐供應，原本星期日喺無嘅，我哋就只好散叫。一大一細兩個餐牌，大嘅喺主餐牌，有齊店方所供應嘅食物，如泰式沙嗲串燒、風味海鮮BＢQ、廚師精選、沙律類、炒菜類、飯類、炒河類、咖喱類、炸物類、湯類、飲品及甜品，足足過百款嘢食。而細少少嘅餐牌就主要喺一啲店方嘅推介，或者熱賣，包括各個類別，如無個人偏好，大可以晌依個細餐牌着手，集中試啲「精選」。餐牌內有多款沙冰選擇，定價唔貴，都

去完泰國之後，真係好想再食多次飛天通菜，所以就決定和家人一起再去止止癮，就走到有香港小曼谷之稱的九龍城找泰菜吃，既然來了小曼谷，就當然選了這裡頗有名的小曼谷來吃啦~ ! 其實新舖也開了一段時間，我又再想在舊舖和別人迫餐死，所以就到新舖吃，貪其裝修光鮮~ 最近香港的天氣比泰國還要焗，我不由得要點冷飲，所以選了青檸樂，這裡的青檸樂算是足料呢! 除了兩片青檸外，冰的底部也是青檸汁，添加了可樂後，喝第一口有點酸澀的味道，還真足料。一向愛吃糯米飯的老爸點了這裡的原隻鮮魷筒釀糯米飯，泰國傳統菜式很少有釀糯米飯這道菜，而且原條上感覺很足料。這裡的鮮魷筒很爽口，沒有那種蒸得「梅梅爛欄」的口感，而且糯米飯應該是先處理了才釀進去，否則這鮮魷筒就會變得很韌，這裡卻完全沒有這個問題，不錯。我的主角來了，這裡的飛天通菜是改良了的版本，沒有泰國般辣，是為香港人改良了的口味。這裡的辣椒絲也不辣，而且加了麵豉去炒我覺得有點奇怪，畢竟我在泰國吃的時候沒有這些調味料。 不過味道尚算不錯，雖然不能和泰國那裡可相比，但只$65元，價錢和份量也成正比，假如老爸不阻止我，我大慨會再order多一碟呢!這裡說是小曼谷海鮮燒烤屋，不