泰豊廔酒家

營業中

休息中

友人美國移民多年返港 第一件事梗係約返成班friend子出嚟食飯啦，佢話喺香港食咗好多餐茶餐廳同飲茶，而且當然唔想食西餐，所以我就諗到呢間要數到傳統京菜, 香港而家已經買少見少, 泰豊廔肯定可以數上一家; 而傳統京菜一定要求老師傅熟練手勢, 全部手工嘢; 顧客先可以食出箇中滋味😋秘製蜜汁火舫椒鹽小黃魚乾煸四季豆京式炸大腸蒜子上湯浸菜心苗砂鍋雲吞津白 (欠圖)叉子燒餅豆沙鍋餅拔絲香蕉由於太耐冇見，所以今次除咗欣賞食物質素之外，真係比較focus問候近況; 促膝詳談, 非常愉快嘅一個晚上; 同真正朋友見面, 選啱餐廳, 就係咁舒服!

自從北京酒樓和鹿鳴春結業後，一直想吃老派而不花巧的京滬菜，這次來到泰豊廔一解心癮。來這兒用餐，就不能期望可以「食環境」，因為無論是餐廳的門面，還是內部的裝潢都帶有老飯店的陳舊感，侍應也是清一色的老夥計。餐牌的菜式不外乎傳統的京菜，款式不少，大部分菜式都有大、中、小的選擇。我們一行五人點了三絲粉皮、醬爆里脊絲、小籠包、叉子燒餅、榨菜肉末、京燒羊肉和砂鍋津白。幫我們落單的叔叔建議我們點小份的就足夠了。未上菜前會先上泡菜和花生，泡菜惹味，辣勁很足，味道跟韓式泡菜有幾分相似。傾談之際，菜餚陸續送上枱。其中最出色的是醬爆里脊絲和京燒羊肉。醬爆里脊有鑊氣，豬肉絲軟滑，酸甜鹹香，非常惹味。京燒羊肉炸得乾爽不油膩，肉質肥瘦相間，調味恰到好處。榨菜肉末炒得透徹乾爽，唯榨菜的香味和鑊氣不夠突出，只是吃得出較單一的鹹味，雖然懷緬過去沒什麼作為，但這道菜北京酒樓做得較好。砂鍋津白正常，三絲粉皮一般。叉子燒餅是此行最令人驚豔的：燒餅烘烤得底面金黃，油酥皮做得層次分明，乾身而不油膩。燒餅厚薄適中，不會出現中間薄、兩頭厚的情況，反之若吃到最後，遇著收尾的一大團麵團，那就無趣得緊了。師傅做燒餅的功夫高明，比起北京酒樓

又有另一住朋友決定離開喇～ 出發前決定食返一餐傳統味嘅中菜，最後決定嚟到泰豐廔！ 訂枱嘅時候有問有冇咩菜可以預訂， 店員除左山珍海錯類之外， 仲推介「乞兒雞」，好耐無食過於是我地就留左一隻。 呢間已經有六十幾年嘅京菜館，非常適合一大班人食飯，除左小菜， 佢地嘅傳統京式長煙囪銅爐 邊爐都好出名。等齊人就上菜， 一嚟佢地拎舊石頭同個雷神槌出嚟係咩玩法呢？ 答案就係乞兒雞喇～ 佢仲叫我地自己去扑， 有得食有得玩， 不過我地個朋友太斯文扑唔開， 最後都係由店員代勞，入面嘅雞就真係不得了， 鮮嫩入味， 超級快成隻雞就畀我地掃晒食京菜， 填鴨就基本啦。 佢個填鴨係切得比較多肉， 同埋個餅皮都係比較傳統，厚身啲果種， 但係大啖大啖肉好爽呀！另一個招牌菜， 叉子燒餅， 又係食到停唔到果啲嚟， 將炸菜肉碎餡料放入面燒餅入面食，咸香鬆脆集於一身，正～！佢個大腸， 唔係炸嘅， 點埋個汁又係正蟹粉小籠 同 羊肉餃，當然而家未係最當做， 但係佢個蟹粉係包左喺入面， 香味好夠， 羊肉餃都係京菜基本喇～ 完全無投訴最後食埋佢啲甜品， 完滿結束如果講精緻中菜， 泰豐廔就真係唔係嘅， 但係如果想良朋歡敍，大啖肉大啖

十二月生日會，三位壽星仔話要食中菜，搞手靚女車話同事介紹咗呢間京菜館畀佢，食過唔錯咁話！壽星仔一聽到有片皮鴨食，like爆扑搥！是晚靚女車訂咗8點食，上到去已經見到枱枱客滿，已經有客人食緊羊肉涮涮鍋。侍應叔叔正忙住片鴨中，似乎大部份食客都叫鴨喎！傳統式嘅酒家，食物應該有番咁上下水準，大家懷著期待嘅心去一試！我哋決定先嚟個四人套餐，再加些少餸~1.三絲拌粉皮(套餐): 有兩碟醬料，分別係麻醬及芥辣醬，大家唔太好辣，只用麻醬搞拌，味道亦唔錯！略嫌粉皮較厚，有點兒似食河粉囉！2.千煸四季豆(套餐): 呢碟屬家常小菜，四季豆口感爽脆順口，拌上肉碎，送飯至！3.糖醋魚片: 酸甜開胃嘅一道菜，脆漿厚實係敗筆！4.水晶肴肉: 肉質嫩滑，肥而不膩！5.賽螃蟹(套餐): 口感滑嫩！6.金腿扒津白: 美味可口！7.菜肉水餃(套餐): 少菜多肉，口感油膩！8.叉子燒餅: 燒餅扁平，皮有點厚身，但不失酥脆，擺入榨菜碎肉同吃，口感特別，但較為乾身飽滞！9.北京填鴨一隻(套餐): 鴨肉厚，肥膏多，薄餅皮又似春卷皮，口感油膩！二食嘅鴨湯，非常淡，完全無鴨肉味！10.高麗豆沙(京式甜品，套餐): 豆沙饀太少，蛋白唔夠

跟台灣朋友食飯,一星期前訂了位,8點到達,入座率高,本店出名涮羊肉,但因朋友不食羊,沒有點,下次一定來試,點了3個菜,叉子燒餅，片皮鴨(半隻),砂鍋雲吞雞(小份) -埋單$510,叉子燒餅餅做得不錯,內鬆外脆配合面上滿滿芝麻粒,口感一流,配餅的榨菜肉碎一大碟就沒什麼驚喜,味道一般.片皮鴨(半隻)份量有點少,但鴨的油脂很香,配合一部分鴨肉,不會過膩,薄餅皮一般都是一整籠上枱保存溫度,這邊是碟上,雖然不是熱上,竟然不會硬,皮薄而軟.食了幾片,看到有皮烤得黑了,要求換,待應都立即安排砂鍋雲吞雞(小份)雖說小份,但份量都不少,雲吞約有10粒,菜的份量都多,叉子燒餅吃多了,食雲吞雞就能減下乾乾的感覺.高力豆沙(免費)還好是送的,可能不是即做,所以不太好食

今日同爸爸慶祝生日特登搵間傳統京菜食食物依然保持水準不過炸菜碎肉就麻麻差過以前最鐘意食呢度既填鴨同餃子最後再送多過高力豆沙做飯後甜品老酒樓都有一份人情味待應服務很好送上蛋糕更送上祝福

提早的父親節飯，一行六人到媽媽推介的泰豐樓用餐，因為訂左位，所以唔洗等位，一坐低點左個八人餐，我又鐘意食小籠包，所以另外叫左一籠。上菜速度非常快，只係幾分鐘已經上滿左一枱美味既餸。必食當然係北京填鴨啦，皮脆，肉嫩，油多，味足，只係為左佢，已經值得再黎！叉子燒餅，我會月建議攞走，因為一定食唔曬！就算攞到返屋企，仍然咁好味！小籠包，一定要小心㚒因為皮太薄，好易流曬啲湯出來！一頓完整既晚餐，當然要有甜品啦，不過今次既高力豆沙，就擔起令我更欣賞其他餸既角色。總括黎講，今次都算得上係一次美味既嘗試！

2個中學同學生日，一行7人想搵個地方方便聚舊傾偈，就揀左呢度！招牌菜係北京填鴨，呢個當然係必點菜式︰呢度的鴨唔係淨係得層皮，而係填埋有肉，食起上黎口感豐富好多，又冇咁滯，正！小小的缺點係青瓜太少，因為填鴨同醬汁的味好濃，青瓜可以調和返，如果有多D青瓜拌住就好啦！另一招牌菜係叉子燒餅︰侍應話D榨菜肉末有少少辣，但其實我完全唔覺得佢辣！反而又些少鹹就真，不過配埋燒餅就OK，燒餅上舖滿芝麻，好香口~呢碟都幾飽肚架...壽星公想食砂窩雲吞雞，黎到有一大窩，侍應叔叔幫我地分好哂一碗碗咁，個湯夠清甜，我好鍾意！雲吞內就係豬肉，都幾鮮甜，但就寡左DD~其他餸仲叫左火腿津白、賽螃蟹同埋糖醋魚塊，呢幾味就比較普通了...賽螃蟹雖然滑但唔夠香，糖醋魚塊酸酸甜甜係幾醒胃，不過略帶魚腥~津白就無咩特別啦。食完飯，酒樓仲送高力豆沙，食到好飽，D餸多到食唔哂要打包！最後有個Cake1Cake出品的生日蛋糕同朋友賀牛一，大家都覺得幾好味！侍應態度好好，好有禮貌！不過除左北京填鴨覺得好好食外，其他只算係不過不失，未至於去到好好食！佢勝在價錢唔貴，一大班人約出黎食中菜，如果唔想花費太多，呢度都係一個不錯的選擇！

慶祝同事生日, 選擇了這裏, 大家在頭痛點甚麼菜時, 仕應推介套餐, 在大家沒有異議下, 就叫了一個八位用的套餐. 三色大拼盆 – 泠盆, 不過不失. 芙蓉三鮮 – 樣子有點似賽螃蟹, 但味道並不出眾, 很普通的菜式而已. 鐵皮宮保明蝦 – 蝦夠大隻, 味道也不錯, 可能我比較喜歡吃甜酸野. 北京填鴨 – 也是普昔通通咁, 唔覺得比別的店子出色, 尤其是餅皮, 唔知點解覺得佢賣相唔得, 黑黑地. 醋溜鮮魚 – 全個套餐最好食呢個, 皮脆, 魚肉夠嫩滑. 加埋惹味的甜酸汁, 好味 紅燒鮑片 - 非常普通 鴨架子湯 – 很清的湯, 冇咩味, 可能這才是沒有味精啦. 炸菜肉末 – 通常是叉子燒餅的餡料, 如果就咁食, 會比較咸, 但好似得咸味, 可能炸菜太多的關係, 食唔到第二樣味道. 叉子燒餅 – 夠鬆脆, 可惜炸菜肉末差左d, 如果唔係, 呢個配搭的味道會更好. 京式甜品 – 甜品係高力豆沙, 可能枱枱都係高力豆沙, 所以整定好多, 我地果碟可能咁啱放耐左, 唔熱,, 外表已經唔係好漲, 所以都係麻麻地.整體來說, 只可以用不過不失來形容, 味道尚可, 都唔可以叫做差. 可能食慣了京菜,