蒙麵車仔麵 (已搬遷) 新店位置

記得一年前第一次到訪這一家車仔麵小店，到今次已經是第四次到訪。雖然餐廳的位置不是十分方便，但我和女友已經四次到訪，可見它的魔力所在。 有別於一般餐廳用茄膏煮蕃茄湯底的做法，這家小店最用心的地方，莫過於用上原個蕃茄和薯仔來煮出它的蕃茄薯仔湯底，湯底清甜濃郁而不膩，連米線一起送入口中，更是一陣陣鮮甜的味道。 是日光顧為麵店開張的五週年慶祝期間，全日下午茶餐供應，可選兩款餸及一款烤雞翼（兩隻）連一杯菜蜜，都只係＄３０，十分抵食！ 因為我們都加了＄６轉蕃茄薯仔湯底，變相多了蕃茄和薯仔兩個餸，所以每人叫多兩個餸都夠食！而我們最後選了：鹵水豆腐（豆腐軟滑入味又不會太咸）、香茅魚餅（香茅味突出但不過份，比較特別的選擇）、蘿蔔（煮得夠腍、沒有渣）、菜甫蛋角（像普通煎蛋，相對比較失色）。下午茶餐的雞翼，我們點了蒜香生炸雞翼和香草烤雞翼，另外亦追加了女友最愛的烤叉燒串（＄１３）。這裡的叉燒串可說得上是蕃茄薯仔湯以外的必點之選，叉燒肥瘦均勻而蜜汁濃度適中，而烤物更是即叫即做的，所以熱辣辣十分可口！ 店內環境雖然不算是十分舒適，但以每人＄４０左右就可以食到咁豐富的晚餐，絕對是超值之選！有質素的小店，一

三餸米粉：牛筋、香茅魚餅、豬紅 配 蕃茄薯仔濃湯牛筋夠入味，炆得夠軟腍；魚餅香茅味濃，但又不會蓋過魚肉味，夠爽口；豬紅爽而微韌，滷水味濃；蕃茄薯仔湯大大碗十分足料，清而濃郁，與米粉確是佳配 三餸米線：蘿蔔、咖哩魚蛋、牛肚 配招牌辣汁(小辣)蘿蔔爽腍度剛好，但未夠甘甜，而且有少許渣；咖哩魚蛋細細粒但爽口，咖哩汁稍為偏甜；牛肚爽口彈牙，同樣炆得夠入味；招牌辣汁果然香辣惹味 招牌蜜汁叉燒串是自家調製即叫即燒，雖為瘦肉，但燒得剛好，有咬口之餘仍保持肉汁，不會又老又韌的感覺，蜜汁甜度剛好，燒得香口惹味~ 果然食過翻尋味 其他串燒亦即叫即燒，墨魚丸串每粒開半，調味剛好不會過鹹，略嫌墨魚丸本身未夠爽口彈牙~ 還有麻辣燒雞翼，麻香撲鼻，辣在舌上，夠滋味   二人大吃一頓，捧腹而回，也不過一百餘元，確實性價比高的車仔麵檔

經常係紅磡出沒  就黎試下蒙面啦舖頭細細  空間的確唔大  要坐得舒服既呢到唔係選揀之一但係醫肚既  呢到就無問題喇話哂呢到叫蒙面  就梗係黎呢到食面啦我就叫左個雞翼尤魚米線牛腩湯雞翼係滷水既  尤魚兩樣都幾好食***不過呢間既米線就唔好食了  我比較鐘意食D淋淋地既米線但係佢地既米線就無咩味同硬左少少但係朋友嗌左河粉  我試過  好好味!!!所以再黎既朋友要識揀啦  揀河粉會好食過米線呢蒙面除左面,  都仲有小食嫁不過可能因為多人黎食既關係,  D小食都唔平我見佢以前既報導係6蚊串野食  但依加加到9蚊串呢 (可能因為通漲)不過呢個叉燒串真係幾好食既  蜜汁味濃啖啖肉唔肥好味道再叫左雞翼同墨魚丸串  墨魚丸串同普通燒墨丸無咩分別都好食既雞翼就正  都係蜜味雞翼甜甜地滑嫩嫩  GOOD TASTE食物唔錯,  可以一試 :-D

夜晚八點幾，同女友特登走過嚟食。之前有機會試，不過喺門外望幾眼，冇乜食客，所以冇試到。今次見坐滿人，就入去食吓。坐低落咗以下Order：1. 菜甫蛋角牛筋水餃油麵配蕃茄薯仔湯底2. 蠔仔煎蛋豆卜香茅魚餅幼麵配蕃茄薯仔湯底3. 蠔油菜芯4. 叉燒串轉個頭就有得食，不過招呼我嗰個哥仔講咗句「水餃後上」。我就唔客氣食咗先。先試到係足料，起碼湯底有蕃茄味。牛筋雖然彈牙，但係湯底味道吸收唔到；敗北嘅重有菜甫蛋角，睇個樣幾好味，但係一粒菜甫都食唔出，猶如食一隻普通蛋角。同一時間，女友發現後面有個嬸嬸包緊水餃，心諗即叫即製，應該都唔衰得去邊。蠔油菜芯上枱，我食落就冇乜嘢，但係女友即刻話啲蠔油鹹過乜！之後女友碗麵都上枱。呢碗啲料反而好味喎，魚餅有魚肉味，又夠彈牙，食多幾啖都唔厭。蠔仔煎蛋隻隻蠔仔都好肥美，一啖一隻蠔仔好足夠，啲蠔又唔腥，又夠蠔味，呢碗真係讚！叉燒嚟埋。食落同自己去BBQ自製嘅蜜汁叉燒一樣味道，不過佢燒得幾脆口。食咗冇耐，我碗麵嘅湯底色變咗做腩汁色，一啲都唔似蕃茄湯底，當然味道依然。不過食到差唔多食完，「後上」嘅水餃仍然無影無蹤，嬸嬸又包完水餃，梗係追單。一問之吓原來庤房唔記得烚……五分

見到蒙麵，就想到食評中見過此店，只因它的名字夠特別。想不到來紅磡的次數多了，又一次想不到吃什麼，在附近走了一轉後，最後還是來蒙麵一次。小店地方淺窄，只有數張抬，來到時店員說 “大把位”，真的 “打了個突”。很快坐下看餐牌，就會發現價錢是相宜的，二十元有三送，加五元多一個送，加三元有一杯小豆漿。第一碗是豬紅、蟹子丸和牛腩的河粉加沙嗲汁。豬紅的不會太鬆或太實，不知是不是口已經辣了，所以吃這個有點辣味，更能突出豬紅的味道。蟹子丸沒什麼好談，與打邊爐吃的一樣，中間有爆餡。牛脯比想像中淋和入味，而湯只是一般，也不見會自動加腩汁。第二碗是豬皮、牛筋和芝士丸，點了油麵加辣汁(小辣)。豬皮算入味，可惜太淋了，是完全沒有咬口，是敗筆之作。牛筋膠質有，也入味的，如果可以不切得那麼細和碎就好了。芝士丸和蟹子丸一樣，也是為了熱辣辣的餡。最後談湯底，點了小辣，那些辣不太香。加八元要了叉燒串，肉質很好，咬下去是軟淋的，蜜味也夠，如果可以多一些烤邊位，將會更加吸引。其實未算出色，不過附近少車仔麵店，如果突然想在紅磡吃一次也沒不可。