The Night Market (士丹利街) (已結業)

雙十日子就係去左食台灣野，之前分別係圓方及又一城經過過呢間餐廳，睇個名同裝修格調以為係食西餐，點知原來係食新派台灣菜，仲要係連鎖餐廳。環境位於樓上舖，佔兩層，中環分店唔似我之前經過果兩間分店咁有華麗既門面，可能因為係樓上舖，面積不大，故沒有位置再放門牌，但內裡裝修比人感覺都舒服，仲有趟門除左裝飾用途仲可以拉開放袋係入面，設計周到。黃金炸苦瓜 $88台灣菜招牌之一，鹹蛋黃炸苦瓜，外層炸粉夠薄夠香口，苦瓜甘香脆口，兩者互相中和。招牌三杯雞 $98小菜必數三杯雞，三杯為麻油、醬油及米酒，仲有不能少冰糖及九層塔。上色好靚，雞既偽份量都多，外層沾滿醬汁，香濃且甜度夠，用嚟撈飯一流，雞肉肉質亦幾嫩身，忍唔住食埋啲薑同九層塔，實在惹味。古早魯肉飯 $62一向定價低既魯肉飯，呢到售價$62，以香港台灣菜餐廳既魯肉飯嚟講，價錢確係比較昂貴。魯肉飯向來係細細碗，魯肉份量適中，為半肥瘦，撈匀再食就略微唔夠汁撈。招牌牛肉麵 $108點少得食牛肉麵，有牛腩、牛筋，湯底仲有少許榨菜，鹹度適中，麵質彈牙，牛腩牛筋都幾入味，肉質不會過老，正常發揮。總括而言，中環定位價格，服務不錯，食物之中黃金炸苦瓜及招牌三杯雞亦岩我

TGIF 中環放工又係時候同老公初體驗啦～貼心的老公下午訂好座位 舒舒服服開餐雅緻的杯碟充滿空間感夜市鹽酥雞 $82 香酥美味 不太乾 個人覺得不沾醬汁都得黃金炸苦瓜 $82 最喜歡的一道 苦瓜夠澀 配上剛好包覆的咸蛋黃 形成互相調和的美味三杯雞 $96 一上菜噗滋噗滋陣陣飄香 醬汁做得到位 雞肉嫩滑入味蚵仔煎 $82 蚵仔新鮮 蛋皮亦弄得厚薄得宜古早魯肉飯 $56 OK魯肉油脂分佈不夠勻稱 味道平平 雙圓冬瓜奶茶 $38 芋圓煙靭 冬瓜茶與奶茶的比例調得好 不搶兩者味道雙圓冬瓜茶 $38 孕期至尾聲 飲飲涼野都不怕了 看著餐牌時 店員主動貼心推介幾款不含咖啡因的熱飲 貪吃的我很喜歡這道 有嚼口的芋圓 又有甜度適中的冬瓜茶店子食物不算便宜 但勝在有質素 環境服務也很到位 偶爾想犒賞一下自己 這裡是不錯的選擇呢

餐廳名稱叫Night Market ，原來喺食台灣菜餐廳位於士丹利街11號餐廳裝潢優雅，天花掛著大吊燈，環境唔錯餐廳標榜無味精，食得健康鹽酥雞， 外面炸得香脆，雞肉幼嫩，一尐都唔油，幾乾身滷水拼盤有牛肚、豆腐及豬大腸豆腐比較梗身，滷水味道濃，食落口感似豆卜豬大腸好腍身，咸味啱啱好，好味道饒河蚵仔煎 賣相有別一般蚵仔煎，呢度用左薯粉，所以邊位呈透明，食落好煙靭，有口感蚵仔大隻，新鮮美味，一尐都唔腥古早魯肉飯，魯肉半肥瘦，呈粒狀，好幼滑，加埋醬汁拌飯，好好食

自從冇係中環返工之後, 好耐冇見之前一齊係中環返工嘅老友, 果陣因為大家都未結婚收工時間又差唔多, 一個月總會有幾晚約埋開餐同睇戲。適逢'豬豬俠'新一集又上映, 之前幾集都係同呢個老友睇, 咁當然要約一約咁耐唔見嘅老友睇, 聚聚舊啦。老友星期六收18:00, 所以我地約18:00係中環食完飯再睇戲, 由於我已經冇係中環返工幾年, 今次食呢間The Night Market都係老友推薦的。The Night Market都幾近蘭桂坊, 餐廳分開係2層樓。到餐廳時因為時間尚早, 我地兩個可以好似包場咁。😂不過坐左一陣食客已陸續進場。The Night Market雖然係食台灣菜, 不過裝修好華麗, 裝飾擺設甚至餐牌都好有格調, 比較似高級日式餐廳。😳店員服務好熱心, 我地坐底揀緊食咩嘅時候佢自動問我地需唔需要先點飲品。👍 咁當然, 黎台式餐廳點到要飲珍珠奶茶啦。😄The Night Market菜式都幾多, 除左有一般台式餐廳必有嘅三杯雞, 魯肉飯呢d之外, 仲有好多特別嘅菜式。除左老友推介嘅咸蛋炸苦瓜, 我黎之前都上個Openrice睇過其他人介紹, 最後點左三杯雞, 麻婆豆腐, 蚵仔酥