嵐橋丼飯專門店 (已結業)

上次係綿登徑食日本燒肉…經過見到嵐橋都幾好生意…就八掛想黎試下😂😂…訂左830pm…都幾多人等位…去到都要等一陣先有位…估計味道應該唔錯…同埋生意好…d野食一定新鮮原先想試下魚生飯…不過朋友話經過門口…見到雪櫃魚生好靚…加上人地食既壽司都幾靚…咁就叫壽司set加個鰻魚飯同椰菜卷。先奉上味噌湯…呢個湯好好飲…唔會太鹹…又夠熱…仲有幾舊豆卜…好有之前日本飲到既水準之後壽司黎到…個樣就好正…有海膽…甜蝦…三文魚…帶子…魚子…toro…蟹肉…等等10款壽司…所有壽司都好新鮮…最正就係海膽…好濃好甜好新鮮…份量都好多…一d都唔孤寒。帶子我都好鍾意…口感好糯…又甜。朋友既鰻魚飯都分左d比我…好多時鰻魚飯個汁都過甜…呢度啱啱好…而且有兩款鰻魚…兩款都好好味…之後到個椰菜卷…呢個啱哂食完濃味野…好清…椰菜卷浸起個清湯度…椰菜入面係豬肉餡…成個菜又好味又健康最後點多個燒日本甜蕃薯…好甜好糯整體食物質素真係唔錯…加上價錢好合理…服務又好好…應該好快會再黎試下其他野…

近期同事介紹嵐橋丼飯專門店，今日下班後，於是與閨蜜一同試下。嵐橋位置在棉登徑，整間店充滿日本的味道。幸好時間尚早，所以不用等位，陸續都見到有客人入座。餐單都花多眼亂，款款都想試，而且各式刺身丼，送味噌湯。今日點了一個赤鯥丼，有赤鯥4件，三文魚，白身魚，松葉蟹肉，蔥花吞拿魚蓉，三文魚籽，蝦刺身。丼配上壽司飯，沙律菜，胡麻，紫菜，薑，芥茉。赤鯥似火炙過，三文魚，白身魚新鮮肥美，而蝦刺身爽口，蝦頭的蝦膏好鮮甜。我最愛蔥花吞拿魚蓉，方便一啖吞下。雞胸軟骨串及免治雞肉捧，這2款小食，串燒燒得香口，免治雞肉捧啖啖肉，雞軟骨爽口易較。

懷念從前在東京築地食過的剌身丼飯，今次同老朋友相約聚舊，便決定去尖沙咀~嵐橋丼飯專門店吃飯。店舖小小，但充滿著日本築地，海鮮市場風格，門口已有一條活躍著的海魚。店內洋溢著壽司醋的香味，口水已經開始分泌著了。先來碗味噌湯滑滋潤下喉嚨先。蜜柑鯛丼，季節限定，入口魚肉有微微柑橘香氣，魚味鮮美。三文魚，油甘魚，肉質爽口鮮甜。牡丹蝦，甜度超高，松葉蟹肉，新鮮美味，海膽，清淡甘甜。火灸辣味吞拿魚丼，厚厚的火灸吞拿魚，帶點火燒的味道，質感軟腍。吞拿魚蓉拌鵪春蛋，拼白飯吃，口感一流滑溜。串燒牛舌，口感嚼勁和肉汁豐盈，串燒黑豚腩，燒得好香口，非常鬆化。雞腎，爽脆有嚼勁。整體串燒，師傅燒得很不錯。

今日放咗學得一個人食午飯，走左去尖沙咀逛逛，因為有朋友介紹我位於尖沙咀的嵐橋丼飯專門店，今餐就吃丼飯。我也上OpenRice睇睇介紹和評價：「主打高質海鮮丼，部份食材每日新鮮空運到港。選用日本米，可選赤醋壽司飯、冬菇飯及麻油飯，亦有少見的喜之次、赤睦、鮑魚、日本象拔蚌、北寄貝等海鮮。」交通挺也方便，我從尖沙咀P3站 乘升降機出到地面，步行一分鐘已到達，小店鋪是丼飯專門店，款式頗多，真係有麻雀雖少，五臟俱全之感。 海膽甜蝦魚籽丼飯套餐$168，沙律、味噌湯、前菜、飲品。     清爽的沙律菜佐香醋麻油，為我帶來開胃感覺。豆腐粒粒海帶味噌湯，味道濃郁。前菜~關東煑，較大顆的是魚餅，較細顆的叫小半天，吃到有雞軟骨的。主角來了！海膽甜蝦魚籽丼飯，高身的大飯碗，承載足量的米飯，微微赤醋的有味米飯，帶來美味和温飽。份量不少的鮮甜海膽，質感細膩，幾乎入口即溶，還有爽脆的子薑，甜蝦的質感有點點綿滑口感，魚籽反而是我不太接受。怪有趣的甜蝦，光著身子也是為吃得方便而已。熱柚子蜜，完結美好的午飯！                 

嵐橋是一間在綿登徑的日式料理店，以丼飯為主，以前綿登徑是酒吧街，近年已變成不同國籍料理坐落的地方，而日式料理自然是其中之一。坐下點餐後，店員為我們奉上了味噌湯。赤味噌湯赤味噌湯入口香濃，咸淡適中，喝完不會感到太濃味而口乾。極上海之幸($258)鮑魚、大拖羅、池魚、金目鯛、海膽、松葉蟹、牡丹蝦、三文魚籽、拖羅蓉等等，多不勝數的材料及細心的佈置，實在是美不勝收。每樣材料新鮮嫩滑，如拖羅和池魚入口油脂豐富，拖羅蓉和海膽濃郁美味，金目鯛和牡丹蝦又爽滑清新，松葉蟹肉和鮑魚惹味彈牙，各有特色，互相襯托相影成趣，既不會搶過其他刺身的風頭，又令每口飯的味道層次更突出。而丼飯用料多之外，其飯底亦非常有飯味，配合各種海產一同進食實在天衣無縫。喜之次丼($278)比起海之幸，喜之次的刺身種類較少，仍有喜之次、油甘、海膽、金目鯛、牡丹蝦、松葉蟹，當中最特別有一種稀有海產，它就是喜之次，有「海中紅寶石」的美譽的牠，絕對稱得上是可遇不可求的珍貴魚王。由於捕獲困難，保存困難，所以一直都貴價食材。一看到喜之次丼，立即夾起一片品嚐，入口發覺肉質細嫩且膠質豐富，油脂感不下於其他深海魚，味道一流。之後再點了關東煮及炸物竹輪