囍八方 (差館上街)

營業中

休息中

上環自家制餃子🥟上環有好多好食既小店，今次嚟到位於差館上街食餃子。一入餐廳，已經見到廚房既店員系度包緊餃子，餐廳播住耳熟能詳既廣東歌，環境亦令人會坐得幾舒服。🥗 麻辣雲耳青瓜、鹵水蛋叫左一個常餐，跟餐會有前菜小食同飲品。雖然個名叫麻辣雲耳，但食落就一啲都唔辣，而且作為冷盤都開胃，不過青瓜同雲耳就切得太細粒，食完唔太夠喉。🥟 五福臨門五福系指五款餃子，包括芹菜餃、西洋菜餃、韭菜餃、鮮蝦雲吞、鮮蝦菠菜餃，共10件，岩哂啲每款餃子都想試下既人食。餃子皮又薄又滑，餡料調味得宜，濃淡有致。最鐘意既系鮮蝦菠菜餃，兩款餡料夾得嚟又唔會搶左對方既味道。🍵 囍八方冷泡茶用電解還原水衝泡，飲落都覺得健康啲。

之前喺上環見到呢間中式小店都無為意佢叫乜名，原來佢係「囍八方」。咁佢咪即係由深水埗開到去上環😳，兩區格調好唔同喎！上環店賣嘅食物款式比深水埗店還要多，但價錢就稍為貴少少啦。除咗餃子外🥟，呢度仲有賣飯餐、撈麵、車仔麵同各式小食等。煎粟米香菇鮮豬肉餃($47/6隻)，餃皮偏厚，輕煎所以個底唔算好脆。豬肉餡相當多，當中混入咗粟米粒🌽同冬菇🍄，以增加口感同豐富口味，而且佢亦算幾多汁。湯素餃($48/6隻)，湯餃同煎餃嘅口感有所不同，湯餃就可以品嚐到餃皮嘅滑。素餃嘅餡料其實都有粟米同菇，但就當然無肉，感覺健康💚。另外，素湯味道幾特別，清清哋，可以濕下口。農家粟子炆鴨飯($56)，飯餐會奉送一碗美顏骨膠紫菜鮮魚湯，湯品煮至奶白色，幾好飲，又唔腥。粟子炆鴨幾大碟🦆，不過要噒骨…，但味道都OK，唔會太鹹。白飯一碗，如果唔夠可以添加一次🍚。囍八方冷泡茶($26)，冷泡茶用樽仔裝住🍵，茶味清香，估計應該係綠茶底。小店喺餐牌度強調住係用電解還原水沖製，好搞笑😂。枱面上放有調味料香醋同辣菜甫，後者辣度好厲害🌶，但亦好脆口，令人又愛又恨。總括嚟講，餃子店喺香港多的是🇭🇰，但囍八方係幾有自家特色嘅，裝修亦比較有心

Happy Friday! 星期五收工之後行左上山晚餐，又試試新野先，今次係餃子，地點係位於上環差館上街既囍八方。其實我真係幾鍾意食餃子，以前收工收得夜，都鍾意簡簡單單快快脆脆淥一包即食餃子加d菜就一餐。今日係我第一次出街特登食餃子。喺呢度有間紅噹噹嘅餐館都幾得意。入面有幾張枱，座位唔多，不過勁光猛。餐牌有湯餃，煎餃，雲吞，丸，小食，可加$12加麵底落湯菜品，麵底包括米線，米粉，河粉，生麵，上海幼麵，上海粗麵，淮山麵，出前一丁。餐牌亦都有套餐。第一次黎，咩都試下先，叫左一個撈麵，煎餃同湯餃試下水準先。沙爹肥牛撈麵 $48肥牛都有好幾塊，唔算韌。個沙爹汁少少辣，幾好味。麵係生麵，雖然腍左少少，都仲有咬口。伴碟仲有半條生菜。跟紫菜骨膠鮮魚湯跟沙爹肥牛撈麵有紫菜骨膠鮮魚湯，係奶白色架，飲得出係魚湯。加左少少紫菜同蔥花調味，健康好飲唔覺有味精。招牌煎西洋菜鮮豬肉餃 6隻 $39招牌煎西洋菜鮮豬肉餃新鮮煎起，皮超脆同辣口，入面都算足料。自己倒枱上嘅上海米醋調味，個人略嫌米醋味道較淡。骨膠鮮魚湯芹菜鮮豬肉餃 8隻 $49湯餃真係不得了，皮簿饀靚，入面超多芹菜粒，啖啖都係脆口，唔洗點醬都好味。個骨膠

我一向都鍾意食餃子，喺上環慢慢行下行下見到有一間望落裝修好懷舊嘅餐廳，一睇有餃子食就入咗去。餐廳門面用紅色框框圍住，一眼就見到。骨膠鮮魚湯西洋菜鮮豬肉餃 (42/ 8pcs)呢個餃子真係超級好食，呢度嘅餃子係餐廳每日新鮮自家包嘅，睇相可以見到非常之飽滿，咬落去好新鮮，西洋菜同豬肉嘅比例啱啱好，非常推薦。湯底都唔錯，不過餃子搶咗焦點，因為餃子實在太好味。煎粟米香菇鮮豬肉餃 ($36/6pcs)食完湯餃就食呢一個邪惡嘅煎餃，食到非常之香嘅粒粒粟米同香菇，呢個組合冇得彈。自家製豬軟骨撈麵 ($49)呢個豬軟骨撈麵係一個餐，跟埋一碗骨膠紫菜鮮魚湯，豬軟骨大大舊有成三舊，仲有啲蝦子麵係非常之爽口彈牙。湯係同上面嘅湯餃同一個湯再加啲紫菜。好好品嚐呢碗湯，真係好鮮甜，同埋呢度標榜無添加任何味精，果然飲晒都唔會覺得口渴。餐廳嘅自家製菜莆好惹味，用佢黎撈麵或者點餃子都唔錯。囍八方冷泡茶 ($26)呢個樽仔非常之可愛，枝茶凍冰冰非常清涼，原來仲係用電解還原水去泡嫁。

之前聽過朋友介紹上環差館上街有間主打上海水餃、雲吞、煎餃嘅餐廳，好似幾好味。今日經開西營盤就順便去埋上環試下佢，睇下咪真係咁正。囍八方嘅餃子聽聞全部都係每日用新鮮蔬菜、豬肉手工製作，百分百無味精，即包即賣，唔會留過夜。今日嗌呢個囍八方煎韮菜鮮豬肉餃 ($36) 嘅餃子皮煎到金黃酥脆，一咬就聽到卜卜脆嘅聲音。韭菜香味突出，豬肉亦帶肉汁，味道好濃郁。 另一個骨膠鮮魚湯鮮蝦菠菜餃 ($52) 一碗有八粒，粒粒飽滿多汁。湯餃皮透薄滑溜，見到入面透出粉嫩蝦肉同墨綠色菠菜，好足料。骨膠鮮魚湯呈奶白色，魚味香濃，帶淡淡胡椒味，一d都唔腥，我成碗飲曬。 囍八方冷泡茶 ($26) 亦都唔錯，清涼爽口，而且無糖好健康。

中上環區的食肆都遍佈在東南西北,有時候你多探索可能會有意想不到的驚喜。最近朋友推薦一間上環絕罕有的餃子小店,趁著今晚就親自落單叫外賣買回家,即使要等15分鐘也是相當值得,因為味道出色,價錢實惠。囍八方冷泡茶 26/支 (跟餐附送)應該是綠茶? 與樽仔奶茶相得益彰的飲品,一甜一健康,相信是台灣的茶葉吧?樽仔奶茶 26元/支   (加餐13元)非常出色的自家製冷凍奶茶,甜度適中不會過甜,而且品嚐出茶葉的香味,相當值得加配的選項。蝦子粉蝦球撈麵   68元最令我驚喜的是新鮮大隻的蝦球,麵條完成沒有鹼水味,由於我較喜歡蝦子粉,所以沒有要XO醬~骨膠鮮魚湯西洋菜豬肉餃  45元100%沒有味精的骨膠鮮魚湯就是100分,西洋菜豬肉餃明顯是店自己現做現整,滿滿新鮮的口感,難得~煎餃 - 粟米香菇鮮豬肉餃  47元同樣是另一款即叫即煎的餃子,不同的是泡製手法,個人更喜歡粟米香菇與豬肉的組合,絕對要叫的餃子~適宜的價錢配上高質素的餃子,在中上環區是絕無僅有的小店,有機會的話一定要試,不會失望。

今天午餐吃多了，決定吃一個輕晚餐，少鹽少糖無味精的餃子店絕對是一個好選擇囍八方上環店紅噹噹招牌的招牌感覺新潮，店中沿用紅窗木桌等古風原素，再以輕金屬點綴骨膠原鮮魚湯鮮蝦菠菜餃皮薄足料，蝦大大隻十分彈牙！湯色奶白，魚味濃香煎粟米香菇鮮豬肉餃香香脆脆，外焦裡嫩餃子全部均是手工製作，配上自家製辣菜譜及上海米醋，味道更上一層樓蟲草花鴨腿湯飯跟一碟蠔油時菜！湯頭清甜，送飯一流以電解還原水製的囍八方冷泡茶不單香純，還可以大大清了口中的味道樽仔奶茶自家拉調，茶味濃郁又夠滑

放工時間嘅上環半山區，好多酒鬼上去酒吧蒲，不過慶祝TGIF唔一定要蒲吧嘅，邊個話happy hour一定要隊酒，大胃偏偏就係要蒲餃飲奶茶都可以壞過凱婷㗎，仲要好鬼好飲囉，茶奶味均勻濃厚冷泡茶除咗洗滌腸胃，仲可以洗滌埋心靈煎餃塊皮炸得好靚，顏色滿分食之前落啲醋同菜脯先醋香得嚟又夠清新菜脯係全素，天然得嚟都夠刺激㗎完全帶出咗餃子嘅鮮味，調味真厲害滷水蛋大粒又入味，係晚餐嘅完美點綴手拍青瓜同雲耳都好爽脆，仲好惹味𠻹呢間主打無添加無味精係不錯的，一飲湯知真章雲吞好嫩口，感覺好溫柔開喺呢個地方，更添隱世美食嘅風采

收工經過，發現原來有間餃子店都開左一段時間，即刻入來試吓。骨膠鮮魚湯西洋菜鮮豬肉餃一碗有8隻。鮮魚湯每日新鮮熬製，飲到魚湯既鮮味，唔腥亦唔會有落左味精果種咸味，好有屋企人煲魚湯既感覺😋 至於西洋菜餃子，都係每日新鮮自家製，真正做到皮薄餡靚，好好食😍自家製辣菜脯自家製作真係好有心思，算係微辣，試完幾隻原汁原味既水餃再落少少菜脯，就更架惹味😋囍八方冷泡茶以電解還原水泡製，茶味夠哂香濃。韭菜豬肉餃見有唔少熟客都買生餃，決定買份煎餃返去做聽日午餐😋 無落防腐劑既關係，要放冰格冷藏，七日內好煮泥食。

係上環嘅一個街角最近開左間好吸引眼球嘅餃子店🙌🏻紅色為主調嘅裝橫配上石屎，新派中菜嘅樣貌🥳內裡亦有一股東主有喜嘅喜慶氛圍諗住要儲足精力ot，所以都食得比較多🤣麻辣雲耳青瓜，清新開胃嘅前菜，少少辣，惹味非常~麻辣滷蛋，用上蛋黃較大嘅雞蛋，所以蛋香非常足👍🏻骨膠鮮魚湯韭菜鮮豬肉餃，里度嘅餃子非常飽滿，皮薄但不破，做得非常好，根據店員講，餃子都係每日現做，保證新鮮😛食嘅時候店員亦推薦試舖頭自家制嘅菜脯，微辣帶咸香😋骨膠鮮魚湯粟米香菇鮮豬肉餃，係我平常都非常鍾意嘅組合，粟米嘅甜配上菇嘅香，令人著迷嘅味道，另外里度嘅鮮魚湯底嘅鮮甜都襯托到餃子更富層次😛放縱的吃🤣再黎一個煎素餃🙈煎餃實在邪惡，叫素嘅感覺良好少少，餡料有木耳、粟米、椰菜等，富爽脆嘅口感，本身餃子皮煎得香脆，亦唔會因為餡料蔬菜帶水份而變淋，很不錯👍🏻飲品選擇都幾多，我同朋友就被樽仔奶茶同冷泡茶吸引，樽仔奶茶嘅茶奶比例好好，仲做到茶餐廳嗰種好厚嘅口感，impressive!冷泡茶係店員推薦，用上電解還原水沖泡，唔知係米因為用上電解還原水，口感順滑👍🏻里度鄰近文武廟同上環一啲賣古董、文藝品嘅店舖，假期過黎行下食個飯都好不錯嘅❤️❤️