麵尊

營業中

休息中

這天晚上我約了家人在銅鑼灣吃晚飯，經過網上的推薦，我們便決定來到這間車仔麵試一試，店內環境明亮和清潔衛生，店內是坐滿的，門外要排隊等候入座，一直有人排隊等候入座，證明食物質素應該非常不錯五香牛腩，魚皮餃，墨魚丸米粉($50)自家製腩汁，牛味很濃郁，五香牛腩稔香軟彈，肉味非常濃，魚皮餃稔香軟彈，墨魚丸軟彈煙韌，米粉軟身，夾起來不會散開大尊($52)豬紅軟彈煙韌，蘿蔔十分入味，吸收了湯底的味道，咖喱魚蛋稔香軟彈，紅腸彈牙，豬皮軟彈煙韌，生菜爽口，幼麵彈牙，豬骨湯底再加上腩汁，味道更加有層次腩汁生菜($22)生菜十分爽口，非常新鮮，份量多豆漿($14)豆漿是用新鮮黃豆製造，味道恰到好處，不會太甜整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的選擇十分多，價錢相對合理，而店員亦有良好的服務態度和積極，所以我認為這間餐廳是值得再去惠顧

次次黎銅鑼灣都食。好好食！佢地開了11年，網友推介必試秘製麻辣醬🌶（ 100% made in Hong Kong 🇭🇰）材料都唔會留過夜，比較新鮮🥬🍜有8款麵，4款湯底 ，可混合選擇。我點了：🍜大尊 $49 - 幼麵 （當日冇粗麵）餸有蘿蔔，豬紅，紅腸，豬皮，咖哩魚蛋，菜。大尊同細尊的分別只是菜。湯底點了腩汁 + 咖哩辣 + 蔥😋豬皮好淋，豬紅軟身，咖哩魚蛋和紅腸正常，菜都新鮮，湯底辣🌶另外朋友推介要食豬大腸，魚皮餃，咖哩魷魚。$125／2個人，抵食！M餐廳又乾淨，服務OK, 出餐又快！

今日出銅鑼灣返工，lunch time 行去登龍街睇下有咩好食，經過間「麵尊」勁多人排隊，所以試下有咩咁架勢堂，1點食，無想像中排咁耐，等左十分鐘左右就有位喇，入到去都係要搭檯，自己圈紙落單，我就叫左碗「大尊」有「蘿蔔，豬紅，魚蛋，豬皮，紅腸，生菜」$47 。係銅鑼灣黎講都算性價比高既，無飲品配，汽水要+$10 ，凍檸茶好似要加$18 ，味道都唔錯，湯底幾好，配料入味。佢可以選擇加麻辣，個麻辣都好香，但因為多人排隊又係lunch time ,30分鐘食晒都有種壓迫感要走喇，適合快食快走者，我平日鐘意食完食下玩下電話都唔係好敢😅😅

其中一間環境好啲新色啲嘅車仔麵檔 成日都見到好多人排隊 但今次買咗外賣腩汁湯底偏甜 咖喱汁一羹仔 唔太重咖喱味 但湯底總括都甜甜地又幾惹味 油麵河粉都正常，雖然外賣都冇淋晒如果喺銅鑼灣想食車仔麵都會再叫過自選車仔麵 🍜 大尊 (咖哩汁 腩汁) HKD$47 + 外賣 $2有豬紅 蘿蔔 咖喱魚蛋 紅腸 豬皮 菜 油麵餸遍少 份量唔多 全部餸正正常常🍜 四餸車仔麵 HKD$58 + 外賣 $2五香牛腩 - 唔算鞋又唔算淋 不過不失咖喱牛柏葉 - 幾入味，爽口彈牙咖喱魷魚 - 爽口彈牙 但唔夠咖喱味豬頸肉 - 幾個大塊 爽口但有點鞋📍銅鑼灣登龍街18號V Point地下5號舖🇭🇰

麵尊係銅鑼灣對我黎講都可以話係「如果諗唔到食咩，去麵尊一定無錯」💛🏆🍜特別中意「大尊」因為佢已經將你唔可以miss嘅餸幫你揀好但俾個discount你。車仔麵標配咖哩魚蛋、豬皮、紅腸、蘿白、豬紅同生菜一個都不會少！👻豬皮乾淨入味亦乾淨！豬紅唔會有怪味、蘿白夠淋亦無渣同埋大小適中一啖一舊、咖哩魚蛋&紅腸就正常發揮 😋作為濃味人，我中意湯底追加咖哩汁（中）同麻辣汁（中）好正好正！🥳不過如果撞正lunch hour 可能就要稍為排排隊😭

吃過麵尊也有數次了，每一次都能保持相若水準。初次幫襯時覺得以車仔麵來說算貴，但後來各大米線麵店均大幅加價後又未見麵尊的價格有大變動，現在反而覺得很抵食！特別是在銅鑼灣地鋪。我們一大一小，姐姐很細心地安排了坐入面側邊大張啲枱。今日叫了大尊，配米粉及腩汁。材料有魚旦，大大細大粒；豬紅，三塊很入味：豬皮，切得四四方方的兩塊；蘿白，入味，有兩舊；紅腸，兩塊；生菜,四至五塊；整個配搭很地道。午飯時段12時半後開始排長龍….

👉對上一次食《麵尊》，已經係好幾年前嘅上環店。銅鑼灣店開咗咁耐都未食過，皆因每次也大排長龍而放棄！😳.👆今次特意提早晩餐，果然湊效，可以舒舒服服慢慢嘆 👏.我哋各自都叫咗《大尊》，再加2⃣️款唔同餸再交換食，即係大尊加4⃣️拼呀～😅📌大尊 $42 ：豬紅、豬皮、蘿蔔、咖喱魚蛋、紅腸、菜 ～ 呢啲車仔麵靈魂，都做🉐️唔錯，好入味！📌加餸每款 $10 ：豬頸肉  +  咖喱魷魚 + 豬大腸 + 五香牛腩 ～ 每份$10份量足都幾抵食：豬頸肉、大腸、牛腩都夠腍入味又唔太肥，尤其豬大腸，兒時味道返晒嚟😋📌湯底：揀咗咖喱辣 + 腩汁 ～ 小羹咖喱醬放旁邊，唔食辣嘅都冇有怕，不過我加晒都唔係好夠辣😅👆加咗腩汁後色澤呈深啡，重口味嘅我覺得啱啱好 ～ 食🉐️車仔麵，唔要重口味，唔通要清湯咩😅⁉️📌淨炸魚皮 $20 ～ 大大包嘅炸魚皮非常酥脆，浸湯2⃣️秒入口，人間極品也👍✅唔夠辣嘅，枱面🈶️辣椒油、辣椒醬 🌶自製辣度。我都加咗2⃣️大羹辣椒油，味道即時提升🔥P.S. 我係一個《葱》控，寫咗多葱，所以葱量double 🆙 ～正呀～👏

一碗好食既車仔麵除左麵🍜同餸菜，湯底既配合都好重要，否則就係星爺口中失敗中的失敗。銅鑼灣有多間人氣既車仔麵店，今日我地就試下哩間長龍良心店💛。佢既選擇唔算好多，不過對於選擇困難既我都不失為一件好事，好快就可以完成落單✅。豬頸肉﹑咖哩牛柏葉﹑酸齋﹑豬大腸米粉 $50我地都加左咖哩辣🌶，細細一匙，咖哩味唔係好出，辣味都係輕輕地。可能本身湯底都好重口味，充滿腩汁🐮既香味，唔會太甜太咸。酸齋份量好足，但正常來貨無特別；咖哩牛柏葉同樣無咩咖哩味😓，不過好爽口，足足有四大舊；豬頸肉🐷係滷水既，好入味偏淋身。大尊油麵 (豬紅﹑蘿蔔﹑咖哩魚旦﹑紅腸﹑豬皮﹑菜) $42唔好以為哩啲預設既款式一定係偷雞，樣樣都有兩件，絕對足料。整體都唔錯，雖然唔可以話世界級，但係附近諗唔到食咩既時候，應該會再幫襯👌🏻。而最抵讚係成碗麵都夠哂熱辣辣🔥，好岩鐘意熱食既朋友。

叫左個招牌大麵尊：有豬紅、蘿蔔、咖喱魚蛋、紅腸、豬皮、菜。得豬紅同魚蛋OK，爽口，新鮮。舊蘿蔔又淋又苦😓😓😥豬皮仲有毛Tim..😥😥😥自選，最低消費要38，麵另計10$魚皮餃，雪藏野，難咬，硬崩崩。甜酸齋，得個甜，無酸。滷水鴨腎，好鞋...最大問題係成陣腥臭味！😵油麵唔彈牙，未煮熟，我已經擺熱湯度浸咗好耐。好差好難食，樓面姨姨亦態度差！辣醬另上。湯底係重豉油味，頭幾啖ok⋯之後會覺得全部豉油黎😓😓😓

環境：食車仔麵呢本身都唔預環境好好，都係諗住求求其其食完走人就算，但呢間新派車仔麵店就唔錯wor，最緊要係相對乾淨而且都唔會太迫，算係咁。食物：叫左一個大尊加雞中翼($42+10) 同 細尊加凍奶茶($40+17)，其實大細尊兩者分別只係多兩蚊同多2條菜，想食菜既記住叫大尊啦。坐低5分鐘唔使就上菜啦，我覺得間店都幾細心，嗌左少少麻辣同腩汁多蔥，佢用匙裝起。怕麻辣既可以少少地咁加😍 咁多樣食物黎講呢，最出色係豬紅同蘿蔔。豬紅滑嫩煮得入味無陣怪味；蘿蔔就清甜無渣，正💕 至於雞中翼就正常水準，雖然入味但有少少老，唔夠滑。魚蛋就少少失望，因為係最平果款，唔係四海彈牙果d。其他豬皮紅腸都唔錯～飲品方面無特別，17蚊杯唔平～上菜果樣唔求其架，有少少擺位架XD豬紅咬開見到滑嘟嘟既切面，正麻辣係必嗌，食到一半倒晒落湯，成個車仔麵既味道更加豐富，食到停唔到😂總評：唔算話全港最好食既車仔麵，但以價錢、環境、味道既整體評價黎講，佢真係算好選擇💕

平日一點左右嚟食，排隊等咗15分鐘，唔算等得耐。車仔麵turn over好高，所以都冇預過要排太耐。叫咗兩個麵：大尊（豬紅、蘿蔔、豬皮、咖喱魚蛋、紅腸、菜）$42個麵底叫咗米線，有啲過硬，煮得唔夠。湯底係原味，冇另外加醬，都算好濃郁，但係唔算香。蘿蔔夠甜，豬紅夠入味，咖喱魚蛋OK，但係豬皮有啲硬。另外叫咗碗自選（滷水雞翼、墨魚丸、酸齋、五香牛腩、油麵）$50墨魚丸好粉，唔好食。五香牛腩食落有啲紅，好似煮得唔夠熟咁。酸齋、油麵正常。滷水雞翼有毛🤢🤢味道算正常唔太差，但唔可以話好好食。同深水埗文記對比之下，都仲有一段距離。味道：3/5環境：3/5服務：4/5CP: 3/5回頭：都或者會

喺銅鑼灣食嘢一定貴？No🚫！平野一定難食？No🚫！今日就同大家介紹一間位於登龍街嘅港式車仔麵店！就係麵尊！雖然係位於登龍街，但係佢收費依然非常平民👍🏻，最平$38就有交貿，仲要味道幾好食添。剛好琴日無帶飯，就唯有出去食！一入門口就覺得舖頭燈光非常光猛🌟，俾人一種好乾淨嘅感覺，同平時舊式車仔麵店嘅感覺🌑截然不同！見到有好多款餸揀，有選擇困難症嘅我就揀咗「大尊」套餐，有豬紅、蘿蔔、咖喱魚蛋、紅腸、豬皮同菜，每樣餸都有兩三件，唔洗煩食咩，不過我剛好想食雞翼，所以又加左樣餸！先講下醬汁，我揀咗牛腩汁，味道幾香濃，而能提昇到成碗麵既味道，而佢味道唔係死咸，係比較有層次，亦都唔太咸，唔錯👍🏻！鍾意食辣嘅朋友不妨可以加辣醬/食咖喱醬，呢兩款醬舖頭都做得好出色！餸菜方面，都見到店舖用料唔差同處理工序細心。蘿蔔煲得好稔，而入面好清甜無筋，配埋腩汁食仲正😋！咖哩魚蛋陣味係以前食開嘅老味道，有咖喱嘅香料味又帶少少香辣，食落惹味！而魚蛋外層都幾脆，而入面魚肉無落好多麵粉，幾好👍🏻！豬皮食落爽口，而且冇豬毛，幾乾淨，而雞翼係瑞士汁煮雞翼，雞肉都煮得嫩滑同入味！而河粉都薄身，睇落都好晶凝通透同滑身，可惜有少少碎！

香港特色食物車仔麵可以說是我最愛的一種食物，因為可以選擇自己最愛的麵、餸、湯和醬料😌離我上一次食車仔麵的時候，都已是幾個月前和好同學放學後食過的那次，所以途經登龍街，發現一間車仔麵店，就入去試下🤤這間車仔麵店有很多座位，環境都幾大。麵和餸的選擇也很多，每樣單叫10元，尚算合理。雖然湯底只有3種選擇，但我所選的咖喱辣味道很香濃，所以整體都唔錯👍🏻1. 大尊 $42大尊為店家的招牌，有豬紅、蘿蔔、咖喱魚蛋、紅腸、豬皮和生菜，每種食材都很新鮮及入味👍🏻我選擇了咖喱辣湯汁和河粉，因為河粉容易吸收湯汁，而湯汁的味道香濃及偏辣，令整碗麵都非常美味😋

第一次食麵尊, 試左佢地嘅招牌-大尊, 入面嘅料都幾豐富, 包括豬紅, 蘿蔔, 咖喱魚蛋, 紅腸, 豬皮同菜, 豬紅同蘿蔔都整得幾入味, 其他餸就正常水準湯底就點左腩汁加麻辣, 味道幾濃郁而麵底揀左油麵, 油麵整得啱啱好唔會腍有返少少趙口又吸哂湯嘅精華, 係正嘅! 車仔麵店黎講, 麵尊嘅裝修靚而且地方清潔, 以咁嘅價錢性價比算係高

.🔻麵尊.收工晚餐又行到黎登龍街，今次食車仔麵，呢間麵尊係上環都有間分阻好耐，今次係銅鑼灣分店第二次食，但係唔記得影相，所以冇出post😛見佢收銀位有貼下pepe同埋香港加油logo咁，暫時當住佢係黃店先啦~等fc. 佢係正銅鑼灣龍門冰室隔離咋~~~.🔻大尊 ($42)有豬皮，蘿蔔，魚蛋，紅腸，豬紅，菜，每款餸2舊左右，湯底加阻咖喱辣+麻辣醬，好夠味，都幾辣下，食完唔口渴😍d 餸都唔差，蘿蔔好淋冇渣，豬紅好入味唔腥，豬皮普普唔算好爽，魚蛋同紅腸都係基本野，不過男朋友食完唔夠飽😅🔻豬紅，雞翼尖，冬菇 米粉 ($40)佢d餸同粉都係$10樣，揀幾多照加，我第一次食完好欣賞佢d豬紅，所以再叫多次😋我加阻咖喱辣其實都幾辣下，千祈唔好洩阻道氣😂雞翼尖同冬菇都超入味，建議食d醃類食物應該都唔差😍相反d粉我食唔晒，唔知係我細食定佢大食呢😂😂🔻總結係味道都唔錯，坐方便還好，比上環分店好食，服務都ok普普通通，飲品有點貴要$10起，冇水提供。係咪真黃店待FC.