大吉居酒屋 (已結業)

今日去左中環間新戲院睇戲後，在附近諗住搵嘢食，行過見到，個名好似似曾相識，又想食日本嘢就上去試試上到去門囗好grand入到去，第一眼就見到凍櫃同師父，感覺好pro，之後全店即刻打招呼，感覺好上賓坐位好舒適，一如以往，選擇太多，唔知點揀，唯有叫餐最後揀左晚市二人套餐 Set A先到的是五點刺身，三文魚味重，超厚切，因為太厚，師父加幾刀切成輪狀，幾特別藍鰭吞拿魚- 大大件，成舊麻雀咁，但很淋，無根，魚味濃油甘魚-又係超厚切，超肥美甜蝦- 極大隻，肉質超爽帆立貝-新鮮，肉厚，淋滑，仲加幾粒三文魚子作點綴軟殻蟹肉沙律-軟殻蟹應該經過特別處理，很多汁，汁中帶有味啉同醬油味，超好食大蝦天婦羅-超超超大隻，不是用普通蝦，以size 估計應該是牡丹蝦，肉質好爽，而且扇形的裝飾是用麵炸出來的主菜選了銀雪西京燒，先用麵豉醃，再燒到佢脆身，師父調味很好，而且燒功一流，做到外脆內嫩，肉汁仍然鎖住魚肉內，銀鱈魚本身含豐富油份，入口即溶，好好味呀魚湯野菜烏冬，湯的魚味濃，而且真的有塊魚片，烏冬就煙韌有咬口日本雪糕（抹茶）- 奶味比較重，但仍然有吃到抹茶的味道，我個人很喜歡

今日同朋友嚟到中環，揀咗一間樓上鋪居酒屋，位於蘭桂坊附近，翠華餐廳對面嘅一棟大廈。😆餐廳以日式裝修為主，播着柔和嘅歌曲，好適合慢慢同朋友談心，而且店員嘅服務質素好好，經常會為你斟茶，又有禮貌。三文魚加州卷 $148 三文魚好新鮮，入口即溶嘅感覺，配上面上嘅魚子，更顯口感，加州卷入邊有蟹柳，玉子，青瓜，再加上牛油果🥑，令到加州卷口感滑溜，而且牛油果嘅油香更能突顯三文魚嘅甘美。吞拿魚腩茸海膽卷 $198 面上嘅海膽好鮮味，同下層嘅吞拿魚腩茸好夾，壽司飯上再撒上一層芝麻，令到成個壽司飯團更香口。而且份量都唔吝嗇，刺身同壽司飯成一比一嘅比例🤤大蝦天婦羅 $178一上枱，就見到好精緻，孔雀開屏模樣，大蝦好鮮甜啖啖肉，外表粉皮薄得爽脆，蝦肉十分彈牙😭💕 經過店員提醒，原來開屏形狀係炸麵條，都可以食埋唔浪費😆赤味噌煮牛筋牛舌 $118面上有半隻糖心蛋，牛筋牛舌煮得非常入味好淋🤤 特別一讚，牛筋少少彈牙嘅感覺，似食緊骨膠原😆 燒日本芝士年糕 $58 一啖咬開，入面好軟熟，芝士餡就要爆出黎嘅感覺🤤汁燒魷魚筒 $98 魷魚食落好彈牙，燒得完全唔焦，配合上面燒汁，十分惹味🤤

星期日放假來到中環，突然醒起之前食過一間放題，一於去重溫一下。來到餐廳門口先發現原來已經由放題轉型為居酒屋，即係都係以日式料理為主，沒想太多，就入左去。值得一讚既係，員工服務態度友善。轉左型之後既大吉裡面裝修主要係以棕色木系為主調，充滿日式格調，配以日本背景音樂，給人好舒服既感覺。可能時間尚早，人流不算太多，但離開時已經有八成滿。今日我哋叫咗一共叫左４款食物。溫泉蛋蟹肉沙律、海膽三重奏杯、大蝦天婦羅同埋軟殼蟹牛油果卷。溫泉蛋蟹肉沙律，作為今餐飯既開始已經相當吸引。半生熟既溫泉蛋下面，就係份量不少既蟹肉。攪拌後，蛋汁拌勻沙律，新鮮既蔬菜變得有黏性，配以清甜既蟹肉，好食！海膽三重奏杯，望落已經覺得好特別好吸引。餐牌上寫住話海膽三重奏杯有由海膽，牡丹蝦及三文魚籽，但材料唔止咁少，還有蟹肉，吞拿魚腩。一食就知海膽應該係上等海膽，好肥美，完全唔覺得腥。而其他海鮮食落亦都覺得好新鮮，抵讚。另外再配上飯同分開上既紫菜同wasabi、青瓜絲，可以包住個海膽黎食，另類嘗試。大蝦天婦羅既擺盤相信大家望落都覺得好有心思，簡直就係孔雀開屏。份量都不少，有足足5大條炸蝦，食落啖啖肉，皮薄唔會覺得好粉，而蝦亦都好

星期六晚約左閨蜜GIRLS TALK，得知大吉已經由放題變成居酒屋形式，決定一齊去食，睇下同以前有咩唔同，發現食物較以前更為精緻吸引!海膽三重奏杯$238經員工介紹新主菜色，海膽三重奏杯，發現唔止三重奏咁簡單，當中材料有海膽，蟹肉，吞拿魚腩，三文魚籽,再配上米飯同分開上既紫菜，紫菜唔會淋左保持脆口，自行砌成軍艦食都得~樣樣魚生都好新鮮，芥末食得出自己磨既，讚!大蝦天婦羅$178擺盤已經好有心思!孔雀開屏咁，而且有5大條炸蝦，皮薄，食落啖啖肉，唔點醬仲好食，蝦既鮮甜味好出!最特別係個扇形原來係麵，全部都食得，好鬼特別!燒汁魷魚筒$98盬燒手羽$68再來兩款小食都好正，燒雞翼整成單骨邊方便串伙住食，魷魚筒大大一查條，醬汁好特別，甜甜地~特別要講，全程STAFF都好好服務，不停添茶水同換骨碟，環境又好RELAXING~

搭入一月朋友們就開始話要同我食生日飯，搞到我好唔好意思⋯大家食個便飯聚下傾下計咪得囉！友人搵左中環大吉，食得好滋味～先來溫泉蛋蟹肉沙律。半生熟既溫泉蛋下便就係蟹肉，勁多蟹肉啊！混和蛋醬超美味！開左個胃就黎刺身三寶，三文魚 吞拿魚 油甘魚，新鮮又肥美，尤其油甘魚，必點！晚市優惠刺身及壽司7折，所以我地點左好多😂特雜錦壽司，一次過有齊吞拿魚油甘魚 三文魚 赤貝 魚籽 鐵火卷仲有甜蛋添！辣吞拿魚卷食唔到辣味；入便有d脆粒粒既野，好似軟殼蟹咁，好有口感。另外一樣必點係 大蝦天婦羅，大大隻厚肉蝦，外脆內軟，Oishi~ 超好味呀！！！懷念日本關東煮🍢所以點左一鍋😂真係乜都有齊！蘿白 竹輪 魚餅 福袋⋯仲有年糕 豚肉椰菜包 等等，超大碌竹輪，好似海參😂用上木魚湯底，樣樣都入晒味！

在學生時代，大吉居酒屋是我們「過時過節」必去的放題聚腳點，還記得那時一去這裡吃放題，我們也會高興好幾天。大吉居酒屋伴隨我們成長，如今我們成了上班族，它亦搖身一變變作居酒屋。去居酒屋吃東西，除了看主餐牌，懂吃的應該看看牆上的手寫板，因為手寫板所推介大多是時令食材，如居酒屋隱藏版餐牌，當然我們也有心水之選。先來白魚仔日本蕃茄沙律，白魚仔在蕃茄上「游移」，充份感受到牠們的鮮美活力。蕃茄底下鋪著生菜，再加入黑醋，配色漂亮。吃的時候攪拌均勻，讓整碟沙律與黑醋汁混合，酸酸甜甜的好滋味，立即胃口大開。大蝦天婦羅美輪美奐，我和朋友都說這是最美的天婦羅不為過。大蝦天婦羅中間擺放的麵條天婦羅如扇子般，跟大蝦拼在一起如金色鳳凰，麵條香脆可口。至於大蝦天婦羅外層金黃的大衣，包裹新鮮具彈性的蝦肉，嚐到它的大海原味。剛炸好的天婦羅口感極佳，又不油膩，完美極了。我們認為冬日不吃鍋，那就枉過冬天。我見到手寫餐牌有韓國泡菜豚肉鍋，我在想吃完泡菜豚肉鍋會否汗狂流，如果可出一身熱汗多舒暢。紅通通，熱呼呼的韓國泡菜豚肉鍋用料極豐盛，泡菜湯鍋放滿金菇，香菇，冬菇，韭菜，豆腐，泡菜，椰菜，蘿蔔及粉絲，配料吸飽湯汁，酸辣入味，而且

放工有得去食好嘢特別開心今晚黎左哩間前身係放題，不過竟然轉左為居酒屋嘅餐廳食日本嘢，真係高質，意想不到咁好食中位價錢，但食物份量夠，真係值回票價的先黎哩個店員極力推介嘅海膽啫喱，真係好有鮮味，而且好特別嘅texture 本來心諗點解海膽配啫喱都可以咁嘅價錢，原來黎到啲海膽係咁新鮮，而且啲啫喱仲係用魚湯特製嘅，真係好有特色各自嗌左2杯特飲，一杯桃一杯士多啤梨，味道較得不錯，唔太甜又夠晒氣炸蝦天婦羅真係必嗌！喺香港從未食過咁新鮮，咁大隻嘅炸蝦真係炸得好好味，又一啲都唔油，蝦迷一定要試！一定一定！辣吞拿魚壽司都係一樣咁有質素！吞拿魚刺身配埋辣嘅膽片喺入面，好有口感，而且夠晒新鮮又嫩口，食落一啲腥味，一啲渣都無燒花魚嗌到埋黎真係好surprise, 從未食過咁大嘅一條魚，調味好特別，煎得夠晒香最後有佢地餐廳自家製嘅柚子芝士軟蛋糕，一啲都唔膩，又有淡淡嘅芝士香，好滑好軟熟！