大門拉麵 (屯門市廣場1期)

營業中

休息中

大門拉麵$65湯底好非常濃郁，麵底係用粗油麵，食落好煙靭充滿彈性，叉燒肥瘦適中，仲有蔥粒、粗切筍條、紫菜，提升拉麵嘅味道！大門沾麵$75夾少少麵浸入湯入面，令湯汁黏滿麵條表面，慢慢食。食晒啲麵之後仲淨返啲沾麵湯，加上湯仲可以就咁當熱湯飲。重口味者必點！

最近天氣變得越來越凍，自然想食有湯嘅面！於是經過呢一間拉麵店，見到外面嘅餐牌，覺得好吸引，於是就入去試啦！因為得我一個人食，所以俾咗我坐吧枱，睇到廚房點樣整，感覺幾特別。我一個人叫咗三樣嘢，一個拉麵，一個薯餅小食，同埋烏龍茶！🍜大門拉麵 $62呢個拉麵只係$62我覺得都幾抵，佢嘅面唔係好幼身、亦都唔係好軟，係我鍾意食嘅粗同比較有咬口嘅質地，湯方面，比較濃，唔係好稀嘅湯，幾重味，我覺得幾香，同外面嗰啲有少少分別，唔知係咪個個都鍾意呢種感覺！我覺得蔥好好食，因為我好鍾意食蔥，蔥同湯非常之夾！叉燒都幾厚，但非常軟，都入我味！推薦！🥔忌廉薯餅 $18我原本好期待的，但個樣同我想像中差好遠，我以為會係厚，但比較平，好似可樂餅咁，但佢一條嘢咁。不過都幾好食，夠熱，夠多忌廉，裡面好creamy，但冇咩薯仔味，食唔到薯仔粒，可能打碎了，不過味道ok。我覺得佢比嘅豬排汁有少少藥水味，不過可以落檯面擺嘅蛋黃醬，好肥好正！😍

本時經過大門拉麵都見到好多人排隊，聽聞佢地個拉麵湯底係由日本直送的。我之前食過都覺得大門個湯底味道好濃郁，好好飲。今次我就帶埋女友一齊去食。我地都選了食最原始的大門拉麵，入面有一執厚叉燒，麵的份量都唔少，食得我們飽飽的。唯一美中不足是拉麵沒有配上流心蛋，要另外付費加配。拉麵熱辣辣的，我很快就配著湯來吃麵，不消一會兒便吃了半碗了。如有朋友不想吃湯麵或沾麵，亦可以試試大門的油麵。我上次食過，自行配上桌面上的醬料，也很有風味的。

今晚想食拉麵，揀左呢間小店食。一開始見好多人排隊，以為都要等好耐！不過條龍都去得好快，等左10分鐘左右已經入得。我諗主要原因係因為店鋪上菜的時間好快好爽手，食客落單之後好快有得食，食完就走。所以就算間舖細細地 唔多位，d人都食得好快 走得好快。拉麵店黎講 選擇都唔算少，有麵有飯！我見坐晌旁邊個“姐姐“叫左個期間限定ge 吉列豬排飯 都好似好正咁。我就簡簡單單食個大門拉麵就ok唔好睇小個平價拉麵，麵質好有咬口、湯底濃郁！平時食拉麵都要＄70－80 起標，＄52 又唔洗加一，晌邊度食到？！ 當然...如果有埋食蛋就最好la  XD

星期日，天寒地凍唔想煮晚餐，唯有出去食啦，妹子提議食拉麵，都好，好一段時間無食拉麵了。屯門市中心有幾間拉麵店，今次選大門，貪佢位置方便。啱啱好唔駛等位，行遲一步就要排隊嚕。大門主打係油麵，妹子選黑蒜油拉麵，我揀試吓大門油麵。其實2隻麵的麵質相約，不是軟腍腍而是軟中帶點嚼勁。黑蒜油拉麵有湯聞到好香蒜油味，配料有叉燒、紫菜、荀條、香蔥和鳴門卷。上之食過都覺得好食。大門油麵這個麵沒有湯，卻有特製醬汁在碗底，配料大致相同，多了溫泉蛋，沒有鳴門卷。坐位旁貼有油麵的推薦食法，唔想整爛個溫泉蛋，所以先把蛋吞吃，Oops ......原來個蛋是冷凍的，即刻精神曬。首先試吓店長推薦食法，不加任何醬料，拌勻麵條與醬汁，唔...好味到唔識形容，吃了一半才想起試其他食法。加了醋和辣油試經典食法，食味香濃，多了另一種層次感，一樣好食。然後又挾了一箸加點蒜蓉試，麵條添了蒜香和食味，都好配合哦最後在碗裡加埋蛋黃醬，出乎意料的夾，把強勢的味道柔化了。吃完麵條後，又試吓請店員加點木魚湯，一口氣喝下去，多了木魚香，正啊!一碗麵試勻咁多種食法，好食又好玩，哈哈

今日下午我們去咗屯門市廣場同變形金剛嘅主角「大黃蜂」同「柯柏文」嘅大型figure公仔影完相之後行到去一間充滿日本特色嘅拉麵店「大門拉麵」食下午茶！我們叫咗大門拉麵、大門油麵同大門沾麵嘅麵質超煙韌彈牙，而且比較粗身，所以口感更加豐富，但浸著湯嘅就諗身咗啲啲！拉麵嘅湯底超級濃郁，濃度有啲過鹹！油麵嘅醬油味道唔會好鹹，而且都幾香甜，而令到整碗麵更加好味嘅就係溫泉蛋，撈埋一齊食，令到味道更加惹味！沾麵嘅湯底亦都係極之濃郁，味道超鹹，好彩啲麵係分開另上，所以鹹嘅程度我們可以自己控制！叉燒嘅肉質都算鬆化，但質感比較「粗嚡」！

諗住今日星期日搵個老友去行下，之後搵埋個知己一齊去食晚餐架啦 見個間拉麵好似好唔錯就一齊入去食點知中伏了 超難食 拉麵d麵硬過我地三個條命 d日式叉燒 食入口好似食緊橙色個隻梅林午餐肉甘 我自己就叫左拌麵 又係凍冰冰既碗麵明明都唔係涼拌架啦 小食仲衰 鹽辛魷魚 又係凍既 喊到死，食入口好似 凍既生咸魚既味道 杯 乳酸梳打 就係759 7蚊支 佢倒出嚟賣 18蚊 未食過垃圾 真係貼錢買難受 影衰日本直送 無諗個一間咁靚既門面，竟然係食垃圾食物

在屯門市廣場逛逛街，行到腳有點酸軟，於是四處找找食肆。去到吉之島超市那層，見到大門拉麵不多於10人排隊，所以決定排一排，結果不用15分鐘便有位了。一向都喜歡吃沾麵又喜歡辣的我決定點鬼大門沾麵（$60）。沾麵湯底不夠濃郁，太稀令掛湯力不足，食落麵與湯不能融合。而且辣味蓋過了原本的木魚味，但辣度卻不足以令人流涕，變相兩頭不到岸的感覺。座位旁有教食客吃沾麵攻略，我跟著其做法叫店員加湯，味道變淡了，但喝盡辣味湯有點不健康的感覺，所以最終只喝了一半。大門拉麵（$48）招牌拉麵當然一試，結果沒有令我失望。木魚湯底十分濃郁有別於近年香港一般的人氣豬骨湯底拉麵店，木魚湯底令我更有新鮮感。雖然只有一塊叉燒，但48元的拉麵我都不抱太大要求，而且叉燒質素不錯，叉燒稍稍烤香，醃製得也入味，叉燒厚身。拉麵的麵底粗身，與沾麵的麵一樣，粗拉麵相信未必人人喜愛，但由於拉麵粗，食完很有飽肚感。忌廉薯餅（$15）本身諗住叫四件，但店員說只剩下一件。為了嘗試唯有照叫吧，但既沒有忌廉味，又沒有重的薯味。

每次經過都大排長龍， 今天見到唔多人，梗係要試下啦店內比較細，座位唔多，裝修簡㓗餐牌簡單，有拉麵，沾麵及飯，速食格局大門拉麵賣相唔錯，有义燒，有香蔥、筍及紫菜先試下個湯，有豬骨味道，唔錯，义燒比較肥，麵質比較粗，彈牙又滑，有口感價格又便宜，抵食

開張時排長龍,而家熱潮減左d得返小量人排隊,可以去試試啦餐牌選擇比較小,多心嘅我唔洗諗咁多好快就做左決定大門拉麵-义燒好厚但肥膏比較多有油膩感,荀好入味冇酸味,麵好粗吸唔到汁但煙煙韌靭幾好咬口,湯底好濃木魚味好香唔會過咸大門义燒沾汁麵-义燒勁多又厚食極都唔完但好油膩，荀都偏多,麵好硬好似唔熟感覺，湯底好濃味噌味道但唔夠熱又唔杰身,麵沾汁唔夠味,但叫店員加湯好香木魚味,湯熱唔會好咸剛剛好另叫左個餃子試,皮又厚太爛又唔脆邊,食落好似蒸得太耐嘅鍋貼咁好難食

幾次午餐時間經過<大門拉麵>，都有長長人龍，恰巧今天人比較少，所以決定一試。拉麵店充滿日本特色，坐在門口的吧枱位置，可以見到師傅烹調的過程。餐廳以木色為主調，趟開的木窗令環境更光亮。看看餐牌，這裡並没有午市套餐，拉麵和飲品是分開點叫的。我跟友人點了大門拉麵和豚肉炒野菜定食，欲嚐試更多的菜式。大門拉麵 $48不消5分鐘，大門拉麵已經上枱了。大門拉麵的賣點是日本正宗風味，湯底是用豬骨、雞骨熬製而成，然後弄成急涷真空包，由日本工場直送香港。看到湯頭十分濃稠，湯面有一層油脂薄膜，先呷一口湯，是濃郁的豬骨精華，十分美味。叉燒十分厚切，入口軟腍，肥瘦恰到適中。伴料有蔥粒、筍條和紫菜等，令湯底更加鮮甜。我覺得麵條最為特別，比一般吃到的粗身和彈牙，粗度有點像意粉，頗喜歡其煙韌口感。豚肉炒野菜定食 $45豚肉炒野菜定食非常"有營"，滿滿的椰菜絲和洋蔥絲，配合上來清淡而香甜，另外我們添加了蒜蓉，令椰菜絲更加惹味吸引。豚肉的份量雖然不多，肉質軟糯，十分滋味。定食有麵豉湯和滑豆腐，但豆腐並没有胡麻醬點配，有點清淡。總括而言，<大門拉麵>的味道不錯，大門拉麵湯頭的確香郁，但作為招

呢間拉麵同其他拉麵唔同既在於佢用木魚做湯底。但敗筆既亦係木魚湯，佢既木魚湯用既係木魚既香精之類。有形無神。叉燒無脂肪，唔夠香，切得太厚，肉質太鞋。麵方面，佢係粗麵，但煮得淋左啲，夾左好易斷。不過性價比就正常，48蚊一碗差唔多啦。

今日去開屯門市中心，就順手去咗呢間嘢試吓，雖然係下午茶時間，但都唔少人排隊，等咗約半個鐘就入得D侍應都幾有禮貌今次點GE係大門拉麵($48)呢個價嚟講，D料算係咁。麵條較硬同冇彈性，個湯都有木魚味，冇味精，唔錯。但唔知係本身特色定因為之前煮過辣麵，見到碗麵有D辣粉，對正常人當然冇問題，但對於我呢D連少少辣都頂唔順GE人就有D唔好結果食麵GE大部分時間都俾D辣味蓋過晒埋單時，去收銀處埋單，因為冇加一，所以俾GE價錢都係餐褲上GE價錢。收錢果位哥哥對比其他侍應，禮貌差D，但可以接受總括而言，試吓無妨，但我未必會食多次

晚上七時左右到，光是排隊都要十多分鐘。點菜後又再等二十分鐘，性子急的人最好不要去。點了著名的大門拉麵，非常好食又未致於，麵像烏冬質感，很咬口，湯底不錯，可是排這麼長龍就感覺不值，中上質素，價錢不算貴。另點一份叉燒，三片於碟奉上，這裡的叉燒優點是厚切，缺點是拉麵裡只有一塊，嗜吃日式叉燒的我唯有再追加。肉質還可以，再嫩一點更好，現在乾了些，但吃到炭燒味是驚喜。最差是忌廉薯餅，餐牌上還是「名物」， 炸得過硬，咬起來硬硬的，裡面一團漿我也不懂欣賞，點了附上的黑色醬油也不會好吃了。食物不算差，但要等許多時間我就沒打算再幫襯了。

是晚約左杜氏一家３口係屯門市廣場1期，諗住去試新開的大門拉麵，由於杜生放工返到屯門都差不多８點半，所以我就同杜太及小杜Ｂ先會合，再去左ＵＧ個層，本來諗住係超市行個圈睇下有乜特價野(C9仔係咁架喇，專搵特價平價野）點知見到大門拉麵門口大排長龍咁我地就先排住隊等杜生到來（估計杜生來到都差不多有位）到杜生都來到後，我地前前後後等了約３０分鐘吧，就有得入座，因為我地有小杜Ｂ關系，店員很細心咁安排左梳化位俾我地，仲有個位置俾小杜Ｂ架私家車泊位ｔｉｍ，跟住我地就劃野食枱上提供的醬汁配料都幾多款下...仲有張教食油麵的教學我本身好喜歡食日本野時都會叫有關蛋的食品，所以當我見到餐牌上有味蛋時，點都叫左客來試，HK$12得1隻，但味道都不錯杜生喜歡食拉麵，所以我地就叫左個大門拉麵，湯底超濃郁，麵的口感，我個人都蠻喜歡，可能d麵有咬感吧個炒飯不算太大份，但味道都ok的，餃子皮薄，肉質不差而杜太和我係排隊等位時，睇到餐牌，都一致想試個大門沾麵，沾麵的麵及湯是分開上的，麵身係凍的，但個湯係超熱辣辣，當麵撞左入去Ｄ湯後，湯的溫度就慢慢下降喇，味道不錯，有點驚喜杜太話想試埋個台灣風油麵，由於呢個麵係辣的，最後杜生