浜滝

營業中

休息中

浜滝係九龍城一間人氣居酒屋，佢午市主要食拉麵，所以之前都有同同事黎食過，佢地嘅拉麵全部都放左粒熱石喺入面以幫助拉麵保溫，貼心得黎味道亦唔錯，一直都想試埋佢拉麵以外嘅佐酒小物，趁Happy Friday就約同事黎試下。浜滝店面唔大，但入面就掛滿好多日本風旗幟，冇得去日本都可以發下夢。凍柚子蜜($25/杯) - 我地醉翁之意不在酒，所以就每人點左杯凍柚子蜜，雖然都係現成柚子醬開出黎，不過出面居酒屋一杯無酒精飲品平極都講緊三四十蚊，哩杯凍柚子蜜算係非常抵飲，而且柚子甜味都好夠。近江牛沙律($118) - 以前香港人對於日本和牛嘅認知一般都只係停留喺神戶牛，自從而家多左香港餐廳引入近江牛，都越黎越多香港人認識佢。同得神戶牛一樣並列日本三大和牛之一，近江牛當然都唔平得去邊，所以我地揀左哩碟入門級(價錢)嘅近江牛沙律黎試下。沙律菜中間除左近江牛，仲有車厘茄同櫻花蝦，顏色鮮艷吸引。牛肉份量都唔算少，肉色仲帶少少紅紅地，口感嫩腍又唔會太乾。炸一口芝士($48) - 芝士炸皮好薄好脆，芝士咬落好軟同帶啲半融口感，有啲似笑牛牌芝士咁。雞肉漢堡串($38) - 雞肉串啖啖肉，肉質唔會過乾過鞋，配埋上面甜甜地

林奠一聲禁酒令，你叫一眾酒鬼何去何從呢？有時唔係想飲酒嘅，只係想搵餐好西食吓吹吓水啫，不如諗吓日本人放工之後會去邊度威？冇錯，一定係去居酒屋或者食碗拉麵，呢碗黑蒜湯底諗真夠濃一上檯就卜淥卜淥咁滾，原來內有玄機，係一塊燒熱咗嘅石頭石頭除咗內伏，仲可以外用，裝住鰻魚飯保溫，啖啖肉，飯又夠嚼勁配有好特別嘅柚子醬嘅雞肉串，離遠都聞到好清新嘅香味想嗌正常版冇晒，得返大魚，照殺，結果真係好多肉，好juicy又嫩口，滿足到呢木魚控必叫大阪燒，每一口都係無窮的回味呢個唔係講笑，趁熱，超脆，仲要爆漿日本人開嘅真係零舍賓至如歸，無論味道同服務，下次一定到

九龍城食店出名多，今日黎搵食，見到呢間舖面細細，但裝修好有日本居酒屋感覺嘅舖頭因為掛住日本🇯🇵忍唔住要入去試吓舖入面都花左心思令人覺得置身日本居酒屋。睇過食評見到大部份都評價食拉麵，今次攞咗正價Menu睇吓有咩特別嘢食先😆食物種類都好多，我哋兩位女士就叫咗啲小食我自己好鍾意食明太子所以見到呢一個就即刻第一時間叫啦「燒明太子」，仲有紫菜同蘿蔔蓉夾住，明太子面頭燒一燒，散發左明太子嘅鹹香，再夾埋紫菜，咬落有明太子爆開嘅口感，真係好似喺日本居酒屋食嘅咁樣。之後再嚟係「海膽芝士玉子燒」玉子燒嘅幼滑蛋香，夾埋芝士，配上輕微火炙嘅海膽，免頭再淋上一層燒汁，呢個配搭係邪惡嘅誘惑，令人食完一舊又想再食多一舊。最後再加個飽肚嘅大阪燒，好有日本大阪嘅感覺，面頭超多木魚花，聞到都流晒口水另外餅底唔太厚，材料充足，一口咬落去，有滿滿嘅蔥花，章魚粒等，10分好味，但食多咗略嫌小小咸，因為有太多木魚花🤣整體由裝修到食物嘅配搭同質素味道都好似日本嘅居酒屋，行過九龍城唔想食咁多泰國菜可以試吓呢一間

十分別緻的居酒屋，店內擺滿了形形色色的日式擺設，氣氛一流，跟三五好友聚餐的好地方。食物方面有基本的鰻魚飯、窩物刺身等，更吸引的是有比較少見的葡萄豚肉燒、平目魚邊等等，食物款式選擇相當豐富！ 鐵窩日本鰻魚飯• 鰻魚肉口感軟滑香腍、鰻魚汁的味道滲透進了肉內，但是咸度剛好。• 鰻魚和飯之間加了些粟米，吃起來令口感更豐富。• 如果鰻魚汁份量再多一點直至滲透到飯中會更好。自家製黑蒜拉麵• 黑蒜味香濃入味，湯底的油份偏向濃郁，令到拉麵沾滿黑蒜香。• 碗內會擺放著一塊熱石，令溫度得以持續，非常貼心的做法。雞肉漢堡串配日本蛋• 外層燒得帶點焦香、舖上薄薄一層醬油，十分惹味。• 配合香滑的蛋黃拌勻後，增添一點蛋香之餘，口感變得更有層次。葡萄豚肉燒• 極力推薦的一款燒物✨第一次食也是第一次聽到這個名號。來自日本宮崎懸的豬肉，聽說是以葡萄作為飼料。• 肉質極之香嫩充滿油香感，但是油而不膩。感覺不需用太多調味料令豚肉很香濃。大分直送火炙平目魚邊• 平目魚邊肉質嫩滑，細嚼數口已經融化在口腔之中。• 魚肉以帶有柚子味的湯浸泡住，吃的時候可加點芥末，味道會變得更加複雜惹味呢！柚子雞肉串• 雞肉同樣燒得恰到好處，帶點

今日去左間幾好氣氛的居酒屋，同朋友食少少野，飲返兩杯都唔錯，值得推介。大阪燒餅 $88暖笠笠的大阪燒餅，面層仲有好多木魚絲，扭吓扭吓，見到都想食。一啖食落去內容豐富，啖啖雜菜仲有不同配料，有層次的口感。味道絕對跟足日本傳統，可惜份量唔算多，double size 我都應該食得曬，因為真係超好味。生啤 $60此情此景，當然即刻啤啤佢，係來自 japan 的生啤。花魚燒一夜干 $88除左燒餅，去居酒屋我最喜歡食一夜干，貪佢夠曬風味。用鹽醃過的魚干，燒起上來又咸又香。表面香脆，但魚肉又一D都唔會乾。加點檸檬汁吊吓味，豉油都唔使點就食得。配上冰凍啤酒，真心冇得彈。花田鍋 $168見個名幾得意，叫來試試，原來係豚腩什菜㷛。一大盤娃娃菜排得好靚，仲有好多粟米同菇。中間夾雜著豚肉，真係成個盛開中的花田咁。湯底係濃濃的豬骨湯，冇味精好清甜，蔬菜索曬個湯底真係好美味。豚肉係腩位，半肥瘦，又香又滑，滾起真係好香。仲配上秘製的辣汁，點少少越食越滋味。店仔細細，但佈置同裝飾都好有心機。全晚播住日文歌，加上夠人氣夠旺場，好味又有氣氛，會再來。

今晚忙過龍，餓到個肚打曬鼓先知道原來已經9:30，就立刻收捨去搵野食。最近天氣都好涷，餓起上黎個人都特別攰、個腦只係不停諗住要食啲熱辣辣既野，但具體食乜就真係摸不著頭腦。系條街行黎行去、雖然見到好多粥粉麵飯泰式韓式越式餐館仲開住，但都係無法打動我今晚既芳心。直至我見到有一塊非常燦眼既招牌強行映入我瞳孔 - 「浜滝」...嗯、此刻我完全無去諗到呢個名係同海產有意思。只知道係日式餐館就衝左入去，個腦只諗住「日式豬扒丼」10:00pm 入到去，拉開趟門就有位樣似16-7歲既靚仔哥哥招呼左我埋枱，臨收工前仲有單拖客黎到都仲咁態度親切，抵讚。咁夜黎到仍然見到有兩枱人食緊飯、即係個爐仲未收，好彩。餐廳環境有啲仿照日式小酒館既設計，但所有既枱都係西式酒吧既高腳枱櫈，好fusion。牆上仲有部大電視、播住日左新聞台。我唔知有幾多人識聽日文或睇得明、但令場內添上左薄薄一層日本氣氛。總好過播啲咩英超西甲、嘈到暈，至憎。Menu上既菜式唔多，計埋飲品都係得十頁左右。搵黎搵去都搵唔到豬扒丼、初時有啲失望、但見到拉麵果頁幾正、岩晒我依家有餓又涷既狀態。個「制霸拉麵」睇落好似幾正、想挑戰下點制霸法但可惜話無曬。最

其實呢間餐廳我係睇雜誌介紹過既，係九龍城既隱世日本小店，上次打算食點知佢地晏就會落場，所以冇緣一食🙈🙈，今次咁arm朋友就我，我地就預早少少去，終於可以食到啦。不過就有少少失望😩😩因為冇雜誌講到咁天花龍鳳。我地大概1815去到，當時鋪頭未有食客，所以店員比我地任意揀位。鋪面唔大，係有限既空間度放滿晒d高枱高凳，係幾有style既。我地隨意揀左個邊位就坐低左睇menu，呢度係主打熱石拉麵既，不過都係得幾款揀，另外都仲有小食同其他類別選擇，由於太早，我地唔肚餓就order左一個拉麵，大阪燒同餃子share黎食。order左冇耐，好快就已經送上拉麵啦，個拉麵上枱個下係會熱度吱吱聲，仲會見到近熱石位既湯滾起泡泡tim，所謂既熱石拉麵，其實係將燒到300℃高溫既火山石加係湯底度，等我地可以食到熱辣辣既拉麵。不過個吱吱聲係得上枱個一刻，仲要只係熱石附近位先熱，我地影左張相即刻食已經冇左滾熱辣啦，係得微溫，完全唔夠熱😩😩由於佢放左舊火山石入個湯底度令到成碗麵既份量變得好少。至於個湯底佢係濃厚豚骨湯，我覺得佢好真材實料，因為佢真係濃度有d稠度，飲落去仲好似飲度d豚骨既膠質tim😆😆之後食既大阪燒同餃子

朋友將要到外地工作一後時間,在臨走前,他相約我到九龍城的浜滝敍一敍食晚飯. 雖然店舖不大, 裝潢有著日本風情,具有居酒屋感覺.首先點下小食及酒類飲品, 傾下計先【九洲產活生蠔】九州產活蠔,肉身豐厚飽滿,入口爽口鮮甜蠔,滲出海水味,凝繞海水氣息,已淋酸汁,令蠔味道更富層次,餘韻繞口.**【大阪燒餅】燒餅上放滿鰹魚碎,餅口感鬆化軟熟,內有菜蝦及魷魚等,口感豐富非常.**【螢光魷魚】第一次嚐螢光魷魚,有醃製過,有黏笠煙並有煙韌彈牙口感,與蘿蔔蓉一齊,令鮮味更提昇.**【炸小海老】 蝦炸得相當脆卜卜,連蝦殼一齊食,可因應個人口味來沾點檸檬汁或鹽,本人覺得不加沾點,也好夠味呢!是佐酒必點小食.**【吞拿魚】 吞拿魚上煙薰至是半生熟,具清幽的煙薰味,魚肉香甜,脂香迷人,配上有蔥及黑白胡椒點餟,令味道更出鮮美.**【自家制黑蒜拉麵】熱騰騰自家制黑蒜拉麵,渴口 好黑的湯底,很濃厚黑蒜豚骨味.粗身彎曲的麵條更容易沾附汁,有較黏韌彈牙.配料有叉燒、溏心蛋、紫菜及竹筍等.兩塊薄切肥瘦適中叉燒,肉質軟腍鬆化;已切開原隻溏心蛋,有半熟蛋黃漿綿密的口感.拉麵底放上熱石, 可幫湯底升溫及保住暖身.這款拉麵喜歡食濃郁