浜滝

營業中

休息中

今日去左間幾好氣氛的居酒屋，同朋友食少少野，飲返兩杯都唔錯，值得推介。大阪燒餅 $88暖笠笠的大阪燒餅，面層仲有好多木魚絲，扭吓扭吓，見到都想食。一啖食落去內容豐富，啖啖雜菜仲有不同配料，有層次的口感。味道絕對跟足日本傳統，可惜份量唔算多，double size 我都應該食得曬，因為真係超好味。生啤 $60此情此景，當然即刻啤啤佢，係來自 japan 的生啤。花魚燒一夜干 $88除左燒餅，去居酒屋我最喜歡食一夜干，貪佢夠曬風味。用鹽醃過的魚干，燒起上來又咸又香。表面香脆，但魚肉又一D都唔會乾。加點檸檬汁吊吓味，豉油都唔使點就食得。配上冰凍啤酒，真心冇得彈。花田鍋 $168見個名幾得意，叫來試試，原來係豚腩什菜㷛。一大盤娃娃菜排得好靚，仲有好多粟米同菇。中間夾雜著豚肉，真係成個盛開中的花田咁。湯底係濃濃的豬骨湯，冇味精好清甜，蔬菜索曬個湯底真係好美味。豚肉係腩位，半肥瘦，又香又滑，滾起真係好香。仲配上秘製的辣汁，點少少越食越滋味。店仔細細，但佈置同裝飾都好有心機。全晚播住日文歌，加上夠人氣夠旺場，好味又有氣氛，會再來。