貓咪貓咪HOME (已結業)

第一次去貓貓cafe🐱，望住咁多貓貓食野，佢地成日行尼行去聊人玩，真係好QQ！真心介紹呢個芝心西多士，好重芝士味而且有拉絲，8雖然好有罪惡感但真係不得不試！而2個闊條麵都調味調得好好，口感亦吾錯，剛剛好，特別中意煙三文魚，而且份量都吾小伽🙈！同埋如果幾個朋友去嗌個小食，再拎d遊戲玩下，同貓仔玩下又一日！

醉翁之意不在酒，在乎貓貓之間也！就在過年前，決定以後不再收利事，把新年收到的利事全數捐出，受惠機構就是香港群貓會。把支票送到貓會時，知道今年要助養的貓貓是有病的需長期吃藥，非常非常瘦，探望期間抱了他一小時，很乖的貓貓。臨走時義工說：「你鍾意就帶返屋企啦！」 好呀，我可以領養貓貓。但首先要有人領養我。希望多了解貓貓，去了貓 Cafe 探望貓貓。這裡有幾隻貓貓比較印象深刻，有的貪玩可抱可摸，有的細小精力充沛，有的文靜驚青，很是可愛，每一隻都各有特色！蕃薯貓貓：一隻有腸胃病的貓貓，舌頭經常外露，需要長期吃藥，膽小地特別縮在一角。朱古力貓貓：肥肥的一隻玳瑁，悠然坐在半身櫃上俯視著大局，不介意別人摸摸抱抱。芝心丸貓貓：全程都是陪食的貓，乖乖坐在餐牌上面，是盡責的小店員！玩了一大輪，是時候開始吃東西了～小食拼盤：雞翼，餃子，薯條，腸仔。一整碟的Party food，吃的是派對般的愉快心情。份量非常充足，跟貓貓玩一會兒又吃一會兒小食，十分襟吃。豬頸肉天使麵：卡邦尼汁好好味，用天使麵襯白汁好配合，每束麵條都沾到醬汁。卡邦尼本來已經有芝士煙肉，加上豬頸肉更加抵食。而且茄汁畫成的貓貓圖案很可愛，我很喜歡！

近年好似開咗好多貓貓cafe，鐘意貓貓嘅我今日突然發貓癮，所以黎咗依間cafe同貓貓玩。入去之前要除鞋先，以防帶埋啲細菌入去。日式麻醬吉列豬排烏冬（＄88）同貓貓玩之前要食飽先，我地叫咗店長推薦嘅日式麻醬吉列豬排烏冬，客人亦可選擇其他配料，有雞排、煙三文魚等。烏冬口感都算彈牙，同麻醬好夾，豬排唔會太油，調味亦唔錯，但就唔夠鬆化，有少少硬。芝士西多士（＄58）完全俾menu幅圖吸引，叫咗客芝士西多士，諗住流心芝士一定好正，上枱時覺得外型都幾吸手，金金黃黃，但切開一啲都唔流心連芝士都唔太見到，同食一般西多士冇分別，有啲失望。小食拼盤（＄88）至於小食拼盤，一睇就知超熱氣，有炸薯條、蜜汁雞翼、餃子同蜜汁腸仔。蜜汁雞翼同腸仔整得幾好食，雞翼好juicy，腸仔有啲芝士 但薯條就冇咩薯味，好重麵粉味，同好硬，應該炸得有啲過弄，餃子都煎到燶燶地，塊皮勁硬。食完野終於可以同貓貓玩！依間cafe都算多貓貓，應該有十幾隻，比之前去嗰啲多。依隻貓貓真係好百厭！成日上黎偷人野食，所以建議盡快食哂啲野先玩貓貓！

最近小妹真係愈黎愈愛上貓了，感覺自己開始快變成貓癡! 每次見到佢地傻傻可愛的樣子，真係什麼煩惱都拋開了! 仲記得以前貓Cafe算係一種比較新穎的主題餐廳，經過多年黎，香港的貓Cafe也開始多了不少，光是熱門多人的旺角都有幾間，就好似小妹今晚去了其中一間「貓咪貓咪Home」，Cafe名稱改得好聽又特別，超易記的。.店子係樓上鋪，一入到去記得要除鞋後把鞋放在鞋架，仲要記得用消毒液消毒雙手才同貓貓玩啊! 環境就好似一般Cafe的格局，排了不少檯櫈，整個感覺有點迫狹，對於貓Cafe，小妹還是較喜歡能坐在地上和貓貓們玩耍。.另外，小妹也很喜歡這裡的貓相牆，看著不同角度的貓咪，這幅牆很美!.餐牌上有寫明了每人的最低消費和用餐時間為90分鐘，大約八點多，客人也愈黎愈多，最好還是先訂的位比較穩陣。.旁邊也有提供用黎和貓貓玩的玩具。.這次被安排坐的位置，一坐下已經發現有隻名叫「蕃薯」的可愛貓貓坐在隔離了，知道貓貓一向睡的時間都頗長，所以從小妹坐下到離開，「蕃薯」都一直在睡，偶然還會起身洗洗臉，很過癮。.Cafe內還有不少咪貓，大多都在睡覺，感覺很懶洋洋沒有煩惱的，真令人羨慕!.這隻黑色的貓咪樣子很英偉呢

貓咪貓咪Home －值得支持之愛心貓咪Home2016.03.10 Pre-Dinner聽說於旺角鬧市中開了兩間收容流浪貓的餐廳，作為貓痴，當然要拜訪一下～是日天氣非常寒冷，下班後便馬上來這裡，出電梯後右手邊便看到這個明顯及有心思的門面～門外店外很清晰例出辦工時間，推門時有指示提醒客人門後會有貓咪，小心輕推；進去後便是一小小玄關，有兩個鞋架供客人們脫鞋後擺放，鞋架旁有一小桌提供消毒液供客人使用，於地上有指示提醒客人要先脫鞋後消毒雙手，對於沒有養貓的客人來說，這些提示很貼心呢，因為客人都於外面進來，很容易把細菌帶給貓咪，這一切都是用作用保護貓咪用的，各位切記要遵守喔！店內貓咪 一進餐廳，感覺非常溫暖！與街外冷冰冰成了很大對比，難怪各店員也只穿短袖上衣；入門位置放有溫度計，相信是用作留意室內溫度，唐貓的毛很薄，溫度較低時容易著涼，相信店的溫度也因此而特別溫暖吧？店內有很多貓貓，似乎全部也很習慣有客人進進出出，沒有很緊張的感覺～而且店內還提供玩具供客人逗貓，讓客人及貓咪也可以開心一番～店內貓咪很治癒吧？看著貓咪們倚偎而睡，感覺很溫暖～店內貓咪 除了貓樹外，還有這張皇后椅，讓貓咪們可以貼在一起

寵物cafe依家越來越流行，特別係貓貓cafe，係旺角已經最少有3..4間。而呢間「貓咪貓咪Home」有2間店舖，相信一定有過人之處，所以我同一位貓奴朋友就上左去玩。一入到去，店員會叫我地先除鞋同清潔雙手先，之後就安排我地坐低。地方唔算好大，不過乾淨整齊同闊落。呢到好貼心有wifi同board game提供比客人，而且仲可以購買貓咪小食去餵佢地，但就每枱限時享用90分鐘！時不宜遲，我地就叫左個小食拼盤同香濃芝士雞翼。拼盤都有好多款野食，有薯條、餃子、蜜汁雞翼同蜜汁焗腸腸，夠哂兩個人share不過令我諗起茶餐廳嘅下午茶。薯條、餃子炸到好香脆，餃子入面嘅肉仲有少少肉汁爆出黎但最正都係蜜汁雞翼，皮烤到微脆，而且成隻都沾上甜甜嘅蜜糖但香濃芝士雞翼就令到我地失望喇雞翼雖然都係烤到微脆，但係有滷水味滷水同芝士一啲都唔搭配，兩樣撈埋一齊，就有好奇怪嘅味道。之後我睇到Meun有個set係有果茶同兩個甜品，好似幾抵食，所以叫左一個。個名仲好得意，叫如果這是茶Set，個set跟水蜜桃花茶、雪山心太喵同是日蛋糕。我見有抹茶紅豆蛋糕，所以急不及待就揀左！水蜜桃花茶有好香嘅桃味，但味道就岩岩相反，清清淡淡，一啲

今日（年初四）是學校假期，豆丁不用上學。豆丁放假，就輪到大人十分 頭 痕 ！要計劃哪裡有好玩好吃呢！幸好朋友介紹一家貓CAFÉ，保証滿足大人細路咁話。其實豆丁只要有得食，有得玩，加上有豆丁喜歡的貓貓，貓CAFÉ又真係諗得過。先致電餐廳查詢，原來是每人最低消費几十元，可以無限時任玩。今日準時來到餐廳門口，貼滿貓貓的照片。豆丁知道裡面有貓貓，表現得好興奮呢！還是先跟豆丁說明逗貓的規矩： 要溫柔的摸，由貓頭向貓尾的方向，順著貓毛來摸， 不能亂喂食物， 不可大聲向貓貓呼叫。 仲有好多好多............. 豆丁肯遵守規矩喎！ 大家可以進去了。原來為保護貓咪，客人要脫鞋及著襪子。自己無著襪呢！幸好餐廳有貓貓襪子提供，每對十元，價格合理。　　看過餐牌，向職員下單後，大家已奔向一團團的貓貓了。真係好多貓呀！ 有的圍在一起睡覺， 有的仍處於半夢半醒狀態， 在枱面坐著， 有的在枱底， 有的在旁監視著客人一舉一動！貓耳朵很乾淨，內裡粉紅色，没有黑色污垢。還有粉紅色的肉枕，平時應該不用走路吧！ 做貓好幸福呀！！　 　　小食拼盤　薯條，蜜汁雞翼，餃子，蜜汁焗腸腸　　　雞

農曆新年小店通常都會休息幾天, 唔知係唔係因為要照顧貓咪關係, 呢間餐廳大年初一都照常營業. 我地夜晚六點去到, 餐廳幾乎全滿, 每枱都係為貓咪而來, 重點係同貓咪玩耍加影相. 食嘢係其次. 呢間餐廳有最低消費限額, 唔同時段金額唔同, 一般嚟講黃金時段每人八十蚊, 食碟嘢加杯嘢飲應該都夠.果晚去到貓咪初頭全部瞓哂覺, 去到中段人多咗貓咪被嘈醒, 開始走嚟走去, 不過貓咪對陌生人如我比較高竇, 對熟客就熱情啲. 其實睇人地同貓咪玩我都會滿足, 冇乜所謂.貓咪Cafe既然主角係貓, 對食物要求就唔可以太高. 先嚟蜂蜜玫瑰花茶, 佢用蠟燭仔溫熱著, 茶底應該係山楂, 加幾朶紅玫瑰, 不過佢啲唔係滾水, 冲唔出玫瑰味, 變咗飲山楂茶, 仲好快凍.煙三文魚日式麻醬烏冬, 碟邊用茄汁畫咗貓咪樣同貓抓, 食味都唔錯, 加咗麻醬汁烏冬食落好滑溜.食完烏冬等咗好耐, 差不多一個鐘, 先炸好小食拼盤. 其實每枱都有叫小食拼盤, 不過佢好似逐碟整. 小食拼盤新鮮炸好好熱, 蜜糖雞翼有三隻, 雞翼甜甜地又有肉地, 味道ok. 蜜糖腸仔都幾好食. 炸薯條好似翻炸, 粗薯條內有薯肉, 如果唔係翻炸應該會更好.