The Grill Room (The Humphreys)

營業中

休息中

朋友建議來到尖沙咀爵寓的The Grill Room午餐，這間以炭燒食物為主打，餐廳融合法國和澳洲兩國菜式的扒房，用料上乘，賣相吸引。餐廳以開放式廚房設計，讓顧客可看到廚師的烹製及燒烤高品質肉類的過程。歐陸式風格的裝修，環境舒適寫意！餐牌主菜選擇有紐西蘭肉眼扒、澳洲和牛漢堡薯條、香烤雞胸肉配沙律、意大利飯/麵等，款款都吸引。另加$18配餐湯，蕃茄湯賣相很好看，質地有少少濃稠，散發陣陣蕃茄香，味道酸酸甜甜，很開胃。燒紐西蘭8安士肉眼扒配烤蔬菜        $188牛扒確實好大塊，燒烤至外層焦香，肉質鮮嫩，牛味特別濃厚，食起來有嚼勁，充滿牛香味，點上自家製醬汁，味道層次提升。配合爽口的花椰菜，蔬菜新鮮，搭配特色。燒豬梅頭扒 配 薯條        $108這碟帶濃濃醬汁的豬梅頭扒，口感非常軟，肉質鮮嫩，味道濃郁，外脆內軟；配搭新鮮即炸的薯條，香口吃不停，越食越惹味。忌廉牛油蒜香雜菌      $58超濃厚的忌廉汁，啖啖蒜蓉牛油香味，菌菇鮮爽，連醬汁拌勻一齊食，一口接一口，太美味啦！跟餐加甜品$20，蛋糕質地鬆軟，面層是蛋白製成的慕絲，最底是海綿蛋糕，微酸甜的味道，食完不會覺得膩，口感輕盈

星期四夜晚係尖沙咀搵野食，發現開係樓上嘅The Grill Room 餐廳入面裝修得幾有格調，氣氛唔錯😍半開放廚房設計，坐係吧檯更可欣賞bartender調酒過程以至廚師烹調工序 經sevenrooms book枱仲有discount添❤️ 🥣是日餐湯 $58 餐湯表面有忌廉拉花點綴，賣相吸引 入口蕃茄味濃厚而微甜，口感綿密細滑 🍄忌廉牛油蒜香雜菌 $58 菇味十足，忌廉牛油濃汁令味道更加圓潤有層次配上經烤焗嘅法包，口感鬆脆夾埋一齊食味道油濃厚之餘更可以中和油膩感，好味🤤 🐓葡式香辣燒春雞配黑松露薯條沙律 $238 沙律伴以酸醋，口感清爽 原隻燒春雞份量十足，燒春雞肉質鮮嫩，切開仲有肉汁/雞油流出 雞皮香口，食出烤焗滋味，配上香辣醬味道更加豐富 黑松露薯條，入口滲出淡淡黑松露氣味，唔會濃到遮曬薯條味  🍖紅酒自家製燒烤汁燴羊膝配黑松露薯蓉 $268 露荀薯蓉伴碟擺盤精緻，羊膝烹調得十分軟熟，可以輕易切出羊膝肉，入口鬆軟 羊肉只餘微微羶味，伴以黑松露薯蓉口感更佳 總結而言係一間食物有質素而環境令人享受嘅餐廳👍🏻

之前去過銅鑼灣The Grill Room覺得幾好，所以今日帶咗朋友去試佢尖沙咀嘅分店，果然保持到水準。首先叫咗北海道刺身帶子沙律，菜色鮮味開胃。刺身帶子搭配青蘋果同三文魚子，俾人一種清新的感覺。由於太肚餓，我哋仲叫咗配菜忌廉牛油蒜香雜菌同黑松露薯條。黑松露薯條絕對係粗薯條愛好者的最愛，炸得夠香脆，搭配黑松露的香氣。忌廉牛油蒜香雜菌配上口感軟熟烘多士，每啖散發住濃郁的香菇味。作為主菜，我們揀咗燒美國安格斯肉眼扒配黑松露薯蓉，配上意大利香草汁同燒汁，嫩滑的松露薯蓉香氣十足，肉眼扒夠厚身，食落去啖啖肉，非常滿足。我們仲叫咗鹽味焦糖汁燒豬腩肉配青蘋果沙律，豬腩肉口感豐富，有烤到焦香嘅外層，又有一層脂肪帶出油脂感，亦有結實嘅肉地。豬腩肉配咗沙律即刻冇咁大罪惡感，仲增添了一絲清爽去膩的口感，令整道菜更加平衡。朋友好口渴，一坐低就話要Peroni。我就試下佢啲cocktail啦，叫咗一杯Passion Mar Tea Ni，口感非常清新。朋友見我飲得咁開心又追加咗杯西瓜based嘅cocktail，甜甜地好適合女仔飲。最後我哋仲叫咗個朱古力心太軟，因為用咗78%朱古力所以唔會太甜，作為飯後甜品啱啱

放工和朋友食好西，去左依間樓上高質西餐廳，環境優雅而寧靜，美食選擇多，而且非常高質，前菜好多都好吸引，一次過食晒的確幾滿足的。新鮮黑松露巴馬火腿配露筍温泉蛋沙律 $98賣相精緻，露荀幼嫩爽脆，而鹹香的Parma ham呈捲筒狀，搭配了溫泉蛋和新鮮黑松露片，蛋液令口感cream，亦嚐到黑松露芳香。忌廉牛油蒜香雜菌 $58大量雜菌加上濃稠的忌廉汁，菇菌味十足，配上超鬆脆的法包，唔會好膩，非常美味。三文魚他他配香草乳酪汁 $148將煙燻和新鮮的三文魚切成粒狀，加入酸甜開胃的香草乳酪汁和温泉蛋，口感軟滑輕盈，同樣配上香脆的法包，美味滿足。烤鐵板燒汁吞拿魚配溫室青瓜車厘茄水牛芝士沙律 $138肥美的吞拿魚厚切，魚肉色澤鮮明，口感軟滑，外邊燒至半熟口感較煙韌，配埋爽脆的青瓜、酸甜多汁的雙色車厘茄和淡味而煙韌的水牛芝士，口感味道豐富，健康又美味。香煎北海道帶子龍蝦汁扁意粉配三文魚籽 $208帶子大粒口感軟彈，香煎表面焦香四溢，扁意粉軟硬度適中好掛汁，龍蝦汁好香濃，幾粒三文魚籽增添鮮味。

放假去咗尖沙咀行街，突然好想食西餐，一於試試佢🥰餐廳裝修有格調，而且闊落。當日去到都有兩枱12人家庭做聚會，絕對坐得舒適🥳Menu可選Set Dinner 或者單點，因為想揀自己中意食嘅，所以最後都揀單點☺️—————————————————————————NZ ANGUS RIB EYE🥩 ($408)燒紐西蘭安格斯肉眼扒配黑松露薯蓉叫咗五成熟🥩食落去有炭香味之餘，亦都鮮嫩多汁💦薯蓉夾雜好香嘅黑松露，食落十分綿滑，而且亦好飽肚🤰忌廉牛油蒜香雜菌🍄（$58）一上菜就聞到牛油蒜香，再將雜菌配上法包一齊食，口感非常好😍😍又爽口又鬆化😋😋😋三文魚他他配香草乳酪汁🐟（$148）呢個配搭幾新鮮特別，三文魚肉混合魚子、蛋汁，再配酸酸甜甜嘅乳酪汁十分開胃。Drinks🥂Tropical Punch🍹（$68）味道飲落唔算甜，正常嘅果味Strawberry Lover🍓($68)身為🍓愛好者當然要試試佢，飲品用不同莓汁溝成，顏色偏深色，飲落都偏甜，冰溶咗之後味道就恰到好處。—————————————————————————推薦指數⭐️⭐️⭐️⭐️📍The Grill Room (The Humphreys) (

好耐之前都嚟食過，今晚再約朋友嚟到尖沙咀嘅The Grill Room，離地鐵站出口行5分鐘左右就到啦～ 店內環境舒適，差唔多都坐滿曬客人，好彩我哋一早訂咗位。喺 sevenrooms 訂定枱，仲有優惠，慶祝生日聚會就啱曬啦～✨慢煮鮑魚配日式醬油意大利飯第一次試日式風味嘅意大利飯，估唔到充滿驚喜👍 三隻鮑魚都好大隻，唔單止好腍，而且仲好入味。意大利飯入面有洋蔥，配埋甜甜嘅日式醬油，味道濃郁，充滿口感。✨燒澳洲帶骨豬扒配香茅芥末籽忌廉汁豬扒肉質結實鮮嫩，配上芥末籽忌廉汁，調味啱啱好，配菜仲有蘆荀同焗薯，入口清新爽甜。✨忌廉南瓜湯🎃南瓜湯味道香濃，口感綿滑，啖啖都有南瓜蓉，仲有我最鍾意嘅南瓜甜味！✨忌廉牛油蒜香雜菌 牛油忌廉雜菌嘅組合都係我最愛😍 配上外脆內軟嘅法包🥖，將磨菇雜菌放喺法包上面，好滿足呢！✨78%朱古力🍫心太軟朱古力心太軟，一切落去就有流心嘅效果，朱古力🍫味極濃！

尖沙咀The Grill Room 環境適合朋友聚餐、happy hour飲野同約會。重點係記得book 枱，每次晚飯時段都座無虛席。如果經 SevenRooms book枱，仲可享有 7折優惠㖭。是日餐湯忌廉磨菇湯$58。以新鮮蘑菇打碎加入忌廉，十分香滑，再加上幾滴黑松露油點綴簡直係畫龍點晶，用心製作！前菜忌廉牛油蒜香雜菌$58。牛油同蒜蓉絕配，麵包鬆脆。鹽味焦糖汁燒豬腩肉配青蘋果沙律$218豬腩肉肥瘦適中，皮脆肉嫩。配以蘋果沙律十分清爽。香煎北海道帶子龍蝦汁扁意粉配三文魚籽$208北海道帶子新鮮，好大粒，香煎火候剛好。扁意粉質地剛好，龍蝦汁好香濃，加上三文魚籽鮮味十足。朱古力布朗尼配法式馬卡龍$88熱辣辣布朗尼配以雲呢拿雪糕，簡直係完美嘅飯後甜品。

小妹近來常用sevenrooms book 枱食飯，有時會有餐飲優惠。今次搵到呢一間位於尖沙咀The grill room的西餐廳，經Sevenrooms book 枱有7折，相當吸引。所以同知己決定一試😊一入門口感覺清新優雅的感覺，裝修簡約，暗黃的燈光，環境非常輕鬆舒適🥰坐位尚寬敞，不會太逼夾。梳化座位，開放式廚房，透明度高。🐖鹽味焦糖汁燒豬腩肉配青蘋果沙律 $218最給驚喜竟然係配菜青蘋果配上杏仁片，爽口咸襯上杏仁甜味，味道非常清新有驚喜。清新味道後再來醋汁沙律沾上鹽味焦糖，口味再多一層。主角燒豬腩肉，首先由燒至脆口的豬皮咬落去，先脆卜卜途中經過軟身而不油膩的脂肪層，最後到肉汁滿滿的豬腩肉。口感層次豐富難忘。小妹推薦的菜式👍🏻🦪香煎北海道帶子龍蝦汁扁意粉配三文魚籽 $208帶子厚肉，表面經火焰略略燒至舖黃，配上配上葱花點綴，吸引色慾。龍蝦汁味道濃郁，每啖扁意粉都有豐富的汁沾著，味道一流！🍄忌廉蒜香雜菌 $58香滑忌廉雜菌配麵包當頭盤無揀錯🍫朱古力布朗尼配法式馬卡龍 $88馬馬龍外層酥脆，內層綿密的豐富口感。布朗尼質感較為硬身結實，朱古力味相當濃 ，但甜而不膩，粒粒果仁更能增口感。🍪

同女朋友去開尖沙咀，想食西餐，就去咗呢一間樓上鋪嘅The Grill Room。————————————一上到去侍應就安排咗我哋坐吧枱，將紙枱布仔Menu，簡單易睇咁同我同女朋友總共嗌咗三樣餸，嗌咗個side dish忌廉牛油蒜香雜菌。一嚟到就聞到好香嘅磨菇味，而且仲配埋法包，而且牛油同埋蒜蓉味好香。我就將啲磨菇放上法包一齊食，軟淋嘅菇加試鬆脆嘅法包，個口感非常好。之後就係牛扒配黑松露薯蓉，牛扒我就嗌咗medium rare，啲牛肉好粉嫩，而且唔會太油又唔會太乾，好多肉汁。另外，個黑松露薯容好creamy ，每啖食落都有黑松露味。十分推薦！最後就係意粉，佢嘅龍蝦味好重，但同時又唔會太濕同太乾，意粉軟硬度適中，而且帶子都好大粒，又唔會煮得太生熟。————————————以高級西餐廳嚟講，The Grill Room唔算太貴，性價比幾高，如果手嚟呢度食一定要嗌牛扒同意粉！

橫風橫雨咗兩日⛈難得今日天氣好番少少👀梗係要捉緊機會出尖沙咀行吓👭嚟到K11🛍朋友介紹附近有間高質西餐廳🤩環境清幽愜意🍀好舒服好chill🥂非常適合同朋友把酒談心💞🌟𝗦𝘁𝗮𝗿𝘁𝗲𝗿𝘀🌟🐠𝕊𝕖𝕒𝕣𝕖𝕕 𝕋𝕦𝕟𝕒 𝕊𝕒𝕝𝕒𝕕 ($138)🥗ᴄᴜᴄᴜᴍʙᴇʀ, ᴄʜᴇʀʀʏ ᴛᴏᴍᴀᴛᴏ, ᴍᴏᴢᴢᴀʀᴇʟʟᴀ ➿烤鐵板燒汁吞拿魚➿配溫室青瓜車厘茄水牛芝士沙律賣相相當吸引😽厚切吞拿魚油脂豐富✨燒得恰到好處🔥青瓜新鮮爽脆🥒雙色車厘茄酸甜多汁🍅再以含淡淡奶香味嘅煙韌水牛芝士作點綴🥚味道層次相當有驚喜👏🏻🌟𝗦𝗶𝗱𝗲𝘀🌟🍄𝕄𝕦𝕤𝕙𝕣𝕠𝕠𝕞𝕤 ($48)🧈ᴄʀᴇᴀᴍ, ʙᴜᴛᴛᴇʀ, ᴏʀᴇɢᴀɴᴏ, ɢᴀʀʟɪᴄ➿忌廉牛油蒜香雜菌大廚將各種菇菌混入忌廉牛油內👨🏻‍🍳口感香滑豐富😋野菌味相當濃郁🙌🏻伴隨住外脆內軟嘅法包一同入口🥖令人回味無窮💋🌟𝗠𝗮𝗶𝗻𝘀 𝗳𝗿𝗼𝗺 𝘁𝗵𝗲 𝗦𝗲𝗮🌟🍝𝕊𝕖𝕒𝕣𝕖𝕕 𝕊𝕔𝕒𝕝𝕝𝕠𝕡 𝕃𝕚𝕟𝕘𝕦𝕚𝕟𝕖 ($198)🦞ʟᴏʙꜱᴛᴇʀ ʙɪꜱQᴜᴇ, ꜱᴀʟᴍᴏɴ ʀᴏᴇ➿香煎北海道帶子龍蝦汁扁意粉配三文魚子扁意粉軟硬度適中👍🏻而且相當掛汁🤠每條都沾滿香濃creamy嘅龍蝦汁💁

星期日訓飽出去食早午餐，一份西餐All day breakfast閒閒地一百幾十蚊一份。倒不如同樣價錢吃得豐富另類一點1200唔遲唔早，個肚剛剛好"餓"了, 先來一份前菜忌廉牛油蒜香雜菌＄48及蒜蓉牛油烤蔬菜＄48,打打底兩道前菜同時上台，感受到熱辣辣香噴噴的氣氛。忌廉牛油加上蒜香交雜，單是氣味已經令人口水流。忌廉牛油蒜香雜菌香滑爽口，忌廉與牛油平衡得宜，配上香脆多士吸收了忌廉牛油汁吃完一塊又想吃多塊蒜蓉牛油烤蔬菜用的是白椰菜花，簡簡單單的蒜蓉炒一炒，好清爽的配搭。葡式香辣燒雞配黑松露薯條＄238好大份呀成隻燒雞，真係有齊兩隻雞脾，兩只雞全翼。外層灑滿了葡式香料，香而不辣，燒雞烤得色澤均勻飽滿，兩隻大雞脾啖啖肉而且肉質嫩滑，旁邊的黑松露薯條 隱約散發著黑松露的香味，粗幼大小適中，外脆內軟，讚 ! 雖然只是叫了一份主菜，但份量十足，我與朋友二人也吃得十分飽

作為The Grill Room嘅回頭客，當然要試哂唔同分店啦🤣佢嘅好處係港島同九龍都有分店，咁去到邊想食都好方便😋-之所以回頭，係因為The Grill Room嘅性價比唔錯，而且食物質素高👍🏻🤤所以每次想食西餐，其實都會諗起The Grill Room💡💡❤️-1.鹽味焦糖汁燒豬腩肉配青蘋果沙律 🥗 $218呢個真係好好食😆係銅鑼灣分店試完真係一試難忘🤣👍🏻佢嘅豬腩肉唔會肥到成口油，反而啲肥位仲會帶出油香😍最鍾意食佢嘅皮，完全係卜卜脆😋焦糖汁十分出色，配搭出黎鹹甜得宜🤤-2.巴馬火腿配溫泉蛋黑松露露荀沙律🥗 $78作為頭盤開胃菜好適合👍🏻佢係凍盤，幼身嘅露荀食落一啲草青味都冇😍加上鹹香嘅Parma Ham同溫泉蛋，同就咁食露荀嘅味道係完全唔一樣😆-3.香煎北海道帶子龍蝦汁扁意粉配三文魚子 $198呢個意粉好creamy😋龍蝦汁味唔算好濃，不過勝在每條意粉都掛到汁，所以好夠味😍帶子煎得💯好好👍🏻唔會過熟，而且好鮮甜😍-4.黑松露薯條 $48黑松露薯條係The Grill Room必叫的🤣今次好好彩見到廚師點整，原來係將薯條🍟加上黑松露醬係個不鏽鋼盆到撈混，唔怪得之每條薯條都有黑松露痴住

與一段時間沒有見面的友人相聚，選了這間餐廳。七時多入座，餐廳已非常熱鬧，只餘下兩個吧台位，沒有多等，便坐在這裏。這次友人說要試試新食物，放棄以往點的牛扒。是日餐湯甘荀湯($58)，顏色跟南瓜湯一樣。湯入口綿滑，甘荀的味道較清淡，店員灑上黑胡椒碎，為湯增添一點香氣。Rainbow Smoothie ($78)用上雜果、牛奶和乳酪製成，杯的外圍頂層灑滿彩色糖粒和朱古力醬，加上頂層的忌廉，色彩繽紛。賣相吸引，味道更吸引。柔滑的牛奶與乳酪，配上香甜的果醬，攪拌喝甜而香滑。友人說在餐湯與Smoothie之間選擇，Smoothie略勝一籌。在夏天來說，我更喜歡Smoothie的香甜。然後是香草白酒青口配黑松露薯條(1/2kg)($238)，黑松露薯條要熱食，凍了會變軟。黑松露碎片灑到香熱薯條上，如不蘸任何汁，便能嚐到最原始的熱薯香和微微的黑松露香。青口肉飽滿多汁，口感甚佳。青口加入白酒和香草，再擠點檸檬汁，更突出青口的鮮甜。還點了一個忌廉牛油蒜香雜菌($48)，忌廉為主的汁與爽滑的雜菌混合，配上兩片脆麵包，作為前菜吃，份量頗多。最後是廣島蠔芝士煙肉薯仔批($188)，焗需要長些時間。廣島蠔被芝士覆

今晚同朋友黎chill一下。間中都要食返餐好味既。呢間餐廳位於樓上店，一出lift已會見到餐廳。餐廳內部座位數目都不少的，而且仲會清楚望到廚房內部，可以睇到煮野食既情況，香噴噴，愈睇愈開胃同想食。是晚我同朋友安排坐於吧檯座位，面對著廚房，所以一邊睇住廚師煮野食，一邊再望下餐牌，再睇睇想食咩。睇過餐牌後，決定點幾款食物一齊開心share。首先呢款紅酒燴羊膝配自家製燒烤汁配黑松露薯蓉，真係好有驚喜。除左羊架外，我都係第一次食羊膝，肉好腍身，一切下好容易切開，而且肉質好好味，好入肉，羊味好香，汁都好惹味，而且仲啖啖肉，好滿足。好鍾意食呢款羊膝，沒有羊架那種厚實感，但卻有另一種肉質同口感，好值得嘗試。黑松露薯蓉都好幼滑，好好味，黑松露好香，略嫌薯蓉好似太少，又或者太好味，有點點唔夠喉感覺。另外一款主食都香噴噴好惹味的，就是香煎北海道帶子龍蝦汁扁意粉配三文魚籽。味道及賣相都好吸引，首先上面鋪了三隻大大粒香煎帶子，好夠份量的，好好味，又鮮甜又肉厚，超滿足。另外龍蝦汁好濃郁好好味，拌上了意粉好入味，又香又濃好惹味，意粉都彈牙爽口。仲有少少三文魚籽，唔錯唔錯。呢款牛油蒜蓉雜菌都唔差的。一兜份量不少既少

呢場抗疫持久戰不經不覺就快一年了，希望快啲疫情好轉，大家聖誕節都可以出街慶祝啦🥳。 The Grill Room 環境氣氛優雅，都幾適合三五知己、聖誕聚餐，食物質素都有返咁上下。#忌廉牛油蒜香雜菌濃稠嘅忌廉汁與雜菌融為一體，好香好爽脆。仲有兩塊法式麵包，可配合雜菌一齊食，軟硬兼施。#燒美國安格斯肉眼扒 配黑松露薯蓉見到呢塊16OZ巨型肉眼扒，口水都流晒出黎！非常厚切，七成熟肉汁豐富，肉質幼嫩帶有脂肪，令味道更出眾。#香草鮮茄紅酒燴牛肉扁意粉牛肉被紅酒燴得好入味，口感軟稔。有4-5舊牛肉，意粉份量都算多。加埋蕃茄醬酸酸甜甜，食落都幾開胃。#朱古力布朗尼 配法式馬卡龍未到聖誕節就有聖誕節嘅decoration，好有節日氣氛。布朗尼味道濃厚，口感似加咗餅乾嘅朱古力蛋糕。原來仲跟埋雲呢拿雪糕，最重要係有一粒馬卡龍，賣相可愛特別。