Mother of Pizzas

營業中

休息中

Mother Of Pizzas係銅鑼灣好出名嘅人氣Pizza店，就算平日7點去食都有好多人排隊～雖然用餐時間限咗75分鐘，但係上菜速度超快，落單後10分鐘內就有得食，所以翻桌速度其實好快😂我哋都只係食左45分鐘左右～💡有個小建議係如果食兩個pizzas/食埋garlic cheese bread嘅話，可以分開兩次落單，因為一次過上晒但食唔切嘅話，凍晒就無咁好食喇😣•🥢 意大利肉丸 Italian Meatballs $118雖然睇落好細碗(普通餐湯碗嘅size)，但入面都塞咗大約十粒肉丸，再淋上滿滿嘅番茄肉醬同灑上芝士碎～肉丸嘅牛肉味香濃，配埋濃味得黎帶少少酸嘅番茄肉醬，好惹味又開胃，都好有驚喜😍😋•🥢 香蒜芝士焗麵包 Garlic cheese bread $138一上枱就聞到好香蒜味，中間放咗用黎點麵包嘅醬，係一款偏淡味嘅香草番茄醬，個人認為唔點醬都已經好夠味～呢款麵包口感比pizza嘅批底厚身同軟熟，蒜蓉應該混左喺麵包入面焗，因為咬唔到明顯蒜蓉粒。另外，可以食到兩種口感嘅芝士，一種係中間比較軟滑可以拉絲嘅，另一種就係表面烘脆咗嘅，兩種都咁正🤤不過蒜蓉味有啲太濃，有啲蓋過咗芝士嘅

🍕😋🍕😋🍕😋鍾意食 Pizza 嘅我估都會聽過 Mother of Pizzas ，而我雖然唔算特別鍾意，但黎開銅鑼灣，又見咁耐冇食 Pizza ，一於試下佢！等候：呢度我估除左 Pizza 大件出名外，佢嘅等候時間亦出哂名咁耐... 我哋星期六晚大约8：15去到，都要9：15先正式入到去坐低，而之前成個鐘都只可以係門口排隊，冇得拎飛仔行下街等。不過等候過程職員有派下可樂，又有大風扇吹下，排到去第一二位餐廳門口仲有部街機比客玩，可以免費打下街霸，總好過乜都冇。但係如果有得拎飛相信會好好多！餐廳環境：地方都算大，主要而陰暗嘅格調做主題！食物：我估入到黎唔洗多講，都係食 Pizza 架啦，但通常食 Pizza 都會比較單一，得一種味，但呢度你可以以一個價錢一塊 Pizza 食兩種味，一次滿足你兩個願望，真心贊！今次我就試左超級撒亞人肉腸同埋愛的夏天1967兩種味，個人比較鍾意愛的夏天1967，認為口味層次較多，加埋菠蘿仲帶出一種清新感覺。餐牌：主要以 Pizza 為主，但都有沙律同意粉可以叫，餐廳仲有唔少啤酒可以揀。

早排睇左Youtuber的介紹，佢極力推介呢間位於銅鑼灣的Pizza店，今次同朋友一行7人就決定一試。朋友係7:30前已經去排定隊，最後我們係8點到就有位了。餐廳係門口掛住個Notice，話8點未排到入餐廳內，就未必有位了，所以有心去食的大家，請盡早了。餐廳內不大，目測有20個位到，難怪要排咁耐隊。環境暗暗地，播住的音樂有少少嘈。一共有11款的Pizza味道可以選擇。如果大家同我一樣，咩都想試下的話，可以揀一半一半配料都可以(唔洗另外加錢)。除左Pizza外，仲有好多人都推介的香蒜芝士焗麵包、沙律、小食、意粉。價錢亦唔算特別貴。當大家決定食咩後，就要自行行到門口的Cashier落單。Cashier旁邊就係Pizza烤爐，職員就係用呢個特製的烤爐去烤Pizza了。意大利肉丸的Portion睇落有D少，$98八粒肉丸。不過茄味都幾燶，不過如果多人食的話建議叫多份。另外，我們仲叫左一份粒粒鮮茄芝士沙律。以意大利牛奶芝士配合車厘茄及新鮮沙律菜，食落唔錯，不過我個人認為個Basil特濃香醋落得多左少少，稍為蓋過了材料的味道。我們有7個人，決定叫兩個(小)13吋的薄餅。由於想試多幾款Pizza味道